26

عندما رحلتي شعرت بالوحدة في قلبي فلم يكن أحد يستحق هذه المكانة غيرك ..

رغم الألم الذي في داخلي رغم كوني حصلت على ماتمنيته ولكن بالمقابل خسرت أعز شيء 

لم أجبر نفسي على الكلام فقد نسيت معاني كثيرة فقد رسمتها في صمتي و تعودت أن أرسمها بحروف لاتكتب ,,

.

.

غمضت عيوني وأنا أحس بحراره فيها من الدموع ..

إلتفت ويلست أطالع السقف وأقول في نفسي صعب صعب أعيش من بعدها .. أنا شو تم لي 

أهلي ومايبوني يدوه وراحت منو تم لي باجر مهره بتخليني آه من الدنيا كل شي بيروح ..

.

.

[عند عنود كآنت تخلص شغلهآ في الجآمعه حست بحزن لأن كل ربيعاتها خلصوا وبيشتغلون

وهيه بعدهآا وقررت تمر العصر عند أمهآ لأن عواش كلمتهآا ..

دخلت البيت وأنا ألتفت زين محد موجود تنهدت ورحت الحجره حطيت الملف ودخلت أتسبح ..

بعدها ظهرت ، كنت أفكر لآزم أرجع البيت وآخذ كتبي وأغراضي دامني برجع الجامعه هيه أصلا قلت بسير العصر ..

ظهرت من حجرتي وسرت الصاله شغلت التلفزيون ويلست بس مب حاطين شي حلو ..

سمعت صوت حد يمشي هذي شكلها عموه دخلت المطبخ ..

مدري أروح أساعدها وأجهز معاها الغدا ولا لا أخاف تقول شي وأتفشل ..

يالله على الأقل أسألها إذا محتايه مساعده ولا شي .. قمت من مكاني ودخلت المطبخ ..

كانت تقطع بطاط قلت : السلآم عليكم عموه تبيني أساعدج ..

طالعتني : لآتقولين عموه ..

انقهرت : عيل شو أقولج ..

طالعتي وعقب كملت تقطع وسوت طاف ..

قلت بقهر : شو الي تغير مب إنتي أكثر وحده فرحانه يوم جاسم قال بيتزوج وكنتي تمدحيني ألحين شو صار لي جيه اتعامليني ..

ردت علي : شرايج ترفعين صوتج أكثر ..

تنرفزت وقلت : أقول الصج شو الي تغير في سبب ؟؟ قولي ليش ماتبيني أتم معاكم وإتعامليني جيه ؟؟

طالعت علي وقالت : تعرفين ليش ؟

طالعتها شو تقصد قلت بهدوء : لآ ما اعرف ؟ أنا ماسويت لكم شي انتوا تخلوني أعصب ..

أشرت على الباب بمعنى اطلي من المطبخ ..

ماحبيت أقول شي طلعت وأنا منقهر رحت الحجره وسكرت الباب بقو وقلت مااالت أنا على شو أستحملكم ..

...... : نعم شو قلتي 

إلتفت : جاسم ! رجعت ..

 جاسم : شو اتشوفين وبعدين لاتغيرين السالفه منو الي مالت ؟

توترت : هاا هيه كنت أطالع مسلسل وإنقهرت كل يوم أتريا وجيه ..

جاسم وبشك : مسلسل ؟

رديت : هيه مسلسل سخيف ويقهر كل يوم أشوفه في هالبيت ويقهروني الي فيه وايد ..

جاسم وفهم علي : شو تقصدين هاا شوفي لآتحريني ما افهم ترا فاهمنج عدل احترمي البيت الي يالسه فيه ..

رحت ويلست على الشبريه : والله محترمه أهلك إلي مايعرفون الإحترام ..

ييه صووبي : عنووووووووووود زوتيهاا ..

من الخوف وقفت فوق الشبريه وابتعدت : مب قصدي والله ..

جاسم وبضحكه سخيفه : هه أقول جهزي ثيابي عندي شغل لازم أخلصه "وعقب سار الحمام"أكرمكم الله"

نزلت : أوف أشوه ..

.

.

*************************************************

[ في شركة حمد وفي مكتبه ..

.

.

