24

عندما نشعرف بالرغبت للحصول على شيء ربما من الصعب أن نحصله عليه ..

فالنتذكر أن الله هو الذي كتب لنا ، وأنه دائما يكتب لنا الخير فلا تحزن ..

وكن دائما مع الله .. وأعلم أن الله لا يفرق إلا لكي نجتمع مرة أخرى .. 

ولانحزن إلا لنفرح .. ولا نبكي إلا لنضحك .. ولا نفشل إلا لننجح .. 

الحياة إختبارات عدية ربما نفقد الكثير .. ولكن سيعوضنا الله بالكثير ..

ربما نأمل بأن نلتقى بمن نحب .. وربما نأمل أن نحقق ما نتمناه .. 

لاتجعل اليأس في طريقك وأجعل الأمل شعار في حياتك تفائل دائما بالخير ..

فأنت لاتعلم ما كتب الله لك .. دائما توكل على الله .. 

وتستمر الحكاية .. 

.

.

.

.

.

"الحمدلله على كل شيء ورغم كل شيء "

وينها مهره أخااف خبرت حد أني إهنيه !! لآ ما أتوقع طالعت وماحسيت الا وأناا أقول : مهههره !!!

حاولت أتكلم كان صوتي مسموع شوي ..

أنا رمت أتكلم أخيرا فرحت ما أصدق أنا صرت أتكلم حاول مره ثانيه : مهره ..

ما أصدقت فرحت واااااااااااااايد حسيت قلبي يدق بسرعه .. مدري أحس أني طايره من الفرحه ..

وأخيرا ..

أخيرا بعد كل هالمده آآآآآه ياربي الحمدلله .. الحمدلله .. الحمد والشكر لك يارب .. حسيت بدموع الفرح على خدي ..

إنرسمت الإبتسامه بويهي .. الحمدلله ياربي مقدر أعبر مستاانسه حدي أريد كل الناس تعرف .. 

ظهرت من الحجرة ببشرهم صوتي كنت مستاانسه واايد ..

يلست أمشي ماحسيت إلا بحد زاخني من ايدي بقووو "وانمسحت الابتسامه من ويهي" ..

هذا مايد : إنتييييييي إهنيييييييه وأناا أقوول وين رحتي شكلج تبيين المشااكل يعني ؟؟؟

لأول مره أسويهاا بعدت إيده وقلت بكل ما أقدر أطلع صوتي : ميييييخصك فيني من اليوم وساير وعمري ما بسامحكم ..

مايد ومنصدم !! : يزوي إنتي ترومين ترمسين !!!؟؟ 

رديت : هيه خلاص "كنت أريد أكمل بس حسيت بأن صوتي يخف خفت لا لااا ما أرييد أرجع ما أريد يروح صووتي سكت"

مايد ويمسكني من كتفي : رد صووتج وقمتي تعادييين يالله روحي لبسي عباايتج يالله جدااامي ..

..... : بلااااكم استحوا عهد وفاطمه في المطبخ شو صااير مايد إنت اهنيه !!

مايد ويطالع مهره بطريقه مب حلوه : هه ليكون هذي الخايسه لعبت براااسج ..

حسيت مهره انجرحت بالقوو ..

مهره : لو سمحت إحترم نفسك ولا إطلع برع ..

مايد بسخريه : هه ومنو اتكونين انتي؟؟؟ ...  أقول أنا ياي آخذ إختي إنتي شو يخصج ؟؟ 

طالعت مهره وقلت : مهره لاتردين ..

مهره وإنصدمت يت صوبي : يزوووي رجع صووتج ..؟؟؟

ابتسمت لها وقلت : هيه ..

مهره واستانست وسوت طاف لمايد : مبروك حياتي .. خلاص لاترمسين علشان يثبت صوتج ..

مايد وبعصبيه : يالله بتيين بالطيب ولا كيف ؟؟؟

مهره وتوقف جدامي : يزوي مابتطلع من إهنيه ..

مايد : لآ والله وشكلج المدافع وأنا ما أدري ؟؟؟

مهره كانت خايفه بس ماسكتت : هيه مابتحرك ..

