25

رجعت لكم وكلن بعض الأمور صعبه وتحتاج إلي وقت ..

لكي أتأقلم مع حياة جديد بعيدة عن الماضي ..

ليس الخوف هو الذي يمنع الناس بل الشعور بالأسى على الأيام ..

أيام ذهبت وغيرت كثيرا من الأمور في حياتي ..

ولكن تعلمت بأن الله إن أخذ يعطي ..

وربما كان ذهاب من أحب خير لهم ..

فكلنا سنفقد كثيرين ولكن ليس الأمر بأن نحزن ونقف طريقنا بعدهم ..

فالموت حق إفرح لهم ولاتجل من بعدهم دموعا بل إدعي علهم دائما ..

تأكد بأن مهما فعلت لم يرجعوا .. وإنظر حولك وستجد أن هنالك

من يحتاجك ومن يحبك إستمر في حياتك ولا تغلق ابوابها..

لآتيأس أبدا فالله مع من يحب .. لاتحزن فالله ربك ..

"تعلمت بأن المعزة دائما تبقى في القبل رغم كل شي وأن من يحبك سيسامحك .. "

.

.

عبود وراح يفتح الباب : منوو ؟؟ وشويه انصدم حمممممممددددددد حمد!!!!!!!!!!!!!!!

عواش وراحت تركض صوبه : حمممممممممد وييييييييينك "شفتهاا طالعتني منصدمه وحضنتني ويلست تصيح "

ما أدري شو صار فيني حسيت بشي قوي في داخلي وأنا أشوف عواش تصيح في حضني مسحت على راسهاا: عواش ..

عواش وبعدها اتصيح واتخربط كلام : ليش انت ؟؟وين رحت ؟؟خليتناا وسرت ويين كنت !!؟؟؟ ليش اهى ...

عبود ونفس الشي .. كنت أطالعهم كسروا خاطري وايد واايد للحظه كانت بتنزل دمعتي بسبتهم حاولت أهديهم 

وهم مب طايعين يسكون ولا يبعدون عني : خلاص بلاكم رجعت لكم بس سكتوا ..

عواش واتصيح : ماااااااابي لا ترووح .. "وماسكتني بقوو"

مسحت على راسهاا : خلاص سكتي مابروح مكان ..

عواش واتصيح : حراااااااام عليييك ليش ماتتصل ولا تسأل رحت وخليتناا جيه ..

عبود : هيه على الأقل اتصل ..

رديت : السموحه منكم يالله ماعلي المهم الحين رجعت ..

عواش وماسكه ايدي : ماتروووح والله مااترووح ..

ابتسم وقلت : مابروح مكان خلاص سكتي أنا مب يااي علشان تصيحون ..

عواش زعلت : يعني شوووووو تتوقع مناا؟؟؟ تروح واتخلينااا وبعدييييييييين فجأه ترجعععععععع الله يسامحك "وراحت حجرتهااا"

 طالعت على عبود : زعلت ؟؟ ياربي بلاكم والله الي صار مب فإيدي ..

عبود : الظاااهررر جيه زعلت .......... الحمدلله على سلامتك وإن شاء الله مب ماخذ بخاطرك مني ..

طالعته بنص عين : الله يسلمك لا مب ماخذ بخاطري منك ..

عبود ويبوسني فوق راسي : فدييتك خشمك والله ..

ابتسمت وقلت : الحين شو اسوي منو بيراضي عواش ..

عبود وهز راسه بمعنى لا : مستحيل ترضضضضى بتحصلهاا يالسه تصيح ..

دخلت داخل وسكرت الباب والله من زمااااان عن هالبيت مدري أحس بالراحه وكأني رجعت لنصي الثاني ..

عبود ويطالعني : الحيين الوالده بتستااانس أروح أرمسهاا ولا ؟؟

يوم قال الوالده حسيت بشعور حلو رديت : لآ خلك أنا بروح أشوفهاا ..

عبود : عيل الله يستر ..

