29

و بكل حب وموده ..

بكل معاني الشكر والتقدير ..

بكل تواضع أكتب نهاية لربما تنال رضاكم ..

.

.

سأعزف لحن نهاية كل تلك المشاعر السابقه ..

بعد كل تك الأحداث ، المشاعر ، المواقف ..

لحظة فرح ، أمل وحنين يحمل الشوق ..

.

.

لحظه قبل كل شيء !! ..

أريد أن اقول ..

مجرد كلمات ونسج من العبارات ..

.

.

" الدنيا تعلمنآا أمور وآيد تكون دروس نآخذ منها العبره ونستفيد من تجآرب غيرنآا ..

مشآعر وآيد في حيآتنآ ولكل إحساس تعبيره الخاص في حروفه ..

البعض يغلط بس مب عيب نغلط العيب أن نعيد نفس الغلطه ..

المآضي جزء كبير من الحآضر ..

والحآضر يرسم لنآ المستقبل أمور صعب ننسآهآا وإتم بذاكرتنآا ..

لولا الصعوبات ماعرفنآ الحيآة وماعشناها ، ولولآ الحزن ماذقنا طعم الفرح ..

حتى الطموح يحتاج صبر وأمل والحياة ماتستمر دون أمل ..

لحظة ضعف تخلينا نسوي أمور تغير مجرى حياتنآ وأحيانا ناخذ قرارات وندم ..

نتعب ونتعلم وايد .. في منا ييأس بسرعه وفي إلي يستمر لآخر لحظه ..

نمر بصدمات يمكن تترك بصمه كبيره في حياتنا ،..

والتسامح شي كبير ويمحى الحقد في قلوب البشر .. 

حتى القضاء والقدرلآزم نتقبلهم ونرضى بقضاء الله ..

محد يدري يمكن هالشي في خير .. 

ويمكن يكون الله سبحانه إختار لنا الأفضل ..

.

.

ربما نفقد من نحب .. ونحزن ولكن إلي متى !!

فهل البكاء سيفيد ؟؟ 

أنستمر في الحياة بجزن ونظرة ألم !

ونُصَعِب العيش بينما الله كريم !

جميعنا نعلم أن الفراق صعب ..

ومن الصعب نسيان أيام مؤلمة ..

ولكن إلي متى ؟؟

 فكلنا سنرحل لماذا لانظر إلي الدنيا بنظرة أمل ..

ونكمل الحياة فالله حتماً سيكتب لنا أيام جميلة ولربما تنسينا تلك اللحظات ..

كلنا نحزن وكلنا تألم .. نعم فنحن بشر ونملك مشاعر وأحاسيس ..

ولكن إلي متى ؟؟

لما لآننظر إلي من هم يعيشون لحظات أصعب ونشكر الله ..

وندعوا لهم بكل خير فكلنا نعيش على أرض واحده ..

.

.

الحياة ملئة بخلافات وصعوبات ..

خلآفات كثيره والحلول بسيطه تحتاج لعقل متفتح !

لكن طبع البشر أن يخوضوا الكثير من الصعوبات فمنها العبرة ومنها نتعلم من الحياة الكثير ..

لا أقول هذا الكلام لمجرد القراءة بل هنالك فكرة أريد إيصالها لكم : )

فالتستمر الحكاية ..

.

.

بعد يومين والأحوات تتحسن من جهة وتسوء من جهة ثانية ..

والعصر بعد الصلاة .. :

في بيت بو حمد الله يرحمه : "الصاله"

طالعت أميه إلي مب طاعية تفهمني : أميه لي متى أفهمج والله حسي فيني أنا مب مرتاحه معاه أريد أطلق ..

أميه ومصره : لآ حوله ولا قوة إلآ بالله عنود تعوذي من ابليس هذا مب حل الشيطان يلعب براسكم ..

رديت : إنتي ماتعرفين كيف يعاملوني أقولج ضربني يمد إيده علي عادي يذبحني ..

أميه : إنتي سمعي رمسج ريلج مايضربج .. 

حسيت مافي فايده أميه واقف مع جاسم : الله يسامج ..

أميه وإطالعني بنظره غريبه : ويسامح اليميع ..

مدري شو أسوي ما أريد أقول لحمد عقب تصير مشاكل وأنا ما أحب المشاكل ..