مايد ويدزهاا من جدامي وشويه وبطيح : يالله جدامي "مسك ايدي بقوو ودخل الحجره خذاا عبايتي وفرهاا علي" : البسي عباايتج ..

قلت : ما اريد .. 

مايد ويتأفف : قلتلج خلاص مابنسوي شي وبنبدأ صفحه يديده بس إرجعي البيت مانبي مشاااكل..

كنت برد بس مارمت ..

مايد : شو قلتي ؟؟ 

مهره وواقفه عند الباب : مايد اظهر من حجرتي لو سمحت ؟؟

مايد يطالعهاا : انتي جب لاترمسيني فاهمه ما أكلم وحده شراتج ..

مهره ماحبت تسمع أكثر راحت المطبخ .. 

شو بسوي.. حرام جيه مهره تدافع عني ومايد يجرحها جيه أرجع معاه ما اريد حد يتضرر بسببي !! طالعت عليه ..

وقلت : مايد لاتجبرني على شي ما اريده تراني سكت وايد ..

مايد بهدوء : يزوي سمعيني مب حلوه منج إتين إهنيه ..

طالعت عليه : وحلوه منك أنك تدخل وترفع صوتك علينا وتجرح مهره بكلامك ..

حسيته توتر : أووف خلاص برايج زين بيعي أهلج ..

طالعت عليه منصدمه هذا شو يقول !! كيف يفكر هذااا ..

مايد ويظهر : إلي مايبينا ما نبااه ودامج ماتبين أهلج ياليازيه ماتلزميناا "وظهر"

حسيت بقهر وبحزن كيف يعني ليش جيه يقول خرب ونااستي الله يسامحه ..

.

.

[ دخلت مهره المطبخ كانت عهد وفطوم يسون كيك ..

عهد : شو السالفه منو إلي يصرخ ؟؟

مهره ويبين من صوتها أنها مب على طبيعتها : ماشي سلطان ..

فطوم وتروح صوبها : مهره بلاج ليش جيه صوتج حد قالج شي حد زعلج ؟؟

مهره : ها لآ ولا شي ..."وتغير السالفه" شو صار فالكيك ..

عهد وتخطك الكريمه : تماام التمام صبري بخلص الكريما وبحطهاا على الكيك ..

مهره : زين وراحت يلست معاهم .. 

شويه وتدخل اليازيه .. 

شفت مهره كسرت خاطري والله .. سلمت على عهد وفطوم ..

عهد : إنتييييي اهنيه ..

هزيت راسي خخخ شكلي متعوده اهز راسي يوم أبي أقول هيه ..

فطوم : يزوي شرااايج فالكيكه ..

رديت : شكلها حلو ..

عهد وفطوم منصدماات !!!!!!!!!!!!!!!!!!!!!!!!!!!!!!!!!!!!!!!!!!!!!!!

عهد : ويت أنا أتخيل ولآ كأني سمعت صوتج !!

مهره وإطالعني : الظاهر نطق الصمت أخيرا فرحت والله  .. 

ابتسم وقلت : هيه .. 

عهد وتحضني : وناااااااااااااااااسه وأخيرا قلبووو والله فرحت لج من كل قلبي ..

فطوم ومستانسه : أوييييييه ما اصدق الحمدلله ..

يلست وقلت : بس أحس في صعوبه ..

مهره : هيه أصلا صوتج مب طبيعي بعده يحتاي وقت لين يرجع شرات قبل إنتي حاول ماترمسين وايد ..

هزيت راسي ..

عهد : هيه بعد أنا جيه أحس حاولي ما تضغطين على عمرج ..

مهره وتوقف : بسوي لج شوربه خفيفه .. "وسارت تفتح الكبت "

عهد : هيه وحطي فيهاا شويه زنجبيل ..

فرحت لأنهم يحاتوني ومهره مستحيل أنسى وقفتهاا معاي الله يحفظهم..

مهره وتشغل الفرم : يزوي باجر إن شاء الله باخذج المستشفى ..