قلت له : روح شو عواش لين ما أسلم على أميه وأتفاهم معاهاا ..

عبود : والله ما أريد بس دامك تبيني أكلمهاا خلاص تم "وسار حجرة عواش"

.

.

رحت صوب حجرة أميه كنت متررد ونفس الوقت خايف تكون ماخذ بخاطرهاا وايد وماترضى تشوفني ..

دقيت الباب ماسمعت رد قلت : أميه .. أمييه ؟؟

وشويه وأسمع : منووو ؟

فديت هالصووت والله يرد الرووح قلت : حمد أميه رجعت لكم ..

ما حسيت إلآ بصوت البااب وينفتح وأميه منصدمه : حممممممممد ولدي رجعت ..

حضنتي ويلست تصيح أخلص من عواش وألحين أميه بست راسهاا وقلت : السمووحه يالغاليه ..

أميه واتصيح : جيه تسوي تخلي أمك!!!!! وخوانك واتروووح هذاا جزااتي ؟؟؟؟..

رديت : أميه لاتصيحين ما اريد اشووف دموعج والله مب بإيدي الي صاار والحين خلاص اناا هنيه ..

أميه وتصارخ : تخلييي امك وماااتسأل عنهاا حتى ماافكرت تقوول بتصل أكلمهاا اطمنهاا جيه خليتني أحااتيييك ..

حسيتهاا تتكلم وتطلع كل الي بداخلهاا يلست تتكلم وتتكلم وتتكلم وأنا منزل راسي وأسمعهااا ..

بس شوقي أهو إلي صبرني على كلآمها وما أريد تضايق مني أكثر..

وشويه أشوفهاا سكتت طالعتهاا وبست ايدهاا : ها أميه رضيتي عني ..

وأميه وتمسح دموعهاا : راضيه .. 

ابتسم لهاا وبستها في إيدهاا : فدييتج والله ..

أميه : ربي لايحرمني من أنا عندي حد غيرك .. 

سمعت صوت من ورااي : لآااااااااااااا والله مااعندج حد غيره ونحن وين رحنااا ..

اميه وتصارخ : روووحوا انتوا مب أوادم شياطين 24 سااعه ضرابه وصريخ ما مثل حمد أبددد ..

عواش وتتطنز : لآااا والله مااعلي مااعلي قولي تبيين شي مني .. 

شفت عبود غمز لي هههه قدر يقنعهاا ..

أميه وإطالعني : حمد كللللم خوانك والله مب مخليني ارتااح من حشرتهم ..

ههههههه اهنيه ضحكت من كل قلبي رجعت لشكوات اميه من عبود وعواش وهواشتهم هههه

قلت : والله اذاا ضايقتوا اميه ماتلومون نفسكم ..

عبود : أمييه قوولي الصج مب عوااش اهي الي تبدأ وتسوي ازعااج ..

أميه وإطالعني : والله مقدر أناام ..

عواش : عبووووووود لاتجذب ..

عبود ويطالعهاا : شوو منو الي بداا ..

عواش واطالع عبود : جب زييين أناا ماقلت شي قلت الصج إنت واحد جذاب ..

أميه : بس إنت ويااهااا ..

يلست أطالهم وأهم يتناقشون ههههه والله أيااام وبعده مااتغيروا عبود يقول عواش وعواش تقول عبود وأميه تشكي الحال ..

بس في شي نااقص ؟؟؟ توأمي عنود !! أكيد إهيه عند جاسم آآآآآآه عااد عنود شي ثااني أكيد بتضربني وبتصرخ وأقل شي أنهاا تتم زعلآنه اسبووع هههه..

أميه وتمسك ايدي : حمد تعاال ارتااح وبسوي لك شي تشربه ..

طالعتهاا : هاا هيه مشكوره فديتج ..

أميه : فدييت روحك أنت عسى ربي لايحرمني منك مره ثاانيه قوول آمين ..

ابتسمت : آمييين ..

