28

هكذا تمر بمنا الأيام ،

ولكل شخص نصيبه من الحياة ..

المشاكل تصبح مثل الشوك في طريقنا .. 

ولابد من حلول لتخلص من هذا الشوك !!

وتستمر الحكاية 

.

.

بعد إسبوع ..

[ عنود مآزالت تروح الجامعه وكل يوم هواش مع جاسم علشآن الجآمعه والأوضاء تسوء في البيت أكثر وأكثر ..

أما اليازيه فكانت محتاره ترجع عند أهلهآ ولآ لا والظاهر بترجع .. 

ندى تحاول ترجع العلاقه بينها وبين أمها مثل قبل وتنسى إلي صار وتتقبل الواقع ،، وأمها بأدت تفكر أنها ترجع لعبدلله ..

.. عواش وعبود بعدهم يضاربون بس الغريب أن عبود تغير وماصار يستهبل شرات قبل ، وحمد بعده يتابع المشروع 

مع استيفن وشوي شوي يتقدمون في إنجآزه .. 

ربع حمد يحاولون يحصلون حل علشان يرجع حمد معاهم شرات قبل .. بس كل محاولاتهم تفشل .. وحمد بعده مصر على قراره 

عمة اليازيه مريم حامل و وايد مستانسه إهيه وريلهآا وتكلم يزوي على طول .. وفطوم بنت خالة مهره كلمت مهره أن حمدآن

بيخطبها بس مهره مب طايعه وتقول ماتبي تجربتها الأولى فشلت وماتبي تتطلع مرتين ..

.

.

"الصبح" 

[ عند عنود..

يالله إن شاء الله أخلص يارب توكلت عليك ما أريد أخلي الأيام إلي راحت والتعب تروح على الفاضي ..

أوه صح قلت بمر المستشفى اليوم وعقب بروح عند يزوي فديتها والله لو تكون من نصيب حمد بستانس بعد محد يدري شو بيصير ..

[ في الشقه ..

يالله بسرعه البااص بييه بتأخر .. شليت شنطتي وظهرت من الحجره ..

شفت أميه : صباح الخير ..

أميه : صباح النور ليش مب قايمه من وقت .. يالله تعالي تريقي ..

قلت : لآ ماأريد بيطوفني الباص يالله مع السلآمه .. وظهرت 

[ عند حمد ..

وصلت الشركه ، ورحت مكتبي شفت نايس يالسين ويتريوني ووقفوا لما شافوني .. 

لمحت الشرار في عيونهم وكأن الكلام في عيونهم مب بلسانهم .. تجاهلتهم ورحت يلس مكاني وشغلت اللاب

وقلت وأنا عيوني على اللاب مرت أقل من دقيقه قلت : خير في شي ؟؟ إذا ماعندكم كلام خلوني أخلص شغلي وإتفضلوا برع ..

....... : حمد أنا وفهد ..

قاطعت عليه : ما أريد أسمع شي ..

فهد : شو تبينا نسوي أكثر من إلي سوينه لك ؟؟

رديت ببرود : يعني تعرف أن ماشي فايده ليش مصر على الموضوع كل واحد يكمل طريجه ..

محمد : يعني إنت ماتدري ليش نحن ..

قاطعت عليه : ولا أريد أعرف شي .. "وقفت وقلت" .. يالله تقدرون تتفضلون وتطلعون برع عندي شغل وما أبي أشوف حد منكم هنيه مره ثانيه ..

فهد بهدوء : تطردنا !!

رديت وأنا أتأفف : هيه ماتفهمون ؟؟ ما أ ريـ د أ شو ف كم ..

شويه وأشوف حد فتح الباب ودخل كآن زايد ..

تأففت : ماشاء الله الكل موجود ..

زايد ومبتسم : حمد شحالك ؟

طالعت عليه : وإنت ليش ياي بعد ؟؟

زايد وبقهر : أقولك شحالك تقول وإنت ليش ياي .. !!! ياخي أنا مالي خص فيهم ليش تجمع بينا تراني ماغلطت بحقك ؟؟

رديت : المشكله مب منو غلطت بحق منو ، المشكله أني ما أريد أشوفكم !!