كافي إلي فيني ألحين والظاهر أني لازم أتقبل جاسم غصبن عني والله لو ماكنت ..

قاطع على تفكيري ....... : عنوووووود إنتي هينه ..

طالعته : هلا حمد شحالك ؟؟

حمد ويسلم علي : بخير الحمدلله ماشي الحال بس تعبان شوي وإنتي شحالج ؟

رديت : والله ماشي الحال ..

حمد وبشك : جاسم ضايقج بشي ؟؟

رديت : لآ لآ مافيني شي .. مب مضايقه بس تعرف توني شويه تعبانه ..

حمد : أها بعد إنتي ههه سلآمآت من شو تعبانه ؟

رديت : ماشي تدري دراسه .. "صح انا خبرت حمد أني أكمل دراستي وإستانس"

حمد : أهاا يالله ماعلي إذا محتاجه شي ولا مساعده خبريني ..

ابتسمت : لآ مشكور ..

حمد ويبي يظهر : يالله عيل في أمآن الله والعفوو ..

أميه : الله وياك ..

.

.

طلع وأنا مدري حاس عنود فيها شي مب طبيعيه ..

ركبت سيارتي ورحت الشركه لآزم أجيك على الأوضاء وكيف الأمور ماهم ..

لما وصلت رحت مكتبي وشفت سعود وإستيفن يتريوني إستغربت شوي ؟؟

قلت : السلآم عليكم ..

استيفن + سعود : وعليكم السلام والرحمة ..

رحت ويلست : خير إن شاء الله ؟؟

سعود ويطالع استيفن : والله كنا بنقول ..

قلت : كمل شو صاير ؟؟

استيفن : فالواقع لدينا خبر مؤسف ..

قلت : شو صاير ؟؟

سعود ومتوتر : المهندسين ..

رديت بإستغراب : بلآهم ؟؟

سعود : يقولون خلاص يبون يلغون الإتفاق وبيطلعون من المشروع وحجتهم أن في شركه ثانيه طلبت مساعدتهم 

وأنهم مايقدرون يرفضون هالشي خاصة أن الشركه كبيره ومعروفه ..

إنصدمت : بس نحن إتفقنا قبل مانبدأ إلي مايبي يقول من البدايه ..!!!!!!!!

سعود : والله ما أدري هذا إلي وصلني وحاليا التخطيط للمشروع وقف ومافي حد من المهندسين ..

حسيت بإحباط كل شي ألحين بيخترب .. مدري اليأس بدأ يظهر فيني مآ عرفت شو أرد ..

لحظة صمت استمرت دقيقتين ،، وبعدها استيفن : لآ بأس دعونا نبحث عن غيرهم ربما كان من الأفضل الاستغناء عنهم ..

طالعت عليه وابتسمت : تصدق صح كلامك ..

سعود : هيه والله خلونا ندور حد ثاني بدال مانيلس جيه للحين عندنا فرصه ..

قلت : أوك أنا عيل بدور وإنتوا بعد وإذا لقيتوا حد يبساعدناا خبروني .. 

إستيفن : حسنا وأنا سأذهب الآن .. إلي اللقاء

سعود : إستيفن بروح معاك ..

إستيفن : حسنا لا بأس هيا نذهب ...

قلت : الله وياكم ولاتنسون أي خبر إتصلوا علي ..

سعود : إن شاء الله .. "وظهر"

.

.

**********************************

جميل الرجوع بعد غياب طويل ..

حينها كنت أجهل بأنه موجود ولم يمت ..

لطالما كنت أشعر بالحزن على موت أب لم يكن أبي ..

والغيره من باقي الأبناء عندما يتحدثون عن أبيهم ..

والآن بعدما إكتشفت أن أبي على قيد الحياة ..

شعرت بالصدمة ثم فرحة ...

فقد أصبح هذا الأمر مثل نور يضيء حياتي من جديد ..

.

.

في الشقة : 

................. : ندى نــــــــدى يالله يمه

طالعت على أميه : السموحه كنت أدور فوني ..

أميه وإطالعني : مب مشكله يالله أخوج يترياناا ..

إبتسمت : إنزين .. "وبعدهاا ظهرناا بصراحه كنت فرحانه وايد وايد مب مصدقه أميه بترجع لأبوي "

يعني خلاص بنرجع كلنا في بيت واحد من باجر .. وبكون مع أخوي أحس بفرحه ما أقدر أوصفهاا 

صبرت وايد وإنصدمت وألحين ييه الوقت كل شي يرجع مكانه الصح .. كنت أشوف أخوي وهو يسوق

وإبتسامته على ويه لأني برجع .. يلس يقول أن أبوي ينتظرناا ومستانس أني برجع لهم ..