عبوود : لآ والله ونحن ..

عوااش : ططططططع والله قهر يعني نحن مانحصل كلمه عدل ..

أميه : اسكت انت ويااهاا ورحوا جابلو دراستكم وأناا بيلس مع حمد اشتقتله فديت روحه ..

عواش : شو هذاا ظلم والله انزين حتى نحن نبي نسولف معاااه ..

طالعت عواش : عواش سمعي الرمسه عقب بييه وبنسوولف ..

عواش : زييين .."وسارت"

طالعت عبود : وانت مبروك سجلت فالجامعه زين والله كنت بذبحك إذا ماسجلت كيف الدراسه ؟؟

عبود : اناا ادري انك بتذبحني عسب جيه سجلت هههههآاي والله تماام..

قلت : زين .. 

وعقب سرت مع أميه ويلست تسألني ما أجذب بس لأول مره أحس بهالفرحه ..

.

.

******************************************

"الأيام تمر بسرعه وإحنا ماندركهاا" 

.

.

[ عند ندى كانت يالسه في الصاله مع أمها يطالعون تلفزيون ..

ياربي أكلمهاا ولا لا أخااف تعصب إلآ أكيد بتعصب أنا أدري ..

ياربي شو ألحين ..

أميه وإطالعني مستغربه : بلآج بشو اتفكرين ؟؟

رديت : هاا .. هيه أميه أريد أقولج شي بس لآتزعلين مني أو تضايقين ؟؟

أميه وإطالعني : خير قولي أسمعج ..

رديت وأنا متوتره : أ أ أنا كنت بقولج اريد أشوف أخوي أحمد ..

أميه وبنظرة عصبية : شووو كم مره قلتج لآ تتكلمين عن هالموضوع ..

قلت لهاا : أمييييه دخيلج والله مشتاقه له ..

أميه وبعصبيه : قتلج لآترمسيين في هالموضووووع خلاص سكتي .. 

طالعتهاا : إنزين ليييش أهوو أخوي وولدج يعني ليش ماتبيني أشووفه ..

أميه وتحط استكان الجاي : أووف منج الواحد مايشووف تلفزيون "ومشت تبي تروح حجرتهاا"

لحقت وراهاا : أمييه دخيييلج علشااني ..

ماردت علي ..

قلت : أميييه حرام والله حرام ..

طالعتني بنظره ودخلت الحجره وسكرت الباب ..

ياربي ليش جيه ليش يصير معاي جيه تعبت من الوحده في هالبيت وماعندي حد ..

سرت بتصل لعواش أكلمهاا ..

"رحت ويلست على الغنفه وإتصلت " ...

ردت : ألوو ..

قلت : ألوو هلآ عواش شحالج ..

عواش ومستاانسه : مستاااااااااااااااااانه حدي وايد وااايد بعد ..

استغربت : شو صاير ؟؟؟

عواش : حمد حمد رجع لناااا أخيييرا ..

فرحت من كل قلبي : صــــــــــــج !!!

عواش : هيه والله الحييين أهوو يالس يرمس أميييه والله ماتوقعت صح أني كنت مضاايجه بس مع هذاا أخوي وأحترمه ..

رديت : أووووف وأنااا أريد أشوووفه أميه أبد ماترضى أشووف ولا أحمد ولآ أزووركم ..

عواش : جد ندى بدون زعل أمج شريره ..

ضحكت : هههه شريره ..

عواش وتضحك : هيه يعني حرام والله تفرق إخت من خوااتهاا جيه ..

قلت : ولو عواش هذي أميه شو متسوي لآزم أحترم رايهاا ..

عواش ومستعيله : أوك أوك باااي بسيير حمد يزقرني "وسكرت"

حسيت بحزن خلاص ألحين حمد رجع لهم ومابيفكرون فيني ولا حمد فكر فيني ليش جيه ..

يلست أصيح من كل قلبي حسيت أني أريد أرجع لهم بس أميه ماتبي هالشي .. 