هزيت راسي بمعنى إنزين ..

.

.

.

الأمل أضاء لي الحياة من جديد .. 

ربما نيأس أيام وشهور ونقد الأمل ..

ولكن لانعلم ماذا كتب لنا الله ..

دائما فالنصبر على الحياة وننظر إليها بنظر أمل .. وتفائل 

الحياة تتطلب الإصرار والمتابعة ..

فبعد غروب الشمس وحلول الليل ستشرق شمس يوم جديد ..

وتضيء الحياة مرة أخرى من يعلم فالحياة مجموعة من المفاجاء التي تملأ أيامنا وربما حزينه أو مفرحه ..

كنت دائما أنتظر أن يرجع صوتي كي أكون أنا وأقول ما في داخلي وأخيرا بعد صبر طويل بدأ الأمل

يضيء لي الحياة من جديد كأن روحي بدأت حياةً جديده بعيدا عن الكِتمان والصمت ..

أحببت الصمت ولكن ما أجمل أن يعبر الإنسان دائما عن أحاسيسه ومشاعره ..

.

.

********************************************

بعد أربعة أيام ..

[ مايد صار مايسأل عن يزوي وحتى أمه وأخته ويزوي حست بالندم لأنهاا السبب بأن أهلها مايسإلون عنهاا..

كآنت تفكر شو تسوي علشان ترد الأمور مثل ماهي ليش الدنيا تفرق .. لما راحت المستشفى الدكتور وصاها ..

وقال إذا تبي صوتها يتم ويتحسن ماتضغط على نفسها وتحاول ماتتكلم وايد وخبرهاا نصائح وايد .. كانت مهره 

دوم وياها وتشوفهاا وتاخذها المستشفى ويزوي حاولت تراضيهاا علشان مهره بعدها مضايجه من اسلوب مايد ..

وخبرت يزوي أنها كانت ترمس مايد وقبل ماترجع يزوي عند أهلها بس صارت هواشه بينهم ومن يومها مارمسته ..

وأن مايد جذب عليها وايد وأنا كانت تبي تنتقم مني وتسوي مشاكل بس إعتذرت لي وأنا سامحتهاا لأنها وقفت معاي ..

يدوه ماتعرف أني موجوده كنت أراقبها من بعيد والله قلبي يعورني وأريد أكلمها بس مقدر .. 

.

.

[ من يوم انتقل في مدرسه ثانيه وأنا ما أعرف حد كنت أحاول أتقرب من البنات والحمدلله البنات طيبات ..

والبعض ماحبيتهم كنت أسرح وايد في الحصص أفكر في أخوي أحمد وكيف نقدر نعيش مع بعض .. واحيانا

أفكر كيف بشوف عواش وعبود .. وأحيانا أفكر بحمد .. الأبلوات يحاولون معاي وينصحوني علشان أركز 

لأني شاطره ولازم أحافظ على مستواي الدراسي .. كل يوم أرجع من المدرسه أتريا أي اتصال من خواني ..

بس محد يتصل شكلهم مشغولين .. 

.

.

[ مستحيل أسامحه على موقفه كل يوم أذكر كيف قدر يفكر جيه هذي جزاتي شريت له وفالنهايه يقول من وين هالهديه ..

ومنو عطاج ويفكر أني أشوف حد غيره الله يسامحه صح أن فالنهايه إعتذر وعرف أنه غلطان وتسرع بس أنا مابسامحه ..

حتى أمه وإخته كل يوم يعاملوني أخس كرهتهم كرهت كل شي أنا برجع بكمل دراسي ماعلي من أي حد ..

سرت الجامعه وكلمتهم وقلت بكمل وباخذ شهادتي وبشتغل وماعلي منه برايه مستحيل أنا بكمل وبشتغل ..

.

.

[ محتار أروح البيت ولا لا أحس أني ما أريد أرجع لهم خلاص أنا مرتاح جيه في حياتي اليديده .. الماضي 

ماضي وراح بس قلبي مب مطمن وخايف .. آآه والله أني مشتاق لهم لكل شي يذكرني فيهم وعنود إلي تزوجت 

والله لو فإدي بخليه يطلقهاا مايستاهل العنود .. بس شو أسوي هذا أنا اهنيه وهم وين وندى حسافه والله ..