وأميه تغيرت وايد وايد يمكن كانت محتاجه تسمع الكلام من أبوي ولما إتصل وكلمها تغير كل شي ..

كأنها أيقنت أن هذا الأفضل لنا .. 

للحين أذكر أمس لما كلمت أبوي يلست أصيح وأهو نفس الشي .. يالله شو هالشعور الحلوو 

كنت متحمسه متى نوصل متى نوصل يلس أفكر في وايد أشياء بسويهاا و وايد أفكار براسي ..

ماحسيت بالوقت إلا لما سمعت صوت أحمد يقول : ندى ندى !! وين سرحاانه يالله وصلناا ..

رديت : هاا .. هيه "نزلت من السياره وأميه نفس الشي"

أحمد ويمشي ونحن وراه : لآتستحين ترا هذا أبوج زين ..

مدري ليش حسيت بتوتر : ههه لآ مب مستحيه ..

ولما دخلناا .. 

أحمد : أبووووي أبوووي ندى وأميه وصلوا ..

سمعت صوته من بعيد : ألحين يااي .. 

وشويه وأشوفه مدري كيف كان شعوري فرحه توتر .. 

ييه صوبي وحضني حسيت عمري بديت أصيح وأهو نفس الشي : ه هلآا ببنتي الغااااليه ياروح أبوهاا ..

إبتسمت والدموع تنزل من عيووني وكأني مب مصدقه : أبوي؟؟..

أبوي : هيه أبوج .. "وعقب شاف أميه وسلم عليها" هلا بأم أحمد ..

أحمد : يالله بتموون وااقفيين جيه خلوناا نيلس "ورحنا الصاله ويلسناا"

يلست حذال أبوي كنت أحس بأني أريد حنانه طالعني وابتسم : شحالج وكيف صحتج والدراسه ؟؟

ابتسمت : الحمدلله كل شي بخير .. "كنت أحاول أبين عمري طبيعية وكتمت الدموع"

وأميه ساكته ما قالت ولا شي .. 

سولفنا وايد وكان هاللحظآت أحلى لحظات ومستحيل أنساهاا ..

.

.

.

****************************************

.

.

طالعت أميه : ما أريد أروح ..

أميه وبعناد : يالله اليازيه لي متى بتمين في البيت تعالي معاي بتستانسين أم صالح مشتاقه لج ..

رديت : أميه ما أحب أيلس هناك كل حريم .. إنتي روحي وإستانسي وسلمي عليهاا ..

أميه : براحتج مانريدج بعد تزعلين ولا تضايقين ..

ضحكت : ههههه لا ما أزعل ..

أميه وتلمح : نسينااا بعد خلاص ألحين مابنجبرج على شي ..

أميه مثل ماهي لو تحاول تغير في نفسها بتم مثل ماهي ههههه رديت : لا خلاص أذكر ..

نوره : يالله أميه تأخرناا ..

أميه وتوقف : يالله عيل رحناا في أمآن الله ..

نوره : يزوي إذا ما عليج أمر أبااج تجهزين العشاا لين مانرجع ..

أميه : نحن عقب مانظهر من بيت أم صالح بمر عن يارتناا عازمتني على العشاا ..

نوره وتفكر : عيل خلاص يالله توكلناا ..

قلت : الله وياكم "وظهروا"

ههه مثل ماهم دوم برع البيت وأنا أتم إهنيه .. سمعت فوني يرن "عنود"

رديت : هلا عنود ..

"عنود : هلااا وغلآلآلآ .. شحاالج حياتي ؟؟

قلت : بخير ومن صوبج؟؟

"عنود : مديم والله أنا الحمدلله إتصلت أقول بمر عليج وبنروح المستشفى وأبااج تكونين معااي ..

رديت : والله مافيني أروح ألحين ..

"عنود وتترجاني : يالله عااااااد وبعد نمر عند دكتورج علشان صوتج ..

قلت : لآتحاتين خلاص ماله لزمه أروح عنده ..

"عنود وتأفف : أووف إنزين تعالي وياي محتاجه حد إييه وياي في سالفه مهمه أريد أكلمج فيهاا ..

