27

غريب طبع البشر إذا فرحوا أو حزنوا يخافون الياي كيف بيكون ،،

الأيام تمر ومحد يدري شو مصيره بعض الأمور تتضح لما يفوت الأوان 

وبعض الأمور تنحل قبل فوات الأوان نكره ونحب نزعل وإنراضي ..

"متى سيحين الوقت لأكون بطله في رواية حياتي"

.

.

بعد إسبوع ،، ندى إنقطعت أخبارها وعواش وعبود يحاتونها وايد ليش ماتتصل وشو صار معآها ..

وصاروا يخافون صاير فيها شي .. وحمد بعد نفس الشي إنصدم يوم عرف أن من بعد عرس عنود وهم ظهروا من البيت ..

أما اليازيه صارت ماتكلم حد وحالتها تسوء صارت ماتاكل عدل وكله حابسه عمرها ماتبي تكلم حد .. ولآ تشوف حد

أمها ومايد يحاولون يكلمونها بس إهيه مصره ماتكلمهم لأن صعب عليها ترجع وإهيه في هالحال ..

عنود  تكمل دراستها بدون مايدري جاسم وكل مره تدور حجه كانت تخاف لي متى بتم جيه !!!!

كل يوم بروح عند أميه ومره عند إربيعتي ومره المستشفى أكيد في يوم مابيخليها ويمكن يعرف بعد .. 

و عمة اليازيه مريم تحاول تكلمها بعد نفس الشي ماترد عليها وماتبي تشوفهاـ،، وحمد بعده يتجاهل جاسم

وشاف علي وفهد ومحمد وزايد كذا مره بس بعد مايرد عليها ويتجنبهم ويحاول مايكلمهم قد مايقدر ..

وزايد كان مضايج وايد لأن أهو ماله خص فلي صار لحمد وماتوقع من حمد أن يعامله مثل مايعامل الباقيين ..

[ الصبح في الشقة إلي يالسه فيها ندى ..

بعد ماخلصت صلاه رحت إتسبحت وتعدل ولبست عسب بروح المدرسه والباص بعد نص ساعه بيمر ..

رحت وشفت أميه مجهزه الريوق يلست أطالعها وبعدني مانسيت السالفه مدري إذا أقدر أسامحها ولا 

بس فرحت أنها كانت تبيني أتم عندها عسب جيه سوت هالشي بس في المقابل أنا كنت أيلس مع حمد وعبود

وهم مب خواني وقبل كل شي هذا يغضب ربي أستغفرلله يارب سامحني..

 وأنا كنت أقول ليش ماترضى أشوفهم أو أيلس معاهم؟؟ ..

غلطه كبيره من أميه والله أحس قلبي مب طايع يسامحهاا على إلي صار أبد مقدر ..

حسيت عمري ما أريد أتم يالسه قلت : يالله بروح أجهز كتبي.. 

أميه : خلصي ريوقج بالأول ..

رديت بدون نفس : مب مشتهيه "ورحت"

وبعدهاا تجهزت وظهرت أتريا الباص حتى صرت ما أقول لأميه مع السلآمه ..

شويه وأشوف سياره غريبه وقت جدام الشقه ونزل حد لمآ ركز عرفت أنه أخووي أحمد إستاانست واايد ..

رحت صووبه وسلمت عليه : وأخييييييييييييييييييييرا شفتك ..

أحمد ويضحك : ههههههههههه هيه شحالج ندى ؟؟ 

إبتسمت : الحمدلله إنت شحالك ؟؟ 

أحمد : بخير الحمدلله .. تعالي "ومسك إيدي"

وكبنا السياره وشغلها ورحنآا .. 

طاعته : أميه تدري ..

أحمد : هيه كلمتها وقلت أنا بوصلج المدرسه إشتقتلج يالدوبه ..

ضحكت : ههه والله بعد أنا وايد وايد مشتاقه لك مع أنه ماشفتك كله تتصل وبس ..

أحمد : هيه والله تعرفين أميه تخاف أبوي يعرف بس ليش مدري ..

إستغليت الفرصه وقلت بسأله : أحمد ممكن سؤال ..؟؟؟

أحمد ومستغرب : هيه ممكن ؟؟

قلت : أنا إختك صح ..