طالعت على الأوراق بملل كل يوم نفس الشي خخخ أول مره أكره الدوام جيه أنا لآزم أكمل المشاريع ولا الشركه بتم جيه

باقي لي وايد والشركه بعدها صغيره محتايه موظفين ومصاريف لآزم أحاول أستثمر أكثر وزين أن في كم شركه تساعدنا ..

صج يوم قالوا إذا تبي شي اتعب ولا مابتحصل ..

سمعت صوت الباب شفت الساعه 3:45 هذا استيفن ههه .. : إدخل

دخل ويلس : السلام عليكم 

رديت : وعليكم السلام .. شو صار ؟؟؟

استيفن : لاتقلق الأمور زينه 

ضحكت : هههه أوكيه عيل خذ كمل هالأوراق "وعطيته الملف"

استيفن : أفا عليك تم ..

هههههه عجيب هالانسان : تسلم تعجبني والله أنا لازم أرجع البيت تعرف الأهل وإختي ماشفتها للحين ..

استيفن ويفكر : ممممم حسنا لابأس كنت ذاهب لمشوار ولكن لا بأس لآحقا سأذهب ..

ابتسمت : ماتقصر يالله في أمآن الله ..

استيفن : مع السلامه ..

ظهرت من الشركه وركبت سيارتي برجع البيت بس لفت إنتباهي شخص ياي من بعيد صوبي وملامحه مب غريبه ؟؟

لما قرب أكثر عرفته .. 

............. : هلا حمد شخبارك ؟؟

رديت عليه : بخير منو خبرك أني إهنيه ؟؟

............ : شو يعني ماتبي تسلم ..

سلمت عليه وقلت : يالله أنا أترخص .. "كنت بروح بس"

........... : حمد لحظه وين حتى مابركت لي شو صار لك أهون عليك أنا ربيعك وريل إختك يعني ما اشتقت لنا ..

رديت : هه انتوا ماتستاهلون حد يشتاق لكم .. 

جاسم ويوقف جدامي : حمد بلآك لهدرجه شال في قلبك ..

طالعت عليه : جاسم لاترمسني مابينا شي .. "تحركت بس مسكني "

وقال : مابهدك إلا لما ترد حمد إلي أعرفه ما أحيدك جيه خلاص رحت ونسيتنا حسافه 

حسيت بقهر وفي نفس الوقت انتصار : إنت منو أصلا علشان أنساك؟؟ 

تركني وبهدوء : خلاص يعني أهون عليك ماتوقعت منك هالكلام كنت أقول قلبك أبيض وتسامح ..

ضحركت : هه ما أسامح إلي مايستاهلون وأحذرك من ألحين إذا عرفت أنك ضايقت العنود بشي والله ماتلوم نفسك وأنا قد كلمتي "ورحت دخلت السياره"

"في نفس الوقت وصل مسج لجاسم أن اليده توفت وإتصلوا على أمه بعد"

شغت السياره ورحت .. حسيت بإنتصار في نفس الوقت صرت ألوم نفسي أنا قلت له جيه بس يستاهل ..

رجعت البيت وسكرت الباب ..

شفت عواش وعبود .. قلت : السلآم عليكم 

عواش وعبود : وعليكم السلام والرحمه رجعت بسرعه ؟؟ "عقب ضحكوا"

رحت صوبهم : ههه شكلكم ماتبوني خلاص أظهر ..

عواش : لا لا شوووو حياك تعال شوف الفلم وياناا ..

رديت : أوك بروح ببدل وبرجع "وعقب سرت حجرتي"

.

.

************************************************

[ بيت بوجاسم .. 

ظهرت ولبست يالله بروح عند أميه أوف بعد لآزم أكلم جاسم ..

مافيني أكلمه بس غصبن عني طلعت فوني وإتصلت له ..

" جاسم : ألو 

رديت : هلآ جاسم " كانت صوته غريب مدري كأن فيه شي؟"

"جاسم : أهلين خير فيج شي ؟

رديت : لآ مافيني شي إنت إلي فيك شي ؟؟

"جاسم : مافيني شي شو تبين ؟؟

غريبه !! رديت : أريد أروح عند أميه ممكن ؟؟

"جاسم : أوك خلاص أنا ياي البيت إنتي جاهزه ..؟؟

رديت : هيه بس إنت بتوصلني ؟؟

" جاسم : لآ حول هيه أنا باخذ عيل ليش أسألج ؟

خفت لايعصب : خلآص زين بظهر ألحين ..