إستغرب : سالفة شو ..

"عنود : سالفه تخصج يعني أريد أكلمج في موضوع ..

قلت : هههههه تكلميني في موضوع في المستشفى ؟؟

"عنود وتضحك : هههه لا مب جيه المهم برايج بتين ولا كيف؟؟

ماحبيت أزعلهاا : خلاص ولا تزعلين متى بتمرين ؟؟

"عنود : فدييييييييييييييتج بعد شوي إستعيلي وإلبسي .. وعقب بدق لج عسب إدليني وين بيتكم ..

قلت : أوك ..

"عنود : يالله في أمان الله ..

رديت : الله وياج "وسكرت"

غريبه تباني في موضوع ولا بس جيه تقول عسب أروح وياهاا خخخ الظاهر جيه .. رحت ألبس وتجهزت ..

وبعدهاا اتصلت ودليتهاا البيت .. 

"كلمت أميه وقلت بظهر سوتهاا سالفه ليش مارحت معاهم وقلت مافيني وألحين بظهر هههه "

سمعت صوت الجرس شليت شنطتي وظهرت 

.

.

.

********************************************

بعد ساعتين في المستشفى :..

قلت : ويييييينج طولتي عند الدكووتره شوو السااالفه ؟؟

عنود : .. عقب بخبرج يالله نرجع البيت "ومسكتني من إيدي ومشينآا"

قلت : عنوود بلآج تراج إتخوفيني شو صار ويااج قولي ؟؟

عنود وبجديه : قلت لماا نوصل بخبرج ..

استغربت شوي : أوك برآحتج "وبعدهاا ركبناا السياره "

.

.

كنت أطآلعهاا شو صاير معاهاا !! وإهي تسوق وماتتلفت لي .. 

كنت بقوله عنود خبريني مقدر أصبر بس خفت تعصب .. 

ولمآا وصلنا البيت ..

عنود : يالله يزوي تعالي "نزلت ودخل البيت"

عنود وتسكر الباب : أتوقع محد موجود ألحين بنروح حجرتي "ورحناا"

.......... : عنوود!!

عنود وتلتفت : هلآ أميه .. شحالج "ورحنا نسلم"

خالوه : بخير ليش إنتي هنيه ..؟؟

عنود : ماشي رجع أشل لي كم شغله أباهاا ويزوي يت معااي ..

قلت : شحالج خالوه ؟؟

رديت وإهيه مبتسمه : بخير إنتي شحالج وشحال أمج ..

قلت : مديم يارب أنا الحمدلله كلهم بخير ..

ردت : سلمي عليهاا .. وعنود انا بروح عند يارتناا مابتأخر وايد يالله في أمآن الله ..

عنود : إوك أميه .. "عقب كملنا ودخلنا الحجره وعنود سكرت الباب"

يلست وطآلعتهاا بإستغراب : يالله خبريني شوو السالفه ؟؟ وليش طولتي في المستشفى ..

عنود وتيلس حذالي : بقولج كل شي بس بيني وبينج ..

رديت : أوك قولي ..

عنود ومتوتره : أنا ح حامل ..

إنصدمت وإستانست في نفس الوقت : صصصصصصصصصصصصصصصج !!!!

عنود وتهز راسها بمعنى هيه ..

قلت وأنا أحضنهاا : مبرووووووك فديتج ..

عنود : الله يبارك فيج .. 

قلت : يالله ونااسه وليش خاايفه وسويتيهاا سالفه خبرني كم صار لج وإنتي حامل ؟؟

عنود : خايفه لأني ما أريد جاسم يدري .. الدكتوره قالت تقريبا شهر ونص ..

رديت : اهاا وليش هذا ريلج لآزم يدري ..

شوي ورن فونهاا : شوفي توناا قلناا اسمه اتصل مابرد عليه ..

قلت : شوو مابترديين ردي وبشريه أنج حامل بيستانس ..

عنود وبعناد : ما أريد أخبره إنتي ماتدري كيف يعاملني .. آخر مره سويت حادث بسبته وزين ماصار فالبيبي ششي وكان بسيط ..

انصدمت : ح حاااادث !! ماتوقع أنه جيه .. بس جاسم دوم طيب شو الي تغير ؟؟

عنود ومستغربه : طيب !!..