محمد : ليش شو إلي تغير فجأه ؟؟

رديت : وايد أشياء و أولها إنتوا ..

فهد حسيته تضايج ومب بس أهو كلهم : وقلنا لك السموحه وإعتذرنا شو نسوي أكثر ؟؟؟

رديت : ما أريد تعتذر ولا شي يالله تقدرون تطلعون ..

زايد وبقهر ييه صوبي وقال : تصدق شي نحنا الغلطانين إلي يالسين نحاول نتراضى معاك إذا الموضوع عندك عادي 

نحن لا مب عادي هذي عشره كانت بينا وين هذيك الأيام نيلس ونسولف ونسهر وإذا حد زعل من الثاني ثواني

ويرجع يتصالح خلاص كل هذا مستحته من حياتك سافرت وسرت تفضل الغريب علينا وألحين لما إشتغلت 

صرت مب مهتم وتتكبرت علينا ترا كلنا بشر وكلنا نغلط بس إنت حقيقتك أنك كنت تخدع نفسك طول السنين

بأنك نسيتنا وأن كل شي إنتهى بس صدقني مثل ما إنت نسيتنا في يوم مابتلقانا جدامك وقتها بنكون نحن بعد 

نسيناك .. "وطالع على فهد ومحمد" وإنتوا لي متى تنهانون خلاص خلونا نروح مالنا لزمه هنيه .. 

شفت محمد وفهد يطالعون بعض ..

قلت : يالله شو تتريون ؟؟

زايد طالعني وكأن مصدوم وعقب ظهر ..

وبعدها ظهروا محمد فهد ..

تنهدت ويلست قلت في نفسي لي متى ؟؟ بنتم جيه 

.

.

.

تعدلت وخذيت سويج السياره يالله بروح الجامعه عندي كلاس بعد ساعتين .. شليت شنطتي وكنت بطلع .. 

بس شفت جاسم دخل طالعني بنظره وراح يلبس غترته : على وين ؟؟

رديت بثقه : الجامعه ..

جاسم ويطالعني في نفس الوقت يعدل غترته : يعني تبيني أتصرف بطريقه ثانيه ؟؟

رديت وأنا فاهمه شو قصده : ما أخاف برمس حمد وبعدها نطلق ..

جاسم : هه ومنو قال بطلقج ؟؟ وحتى لو كلمني وبعدين إنت زوجتي ومن حقي أعترض على هالموضوع ..

رديت : ولله مب مشكلتي نسينا منو إلي قال عنود وعد مني لج بتكملين دراستج خلينا نتزوج .. وين راح هالكلآم ألحين ؟؟

جاسم : غيرت رايي يعني لو خلصتي عبالج بتشتغلين ؟؟

رديت : هيه من حقي أشتغل ..

جاسم وبعصبيه : لآترمسيني ب هالطريقه .. 

رديت بقهر : أنا بتأخر على الجامعه ومع السلامه .. لفيت بس شوي ويسحبني من إيدي بقوو

وقال : يعني مابتتعلمين ومايفيد الكلام معاج ؟؟ أنا ماقلت إذا حد تكلم معاج تسمعين لين مايخلص ؟؟

رديت : وإنت خلصت كلامك ..

جاسم وبعصبيه : لاا مااخلصت عنووود إنتي اتيييبين المشاااكل احترمني نفسج ..

قلت : محترمه نفسي من زمااان ..

جاسم : مافي طلعه من البيت ..

عصبت : ليش حرام أروح أكمل دراستي أنا تخليت عنها علشانك في المقابل شو حصلت أهلك مايحترموني ويسبوني وإنت من الجهه

الثانيه تسبني وتضربني إبتعدت عن خواني ،،هذا كله مقابل واحد مثلك والله لو أرجع في الزمن الموت لي أهون من أني أعيش إلي أعيشه ألحين..

