22

سأتغريت فلقد تعلمت الكثير ومررت بالكثير ..

كثير منا يحاول أن يغير في نفسه ولكن البعض يتأخر ..

لابد من السماح .. والتسامح لكي يحصل الأفضل لنا..

عندما ننظر لمن نكره بنظرة تفكير ندرك أن الكره ليس هو الحل..

وبعد التفكير نجد في داخلهم وجهه آخر , يجعلنا نغير في تفكيرنا ..

الكره ليس إلا جانب أسود في الحياة ينشر الظلم في قلوب البشر ..

وبالتسماح والموده يضيء قلب البشر وتبدأ صفحات جديدة ..

" أخوي والله عمري ماكرهت شو ماصار ومهما صار بتم أخوي" ..

.

.

.

فتحت عيوني ويلست ألتف أناا وين !! فالمستشفى ؟؟؟؟؟

إلتفت أدور ماحصلت شفت المغذي في إيدي وينهم محد موجود أنا ليش فالمستشفى ؟؟ شو صاار !!

حسيت بألم في راسي .. شفت النيرس دخلت وشافتني وعقب قالت :الحمدلله على السلامه آنسه .. تعرفي رقم حد من أقاربك ؟؟

كنت بقولهاا لا بس ماارمت !!! حاولت أتكلم ليش ما أقدر أتكلم أناا شو صار معااي !!

طالعتني الممرضه وقربت مني : ليش ماتتكلمي خلاص ارتاحي شوي؟؟

حاولت أتكلم مقدر حاول أتذكر أي شي ماقدرت !! ما أذكر شي !! شو صار فيني بديت أصيح ..

والمرضه تحاول إتسكتني ..

شويه ودخل دكتور وشال معاه أوراق طالع على الممرضه بمعنى تظهر .. وإهي ظهرت ..

وقف جدامي وقال : آنسه الظاهر صار معاك صدمه نفسيه وأثرت عليك ولازم إنخليكي تحت المراقبه حتى نشوف حد من أهلك ..

شفته باستغراب وخوف غطيت نفسي فاللحاف الي كان في إيدي ما أريد أشوف حد .. ما أريد ..

الدكتور : ألحين إرتاحي شوي .. "وظهر"

شو صار معاي أناا ليش إهني وين أهلي ليش خلوني وراحوا ..!!

سمعت الباب تسكر شكله طلع الدكتور 

بديت أذكر بس في أشياء ما أتذكرهاا أن ليش في المستشفى !!

سمعت صوت البااب إنفتح ودخل حد سحب اللحاف من ويهي وقال :الحمدلله على السلامه ... ... .. يزوي شحالج ألحين ..

طالعته بخوف ..

..... : يزوي بلاج أناا مايد أخوج لاتخافين "ويلس حذالي ومسك إيدي "

ما أريد أشوفه بعدت إيدي عنه ..

مايد ويطالعني : ليش خاايفه يزوي ؟؟ شو فيج أناا ماايد السموحه والله ماكنت أدري جيه بيصير فيج حقج علي ..

بديت أصيح وأصيح كان يشوفني منصدم ..

مايد : يزوي بس خلاص هدي لا يصير فيج شي " وعقبهاا حضني بقوو" .. خلاص سكتي بس أناا إهنيه معااج ..

وبعدهاا تذكرت آخر شي صاار معااي وخرت عنه وكنت بقوله بس ظهر صوت خفيف وشبه مسموع ..

مايد وعرف أني أريد أقول شي طلع فونه : بلآج تبين شي "وعطاني الفون وأنا كتبت" إكتبي ..

كتبت له ( ما اريد أتزوج سلطان)

مايد ويشوف : خلاص لآتفكرين فالموضوع المهم سلامتج ألحين ..

رجعت كتبت (ما أريد أرجع البيت)

مايد : مابترجعين الدكتور كلمني وقال لآزم إتميين إهي فالمستشفى وماتتعرضين لجوو البيت مره ثانيه حتى مارضى يدخلني بس تكلم وياه وإقتنع ..

هزيت راسي بمعنى هيه ..

مايد ويمسك إيدي : يزوي والله آسف حق علي ..