رديت : هيه جاسم أنا أعرف مايحب المشاكل ويموت في اليهاال خبريه والله بيفرح ويمكن تنحل مشاكلكم ..

عنود ومصره : ما اريد عقب بخبره غيري السالفه تراني صرت أكره حتى اسمه ..

ضحكت : ههه الله يعيين ..

عنود وتوقف : اوووه ماضيفتج صبري بروح أيب شي ناكله ونشربه وجيه بنيييييلس نسوولف أوكيك ..

رديت : أوك على راحتج "وظهرت عنود"

.

.

****************************************

رجع الأمور الي موضعها الصحيح ..

وتغيرت حياتي بعد انتظار وصبر ..

هكذا هيه الحياة اسعى لكي تحصل ..

اصبر وستنال .. لم أعد أعرف منى لوحدة في حياتي ..

دقائق أيامي إختلفة في وجودي معهم ..

لم أعد أقلق على نفسي في وجودهم ..

رائع أن تحلم بغد مشرق وفجأه يتحقق أمامك 

.

.

ظهرت من حجرتي ورحت الصاله .. سلمت على أميه وأبوي وبستهم فوق راسهم ..

أميه : ها ندى قمتي ..

رديت : هيه ههه وايد نمت أحس شكلي اليوم بتم سهرانه ..

أبوي : مب زين لصحتج مابيفيدج السهر ..

قلت : أدري بس بحاول .. صح أبوي وين أخوي أحمد ؟؟

أميه وإطالعني بنظره : يعني تسإلين أبوج وماتسإليني ..

أبوي : بعد في هذي تغارين !!

ضحكت : هههههه خلآص ولاتزعلين أميه وينه أحمد ..

أميه وإتأشر صوب حجرته : في الحجره ...

رديت : أوك بروح أشووفه وبرجع .. 

عقب سرت دقييت البااب مايرد .. : أحمددددد أحمدووه 

شويه وينفتح البااب : أحمدووه !! وين هذاك الي يسمونه إحترام الكبير ترا عمري 26 ..

رديت : عاادي تراك أخوي ههه مافيها شي اذا قلت أحمدوه ..

أحمد ويضحك : هههه ليش قبل ماكنت أخوج ؟؟

قلت : اوهوو لآ مب قصدي والله .. 

أحمد : خخخ أدري شو كنتي تبين ؟؟

رديت وأنا ابتسم : بس جيه اشتقت لك ..

أحمد ويضحك : هههههه حراكات .. تشتاقلج العافيه يا إختي الصغيرونه ..

قلت : لآ والله أناا مب صغيرونه .. خلاص ما أكلمك " ومشيت كنت أستهبل ههه"

أحمد ويضحك : ههههههه تعااالي أمزح معاااج ..

قلت : ماابي بروح عند أميه وأبوووي .. "وسرت عندهم "

أبوي : ندى ..

قلت : لآ أبووي ؟؟

أبوي ويفكر : شرايج نطلع اليوم كلنا ونسير المطعم وعقب نرجع ..

قلت : فكرره حلوه .. 

أبوي ويطالع أميه : هاا أم أحمد شو قلتي ..

أميه :  على راحتكم 

.

.

*************************************

. . " ليت للصدفة عنوان مختلف غير الصمت"

نحن لانحدد متى سنلتقي بمجرد السير في طريق الحياة ..

تجمعنا الأيام .. فمن يدري ماكتبه الله عز وجل لناا ..

يكفي الصبر والإنتظار ..

.

.

ضحكت على عنود ههههه والله تستهبل علي ..

عنود : ههههههههههه ولا تذكريين يووم في عرسي كنتي بطيحين ههههههههههه

رديت : بس خلاص هههههههههههههه والله مب منى من شهود يلست تسحب فيني توهقت كانت حذالي ..

عنود وماسكه بطنهاا : أخ بطني هههه ههههه والله كشخه كاان لو طحتي ..

طالعتهاا : بس خلاص البيبي بيضاايق ..

عنود ورافعه حاجب : نعم أوه صح نسيت اني حامل ههههه

طالعتهاا منصدمه : من صجج انتي ولا شو ؟؟

عنود : هههه والله مدري خخخخخخ 

رديت : الله يهدييج هههه

عنود : آميين وإنتي معااي ههههه .. شيت رحت فيهاا تأخر الوقت جاسم بيرتكب فيني جريمه ..