[ في الجهه الثانيه أم ندى كانت تراقب ندى وتشوفهاا تصيح علشااان تبي تشوف خوانهاا ..

.

.

******************************************

"والله أن مكانتج ماتتغير أحبهاا وأعزهاا ربي يحفظهاا" 

.

.

[ عند يزوي كآنت يزوي يالسه تقراا قرآن ومهره رقدت .. كان جو البيت هاادي ..

طالعت على مهره هذي نامت وخلتني بروحي !! 

يالله بسير آكل شي يعت "سكرت القرآن وحطيته" وظهرت من الحجره وسرت المطبخ ..

يلست أدور شي آكل ماحصلت شي خذيت تفاح ويلست أقطع وآكل ..

.......... : مهره إنتي إهنيه ..

التفت هذاا الصوت هيه يدوووووه !!

يدوه وإطالعني منصدمه : اليااازيه شو اتسويين هنيه ؟؟؟

حطيت صحن التفااح ورحت سلمت عليهاا وبستهاا فوق راسهاا ..

يدوه وإطالعني : شو صار ليش رجعتي ؟؟

والله ما قدرت أحس أريد أحضنهاا حتى دمعتي نزلت قلت : يدوه اشتقتلج ..

"ماحسيت إلآ وأنا رحت وحضنتهاا"

يدوه منصدمه وفي نفس الوقت فرحاانه : اليااازيه ترووومين ترمسييين ؟؟؟؟؟؟...

قلت : هيه يدوه إشتقتلج"وأنا أصيح" .. السموحه منج السمووحه يدوه ..

يدوه : فديييتج لآتصيحي خلاص سكتي ألحيين..

رديت : يدووه رااضيه عني آسفه والله لأني أميه قالت لج كلآم يضايق حقج علي ..

يدوه وتمسك ايدي : فدييت بنتي ما أزعل منج بس زعلت من أمج "ومسحة دموعه" بس يالله ماصار الا خير ..

ابتسم لهاا اهيه الي عوضتني عن الحناان الي فقدته من اميه .. 

اهيه الي اهتمت فيني ..

كانت تسأل عني ..

كانت تهتم فيني ..

غاليه في قلبي..

إذا تضايقت تسألني ..

إذا بجيت تخفف عني ..

إذا أريد شي تعطيني ..

يدوه ويلسني : يلسي فديتج وما اريد اشووفج اتصيحين ..

يدوه واطالعني : انا راضيه عنج ما اريد اشوفج تبجين موليه .. "شويه حسيت فيهاا شي وصوتهاا تغير"

طالعتهاا ومسك إيدهاا : يدووه بلآج فيج شي ..

شفتهاا ماسكه صدرها وتتألم : مدري حاااسه بضييقه ماعلي "سكتت وتغيرت ملامحها حسيت بشعور سيء"..

طالعتهاا وأناا خااايفه : يدووه بلآج يدووووه .. بديت أصرخ مهررررررره مهررررررره ..تعاالي مهره يدوه ارتاحي ..

يدوه وبتعب ماتروم تتنفس : ودووني المستشفى مقدر مقدر ..

دخلت مهره ومستغربه : شو في .."وانتبهت على يدتها" يدوووووه بلآهاا ؟؟؟؟؟؟؟؟؟

طالعت عليهاا وقلت : مهره دخلييج بسرعه ازقري على سلطاان بسرعه دخييلج ..

مهره وتروح بسرعه لحجرة سلطآن "دعقت الباب بقوو".. : سلطااان سلطااااااااااان ..

ظهر سلطآن مستغرب !! : شو صاار خير ..

مهره : إلحق عليينااا يدوووه تعباانه .. "وبسرعه وأشوف سلطآن ييه"

ومهره يابت العبي لبسناا بسرعه ورحناا المستشفى ..

كنت خافيه شو فيها يدوه .. شو صار !! وسلطان يسوق بسرعه .. ومهره تمسح على ويه يدوه كلينيكس مبلل بالماي ..