" جاسم ويتكلم بسرعه : أوك يالله أترياج .. "وسكر"

دخلت فوني في الشنطه دورت وينهم وين عموه ؟؟ معقوله صاير شي !! مدري عنهم

ظهرت من البيت سكرت الباب وشفته رحت ودخلت السياره ..

قلت : السلآم عليكم "وسكرت الباب"

جاسم بهدوء غريب : وعليكم السلآم "وشغل السياره ورحنآا" 

حسيته يتهور ويزيد السرعه تأكدت من أنه مضايج من شي قلت : جاسم بلاك خفف السرعه ..

مايرد ..

قلت : حووووووووووو خفف 

طالعتني بنظره تخوف : جـــــــــــــــــــــــب ..

من الخوف حسيت قلبي صار يدق بسرعه : جاسم شو فيك ؟؟ صاير شي

جاسم ويأفف :أوف عنود سكتي لاتتكلمين ماتفهميييييييييييين ؟؟

رديت : زييين ...

تمينا ساكتين لين ماوصلت نزل من السياره وأهو قال : يوم بترجعين إتصلي ..

قلت : أوك "وعقب سار"

.

.

رحت وتذكرت أني نسيت المفتاح دقيت الجرس ..

فتحت الباب عواش سلمت عليها : هلا عواش ..

عواش وفرحانه: أهلين شحالج شو مسويه ..؟؟؟؟

رديت : ماشي مثل مآ أناا الحمدلله على كل حال "وعقب دخلت"

إلتفت : عيل وين عبود ؟؟

عواش : ظهر من شوي ..

يلست : حسااافه أوف وين أميه بعدها حابسه عمرها في الحجره؟؟

عواش وتضحك : هههههههه لآ ..

طالعتها : زين !!!..

عواش وتلمح وقفت جدامي : مممممممممممممم عندي لج مفاجأه ..

طالعتها : خخخ مفآجأة شو ؟؟

عواش وتضحك حسيت أنا استخفت : هههههههه 

قلت : بلآج خخخ شو صاار ؟؟؟؟؟؟؟؟؟؟..... أهآآ سويتي لي بسكوت وجيه ..

عواش وإتفكر : لآ .. أقصد هيييييييييه سيري المطبخ وبتحصليينه ..

طالعتهاا : ليش أسير أناا ؟؟ "حسيت في شي خاشته "

عواش واتفكر : مممممممم بروح أزقر أميه ألحين "وسارت تركض ركبت الدري "

ضحكت : ههه بلآها هاذي خليت شنطتي ورحت صوب المطبخ سمعت صوت دخلت وقلت : منوو؟؟

..... : عنود !!!

إنصدمت مدري شو صار فيني أناا ما أتخيل هذا حمد ؟؟؟ قلت : حمممممممممممممممممممد "ورحت حضنته بقوو ويلست أصيح"

طالعت عليهاا وقلت : هيه حمد هلآ وغلا بإختي فديتج روحج والله لج وحشه يالدووبه ..

عنود واتصيح وتضربني : يالحيواااااااااااااااان ليش رحت لييييييييييييش ؟؟؟ 

طالعتها : يالله عاد لآتصيحين دموعج غاليه ماصار الا كل خير ..

عنود وبعصبه وإبتعدت : لآتكلمني تخليني بروحي وأتزوج حتى ما كمل ما قردت أخلص جامعه وأحقق إلي بنيته مابساااامحك .. "ويلست تصيح"

كسرت خاطري رحت صوبها : خلاص بس لاتصيحين ..

عنود : لآاااااااااتكلمني "وظهرت"

كنت حاس أنها مضايجه وايد ومستحيل تسامحني ظهرت شفتها يالسه تصيح ..

رحت عندها : خلااااااص بس عنوود لآتبجين ..

عنود وماترد ..

رجعت عواش وراحت عندهاا : عنودووووه بلآج حمد رجع لناا شفيج تصيحين بدال ماتفرحين ..؟؟؟

عنود وتمسح دموها : هيه على حسابي أناا .. كنت أنا الضحيه ..

رحت صوبهاا : يالله عااااااااد والله بضربج بسج لآتصيحين ..

عنود : ماابي لآتكلمني كله منك ..