قلت : عيل نرووح .. ؟؟

عنود وتوقف : أوكيك ..

عدلت شيلتي وخذيت فوني .. وعنود لبست عبايتهاا ..

شويه والباب ينفتح .............. : عنووود انتي ه .. 

إنصدمت ..!!!!!!!!!!!!!!!!!!!!!!!!!

هذي هيه نفس البنت ليش اهنيه !!!!!!؟؟؟ 

عنود وإطالعني بمعنى حمد في بنت هنيه : حمد !!!

نزلت راسي و رديت : هلا .. السموحه ماكنت ادري أن فيه حد .. "وطلعت "

أنا اتخيل ولا شو الموضوع هذي نفسهاا البنت الي من فتره طويله شفتهاا !!! 

يعني اهيه تعرف عنود !! 

شو السالفه ؟؟

رحت حجرتي وسكرت الباب .. وأنا بعدني مب مصدق ؟؟؟

طلعت تعرف إختي عنود !! .. 

.

.

عنوود : يزوووي يزوووووووي حووو ؟؟!

رديت  : هاا سوري ..

عنود ومستغربه : بلاج فيج شي ؟؟

رديت : لآ مافيني شي يالله نرجع ..

عنود ومستغربه : أوك ..

ركبت السياره وأنا أفكر يمكن أنا ما ركزت وايد بس حسيت أني أعرف هالشخص !! بس من وين

مدري معقوله يكون نفسه الي شفته كذا مره في المستشفى ..

لآ ما اتوقع كيف جيه طلع أخو عنوود !! ..

عنود : يالله بوصلج ..

عقب ركبنا السياره ورجعتي البيت ..

سلمت عليها .. ودخلت البيت كآن محد رجع الظاهر أميه مطوله ..

بدلت ثيابي ورحت يلست على اللاب مدري شو فيني ..

يلست أفكر أن الي شفته اليوم أهو نفس إلي شفت من قبل

والفكره مب طايعه إتروح من بالي .. 

.

.

دخلت البيت وأنا مدري أحس أن بحصل ضرب ..

............ : يالله شوفوا الساعه كم وتوها رجعت ..

رديت : السلام عليكم عموه ..

عموه بدون نفس : وعليكم السلآم والرحمه ..

رحت صوبها : ليش تكرهيني ؟؟ أنا شو سويت لج والله تعبت تراني لي متى جيه تعاملوني ..

عموه : وإطالعني لين مايطلقج ..

إنصدمت : ليش يطلقني !! إنتي تحاولين تخربن بيني وبين جاسم ..

عموه وبثقه : هيه عسب يزوج غيرج ..

رديت بقهر : عطيني شي مقنع على هالكلآم الي تقولينه أنا عمري ما قلت لكم شي .. بس إنتوا تجبروني أتكلم معاكم بطريقه مب حلوه ..

عموه وتروح تيلس : روحي عند ريلج ينتظرج من زمان ..

قلت : لآ ما بسير إلآ لما تقولين لي ليش حرام والله ..

عموه وإطالعني : تدرين ليش لأن صار لي سنه أتريا اسمع أن بيكون لي حفيد بس ماسمعت لي متى !! يمكن تطلعين ماتيبين عيال 

بخليه يتزوج غير ..

إنصدمت بشكل فظيييييييييييييييع كيف اتفكر !! رديت : يعني تبينه يتزوج عسب إيب لج أحفاد ..

عموه وإطالعني : هيه .. 

حسيت أن كنت مظلومه ليش يعني الحرمه إذا تأخرت في الحمل خلاص يطلقونها شو هالحكم !!!

رديت : الله يسامحج عموه كل هذا بس علشان ماحملت ..

عموه وتوقف : شوفي عنود أنا مابجذب عليج إنتي حرمه والنعم فيها بس الأبو يبي عيال ..

قلت : ألحين قلتي هالكلآم بعد ما صار الي صار ليش ماقلتي من قبل لييش ؟؟؟

عموه : شوفي أنا قلت إلي عني وإذا ماطلقج بخليه يتزوج عليج .. "وراحت حجرتها"

والله حسيت أني خلاص وصلت حدي شو هاا وفي نفس الوقت عرفت أن سالفة حملي يمكن تغير كل هذا ..

رحت الحجره دقيت الباب ودخلت .. : السلآم عليكم ..