حسيت الوقت مر بسرعه كنت أفكر وايد ومب قادره أسكت .. وصلنا وبسرعه سلطان زقر على النيرس والدكتور ,.

 ودخلوهاا العناايه ..

يلست أصصييح مقدر مستحيييل يصيير فيهاا شي ياارب يااارب دخييلك لا يصير فيههااا شي ..

كله إلآ يدووه لايصيير فيهاا شي وين بروح من بيهتم فيني ربي طلعهاا بالسلامه ..

مهره واطالعني : أناا الغلطاانه أناا الغلطاانه "ويلست تصيييح"

رديت باستغراب : شوو مهره مب وقته!!

مهره  : كله مني كله مني كااانت تقووول حااسه بخنقه وما ارووم أتنفس أقول لهاا مافيج شي يدوه لاتباالغيين ... 

رحت ومسكت مهره : شوووووووو!! تدرييين انهااا تعبااانه واتخليينهااا ؟؟؟؟؟؟

مهره وتحلف : والله ماكنت أدري والله ..

فلحظهاا كنت اريد أضربهاا بس مسكت أعصاابي ويلست أدعي ربي مايصيير فيهااا شي..

.

.

.

***************************************

[ عند العنود كآنت يالسه في الحجره وصلها مسج من عواش ..

عواش !! شو تبي فتحت المسج "عنودوه باجر تعالي البيت "

استغرب ليش يعني باجر !! 

بشوف يمكن أروح..

.

.

شفت جاسم دخل طالعني وسوا طاف .. حتى مايعرف يسلم مالت ..

شويه وأشوفه خذا الورق مال الجامعة الي على الطاوله .. 

جاسم ويأشر على الورق : هذاا شووووو ؟؟

قمت من مكاني وسحبت الورق : ميخصك ..

جاسم ويحاول ياخذ الورق من إيدي بس أنا معانده : قلت مايخصك ..

جاسم : عطيييييني أشوووف ..

خشيت الورق ورا ضهري : مابي لازم تشووف يعني هذي أوراق .. "يلست أفكر شو بقول"

جاسم وبشك : أوراااق شوو ؟؟؟ أدري أنها أوراق أشوف مب عمي الحمدلله بس من وين يت هالأواق ؟؟

رديت : شو فيك إنت هذي أورااق في وصفة وخلطات مال سويت وجيه سوالف المطبخ أووف خربت علي كنت ناويه أطبخ . . 

"وفي قلبي أستغفر الله مطره أجذب ولا إذا عرف بروح فيهاا"

جاسم ويضحك : هههه أونج يعني "وظهر"

كان خاطري أقول والله يضحك بس مب ناقصه مشاكل كافي أهله ..

باجر بسير الجامعة وبحدد وقت الدروس أنا لآزم أكمل وأحقق حلمي أني أشتغل ..

حسافه تعب سنين فالمدرسه والجامعه يفكرون الدراسه شي سهل .. 

رحت وحطيت الورق في الملف وقررت أظهر ما أحب أتم بروحي فالحجره ..

سرت وحصلتهم كلهم يالسين "عاشوه .. وأم ريلي وعمي فديته الوحيد إلي يحبني من بينهم"

سلمت : السلآم عليكم "كانت عاشوه مسويه طااف وعمو نفس الشي"

عمي : حياج يلسي .. "وطالع على جاسم" ليش خليتها بروحها على الأقول قول لها تعالي يلسي معانا"

جاسم ويطالعني بنص عين : ما أريد أجبرها تراها ماتحب تيلس معاكم ..

هذاا يفضحني ليش قلت : لآ شوه بالعكس بس أحيانا أكون تعبانه فما أقدر أيلس وايد وأسولف معاكم ..

عاشوه : أبوي ماعليك من كلامهاا دوم إتييه وطول إلسانها عليناا ..

عمي طالعني مستغرب تفشلت من الخااطر شكله كان منصدم .. 