ابتسمت أخيرا حس فيني ..

مايد وحسيته مستحي : إتسامحيني على إلي فاات ..

طالعته وهزيت راسي بمعنى هيه ..

مايد ويبتسم : فديتج والله صج أني غبي وما أستااهل إخت مثلج ..

فرحت في داخلي بس مع هذا ما أريد أرجع البيت مره ثانيه وانسدحت فالسرير وغمضت عيوني من التعب ..

.

.

.

******************************************

"السموحه صرت إنسان يديد .. وبديت حياتي من يديد" ..

.

.

نزلت من سيارتي ويلست أطالع البيت آآه زمان عنه هالبيت أحس جزء مني داخله ههه والله أيام وراحت وألحين كل شي تغير ..

وين أيام قبل سوالف وضحك وصريخ في هالبيت وألحين تقول بيت مهجور ! هيه تعالوا كيف نسيت أصلا منو تم في البيت !! ..

والله أياام ودار الزمن فيناا هه منو يتوقع أني بفكر أرجع مره ثانيه ..

خلاص أنا ما أريد شي من أي حد كملت حلمي وسويت إلي أباه وما أريد شي ثاني ..

"سمعت صوت فوني" منو يتصل !! أوه استيفن ..

رديت : هلا والله وينك وصلت ولا بعدك ؟؟

استيفن : نعم أنا في المطار لقد إتفقت مع الشركه ورجعت كيف الأوضاء معك ؟؟

رديت : ممممم تمام توني طلعت من الشركة و بعد وافقوا على أنهم يتعاونون معانا بس في شي حيرني ..

استيفن : ماذا ؟؟

رديت : عقب بخبرك مب ألحين في الشركه والحمدلله على سلامتك ..

استيفن ومستغرب : حسناً شكرا أنا سأذهب الآن لشركة وسأرتاح قليلا ..

رديت وأنا أتطنز : هيه يالشيبه ماتروم على السفر هههه ..

استيفن : أتقصد أني كبير فالعمر هههه ليش هكذا ولكن أشعر ببعض التعب ..

رديت : متشوف شر خلاص روح إرتاح وبعدين بمر عندك في شي لآزم أسويه ..

استيفن : حسنا مع السلآمه ..

رديت : الله وياك ..

"وسكرت وحليله استيفن يعاني ههه يالله دواه يبي يتفلس ويستوي سفير إهنيه بس والله مب مقصر بدونه كان مابينجح مشروع الشركه"

رجعت أطالع البيت وأنا أفكر أروح ولا لا ..

 شويه وأشوف باب البيت إنفتح .. 

لبست النظاره الشمسيه وإلتفت جهه ثانيه عسب لاتعرفني..

.

.

ابتسم لهم فديييت خواني : يالله مع السلآمه إهتموا في أميه ..

عواش : أوكيييك وإنتي بعد إهتمي بعمرج ..

رديت : إن شاء الله يالله بااي "وسكرت البااب"

رحت فتحت باب سيارتي لفت إنتباهي حد واقف بعيد شوي بس ما أشوف ويه صاد الجهه الثانيه مدري ليش حسيت

 أن هالانسان مب غيرب علي بس خفت أكون أتخيل ولا شي وقفت أطالع محتاره منو هذاا !! ..

.

.

صديت ويهي وشفتهاا إطالعتني !!! معقوله تعرفني لآ لا أصلا يمكن نست أن عندهاا أخو اسمه حمد ..

مدري شو صار لي ابتسمت لهاا وعقب دخلت السيارة وسكرت الباب وشغلتهآآا..

.

.

هذااااااااااااااا حمدددددد !!!!!!!!

 عنود هدي يمكن تتخيلين ولا حد ثاني بس أناا شفته نفس ملامح حمد هيه أنا ما أتخيل 

بديت أمشي صوب السياره وأقول : أخوووي لحظه أخوووي  لحححظه؟؟ ..

.

.

شفتهااا من الجامعه ياايه صوبي شغلت السياره و رحت .. ما أريهاا تشوفني ألحين ..

.

.