شو فإيدي غير أقول الله كريم الماضي خذا وايد وما أريد شي خلاص ..

.

.

.

سمعت حد يدق الباب : تفضل .. 

.... : السلام عليكم ..

طالعت عليه وأنا منصدم وقفت : محمد !!!!!!

محمد ويبسم : هيه محمد شحالك حمد عساك بخير ..

قلت : لو سمحت لا إتيه إهنيه مره ثانيه وإتفضل إطلع برع ..

محمد : دامك تذكر إسمي يعني مانسيتني ومن حقك تقول هالكلام ما الومك ..

رديت : ممكن تتطلع ؟

محمد : كنت بقولك مبروك على الشغل ونجاح مشروعك اتصدق استانست لو عمر وسالم إهنيه كانوا فرحانين علشانك ..

ياليته ما قال عمر وسالم : محمد ما أريد أسمع شي ..

محمد : أنا آسف إذا أزعجتك بس يوم عرفت أنك رجعت البلاد فرحت وقلت بمر أسلم عليك ترا الكل يحاتيك ..

رديت بعصبيه : لآتدخل في حياتي وانسى حمد ..

محمد وبحزن : هذا الي يرضيك ..

رديت : هيه ..

محمد ويبي يظهر : السموحه في أمان الله .. وعقب وقف وشافني وقال .. مر على أمك حرام تحاتيك "وظهر"

كنت أحس بأسف بحزن ليش الشيء القديم مايروح ولا المعزه بعدها في قلبي ..

ما أريد أشوفهم ما أريد أكلمهم لازم الدنيا تجمعنا مره ثانيه ..

أميه آآه أكثر إنسانه حبيتها في حياتي إلي طول عمري كنت أقولهاا تفداج روحي يالغاليه ..

مشتاق لها وحضنها وكلامها وكل شي فيهاا .. 

أريد أشوفها ولهت عليها وايد .. حمد لي متى بتم ليش ماتسير تسلم عليها هذي أمك إلي ربتك إلي كبرتك الغاليه ..

وخواتك وأخوك متى بتروح لي متى بتم !!

سمعت فوني يرن .. 

رديت : هلا استيفن ؟

استيفن : حمد أنتظرك ..

أوه صح المره الي طافت اجلنا سالفة روحتنا للبحر عسب الشركه وقلت بنروح اليوم ..رديت : أوك ألحين ياي ..

"ظهرت من مكتبي ورحت شفته يترياني سلمت عليه وركبنا سيارتي وقلنا بنمر البحر دام الساعه "5:20" ..

وبقدر أظهر من الدوام " .. 

.

.

استيفن : أتصدقك أحببت الأشخاص هنا كثيرا ..

ابتسمت له : وهم كلهم يحبونك وإلي في الشركه وايد حبوك ويمدحونك ..

استيفن : هههه أجل ..

طالعته : اتصدق ..

استيفن : ماذا ؟

قلت : علمتني وايد أشياء ولولاك ماحققت إلي أبيه ..

استيفن : أفا عليك ..

اهينه ضحكت : ههههههه حلوه ..

استيفن : نعم ههههه 

يسلناا نسولف وشويه ونوصل ونزلناا من السياره ويلسنا قريب من البحر ..

طالعت عليه : استيفن ممكن سؤال ؟

استيفن : احب البحر كثيرا ..

طالعته : هههه قلت ممكن سؤال ؟؟

استيفن : البحر شيء رائع وكل الناس تحب أن تجلس أمامه .. 

هذا مسوي طاف : كنت بسألك .. ويقاطع علي 

استيفن : أريد أن أرجع سنوات إلي الخلف عندما كنت مع أبي وأمي نجلس أمام شاطيء البحر .. ونلعب ونضحك ..