أحمد ومستغرب : بلآااج هيه إختي .. ليش هالسؤال ؟

رديت : إنزين إختك وأبوي منو ؟؟

أحمد ويطالعني : شو هالسؤال الله يرحمه أبوج ليش شو صاير ؟؟ 

قلت : يعني إنت ماتدري ؟؟

أحمد ومب فاهم شي : شو ما أدري ؟؟

رديت : أن أبوي هو أبوك وأنا من نفس الأم والأبو ..؟؟؟

أحمد ومنصدم!!!!!!!!!!!! : شووو؟؟؟؟ متى منو قاالج هالكلآم ؟؟ 

قلت : أميه خبرتني بكل شي وأنها قبل لآتتزوج أبوي أقصد إلي كنت أفكره أبوي كانت حامل فيني ..

أحمد بصدمه : كيف يعني إلي كنتي يالسه معاهم مب خوانج ؟؟؟

رديت بحزن : هيه .. كنت حاطه في بالي طول هالسنين أن أبووي مات !! ماتدري شو شعورين يوم عرفت أن عايش ..؟؟؟

أحمد وبعصبيه : أستغفرلله وليش أميه ما قالت من قبل ..!! 

"تمينا نتكلم ونتناقش لين ماوصلت المدرسه أحمد قال بيتصل حق أميه وبيسمع الكلام منها بدون مايقول أني قلت له"

.

,.

****************************************

"مع الصبر سأحصل على المراد ,, حتى ولم يكن الأمر سهلا"

.

.

في الشركه ..

أوف صبرني يارب ألحين لآزم أروح أتفاهم معاهم بعد ساعه عندي إجتمآع .. ولآزم قبل الإجتمآع أروح أرمس بو صالح ..

يالله لآزم أخلص مشروع النادي إلي بنسويه يعني أجتمع بالمهندسين ..

"سمعت الباب حد يدقه"

قلت : تفضل ..

......... : السلآم عليكم 

رديت وأنا أطالعه : وعليكم السلآم هلا سعود ..

سعود : أهلين .. أقولك إتفقت مع كم مهندس عن المشروع وألحين هم يتريونك في غرفة الإجتمآع ..

قلت : بس بعد ساعه عندي إجتمآع ثاني ..

سعود : لتحاتي نقاش بسيط بس عسب نتفق وبنخلص ..

وقف : أوك "وعقب سرنآا"

دخلت غرفة الإجتمآع وأنا منصدم خيبه نص الموجودين حريم أقصد بنات والله مب غريبه ألحين الشغل مايفرق بين ذكر وأنثى ..

قلت : السلآم عليكم .. "ويلست"

الكل : وعليكم السلآم والرحمه..

رديت : تعرفون نحن ليش متيمعين ألحين لآزم نوضح كل شي المشروع محتاج تخطيط من المهندسين والأرباح بتتقسم عقب ماينجح المشروع ..

فلآزم كل واحد يعرف شغل ومابي إستهترار فيه وإلي مب موافق يقول من ألحين عسب عقب لآفشل المشروع محد يعارض .. وأريد تخطيت

ومراجعه على طول مع التعاون بينكم ما أريد حد يلجأ لشخص خارج المجموعه علشان لا أطر أتعامل بطريقه ثانيه حد عنده سؤال ؟

......... : بالنسبه لي أنا بكون مسؤوله التصميم الداخلي للنادي بس الموضوع يباله فتره طويله شوي ..

رديت : مب مشكله إنتي قولي كم الفتره إلي تحتاجينها وإحنا بنحاول نخلص كل شي ..

........ : أنا أتوقع أنو المشروع هيخلص في أقل من سنه ..

قلت : سنه وايد بس مب مشكله لآزم نبذل مجهود أكبر عسب نخلصه قبل ..

....... : بالنسبه لي أنا براجع التخطيط إلي رسمته وبتفاهم مع العمال ..

فكرت : ممم أوك خلاص وأنا بزيد عدد العمال ..

"وتمينا نتناقش لين ما إتفقنا على كل شي"

ظهرت تنهدت وأخيرا خلصت هالإجتمآع شفت مساعدي استيفن ياي من بعيد ويبتسم ههه قسم يقهر الأخ فاضي ماعنده شغله ..

ييه صوبي : أهلا صديقي ..

طالعته وكملت طريجي : أهلين ها ماوراك شي أشوفك فاضي ..

استيفن ويضحك : ههههههه أجل إنتهيت من جميع الأمور وقلت سأطمئن عليك ..