ما لحقت عليه رااح أووف مدري ليش إحسااسي يقوول أن حمد بس ليش راح ؟؟؟

والله إشتقت لك حرام جيه ..

رن فوني  " هذاا جاسم لآ حول بديناا التحقيق ..

رديت : هلا ..

" جااسم وبعصبيه : مب جنج تأخرتي صاارت الساعه 12 ؟؟

رديت ببرود : صج توني أنتبه ؟؟ ماكنت أدري .. 

"جاسم وبقهر : عنوود لاتلعبين في أعصابي يالله أتريااج ..

رديت : تراااني كنت عند أهلي مب مكاان غريب ..

"جاسم : أترياااج "وسكر"

خييبه وإذاا مارحت يعني أخاف منه .. ركبت سيارتي ورجعت ..

كنت أفكر معقوله إلي شفته حمد !!..

 لآ عنود إنتي تتخيلين الظاهر من شوقي له بديت أتخيل .. آآه وينك ياحمد ..

وصلت البيت وإتجهزت للكلآم إلي بسمعه دخلت وسكرت البااب ..

........... : يالله وصلللت شوفي السااعه كم وإهي تووهاا تفكر عندهاا ريل حد يرجع السااعه 12 في الليل ..

طالعتهاا والله لو مب أم ريلي كنت برد لهاا بمليوون كلمه بس عنااد ابتسمت : هاا عموه قلتي شي ؟؟

عايشه وإطالعني : لآ فديتج أميه كانت تقوول في نااس مايستحون على ويهم إهنيه ..

حبيت أقهر فيها : أهاا عيل حبيتي بقولج معلومه ترااا كلن يرى النااس بعين طبعه زييين ولا ؟؟

أم جاسم وبعصبيه : ولآ قوة عين بعد وين إحتراامج ولا ماتعلمتي الإحترام إذا ماتعلمتي قولي خليني أعلمج ..

يابت الكلمه في الصميم لدرجه أني مارمت أرد عليهاا ..

عايشه : هييه جيه أباااج ولا حرف زياده وروحي جسووم كان يسأل عنج ..

يسأل عني كيف يعني أنا خبرته !!! ريدت : زين .. 

عايشه : غصبن عنج يالله ذلفي ..

أوووف ياربي صبرني شفيهاا هذي جيه : لو سمحتيييي كلمينيييي بإحتراام دامج تعرفيين الاحترااام على قولتج ..

عايشه : تعالي اضربيني مب احسن ..

أم جاسم وتوقف : لآ بالله غلطناا يوم زوجنااه .."وراحت حجرتهاا"

طالعت على عايشه وقلت : أناا الغلطاانه الي وااااااافقت على أخوووووج كرهته وكرهتكم كلكم أووف ..

........ : نعم غلطااانه شو ؟؟

إلتفت شِت هذا إهنيه !!! ..

عايشه وتروح صوب جااسم : جسوم ياخي هذي حرمتك يالسه ترفع صوتها مدري ليش شايفه نفسهاا حتى أميه زعلت وراحت ماكملت الفلم ..

جاسم ويطالعني بنظره أناا من الخوف نزلت رااسي ييه وقف جدام : صج هالكلآم الي أسمعه ؟؟

رديت : هاا ..

جاسم بعصبيه وصااك على أسناانه : صج ولآ ؟؟

ماتجرأت أرفع راسي رديت بتوتر : أنـ أنا والله هم عصبوني ..

جاسم ويمسك إيدي بقوو : كرهتيني يعني ؟؟

عايشه : أنا خلاص زعلانه لآترمسني مره ثانيه إنت وحرمتك إلي ماتصون لسانهاا ..

"وسارت وأناا منقهره من كلامهاا لولا جاسم إلي واقف عندي كنت ذبحتهاا"

جاسم ويطالعني : أووف زين جيه أنا الغلطاان إلي يبتج إهنيه لو ماخذ لناا شقه وايد أحسن ..

رديت بقهر : طلقني ..

ماحست الا بطرااق في ويهي : لآتقولينهاا مره ثانيه تفهمين ..

أنا من الصدمه قلت : إنزين .. "ومشيت رحت الحجرة"

وأهو لحقني : عنود لحظه ..