............. : يالله آنسه عنود إهنيه أووه بعد تصيح شو صاير ..

عواش : عبوود مب وقته ..

عبود ويضحك : ههههههه زين كليتيني شفيهاا الدلوعه 

عنود : لآ والله إنت الدلوووع ..

عبود ويتطنز : وااضح منو الدلوع .. ؟؟؟؟؟؟؟

كان خاطري أضربه : جب عبوود ..

حمد ومسك إيدي : يالله عوووندووه سامحيني وريحيني مافيني على زعلج ..

ضحكت : هههههههه زين خلاص سامحتك يا أغلى أخ ..

عبود : أووووووهوووووووو أميه من صوب وعنودوه من صووب وإحنااا مالنآآ نصيييييييب ..

رحت وسلم عليه : لآ شو ههه فديت عبود بس لو يعدل رمسته ومايطنز وايد ..

عبود ويضحك : هههههههههههه أفا عليج كل يوم بطنز ...

ضربته وقلت لحمد : الحمدلله على سلامتك متأخر هههههههه شحالك إن شاء الله بخير ؟

حمد ويلس : الحمدلله يلسي "عقب كلنا يلسنآا والله من زمآن مايلسنآ مع بعض كنت مستانسه وااايد مقدر أوصف"

شويه ودخلت أميه : السلآم عليكم "رحت وحضنتهآآ وسلمت عليها فديتهاا والله "

قلت : شحالج الغاليه ..؟؟؟؟؟؟

أميه : والله زينه ماسمعتوا الخبر .. ؟؟؟ 

كلنآا : شوو ؟؟؟

أميه : يدوة جاسم ريلج توفت أمس ..

الكل إنصدمم !!!!!!!!!!!!!!!!!!!!! 

رديت : إن لله وإن إله رآجعون الله يرحمهاا..

عواش : حراااااااام ..

حمد ويطالع عواش : شو حرام استغفري ربج الأعمار عند لله والموت حق ..

عواش وبحزن : أستغفرلله ..

أميه وبحزن : يالله يمه حمد بروح ألبس ووصلني أعزي الناس وأخفف عنهم ..

رديت وأنا أحس بحزن والله أحبهاا وايد هالإنسانه طيبه وايد يالله ربي يرحمهآا عسب جيه جاسم مضايج ..

قلت : بروح وياكم ..

أميه وإطالع عواش : يالله روحي إنتي بعد إلبسي وخلونا نسير ..

حسيت بندم لأني كلمت جاسم بطريقه مب حلوه وغير هذا يدته توفت أكيد أهو محتاج حد يوقف معاه ..

بس ما أريد أنا مالي خص فيه .. خلآص قلت مابينا شي ..

سمعت صوت عنود : حمد حمد ؟؟ حمممممد ؟؟

رديت : هلآ ؟؟؟

عنود : يالله روح إلبس إنت وصلنآا وين سرحت ؟؟..

رديت : إن شاء الله " ورحت أبدل وعقب ظهرنا كلناا أنا وعواش وأميه وعنود"

*********************************************

"أحيانا الصمت يكون أخير من الكلام"

.

,

[ عند يزوي كآن الحريم يعزون أم سلطآن والصوب الثاني الرياييل في الميلس عند بو سلطآن" ..

ويزوي في حجرتها قافله الباب وماتكلم حد حتى مآظهرت تستقبل الحريم وأمها كانت موجوده مع نوره..

.

.

وصلنآا ونزلت أنآ وأميه وعواش ..

أميه : حمد روح إنت صوب الرياييل..

حمد وحسيت مايبي بس علشان أميه ظهر وسار ..

دخلنآا ويلسنآ نعزيهم كان البيت مدري كيف حزن ودموع .. 

سلمت على مهره : عضم الله أجرج ..

مهره من الحزن ماقدرت أسمع غير صياحهاا .. عزيت الكل " شفت عمو وعايشه وبيت خالهم كلهم موجودين ومريم وبنتها شهد"

عقب يلست حذال مهره و تذكرت أبوي وتذكرت سالم ويلست أصيييح حسيت بحزن فقلبي وما قدرت أستحمل

 كأني أتذكر اليوم إلي مات فيه أبوي وعقب سالم بدال مآ أخفف عليهم زدت عليهم وأميه تحاول نفس الشي .. يلست تصيح 

مهره وبحزن : ربي يرحمها ..