طالعت : اهاا وأنا بخير ..

قاطع عليعنا سعود : مدير بيبدأ الإجتمآع ..

طالعت عليه : لآ حول توني خلصت ..

سعود : هههه ماعلي بس لآزم مانقدر إنأجله ..

استيفن : ههه لآ بأس يمكنني أن أخذ مكانك ..

والله فكره قلت : سعود بما أن استيفن النائب العام خله يحضر الإجتمآع نيابة عني ولا أقول خلاص إستريح استيفن ..

استيفن ويضحك : ههه لماذا ,,

رديت : بس كل واحد يخلص شغله وإنت خلصت إلي عليك يالله سعود ..

استيفن : حسنا سأذهب إلي مشوار وسأرجع لاحقا "وراح"

.

.

الحزن صار جزء مني آه لي متى ؟

شو بيصير فيني ماله شي ؟؟ 

مالي هدف ولا عندي شي أسويه ؟؟

كل حد مايبيني .. خسرت وايد أشياء ؟؟

قمت ورحت خذيت فوني شفت رسايل وايد من رعبيعاتي وأميه وعموه ..

شو أسوي ألحين ما أشتغل ولآ أدرس ومآ عندي حد بتم جيه بروحي في صمت في هالحجره ..

شفت فوني يرن كآنت " عنود " مدري أرد ولا حرام كل مره تتصل وما أرد ..

قررت أرد عليها ..

عنود : يزووووووووووووووي ؟؟؟؟

قلت : هلا ..

عنود وفرحانه : أهلين وينج يالقاطعه شو خلاص ماتبين ترمسين حد لتسوين في عمرج جيه ...

قلت : عنود والله مضايجه أحس عمري مخنوقه معرف وين أروح ولآ شو أسوي ..

عنود : فديتج لآتحاتين بعد شوي بمر عنج لمآ بظهر من الجامعه بمر بيتكم ..

إستغربت : جامعه ؟؟

عنود : هاا .. هيه جامعه بس وعد ماتخبرين حد ..

رديت : ليش محد يدري ؟؟

عنود وبخوف : هيه ..

انصدمت : عنوود شو محد يدري كيف إتسوين شي بدون ماترمسين ريلج !!!

عنود : يزوي لآتقوليج جيه اتخوفيني أكثر .. شو أسوي مابيرضى غصبن عني ..

حسيت بغيره منها لأنها ماوقفت وكمل دراستها وأنا بسرعه إستسلمت ..

عنود : ألو ؟؟

رديت : حظج ..

عنود ومستغربه : ليش؟؟

رديت : لأنج تبين تكملين وتشتغلين وأنا حتى ما فكرت أروح وأكمل دراستي ..

عنود وتضحك : ههههه شو حظي أحفر قبري بإيدي بروح فيها إذا عرف جاسم بس ماعلي برايه المهم أخلص ..

فرحت علشانها تبي إتسوي أي شي علشان تخلص : بالتوفيق يارب ..

عنود : آمييييييين يارب يالله لآزم أروح ألحين تك كير ..

قلت : الله وياج وسكرت ..

.

.

********************************************

في المغرب .."بيت بوحمد"

عواش : عبوووووووووووود يالله بسرعه ..

عبود وينزل من الدري : أوك بلآج ياي خفي صووتج ..

عواش وتهمس : لآتحاتي أميه نايمه وحمد مب موجود ..

عبود : أوك يالله بسرعه " وظهروا وراحوا السياره"

عبود ويشغل السياره : تتوقعين بعدهم في الشقه ؟؟؟..

عواش وإتفكر : هيه إحساسي يقول جيه لأن ماعندهم مكان ثاني ..

عبود : أوكيك ..

عواش ومتحمسه : ياااااي وأخيرا بشوفهاا والله مشتاقه لهاا واااااااااااااايد ..

عبود ويحضك : ههه متحمسه الإخت مي تو إشتقت لها ..

"وعقب راحوا الشقه"

.

.

يلست أحوط في الشقه ملل مدري أنام .. بس إذا نمت بطوفني صلاة العشا يالله أميه نايمه ومستحيل تقوم

وأصلا أنا إلي مستحيل أروح عندها بيلس على اللآب وبشوف البنآات ..

"في المسن "..