رديت : شوو تبي أهلك يسبوني وإنت تسبني وفالنهاايه إتمد إيدك علي وتضربني ..

جاسم ويمسك إيدي : السموحه والله مب قصدي عصبت ..

رديت بعصبيه : سهله اضربنيييي وعقب قووول السموووحه عصبت ..

جاسم عصب زياده لأن عنود ترفع صوتهاا عليه : عنود إرمسي عدل ..

رديت وصارخت في ويهه : ماااا برمسسس عدل شووو بتسوي يعني هااا ..

جاسم وخلاص شويه يعطيهاا طراق ثاني بس نزل إيده وخذاا سويج السياره وغترته وقال : أناا بظهر تصبحين على خير "وظهر"

حسيت بقهر والله لو ضربني كنت مابسكت إلآ لما يطلقني .. 

.

.

ظهر جاسم من البيت وشغل السياره (لو مب إخت إنساان أعزه كنت من زماان طلقتهآآا)..

**************************************************

في المستشفى عند مريم وريلهآا عبيد ..

[ كانت مريم يالسه تكلم الدكتور وشهد يالسه عند أبوهآا ..

مريم : يالله إن شاء الله خير ..

الدكتور : إن شاء الله بس هو لازم يتم فتره كمان في المستشفى يالله سلامتك .."وظهر"

مريم وإطالع عبيد : سمعت شو قال يعني مطولين ..

عبيد : هيه مابحاتي شي دامكم معاي ..

شهد : بااباا شوف حلوو ..

عبيد : هيه بابا أشوف حلو "كانت شهد تشخبط وترسم"

مريم : يالله شهد خلي بابا شويه بينام ..

عبيد : لا عادي خليهاا انتي إرتاحي شكلج تعبانه ..

مريم ووتشوف فونهاا : تأخر الوقت خلاص مب مشكله بنام إهينه في المستشفى ..

عبيد ومستغرب : شو ؟؟

مريم : بنااام إهنيه في السرير الي يمك دام محد فيه ..

عبيد ويضحك : ههه لآ شو روحي البيت إنت وشهود ..

مريم وبعناد : أنا قلت بنام إهنيه عادي مب تعبانه ولا شي ..

عبيد ماحب يعاند : خلاص براحتج ..

.

.

.

 [وعند جاسم طلع فونه وإتصل ..

............ : مرحبا السااع جسوم متصل ..

جاسم بهدوء : هلا زايد وينك ؟

زايد ومستغرب : بلاك يااريال جيه صوتك ؟؟ نحن عند نصور ويالسين نشوي حيااك ليطوفك ..

جاسم : زين ألحين ياي .. "وسكر"

.

.

******************************************

" كم أحلم بأن نجتمع جميعنا يوما " 

.

.

[ عند ندى كانت يالسه تطالع تلفزيون وأمهاا نايمه .. واللاب يمهاا ..

طالعت على اللاب وأنا أفكر : خلاص حمد نسااني من زمان أصلا أنا مب إخته ماعشت معاه غير أيام وراحت أكيد مابكون شرات عبود وعنود وعواش ..

مع أن غير فيني وايد بس شكله خلاص مايبي يرمسني مره ثانيه .. وأحمد يلست أذكر الاتصاال ..

.

.

.

رديت : إنت منو ؟؟

....... : نسيتيني بسرعه مال ألومج أنا أحمد ..

مدري حسيت بقشعريره بجسمي : أخوي ؟؟

أحمد : هيه حبيت أطمن عليج لآتخافين ترا أميه تدري وأنا خذيت من عندهاا الرقم ..

رديت : شحالك ؟؟

أحمد : بخير وإنتي شحالج وأخبارج ؟؟

رديت : مديم أنا الحمدلله بخير .. 

أحمد ويضحك : ههه ندى محتاار أريد أييه بس خاايف إتصدقين ..

رديت : ههه من أميه خايف ..

أحمد وبجديه : لآ بس يمكن تضايق أو شي بس والله مشتاق لج وأريد أشوفج حتى أبوي يبي يشوفج ..

رديت وحسيت في دموع في عيوني : والله بعد أنا أريد أشوفكم ونعيش كلناا مع بعض ..