جاسم ويوقف ييه صوبي : لا بعد مسويه عمرج بااارده !!!

بلعت ريجي : السموحه ..

جاسم وبعصبيه : السموحه هاا شوفي كم الوقت يعني انتي مااتوبين كم مره أقول لاتتأخرين وليش إن شاء الله ماتردين على إتصالآتي ؟؟

رديت : ما انتبهت ..!!

جاسم ويمسكني من ايدي بقو : ما انتبهتي ؟؟ يعني لازم كل مشاكل ولا مايعدي اليوم على خير !!!

رديت : إنزين هدني ماتشبع وإنت تضربني ..

جاسم : تستااهليين وزوود ..

قلت بحزن : ماسمعت أمك شو تقول حقي ..

جاسم ومستغرب تركني : ليش شو قالت لج ..

حسيت بدون ما احس بدت دموعي تنزل متى من القهر ولا علشان الكلام الي سمعته ..

جاسم ومستغرب : بلاااج شو قالت لج ؟؟

قلت بقهر : روح اسألهاا ليش تسألني أناا ..

جاسم : عنوود تكلمي شو قالت لج !!

رديت : ما قالت شي ما أريد تصير مشاكل أكثر ..

جاسم ومصر : قلتتتتتلج قووولي شو قااالت لج !!؟؟

حسيت أنه عصب قلت : ت ت تقول إذا ماحملت بعد شهر بتخليك تزوج علي أو تطلقني ..

جاسم ومنصدم : أتزوج عليج !!!!!!!! شو هالكلام ..

رديت : والله اهيه قالت لي تقول إذا مابطلقني بتزوجك لغيري ..

جاسم ومنصدم ليش أمه جيه تقول ولو هذي حرمته ومايرضى عليها : ماعليج منهاا ..

استغربت : يعني مابطلقني ؟؟

جاسم : تحلمييين ..

مدري لأول مره حسيت أني أريد أتم معاه يمكن علشان البيبي بس بعد تكلمت : ليش ماتطلقني طلقني وخل كل واحد في طريجه ..

جاسم ويطالني بنظره غريبه : ههه شو هالعناد كأني أشوف حمد جدامي ..

رديت : ههه ترا خوان لآزم ..

جاسم : أقووول يالله روحي حطي شي آكله يوعان .. "وراح يلس على الشبريه"

يلست سرحانه أخبره ولا لا .. أقوله أني حامل بس إذا قلت يمكن مايرضى أكمل جامعه .. أووف شو أسوي ..

... : عنود !! يالله بلاج سرحتي روحي سوي شي آكله ؟؟

رديت : هاا لآ إنززييين أوف كم مره تقول بروح ..

جاسم : ههه ميليق عليج تعصبين أبد ..

قلت : هههه عيل شايفني شراتك عادي فيوم تكسر البيت فوق راسي ..

جاسم : شو أسوي تستفزيني وايد .. صح عنود كنت بسألج إذا نظهر من هالبيت ونشتري لنا بيت ..

إستغربت : يعني بنطلع من هنيه !!

جاسم : هيه الأحسن عسب لاتضايقج أميه وعايشه ..

استانست : هيه دخيييييييلك طلعني من هنييه نروح أي مكاان ثاني ..

جاسم : هههههههه خيبه لهدرجه ..

رديت : وأكثر والله ..

جاسم ويفكر : بشرط ..

رديت وأنا مستغربه : شرط!!

جاسم : هيه ..

رديت وانا أفكر : أسمع الشرط عقب بقول إذا موافقه ولا لا ..

جاسم وبجديه : تتركين الجامعه ..

لآ إراديا صرخت : لآااا ,. 

جاسم ومنصدم : خيبه إنزين خلاص برايج بنتم هنيه ..

أوووف شو ها رديت بقهر وحزن : زين برايك  .. "وظهرت أسوي له شي ياكله"

.

.

*********************************

"الصداقه أيام وصعب الواحد يتخلى عنها "

.

.

عند فهد في ميلس بيتهم كآنوا متيمعين الربع كلهم " زيود ، محمد، ناصر ، راشد ، منصور ، وسيف وعبود معاه"

فهد : يالله جهزوا الشوي .. 

محمد : هيه يالله قوموا نروح ..

فهد : أوك راني جهزت اليلسه ..