رديت : في أمور يتمنى الشي لو تعود وأحيانا تتمنى أن إلي راح ما صار ..

استيفن : تعلم أن الماضي جزء من الحاظر لقد تعلمت من الحياة أن الأمور الرائعه لاتنسى الله يرحم أمي وأبي..

ابتسمت له والله أنه انسان كلامه كبير : آمين .. 

استيفن : لقد انتظر أن يعود اليوم وأجلس مع أحد عند البحر هكذا وأتى هذا اليوم ليت أمي وأبي هنا لما تركتهم أبدا..

قلت : كل شي مكتوب عند الله ..

استيفن : نعم .. حسنا ماذا سؤالك ..

رديت : خلاص عرفت الجواب وقلت في بالي "بعد صلاة المغرب بمر البيت"

استيفن : ممم حسنا ..

ويلسناا نسولف وتأخر الوقت قلت بسير المسيد وبصلي عقب بمر البيت ..

.

.

.

***********************************************

"ما أجمل أن لآتفارق من تحب"

.

.

[ عند مريم الحمدلله قام ريلهاا بالسلآمه وقرروا يرجعون البيت وألحين اليوم الثاني من يوم ظهروا من المستشفى..

وفي الصاله كانت مريم تطالع تلفزيون وشهد تلعب وتشخبط في الدفتر ..

مريم : والله من زمان ما سألت عن اليازيه شو أخبارها أكيد زعلت مني ألحين ..

بطرش لها مسج " هلآ حياتي السموحه والله على القصور عساج بخير؟" وطرشت..

الخدامه : ماما شو يريد ؟

رديت عليها : ماشي خلاص انتي روحي اراتحي أو نامي مافي شغل ألحين ..

الخدامه : أوك "وسارت"

سمعت فوني يرن "يزوي" : يزووي متصله شو السالفه ؟؟؟ .. رديت ..

........ : ألو ؟؟

استغرب : ألو منو ؟؟

...... : وينج يالقاطعه عساكم بخير ..

استغربت : منو انتي ؟؟؟

....... : ممممممم ماعرفتيني ؟؟

قلت : لآ منو إنتي ؟؟؟؟؟؟؟؟

ضحكت ههههه أكيد مابتعرفني من زمآن ماكلمتني : ممم أول حرف من إسمي يـ ..

عموه مريم ومنصدمه : يزووووووووووووووووووووووووووووووووي !!!

ضحكت : هههههههه هيه أناا ..

عموه مريم ومب مصدقه : لا منو انتي بدون جذب ..!!!!!!!!!!

رديت : عموه بلاج هذي أنا رجع صوتي ..

عموه وبعدها شاكه : ما اصدق ..!!!!!!!!!!!!!

قلت : أفااا هذي أنا والله من كم يوم رجع صوتي يعني ألحين ماتحسين صوتي فيه شي ؟؟

عموه واتفكر"صح هذي يزوي" : يزوووووي أويه ما اصدق مبرووك حيااتي وأخيرا رجع صووتج وااي أرييد أشوووفج .. مشتااقه لج ..

رديت : وأخيرا صدقتي ههه ..

عموه مريم وتتطنز : والله ما كنت متوقعه دوبه بعد ماتخبرني ماااااعلي..

قلت : والله مافيني أصرخ عليج هههه حياتي والله طمنيني عليج ..

عموه مريم : والله الحمدلله بخير إنتي شحالج ..

رديت : الحمدلله توها مهره خبرتني أنكم رجعتوا البيت من زمان الحمدلله على سلامت ريلج ..

عموه مريم : الله يسلمج تخيلي ..

قلت : شو ؟؟

عموه مريم ومستانسه : عبيد خلاص مابيساافر بتم إهنيه على طوول ..

فرحت عشاانهاا كانت دوم تقول أتمنى يتم ومايساافر : زين وأخيرا ..

عموه مريم : صدقتي وأخيرا ههه ..

قلت : أقولج عموه لازم أسكر عقب بكلمج ..

عموه مريم : شوووووووووووو ماشبعت من صووتج؟؟؟؟؟؟؟؟ ..