جاسم ويضحك : ههه لآ والله شرايج تضربيني ؟؟

رديت بكره : أنا بروح وإذا مب عايبنك طلقني .. 

جاسم وبعصبيه : إتفكرين الموضوع سهل ؟؟ ترا أكثر واحد فينا بيتضرر من بعد الطلاق إنتي ..

ضحرك بسخريه : هه مسوي عمرك مهتم .. 

جاسم : وليش أهتم أنا عادي عندي في مليون وحده غيرج بس إنتي منو بياخذ وحده مطلقه خبريني ؟؟

قلتها عسب أقهره : وإذا قلتك فيه ومستعد ياخذني حتى لو كنت مطلقه ..

جاسم وبعصبيه وحسيته شك فيني : ومنووو هذااا !!

رديت : إنسان حالك من حالي ..

جاسم بعصبيه : لا بعد طلعتي تعرفين حد من وراي !! 

مدري ليش قلت : هيه أعرف ..

تعرفون شو  يعني طراق لدرجه أن من قوته إلي في الصاله سمعوا  ..

ضحكت بألم : هه مع السلامه "وطلعت من الحجره شفت عايشه وعموه يطالعوني بس ما اهتميت"

كنت أسمع صوت جاسم يناديني ويعتذر..

ركبت سيارتي ورحت .. الدموع تنزل ممب مني من الألم للحظه كنت أحس عمري خلاص أفقد التوازن وأنا أسوق ..

وفوني تم يرن .. كنت أسوق بتهور المهم أبتعد أروح أي مكان ما أريد أرجع ما أريد حسيت بأني أسترجع ذكريات وأصيح

تذكرت ربيعاتي تذكرتي سالم وأبوي الله يرحمهم تذكرت حمد وعواش تذكرت أميه وعموه وخالي حسيت بأني بموت ..

كل شي ظلم فجأه 

.

.

عند جاسم كان معصب وفي نفس الوقت خايف ..

كان يسوق ويدور عنود : أنا ليش مديت إيدي وإستعيلت أكيد إهيه كانت تبي تقهر فيني أووف ألحين وين بحصلهاا 

الله يغربل إبليس .. أستغفر الله يارب 

.

.

رجعت فيني ذكريات قديمه ..

.

.

.

أميييييييه أميييه ..

أميه وإطالعني : هاا عنود رجعتي من المدرسه ..

إبتسمت : هيه عيل ويين سلوووم وحمد ..؟؟؟؟

أميه وإتأشر على الميلس : في الميلس يالسين يلعبون وعبود حليله ناايم وعواش بعد ..

...... : أم حمد متى بتحطين الغذاا خلاص تعبت وأنا أترياا ..

رحت وسلمت عليه وبسته فوق راسه : هلا بالغااالي شحالك باباااااااتي ..

أبوي ويلس : بخير بس يوعاان وأمج دوم جيه تسوي فيني ..

أميه : ألحين كل هذا مب تارس عينك تراني من الصبح في المطبخ ..

ضحكت : هههه أبوي إصبر الصبر زين مب إنت إلي علمتناا إصبروا وبتحصلون ههههه .. 

أبوي : هههه وين أصبر شوفي الساعه كم أنا ريال عندي أشغالي ..

رديت : هههه زين خلاص ألحين بنتغداا كلناا ..

أميه : عيل روحي بدلي ثياابج وأنا بشوف الغداا "وسارت المطبخ"

" وأنا رحت حجرتي بسرعه أبدل"

دخلت الميلس : حوووووووووووووو بس خفووو على الصووت  ..

حمد ويعااند : شووووو قلتي ؟؟؟؟

سرت صوبه : خفووو على الصوووووووووووووووووووت

حمد ويطالع سالم : شو تقووول هذي ؟؟

سالم ويسايره : مدري عنهاا شو تقول ..

ضربتهم ويلست : لآ تستهبلووون علي بعد ..

حمد : أوووووهو سلووم من متى تعرف تلعب ..

سالم : أفااا عليك أعجبك ..

طالعتهم : لعبووووني ..