أحمد : آآه الله كريم يالله أنا بسكر ألحين إهتمي بعمرج وبالوالده ..

رديت : إن شاء الله وإنت بعد إهتم بعمرك ولا تنساني ..

أحمد : لآ ما انسااج يالله مع السلآمه "وسكر"

.

.

والله لو أميه تغير راايهاا كان حالنا غير ألحين .. يلست أشوف فلم وماحسيت فعمري إلآ وناايمه ..

*****************************************

[ دخل جاسم البيت وشافهم كلهم مسويين يلسه ويشوون فهد , محمد , زايد , راشد , نصور , منصور, سيف , عبود ..

راح صوبهم وسلم عليهم : السلام عليكم كيف الحال ..

زايد : هلا والله بخير ومن صوبك ..

جاسم ويلس : والله ماشي الحال ..

فهد : ويهك يبين أن صااير شي ؟؟

جاسم ويبتسم : ما صار شي "شاف عبود" آوه عبود إهنيه ..

عبود ويطالع بنص عين : مب عايبنك يعني ترا ياي علشان خاطر سيف ولآ أنا ما أحب أيلس معاكم ..

جاسم : لآ شو حياك البيت بيتك ..

محمد يهمس لفهد : شرات حمد ..

نااصر : هيه إنت ويااي تتعازمون في بيتي علي كيفكم شوو ؟؟

الكل : ههههههههههههه ..

محمد ويضحك : ههه هيه والله ..

راشد وسيف " يالسين يشوون ويسولفون بعيد عنهم " ..

زايد : أقوول فهود تعاال نسااعد الربع ..

فهد : أوك "وعقب وقفوا وساروا عند راشد وسيف"

ناصر ويطالع جاسم : ياخي أحس فيك شي بس ماتبي تقوول ؟؟

جاسم : لآتحاتي مافيني شي ..

محمد ويطالع فونه : أووه ويت شبااب " وقام وبالغلط شات دبة الماي" أووف شو هااا .. "وسار"

ناصر ويضحك : هههه صج أحول مدري منو إلي متصل وجيه خذا عقلك ..

جاسم لآتعليق ..

ناصر ويطالع جاسم : جسوم بلاك إضحك ياخي شفيك جيه ..

جاسم ويطالعه وبعصبييه : نصوور مافييييني شي كم مره تسأل أووف ..

ناصر ومنصدم من جاسم أول مره جيه يصرخ في ويهه : إنزين السموحه منك ..

جاسم وإنتبه على رمسته : أنا السموحه بس معصب شوي ..

ناصر ويطالعه : شو الأهل ..

جاسم : هيه ..

ناصر ويبتسم : أنا الحمدلله ماعندي لا إخوان ولا خوات ولا حد غير أميه وحليلهاا ماتدري عن الدنياا الله يخليهاا ..

جاسم وكسر خاطره نصوور : الله يطول في عمرهاا لاتنسى نحن شرات خوانك ..

ناصر : لا مانسييت ... وإنت ياخي غير جوو شوي ولآتعصب ..

جاسم ويبتسم : هيه والله يالله إنروح نشوف شو صار في الشوي .. "وساروا"

.

.

.

****************************************

" آآه بس ياليت يرجع الصوت مكان الصمت وأقول إلي أريد أقوله "

وفي اليوم الثاني وبداية يوم يديد ..

[ عند يزوي كانت يالسه بروحهاا لأن مايد راح البيت يرتااح وبيرجع لهآآ ..

[ عبود راح الجامعه وعواش فالمدرسه وندى نفس الشي أمهاا وصلتهآا المدرسه ..

[ عنود ماتدري وين جاسم بس أهو رجع وتسبح وظهر راح الدوام ..

.

.

.

دخلت المستشفى وبسرعه رحت صوب رقم الغرفه إلي خبروني عنهاا ..

حصلت رقم الغرفه دخلت وشفته شافني وابتسم ..

قلت وأنا منصدم : من صصصصصصجك إنت !!!!!! ..

استيفن ومستانس: حمد مرحبا بك ..