قالت : صج هالكلام ..

شو أرد شوو أرد مدي وقف وقلت : بروح أسوي لكم جاي "وسرت بسرعه للمظبخ "

تنهدت : أووف يااربي ألحين حتى عمي بيتغير إسلوبه .. 

سمعت صوت باب المطبخ تسكر : بسم الله .. 

جاسم وبعصبيه : شووو هالحركه الخاايسه أبوي يسألج وتقوميين ؟؟؟؟ 

لا بالله رحت فيهاا : كنـ

جاسم : كنتي شووو انتي ماتفهمين ؟؟؟

رديت : إنزين ..

جاسم وبعصبيه : إنتي ماتستحيين شووو كم مره أعلم فيج يوم حد يرمسج صبري لين مايخلص كلمته ولا يسألج ردي عليه ..

حسيت ذاني تقول الرحمه : ووالله ..

جاسم ويقاطع علي ومسك ايدي ورص عليهاا : عنووود اذااا شفتج مره ثاانيه ماتحترمين ابوي يوم يمرسج ماتلوميين نفسك فاهمه ..

من الخوف : فاهمه والله فاامهه "عصبت"وبعدييين انت بعد صار لييين ساعه أحاول أكلمك ماتعطيني فرصه ..

جاسم ويرص أكثر : يوم الريااييل يتكلمون الحرمه تسك وتقول ان شاء الله ..

قلت : آآخ انزززين انزيييييين ان شااااء الله ..

جاسم ويدزني : يالله جدامي إعتذري ..

ظهرنا من المطبخ وهمست له : جاسم لتفشلني جدام أهلك ..

جاسم ويطالعني : تستاهلين .. 

رحت وبست فوق راس عمي وقلت : السموحه والله مب كان قصدي أني ما أسمع لك بس قلت بسوي لكم جاي دامكم متيمعين ..

عمي : ماعلي شو أنا عمج ماله داعي تعتذرني ترانا أهل ..

جاسم يلس ..

عواشوه : يالله بعد زيين ترومين تعتذريين ..

جاسم ويكمل عليها : ماعلي إذا ماتعرف أنا أعلمهاا .. 

حسيت بالاهاانه وبقوو هذله يطنزون علي تميت واقفه وحاسه بناار بداخلي وأنا أشوف عاشوه تسوي حركات وإطالعني بنظرات ..

والله لو عمي مب إهني كنت بضارب معاهاا بس صبري علي عقب نتفاهم .. 

عمي : بلآج يلسي ..

رحت أبي أيلس .. بس

عموه : عيل ما اشوف سويتي الجاي روحي سوي قهوه بعد ..

طالعتهاا وعقب طالعت جاسم إلي يطالعني بنظرات بمعنى يالله روحي ..

رديت : إن شاء الله .. "وسرت أووف دخلت ويلست أسوي لهم الجاي والقهوه"

.

.

***********************************************

وفي الليل الكل بينام :

[ يالله حمد رجعت عند أهلك شعور حلو وماينوصف لما تغيب عن أهلك وناسك وترجع لهم وكأنك تكمل جزء منك الله يحفظهم

وعنود إن شاء الله باجر تمر هههه أدري بحصل ضرب من الخاطر بس يالله هذي إختي ، وأنا معاهاا أنا غلطت أني ماكنت أسأل 

عنهم ماتوقعت أن حياتي بتتغير وصلت للي أبيه وكملت المشروع ونجحت في المشاريع ، بلحظه كنت بتراجع بس من يوم قررت تغير

كل شي المستحيل إلي كنت ما أتوقعه صار وهذا بفضل استيفن ، يالله الحمدلله أميه رضت علي وهذا إلي ريحني .. 

.

.