حمد وسالم في نفس الوقت : نووو مانلعب بناات ..

رديت : أريييييييييييييييييييييييييييييد ألعب ..

.............. : لآ حول ولا قوة إلآ بالله سلوووم حموود خفوو على الصووت ولا أبنده ألحين عنكم ..

سالم : لآ لااا أبووي لآزم جيه أكشن يعني ..

أبوي : شو أكشن بعد تبوون الييران يسونهاا سالفه ..

رديت : هيييه أبوي أنا قلت لهم مايسمعون لي ..

أبوي راح يبي يبند البلستيشن وحمد وسالم يترجونه : لآا أبووي إصبر شوي ..

أناا من القهر مالعبوني : هيه أبووي بنده بنرووح نتغدا ألحيين ..

أبوي مايرفض لي أي طلب وبند البلستيشن : يالله كل واحد يقووم ويروح يغسل إيده وييه يتغداا.. "وظهر"

ضحكت عليهم : هههههههه وااااك فديييييت أبووووي والله ..

سالم ويهجم علي : صج أنننننننننج دببببه ..

أنا قمت أركض : ابوووووي ابوووووي ..

أبوي من بعيد يهدد : حممممممممممممد ساااالم ..

وسالم وحمد يتحلفوون علي .. 

.

.

أميييه أبوووي صاير واايد يطول برع البيت وما نشووفه ..

أميه وتكمل طباخ : والله مدري عنه أبوج صاير هالفتره مايبين حتى أنا ما أشوفه ..

طالعتهااا : ليش لهدرجه مشغوول في شغله ؟؟

أميه : يقوول أشغال بعد ماتدرين شو هالأشغال ..

قلت : لآ أمييه لآتسئين الظن في أبووي ..

أميه : أخ منج دلوعة أبوهاا لآزم ..

ضحكت : هههه وحليلي ..

....... : سلوووووووووووووم تعااال أنا أرااويك ..

سالم وينحش ورا أميه : أميه شوفي حمد يضربني ..

حمد : أميه هووو إلي يعااند فيني حتى خرب علي الواااجب أناا بروحي تعباان لين ماا خلصته وأهووو قص الورق ..

أميه : إنتووا شو ماتستحوون على ويهكم كباار أنتوا مب يهاال ..

وأنا أضحك عليهم هههههه 

سالم : والله جذاااب أهوو إلي بالأول فر علي دفتري ..

حمد ويروح يمسكه : والله برااوييييك ..

أمييه وتصرخ : حممممممممد .. أناا أمكم إحترمووني على الأقل ..

حمد وسالم إستحوا على ويهم ههه

قلت : أمييييييه أناا بخبر أبووي عسب لآيطفروونج ويضااربون شراات اليهااال ..

حمد وإييه صووبي : خفي علييينا يالكبييره "ومسكني من شعري"

قلت : آخ والله بخبر أبووووي ..

أميه وتضربه : خل إختك ولآ تضربهاا ..

طلعت لساااني : أننننننه ..

حمد : أميييييه إهيه الي تنرفزني

أميه : إمش جداامي إنت ويااه "مسكت حمد وسالم" وظهرتهم .. وأهم منقهريين مني هههههه

.

.

[بين ذكريات نعود إلي الواقع مر الوقت وصار الظهر ..

جاسم رجع البيت وأهو تعبان من الدوام ما سلم على أمه وعواش على طول راح الحجره كان همه عنود رجعت ولا لا !!

دخل الحجره بس مافي حد ..

جاسم : ياربي وينهاا هذي أخاف سوت فعمرها شي "وخذا فونه ويحاول يتصل بس ماشي فايده"

مب ناقص مشاكل مع حمد أووف عنود ليش إتييبين لعمرج المشااكل ..

.

.

**************************************************

" نسيت لأني أملك الحريته ، لأختار طريقي بنفسي"

رجعت من المدرسه وسرت بدلت ثيابي ..

بعد مابدلت رحت الصاله ..