"دنيا كلها صدمات ماتدري بلحظه تسمع أمور ماتوقعهتاا" : السلآم عليكم =)

"ملل ، =$ حد عنده إقتراح" : أهليييييييييييييييين وعليكم السلآم والرحمه ..

"دنيا كلها صدمات ماتدري بلحظه تسمع أمور ماتوقعهتاا" : لهدرجه ملآنه ههه شحالج دندوون؟؟

"ملل ، =$ حد عنده إقتراح" : هيه وأكثر ملل وبس -_- والله حالي ماشي ومن صوبج ؟

"دنيا كلها صدمات ماتدري بلحظه تسمع أمور ماتوقعهتاا" : مديم ، وأنا ماشي الحال ..

"ملل ، =$ حد عنده إقتراح" : زين ، وشو إتسويييييييييييين ؟

"دنيا كلها صدمات ماتدري بلحظه تسمع أمور ماتوقعهتاا" : خخخخخخ ماشي ..

"ملل ، =$ حد عنده إقتراح" : يعني حالج من حالي ,, شكلي بروح أشوف فلم ..

"دنيا كلها صدمات ماتدري بلحظه تسمع أمور ماتوقعهتاا" : خخخ أوك روحي يمكن يروح عنج الملل ..

"ملل ، =$ حد عنده إقتراح" : أوكيك يالله برب 

"دنيا كلها صدمات ماتدري بلحظه تسمع أمور ماتوقعهتاا" : تك يور تايم =)

.

.

وشوي أسمع صوت الجرس منو ياي في هالوقت !!!

رحت خذيت الشيله ولبستها يمكن حد غريب .. فتحت الباب وإنصدددددمت !!

...... : سبرااااايز !!!!!!!!!!!..

خفت على طول ظهرت برع وسكرت الباب : شو إتسوون إهنيه ؟؟؟..

عواش وتحضني : إشتقتلج واايد وااايد ..

دزيته بخفيف : ليش ييتوا ..

عبود ومستغرب من ردت فعلي : بلاج ؟؟ أمج موجوده ..

ياربي ألحين كيف أفهمهم قلت : لآتوون إهنيه مره ثااانيه ودخلت .. "وسكرت الباب"

عواش وعبود منصدمين !! 

عواش وإدق البااب : ندوووووووووووووووه ندوووه 

خفت أميه بتسمع الصوت شو أسوي فتحت الباب وسحبت عواش من إيدها ودخلتها وسكرت الباب شفت عبود مستغرب !!

طالعت عواش كيف أقولها ..

عواش ومستغربه : ندوه بلآج عبود برع ليش سكرتي البااب ..؟؟؟

طالعتها : عواش خفي صوتج أميه بتسمع ..

عواش وبهمس : إنزين بطلي الباب "وكانت بتفتح الباب بس منعتها"

وقلت : لآ ..

عواش وبإستغراب : شو فيج .. ؟؟

نزلت راسي وقلت : عواش إنتوا مب خواني ..

عواش ومنصدمه : كييييف ؟؟؟؟؟ 

حطيت إيدي على حلجها : أووص أميه بتقوم ..

عواش : ندوه ليكون أمج قصت عليج تراها كل تبي تفرقنا ..!!

قلت بحزن : لآ ماتجذب علي إنتي مب إختي وأبوي عبدلله أهو ريل أميه قبل لآتزوج أبوج الله يرحمه ..

عواش ومنصدمه : هاااااا كيف ؟؟ يعني قصدج عمي بو أحمد أهو أبوج ..

هزيت راسي بمعني هيه ..

عواش ومنصدمه : أويييييييييييييييييه ما أصدق كيف صار جيه ..؟؟؟؟

طالعتها  : عواش بليز خفي صوتج أميه بتقوم ..

عواش : إنزين حرام والله بس بتمين مثل إختي ..

حضنتها : فديتج والله ربي لايحرمني منج والله أن هالموضوع مثل الصدمه في حياتي ..

عواش كانت مضايجه في نفس الوقت فرحانه : آمين يارب الله لايحرمني منج .. ألحين عرفت ليش أمج ماترضى تيلسين معانا لأن حمد وعبود يعتبرون غريبين ..

هزيت راسي بمعني هيه ..

عواش وتتأفف : أوووووف شو ها والله مدري شو أقول أمج ماعندها عقل ..

طالعتها : عواش !!