رحت صوبه وقلت : شو مرحبا ليش ماخبرتني أنك في المستشفى والله إنصدمت يو خبروني أنك تعباان وفالمستشفى ...!!

استيفن : أنا بخير لا تقلق ..

يلست فالكرسي إلي حذاله : زين خبرني على الأقل أنك في المستشفى و متشوف شر ..

استيفن ويبتسم : لا بأس و إذهب إلي العمل وأنا سأكون بخير ..

رديت : لآ شو حشى علي ولا بتحرك كيف تباني أخليك ..

استيفن ويضحك : ههه إذا لا بأس ..

يلست أشوفه هذا من صجه بعد ماخبرني أنه تعباان وشويه أشووفه غمض عينه !!!! : استيفن ؟؟

شكله ناام هههه يالله تأثير المخدر يمكن .. 

طالعت على الغرفه وأنا أذكر الأياام إلي عشتهاا فالمستشفى يوم إنكسر ريلي ..

والله عانيت واايد ههه خلاص حمد إنسى لا تتذكر شي راح وقفت لازم أروح الشركه وعقب برد له ..

ظهرت من الغرفه وسكرت الباب ..

إلتفت كنت أسمع صوت حرمه رحت شفتهاا واقفه تقول : وينهاا أرييد أشوفهاا ؟؟

...... : أميه الدكتور مانع حد يدخل عندهاا ..

..... : ليش نحن إختهاا وأمهاا مافيهاا شي ..

..... : لا حول تراا نحن السبب فلي صاار لهاا ومستحيل الدكتور بيرضى تدخلون ..

كنت أطالع مستغرب شو فيهم وهالبنت مب غريبه علي شفهاا قبل أتوقع إهنيه !! 

ويين ومتى ... متى .. هيه صح تذكرت إخت راعية الرفتر بعدهاا عايشه أستغفر الله شو فيني خخخ

رحت وقفت أسمع الحوار .. 

...... : دقاايق بنشووفهاا وبنروح ..

الدكتور : لآ هذا يضر عليها البنت حالتها ماتسمح حاليا ..

..... : أووف ياربي زين ومتى نقدر ندخل ؟؟

الدكتور : إن شاء الله بعد يومين .. 

...... : خلاص يالله عيل نرجع عقب يالله نوره نرجع البيت الظاهر مابيخليناا هذا الدكتوور ..

الدكتور : هههه الله معاكي .."وراحوا

 ياني فضول مدري أروح أعرف شو السالفه ولا لا ..

رحت صوب الريال وقلت : إحم السلام عليك أخوي ..

طالع علي ومستغرب : إنت أناا أعرفك ؟؟

شت يعرفني كيف يعني !! رديت : والله أنا أول مره أشوفك ؟؟ 

رد علي : اها أنا مايد ..

سلمت عليه وقلت : وأنا "كنت بقول حمد بس غيرت رايي" خالد ..

مايد : والنعم فيك أخوي خير إن شاء الله سلآمات !!

رديت : الله يسلمك ماشي حد من الربع تعباان ...و إنت عسى ماشر ؟؟

مايد : الشر ماييك الأهل تعبانين شوي .. 

شكله أخوهاا يمكن : أهاا زين سلامات إن شاء الله ..

شويه ويتفتح باب الغرفه وتظهر النيرس : لو سمحت ممكن تتفضل لازم تاخذ أدويه ..

مايد : أوك يالله أخوي أنا أترخص .. "وسار مع النيرس"

رديت : الله وياك ..

يلست أطالع باب الغرفه ومحتار على أي أساس أنا أدخل أريد اعرف إهي نفسها ولا لا !!! 

شفت النيرس زقرت عليهاا : لو سمحتي ..

يت وقالت مستعيل : نعم ..

رديت : إلي داخل هالغرفه شو إسمهاا ؟؟

ردت علي : إنت تقرب لهاا ..

رديت : هاا لا بس أتأكد إذا إختي ولا لا ..

طالعتني مستغربه ومعصبه مدري شو بلاهاا : أتوقع اسمهاا اليازيه .. في شي ثاني ؟؟

طالعتهاا : هاا لآ .. "وسارت" شو فيهاا ضغط العمل ممكن ..