كانت أميه يالسه طالعتها وعقب سرت المطبخ أحط لي شي أكاله ..

فتحت الجدر بس مدري فجأه حسيت عمري مب يوعانه يمكن لأني كليت وايد في المدرسه .. سكرته

وخذيت من الثلاجه عصير ..

سمعت أميه تقول : ندى ندى .. تعالي 

رحت عندها وقلت : ها أميه ..

أميه وإتييه صوبي قرصتي من خدي بالخفيف : بعدج زعلآنه ومضايقه مني ..

رديت : لآ أميه مب مضايجه ..

أميه وتمسك إيدي : عيل ليش تغيرتي مب مثل قبل ..؟؟

قلت : ماشي أميه ..

أميه : شو يعني ماشي .. تعالي يلسي 

يلستنا وقالت : عيل خبريني شو فيج..؟؟؟

طالعتها : مدري والله 

أميه : تبين تشوفين أخوج ..

هزيت راسي بمعنى هيه ..

أميه وتمسح على راسي : خلاص بخبره يمر اليوم وتشوفينه ..

فرحت وقلت : صـــــــــــــــــــــــــــــــــــــــــــــــج !!

أميه : هيه بعد شو تبين .. 

رديت وكأني أترجاها : أميه إرجعي لأبوي أريد أشوفه خبريه أني بنته ..

أميه ومتردده : لآ ما أريد أرمسه أخاف ياخذج مني ..

قلت : إرجعوا لبعض تزوجيه مره ثانيه ونعيش كلنا مع بعض والله أريد أشوفه أريد حناان الأبوو وخوفه علي ..

أميه وتفكر ما سمعت منها رد ..

قلت : أميه عشاني عشاناا كلنا أنا وإنتي وأبوي وأخوي خلينا نعيش كلنا مع بعض ..

ماشي رد ..

قلت : أميه والله أخوي أحمد خبرني أن أبوي مستعد يرجع لج بس إنتي وافقي ..

حسيتها تفكر يعني في أمل أنها تغير رايهاا ونرجع كلنا مع بعض كنت أحس بفرحه بداخلي بس إن شاء الله

مايصير شي ما أتوقعه ..

**********************************************

"في أمور وايد مانقدر نتحكم فيها .. القدر والمشاعر ثنين من الأمور "

مر الوقت والعصر: 

خذيت السياده وحطيتهاا فوق الكرسي.. يالله يارب صبرني على الدنياا .. سرت يلس في الشبريه 

سمعت حد يدق الباب ودخل كآنت مهره ..

مهره وتيلس حذالي : شحالج يزوي ..

ابتسمت وقلت : الحمدلله على كل حال ..

مهره : الحمدلله ..

تميت ساكته ومره نفس الشي وعقب : يزوي ليش ماترجعين عند أهلج ؟؟

رديت : إن شاء الله خير ..

مهره : والله مب قصدي أني ما أباج إتمين معانا ترا يدوه الله يرحمها خلت لج جزء من هالبيت يعني من حقج تطلعين

وإتين وإتنامين على راحتج ، بس علشان أهلج وايد يحاتونج ..

رديت : أدري ..

مهره وتفكر : يزوي ممكن أستشيرج في موضوع ..

رديت : ممكن ..

مهره : حمدان ييه وخطبني مره ثانيه ومدري محتاره ..

طالعتها : وافقي دامه يباج لآتضيعين الفرصه دامها يت لج للمره الثانيه ..

مهره وتفكر : مدري أحس حلوه شخصيته لو أنه إسلوبه مع خواته مدري كيف بس أكيد بيكون إسلوبه معاي مختلف ..

رديت : ههه هيه أذكر فطوم وايد تشتكي عنه ..

مهره وتذكر : هيه وحتى شهد ..

قلت بجديه : هيه خلاص عيل تبين رايي وافقي ..

مهره وبعدها متررده : إنتي تتوقعين أن أحسن لي أني أوافق ؟

رديت : هيه وإذا عشان أمج وماتقدرين تخلينا خبريه أنكم بتعيشون إهنيه وماشاء الله البيت عود بيكفيكم ..