ضحكت : هههه عقب عقب ..

عموه مرريم : فديت الضحكه خلاص الله وياج "وسكرت"

.

.

شويه وينفتح الباب كان عبيد : السلآم عليكم ..

مريم : وعليكم السلآم ..

عبيد : شهووووود شهوود ..

شهد وتركض صوب أبوهاا : هاا بابا ..

عبيد ويعطيهاا كيس في حلآوه : إخذي هذي حلاوه حقج لآتعطين ماما ..

مريم : شو تعلم بنتك على الزط ..

عبيد ويضحك : ههه هيه معاج بس ..

مريم : أصلا لو أبي كنت بشتري ..

شهد وتاخذ الكيس مستانسه ويلست تاكل الكاكاو ... 

مريم : شو صليت ..

عبيد ويلس : هيه صليت وقلت أمر صوب السوق وشريت حلاوه لهاا ..

مريم : أها تقبل الله ..

عبيد وياخذ رموت التلفزيون : منا ومنج أقولج صبي جاي ..

مريم وتوقف : اصبر بسوي .. "وسارت المطبخ"

.

.

ما أجمل أن يبقى الأب دائما مع أسرته ..

يسأل عنهم إذا احتاجوا شيئا يلعب ويضحك مهم ..

ما أجمل أن لا يشغله العمل عن أسرته ..

يجلس مع ابنه ويلعب معه ما أجمل كلمة بابا ..

من طفل صغير يأخذ حنانه من أم وأب ..

*****************************************

" بعد طول غياب رجعت وكلي شوق لكم "

.

.

أخوة نتشاجر ونلعب ونضحك في بيت واحد ..

من صعب أن نفترق .. !

[ في بيت بوحمد كآنت عواش وعبود بالصاله ويضااربون كالعاده ..

عبود وزاخ عواش من شعرهاا : أقووووولج عطيني الرموت أريد أشوف مبارااه ..

عواش : وخرررررر يالحيوان مابعطيك شو بتسوي ..

عبود ويهدهاا : جب زيين كل مره انتي اتشوفين وأنا ما أقول شي ..

عواش : رووح حجرتك وشوف الي تباااه ..

عبود بعنااد : أناا أريد أشوف إهنيه عطيني أقوولج "ويحاول ياخذ الرموت من إيدهاا" ..

عواش واتصارخ : قووم ماابعطيييك "وعضته"

عبود : اخخخخخخ جلب انتي "ضربها على راسهاا"

عواش وتمسك مكان الضربه : اووووووف تراني ويايد سكت تفكر مايعور..

عبود : لآااا عطيني يالله ..

عواش وبعناااد : مابي يعني ماااااااابيييييييييي ..

عبود ويتأفف : ألحييين بتخلص المباراه يالله عاااد عقب شوفي إلي تبينه ..

عواش وتضربه : مااابي ..

عبود عصب : يعني تبيين تضااربيين والله بتحصليين ضرب سمعي الرمسه ..

عواش : إضرب يعني اخااف منك ما اخااف موليه لا تحاول ..

عبود ويقرصهاا في إيدهااا : هااتي ..

عواش وتوقف : آآآآآآخ مابي والله عنااد "وسارت تركض وعبود يلحقهااا"

عبود : وقفي .. أقوووولج وقفي ..

عواش : جب زييييين ..

وهم يضاربون سمعوا صوت جرس البيت ..

عواش وتوقف : منو في حد يدق الجرس "عبود إستغل الفرصه وخذاا الرموت"

عبود : ويييييو وييييييو خذيييييييته ..

عواش وتلحقه : اييييييييييه ميخصني "وسارت وقفت جدام التلفزيون" ..

عبود ويصارخ : عوااااشووه والله بتحصلين ضرب خلاص عقب ياااخي شووفي .. 

.. والجرس بعده يرن !!

عبود ويطالع عواش : إييه في حد يدق الجرس ؟؟

عواش : روح شووف منوو ..

عبود إنزين وانتي تعالي معااي .. "وعقب راحوا يشوفون منو"

.