[ يارب أريد أشوف خواني إشتقت لهم وايد أريد أيلس معاهم أضحك وأسولف أنا كنت غير وتغيرت بفضلهم وألحين رجعت لحالتي

والعزله ما  أريد أتم جيه تعقدت أحيانا أقول ياليت عشت مع أخوي أحمد وأحيانا أقول حرام وأميه منو بيتم معاها ، أنا مستعده 

أضحي بأي شي علشان أميه حتى لو مآ أكمل جامعه المهم أتم معاها وما أخليها بس إذا رجعت لعمي بو أحمد إلي أهو أبو أخوي بيكون

أحسن وبقدر أروح الجامعه ، بس متى بتغير رايهاا يالله لآزم أنام باجر على إمتحان وبقوم الفير بصلي وبراجع ..

.

.

[ فكرررري فكرييييي عنود كيف بتروحين الجامعه بدون مايحس ما أريد يدري أصلا شو إذا عرف بروح فيها مستحيل أنا لآزم 

أدور لي حجه ممممممم بقول رحت عند أميه هيه مافي حل ثاني ، ولآ أقول بقول كنت عند اليازيه هيه أحسن صح يزوي ما أدري

ليش ماتر علي !! غريبه يعني يالله ان شاء الله خير بنام ألحين وبااجر يصير خير ..

.

.

[ يااربي لايصيير معاهاا شي يارب قومهاا بالسلآمه أناا ماعندي حد إذا صار فيها شي منو بيشوفني ، مقدر مستحيل أتم إهنيه 

أريد أرجع المستشفى بس مابيرضون يدخلوني شو الفايده ، لييش جيه يصير معااي بلحظه فرحت من كل قلبي وألحين حزنت

كنت مستانسه أنهاا راضيه علي وألحين إهيه في المستشفى تنفتح لي أبواب وتسكر غيرهاا .. بقووم أصلي وأدعي بدال ما أتم أتكلم ..

.

.

*************************************************

في اليوم الثاني :

في بيت بو حمد ..

[ كانت أم حمد من الفير قاعده وتصلي وتشكر ربها لأن حمد رجع لها ويلست تدعي وعقب سارت المطبخ تسوي الريوق ..

وبعدها حطت الريوق .. وشويه تظهر عواش ولابسه ومتجهزه علشان المدرسه ..

.

.

يلست : صبااااااحوووو ..

أم حمد : صباح الخير عيل وين أخوج ؟؟

عواش : إذاا تقصدييين عبود ألحين بييه ، وفديييييييت أميه تسلم إيدج على الريوق "ويلست تتريق"

أم حمد ورايحه صوب المطبخ : عبووود عبووود يالله تعالي اتريق .. "ودخلت المطبخ"

عبود ونازل من الدري : ياي .. صبااح الخييير .. "ويلس"

عواش : صباح الخيراات ..

عبود ويطنز : وأخيرا بناكل ريوق عدل الحمدلله ..

عواش وتضربه على كتفه : جب تتطنز على الريوق إلي كنت أسويه إحمد ربك زين ..

عبود : والله زين الوالده رجعت تطبخ ولا أنا كنت بروح فيهاا حتى ربعي يسإلوني بلاك إنت ماتاكل شو .. 

عواش وتقلده : ما تاكل شوه مالت ..

عبود ويقرصهاا : علييج ..

عواش وتصرخ : آآخ والله بتحصل ضرب ..

شفتهم هههه بديناا من صباح الخير : احم احم ..

عواش وإطالعني : حمممممممد شوفه أهو الي بدأ قرصني بإيدي شووف لو ماتصدق ..

عبود : أوووه كاشخ لازم صار مدير ..

طالعت عليه بنص عين : تغير السالفه ..

عبود : لآ ما اغير ..

عواش وتضحني : أصلا أخووي من يوومه كششخه ..

دزيتهاا : فاقده حناان انتي ..

عواش وتضحك : هههه الظاهر جيه..

قلت : يالله أنا بروح الدوام وسمعوني أخر مره أحذركم إعقلوا مب يهاال بروح أسلم على أميه يالله خلصوا ريوق ..

عواش : تعاال تريق ..