مهره وعيبتها السالفه : هييييييييه والله كيف ماخطر على بالي أني أتفق معاه نتم هنيه ..

إبتسمت : وإذا عني لآتحاتين بظهر من البيت وبرجع عن أهلي..

مهره وتحضني : فديييييييتج والله مشكوره كنت أحتاج حد يقنعني ..

رديت : أفداج لآ عادي العفوو حياج أي وقت ..

مهره وتوقف : يالله عيل ببشر أميه .. "وظهرت"

إلتفت ويلس أطالع الحجره : يالله الكل سووا إلي يبيه وأنا لآزم أرجع البيت "خذيت فوني وإتصلت على مايد"

سمعت صوته : ألووو 

كنت متردده أرمسه ولا !!

"مايد : ألووو يزوووووووووووي ؟؟

رديت : هلآ مايد ..

"مايد : أهلييييييييييييييين هلا والله ..

قلت : شحالك ؟؟

"مايد ومستغرب من إتصالي: بخير رضيتي عنااا ولا كيف ؟؟؟

رديت بهدوء : شو ماصار إنتوا اهلي ..

"مايد واستانس: زين شحالج وأخبارج طمنيني عليج وعلى صحتج ؟؟

رديت : والله الحمدلله ..

" مايد : الحمدلله مديم إن شاء الله ..

قلت وأنا متوتره : مايد .. أ أنا برجع البيت ..

"مايد ومنصدم : صججججج !! حياااج ..

فرحت لأني حسيت صج يباني أرجع : هيه برجع ..

"مايد : وأخيرا زيين حياج البيت بيتج ترا الكل يباج ترجعين بس إنتي مدري ليش مضايجه ..

تضايجت : والله مب فإيدي ..

"مايد ويغير السالفه : خلاص إنزين ولا تزعلين حياج بأي وقت ..

قلت : أبيك تمر اليوم بعد المغرب وتاخذني ..

"مايد : أوك من عيوني غالي والطلب رخيص المهم راضيه عني ؟؟

ضحكت : ههه لي متى بتم تسأل هالسؤال هيه راضيه ..

"مايد ويضحك : ههه شو أسوي إنتي عنيده ..

رديت : لآ والله ؟؟

"مايد : هيه والله ..

قلت : زين ماعلي ..

"مايد : أوووه بعد زعلوله خلاص ولا يهمج إن شاء الله المغرب بمر عليج وبتصل ..

رديت : أوك أخليك ألحينه يالله في أمآن الله ..

"مايد : الله وياج "وسكر"

فرحت وإرتحت يالله بقوم أجهز وأحط أغراضي في الشنطه 

.

.

[ بعد المغرب ..

جهزت شنطتي وسلمت على مهره وعموه وسارونه وودعتهم كلهم ..

ويلست أترياا مايد .. شويه أسمعه يضرب هرن ..

سلمت عليهم وظهرت ..

............. : هلا والله ..

رحت صوبه وأهوو خذا الشنطه : أهلين ..

مايد ويبتسم : وأخيرا طاح الحطب ..

ضحكت : هههه هيه ..

دخل الشنطه وركبناا وعلى طول للبيت .. 

كنت خايفه بس في نفس الوقت حسيت مايد تغير ويمكن أميه وأختي نفس الشي ..

مايد ويطالعني : تراهم يحاتونج .. ويتريونج ألحين ..

إبتسمت .. "مر الوقت ووصلناا البيت كنت متوتره "

بس لمآ دخلت وشف أميه ونوره يوه وحضنووني كانوا مستانسين إرتااح قلبي وايد ..

كأني كنت أترياا هالشي من زماان والحمدلله صاار لو أن متأخر ..

يلسوا يسإلوني عن حالي وإذا محتاجه شي وخذوني للحجره ..

إشتقت لحجرتي وايد واايد .. من الفرحه على طول بدلت ثيابي ورحت الصاله يلست معاهم ..