عقب كلهم ظهروا ويلسوا في حوش البيت كآن محد في البيت غير أم فهد وأبوي نايمين ..

زايد ويلس : أقوولكم يبالناا نسوي طلعه على البحر ولا شرايكم شباب ؟؟

نصور : هيه والله صدقك ..

محمد : والله ماعندي مانع من زمان ماسرنا كلنا مع بعض .. وبنخبر جسوم .

ناصر ويفكر : هيه وأنا بعد من فتره كنت أريد أرمسكم عن الموضوع ..

محمد : خلاص تم ..

عبود ويفكر : ممممم عيل أنا مابقدر أروح وياكم ..

الكل : افاا ليش؟

عبود ويفكر : والله مدري سيوف بتروح إنت ؟؟

سيف ومتحمس حق الفكره : هيه بروح ياخي نغير جو شوي مليت من الجامعه ..

عبود : خلاص عيل وياكم إن شاء الله ..

فهد : ناقصنا حد ..

محمد ويطالع فهد : لا تحاول خخخخ ماشي فايده ..

زايد وبقهر : لا تتكلمون عنه ولا تفكرون فيه بعد الكلام الي قاله ..

عبود ومستغرب : منو تقصدون أخوي حمد !!!!

محمد ويطالع عبود : هيه أخوك 

عبود ويضحك : ههههههههه أخ شو مسوي فيكم خلاص خلوني أنا برمسه ..

فهد : ترانا تعبنا ونرمس ماشي فايده لاتعب عمرك على الفاضي ..

عبود : أقولك حمد جمل ماينسى بسرعه هههههه ..

ناصر : هههههه والله لو نرجع كلنا شرات قبل ياخي شو هالحال الموضوع صار له أكثر من سنه ..

محمد : هيه والله ..

منصور ويغير السالفه : إنزين حد فيك يساعدني في شوي ..

سيف وعبود : أوك ..

.

.

كآنت دقائق بينهم ضحك وسالف وإلي يتذكر مواقف ويقول .. وبعد كل موقف يضحون ..

ويخططون حق باجر وشو بيسوون في البحر وسوالف كانت ماتخلص .. وعلى كل ذكرى

يتذكرون حمد .. صداقتهم شي كبير وإلي بينهم مايعرفه إلآ الي عرف مع الصداقه صح ..

مر الوقت وكل واحد قرر يرجع البيت .. وعبود رجع البيت كان يفكر ليش حمد مايرجع لهم

للحظه كسروا خاطره .. بس يمكن أهو يقنعه يرجع لهم ..

.

.

وفي الليل كأن هالوقت مخصص لكل شخص يراجع أفكاره ..

كان ابطال الروايه في تفكير عميق يمكن تنتهى كل هالأمور ..

.

.

[ شفت جاسم نايم حذالي وأنا أفكر أخبره أني حامل ولا لا .. وطلعتنا من البيت بيكون الأفضل لناا ..

مدري لأول مره أحس كنت غلطانه في حقه وايد يكن أنا أسأت الكلام أو التفكير .. ويمكن ظلمته ..

خلاص أنا باجر بروح الجامعه وبنفذ قراري وبخبره .. 

[ لو سالم الله يرحمه بعده عايش كان بيساعدني وبنكمل المشروع الله يرحمك ياخوو .. بدور حد باجر 

وإن شاء الله أحصل ناس قد المؤولسيه .. مدري إذا لي الحق أطلب من فهد ومحمد يساعدوني ..

بس بعد الي صار ما أريد منهم شي .. يالله الله كريم 

[ ليش مب راضي يروح من مخي .. هيه أنا متأكده أن أهوو نفس الصوت بس كيف طلع أخو عنود ..

سبحان الله آخر شي توقعته أني أشوفه مره ثانيه .. أحس عمري إنصدمت وكنت بتهور وبقول هذا انت!!

بس زين .. اني ماقلت شي .. حتى عنود حست في شي .. يالله بنام أحس لي ..

[ استانست واايد في طلعتناا فديت أبوي .. إن شاء الله نتم جيه على طوول يارب .. الحمدلله ..

وأحمد ههه فديته أخوي أحسه يذكرني بحمد وايد .. إشتقت لهم بس هم خلاص مب خواني حرام

والله أحس فقدتهم وايد .. أحيانا أقول أريد أشوفهم بس مايصير .. كله من أميه أهو يالله حصل خير ..

.