رديت : لآ مب مشتهي بالعافيه "وسرت عند أميه وسلمت عليها وظهرت"..

ركبت سيارتي بروح الشركه وإتصلت باستيفن ..

.

.

*************************************************

"لأجلك فقط .. فأنا أحبك كثيرا رغم قسوتك في بعض الأحيان" ..

.

.

[ عند ندى في الشقه .. أم ندى فالمطبخ تجهز الريوق  ..

لبست وخذيت الشنطه وظهرت شفت أميه في المطبخ دخلت وسلمت .. : السلآم عليكم وصباح النور ..

أميه وإطالعني : صباح الخير شو ليش سهرانه ..

رديت : لآ مب سهرانه نمت وقمت مبجر وصليت وعقب قلت أراجع علي إمتحآن ..

أميه : أها زين ربي يوفقج ..

ابتسمت : آمين يارب ..

عقب يلست وتريقت .. وبعدهاا رحت أتريا الباص ..

.

.

[ عند يزوي بعدها يالسه تدعي أن مايصير مع يدتها شي..

سمعت صوت الباب .. 

شفت مهره يلست حذالي : صباح الخير مانمتي ..

هزيت راسي بمعنى لا  " كانت التعب مبين علي وعلى مره "..

مهره وبحزن : ولآ أنا مارمت أنام سلطان إتصل قال شي ..

رديت : لآ وعمو ما اتصلت ؟؟

مهره وبأسف : لآ مدري شو صار معاهم .."مر وقت و رن فون مهره"

مهره وتطالع فونهاا : هذاا سلطآن ؟؟

قلت :ردي ردييي عليه شوو تتريين !!!!!!!!

مهره وترد : هلا سلطآن ..شو صار معااكم طمني ... ؟؟؟ ..  شوووه "ووقفت مهره" سلطآن قوول شووو صاار يدوه صااار فيهاا شي .. ؟؟

حسيت بدقاات قلبي تزيييد وصرت أسمع صوت دقات قلبي خذييت فوونهاا وقلت : شوو صاار ؟؟؟ يدووه صاار فيهاا شي ؟؟!!

سلطآن وحسيت من صوته صاير شي : اليازيه ..

صرخت : شووو صاار ؟؟؟خبرني شو فيهاا يدووه .. ؟؟ " كنت أشوف مهره الي بدأت تصييح وصارت دموعي تنزل"

سلطآن بحزن : يدوه .. 

صوت سلطان كان صوت حزن وألم رديت : لآتقووولهاا لاتقووول !!! أكيييد مافيهاا شي قاامت صح ؟؟؟ مافيهاا شي بترجعوون ألحيين ..

سلطآن : يدوه خلااص .. 

ماقدرت أمسك نفسي طحت ويلست أصيح ومهره حضنتني بقوو : مستحيل !! يدووه مافيهاا شي سلطاان يجذذذذذذذب ..

مهره وتااخذ الفوون : سلطاان دخييلك قوول قوول مافيهاا شي قووول ..

سلطآن وبحزن : الله يرحمهاا إدعوا لهاا.. 

مهره وإنهاارت صيااح : لا لااا مستحييييييييييل أناا ما أصدق سلطاان قوول أنهم جذاابيين يدوه مافيهاا شي أمس كناا نضحك ونسوولف ..

كنت أحس بحزن بألم بحسره بكل شي كأن الدنياا ظلمت علي فجأه ..

فقدت أعززز شي عندي يدوه آآآه ليش يلست أصيح وأصيح لين ماحسيت خلاص جفت دموعي ..

شووبسوي رااحت آه الله يرحمج يا أغلى شي يآ أميييه ودنيتي شوو بسوي كنت أتمنى أنه حلم وأن ما صار فيها شي ..

كنت أتمنى أني كنت أتخيل حسيت بدموع مهره إلي تنزل على إيدي ..

البيت ظلم كل شي حلوه رااح يدوه .. شو بيفيد صياحي ودموعي ..