عواش وتتأسف : آسفه مب قصدي .. وحليله عبود ينتظر برع هههه حرام

ضحكت : هههه ..

عواش وتفكر : ممممممممم عيل لآزم أروح ألحين مانبي مشاكل ههه بس ندوه تردين على إتصالاتي تعبت وأنا أتصل ..

قلت : أوك من عيوني .. يالله ربي يحفظج ..

عواش : ويحفظج يارب ..

رديت وأنا أفتح الباب : مع السلآمه .. "وسكرت الباب" أوف زين جيه يصير معاي ورحت حجرتي ..

.

.

ركبت عواش السياره : سلام

عبود : وعليج السلآم شو السالفه ؟؟ إنقهرت بصراحه خخخ بس ماعلي ..

عواش وتسكر الباب : عبود ماتعرف شو السالفه لآتحكم ..

عبود ويشغل ويسوق : سالفة شو ؟؟ قصدج أمها ماترضى تشوفناا قديمه انتي ههههههههآاي

عواش وتضربه على كتفه : جب إنت القديم سالفه ثانيه ويمكن ماتصدق أنا إلي قاهرني أمها أووف منها ..

عبود : هيه إنتي شو أوف منهاا ..!!!!

عواش : خلاص تحلم إتشوف ندى مره ثانيه ..

عبود ومنصدم : لييييش شووو فيهاا !!!!!!!!

عواش وبحزن : مافيها شي بس ..

عبود ومستغرب : بس شو ؟؟

عواش ومحتاره : بقولك بس بيني وبينك ..

عبود وحس أن في شي كبيره خاشته عواش : تكلمي مابخبر حد ندى فيها شي !!!!

عواش بحزن : بلاك مافيها شي بس ندى مب ..

عبود على أعصابه : مب شو ؟؟!! بتمين تقولين كلمه كلمه شو ؟؟

عواش وتتكلم بسرعه : ندى ىب إختنا وأبوها بو أحمد وأمها كانت تجذب على أبوي الله يرحمه إرتحت أوووف

عبود ومنصدم : شووو؟؟ عواشوه شو قاعده تخربطين إنتي ؟؟

عواش وتحلف : والله ما أقول شي من عندي أمها جذبت على الكل ..

عبود ومستغرب : يعني ندى مب إختي !!

عواش : هيه ..

عبود ومب مصدق كيف يعني الفتره إلي راحت كان يالس مع وحده ينقض عليها !! وعلى أساس هيه إخته !!

عواش : أستغفر الله شو الأخباار كل خبر أخس عن الثاني ..

.

.

***********************************************

" تختار الخيال الأسهل في المقابل نتيجه ماترضيك"

.

.

رجعت البيت آه ياربي صبرك .. 

قلت : السلآم عليكم والرحمه ..

عبود وعواش : وعليكم السلآمه ..

مافيني أروح الحجره يلست وفريت غترتي ..

عواش : شكلت تعبان وايد؟؟

رديت : هيه والله الشغل يباله تعب وايد غصبن عني ..

عبود ويفكر : ممممممممممممممممممم ليش متشغلني معاك ؟؟

ضحكت : ههههه عبود لآتحلم كمل دراستك مافي شغل ألحين ..

عبود : خخخخ كنت حاس زين الله كريم ..

عواش وتبي تخبر حمد عن السالفه : حمد تخيل ..

رديت عليها : وليش أتخيل خخخ قولي شو عندج ؟؟!

عواش : ندى ..

أوووه ندووه من زمآن ما أدري عنها شي قلت : شحالهاا رمستيهاا ؟؟!

عواش وإطالع عبود : مب الموضوع رمستها ولا لا ..

إستغربت من نظراتهم : عيل شو صاير !!

عواش : ندى مب إختناا ..

ضحكت : هههههههه عواش مب وقته إستخفيتي !

عواش بعصبيه : لآ والله ما أمزح أناا ؟؟؟

إنصدمت : كيف يعني ؟؟

عواش وبجديه : مب إختنا أمها جذبت علينا كلناا أبوها بو أحمد عمي عبدلله .. 

ما تقوعت هالشي أبد !!!!!!!!! : ومن متى تعرفين هالكلام ؟

عواش : اليوم رحت عندها وخبرتني بكل شي وأن أمها جذبت وماتبي أبوها ياخذها منها عسب جيه ..