كانت نقطة تحول في حياتي وخروج من صمت ووحده لي يمعة الأهل وحسيت فعلا أني عندي أهل ..

كنت أتمنى وايد أشياء وكنت أقول يمكن ماتصير بس لما شفت الشي جدامي تأكدت ماشي مستحيل..

.

.

عند جاسم في حجرته .. كان خاايف وينها عنوود بعدهاا مارجعت معقووله صاار معاهاا شي !!

تم يتصل ويتصل بس ماشي رد !!

.. دخلت البيت وأنا مدري شو بيصير فيني أكثر من إلي صار 

كنت أحس بألم في كل جزء من جسمي .. يلست أمسح الدموع ما اريد عموه وعايشه يشوفني جيه ..

للحظه حسيت ريولي ماتشيلني سرت صوب الحجره أريد أفتح الباب ما أروم تميت واقف ..

دقيت الباب شويه وينفتح الباب : عنوووووووود !!!!

مارديت عليه كنت أريد أدخل بس هو واقف جدامي ..

جاسم ومنصدم : شووو صااار معااج ؟؟!!! تعرفين السااعه كم ألحييين !!

قلت بصعوبه : مب متفيجه لك "كنت أريد أعصبه يمكن يطلقني "

جاسم ويمكسني من كتفي : خبرييييييني ويين كنتييي ؟؟؟

رديت : والله مافيني أرد على سؤالك خلني فحالي ..

جاسم : أناا شووو قلت عنوود لآتخليني أعصب ..

رديت بقهر : عصب مايهمني .. "ودخلت الحجره فريت عبايتي وشيلتي بقهر"

جاسم ويسكر الباب بقوو : عنوووود وين كنتي ردي على سؤالي وعقب سوي إلي تبيينه ؟؟؟؟

يلست على الشبريه وقلت : في المستشفى .. إرحت !!

جاسم ومستغرب : فالمستشفى ؟؟؟

رديت : هيه رديت على سؤالك ممكن أرتاااح ألحين وخذيت اللحاااف وتلحفت ماسمع له حس نمت وأنا مب حاسه !!

وعند العشاا ،،

[ شو بتسوين عنود لآزم تحصلين حل للمشكله مدري لي متى بتم على هالحال لآزم أتخلى عن شي واحد إما دراستي أو ريلي ..

ياربي كل هذا بسبب قرار واحد وإخترب كل شي .. أريد أكلم حمد محد يقدر يساعدني غيره .. لآزم أكلمه ..

[ مستشفى !! شو صار وياهاا وماتبي تقول معقوله سوت حادث وماتكلمت أنا ليش مارحت أجيّك على السياره .. 

الظاهر هالزواج مابيستمر على خير أميه من صوب وعنود من صوب وحمد من صوب شو أسوي لآزم أحصل حل

أفتك من كل هالمشاكل ..

[ مستانسه لأني رجعت عن أهلي وحسيت أن في أمور وايد تغير عن قبل حتى أنا تغيرت سبحان الله محد يدري شو بيصير

كل شي مكتوب .. بس إشتقت لمهره في هالوقت إتييه عندي وتسولف يالله ماعلي ربي يوفقهاا إن شاء الله ..

[ ما أجذب إذا قلت أني بديت أحس أني قسيت عليهم وخاصه زايد ما أحيد أني جيه مع أن في شي كبير في 

داخلي يقول يستاهلون لآتهتم لهم خلهم ولاترد عليهم مع هذا هم كانوا ربعي قبل,,!! مدري كيف أحس عمري في دوامة أفكار

المهم ألحين أخلص المشروع والله كريم ..

[ ياارب يصير إلي في بالي ونرجع كلناا لبعض ما أريد شي ثاني بس أرجع أشوف أبوي وأخوي أميه بدأت تفكر 

يمكن تنسى إلي صار وتوافق ترجع لأبوي .. بكون فرحانه وايد يالله إن شاء الله يصير كل خير .. ياربي إشتقت

لهم وايد وعواش نسيت أتصل لهاا باجر بتصل وبطمن عليهاا .