مسحت دموعي أنا المروض أخفف عليهم مب أزيدهم : آمين وين اليازيه ؟

مهره : في حجرتها ماتبي تكلم حد وماترد ..

وقفت وقلت بروح عندهاا تذكرت جاسم طرش له مسج "السموحه ماكنت أدري عضم الله أجرك أنا مع أمك وعواش" ..

ومارد علي دقيت الباب على اليازيه : يزوي يزوي ؟؟

 مافي رد ؟؟ !!!

الظاهر مضايجه وايد أكيد إهيه أكثر وحده مضايجه كآنت تحب اليده وايد ربي يرحمهآا يارب 

.

.

*****************************************

"سأنتظر .. ذلك اليوم "

.

.

[ في الشقه عند ندى ..

غريييبه محد يرد على وين عواش ؟؟ أخاف صاير معاها شي ..

بجرب أتصل .. .. "مغلق " اوف شو أسوي ألحين رحت عند أميه الحجره ..

دخلت : أميه ؟؟

شفتها يالسه : إهنيه ..

رحت عندها : أميه بسألج سؤال ..؟؟؟؟

طالعتني : سؤال شو مب وقته بروح أجهز العشا ألحين .. 

رديت : أميه أنا أريد أعرف أبوي كان يعرف أنج متزوجه ؟؟ قبل ..

أميه وبعصبيه : شو هالأسئله مالج دخل في هالأمور ..

رديت : أميه دخيلج خبريني ..؟؟؟؟

أميه : لآ حول ولآ قوة إلآ بالله ..

حسيت بحزن ليش ماتخبرني : أميه أنا بنتج المفروض أعرف ..

أميه والظاهر كسر خاطرها : خلاص عن تصيحين هيه كآن يدري أني متزوجه وتطلقت ..

قلت : إنزين وعمي أبو أخوي ليش طلقج ..

طالعتني وقالت : شو بيفيدج إذا عرفتي ..

قلت : أريد أعرف ؟؟ وليش ماتخليني أيلس مع خواني ويبتيناا "وبعدها تذكرت شي وقلت بصارحها" أميه بقولج شي أنا شفت عبود وعواش من كم يوم ..

أميه وبعصبيه : شووووووووووو ؟؟؟ أنا شو قلتلج إنتي ماتسمعين الكلام ؟؟

حسيت قلبي بيوقف : أميه بلاج ليش تصرخين علي ماسويت شي ..

أميه وتوقف تمسكني من كتفي بقوو : أنا ماقلتج لآتشوفينهم ماتسمعين الرمسه ؟؟

رديت : شو فيهاا خوااني ..

أميه : لآتقوليين خوانج هذيله مب خوانج .."وعقب توترت"

حسيت بصدمه : كيف يعني مب خواني ؟؟؟؟؟؟؟؟؟

أميه وبعصبيه : لآتكمينهم مره ثانيه .. تفهمين ولا شو ..

قلت وأنا شوي وأحس بيصير فيني شي : ليش مب خواني ؟؟؟؟؟؟؟

أميه ومتوتره : لأن أبوج عبدلله..

إنصدمت : شوووووووووه ؟؟؟؟ كيف يعني يعني ؟؟"عرفت ألحين ليش ماتخليني أيلس معاهم ويينا الشقه"

أميه وتغير السالفه : مدري بروح أجهز العشا .. "وسارت"

كنت أحس بصدمه كيف يعني ليش ما قالت هالكلام من قبل يعني حمد وعبود مب خواني !!!!! أستغفرلله

حسيت برجفه في جسمي كيف أميه ماتأكد !!رحت لحقت وراها وقلت وأنا أصيح : أميه لييييش لييييييييش ماقلتي من قبل ..؟؟؟

أميه وإطالعني ماتعرف شو تقول : ما كنت أدري أني حامل يوم تزوج بو حمد وخفت أبوج ياخذ مني مثل ماخذا أحمد ..

طحت على الأرض وأنا أصيح : ليش ليييش ماقلتي من قبل ليش .."شفتها يت صوبي وحضنتي"

وقالت : بس خلاص لاتصيحين والله ما كنت أريد أبوج ياخذج عني غصبن عني مب فإيدي ..

إحساسي وقتها كان مثل صدمه كبيره في حياتي ..