ما أعرف شو أرد ولآ شو أقول لهدرجه هالإنسانه تسوي جيه ! وتجذب على الكل لآ حول ولا قوة إلأ بالله ! كنت حاس أنها مسويه شي !

.

.

**************************************

"بيت بو جاسم"

حرااام قلت بمر على يزوي أوف ما بقدر أروح لأني قلت له أني كنت عند إربيعتي بعد مايستوي أقول بعد مره بروح ..

أوف شو هالحظ بطرش لهآ مسج وبعتذر لهآا .. أدري مابتزعل تعرف أني مابقدر .. "خذيت فوني وطرشت لها مسج "

.

.

............. : ليش ماتروحين إتساعدين أميه فالمطبخ ..

إلتفت : الناس تسلم بالأول ..

جاسم : السلآم عليكم إرتحتي ؟ يالله روحي المطبخ ..

رديت : أمك ماتباني أقصد عموه ماتبيني أساعدهاا شو أسوي ؟؟

جاسم ويطالعتني بنظره سخريه : ليش الحرمه إذا بتساعد أم ريلها لآزم تقولها بساعدج ولآ تساعدها بدون ماتطلب ؟؟

رديت : والله في كل الحالتين ماترضى شو أسوي؟؟!

جاسم ويلس : أقول لآتراددين ..

قلت :ما أرادد أقول الصج بعد مقدر أسكت عن الحق ..

جاسم : إتصدقيين شي مامنج فايده ..

رديت : بالضبط ماامني فايده خلاص خلوني بحالي ..

جاسم وبعصبيه : لآ والله هذا الي ناقص أقول سكتي أحسن لج ..

قلت : وإذا ماسكت ؟؟

جاسم ويأفف : عنود أنا ريال تعبان راجع من الشغل مافيني أتهاوش وياج إحترمي نفسج وسكتي ..

حسيت بقهر : زييييييييييين بحترم نفسي ..

جاسم وينسدح على الشبيريه : حمد أخوج تغير وايد ..

طالعت عليه : ليش تقولي هالكلآم ؟؟! وبعدين حمد ماتغير ولا شي ..

جاسم وبهدوء : ماتعرفين شي إنتي..

قلت : والله حمد طول عمره كان يحبكم ويعزكم بس ماتستاهلون ..

جاسم وعصبيه : جب ..

رديت : أووووف شو هاا يعني مالي كلمه أبد إنت تتكلم وأنا أسمع 

جاسم وبعصبيه : هيه لأنج زوجتي ..

رديت : ليش ماتفكر تطلقني مب أحسن وأنا لآزم أكمل دراستي ومب كل يوم بتحجج لك بعذر عسب أروح "وبعدها انتبهت على كلآمي"

جاسم وييه صوبي : نعم عيدي !!!؟؟؟؟؟؟؟؟؟؟؟ شو قلتي ..

حسيت قلبي يدق بسرعه أنا غبيه كيف قلت بدون ما انتبه : ماشي ..

جاسم ويمسكني من إيدي بقو : تكلمي شو قصدج ..!!!!!! 

حسيت بألم : آآخ إنزييين بقوول هدني ..

إبتعد : شو تقصدين من كلآمج ..؟؟

تأففت خلاص أنا رحت فيها : أوف ماشي رجعت للجامعه بدون ماتدري ..

جاسم وبعصبيه كان بيضربني بس نزل ايده "حسيت أني بين الحياة أو الموت على إيده" شفته يهدي أعصابه وقال : منووووو سمحالج ترجعين الجامعه وبدون ماترمسيني ؟؟ 

رديت بخوف: إنت مابترضى عسب جيه ..

جاسم ويقرب صوبي حسيت بيذبحني ألحين : ألحين شو أسوي فيج أذبحج ولآ كيف ؟؟

رديت وأنا شوي وبصيح : لآ شو "عقب مدري كيف صرت وحده ثانيه " لو فيك خير إضربني والله بخبر حمد مسوي عمرك ريال على حرمه !!

حسيت جاسم منصدم !!!!!!!!!!!

قلت بغرور : هيه بسير الجامعه رضيت ولا لا وإذا ماتبيني أكمل طلقني ماتهمني "وطلعت بسرعه من الحجره حسيت قبلي بيطلع من مكانه من الخوف"

أنا شو قلت !!! أكيد ألحين بيعصب ياربي