21

ربما نجبر بالرحيل عن من نحب ولكن وجودهم في القلب باقٍ ..

من يدري ماذا سيحدث لاحقا ..

بعض المحبة ربما تزول ..

ولكن محبة الإخوان لاتزول حتى لو بممرور الزمن ..

الأخوه شيء كبير لا يدرك الآخرون بسهوله ..

ولكن في آخر المطاف سوف نستشعر هذه المحبة ..

" ربي يحفظهم لي  . . . إخوتي بكم تحلوا الحياة" ..

.

.

.

[ عند ندى في الشقه يالسه تسولف مع عواش وعبود ..

سمعت صوت البااب طالعت عواش وعبود وقلت : أمييه......!! رجعت يلآااا دخلوا دااخل المطبخ ..

عواش وعبوود : أوكيييك "ورااحوا"

شفت أميه داخله وياايه معاها أكياس شكلهاا أغراض للمطبخ ..

رحت صوبهاا وخذيت الأكيااس وقلت : أناا باخذه للمطبخ شكلج تعتبي روحي إرتاحي ..

أميه ومستغربه !! : لآ بروحي بحط الأغرااض وبرتبهاا ..

طالعتهاا لآ مستحيل تروح وتشوف عبود وعواش يااربي : أميه لآتعبين عمرج أنا برتب كل شي روحي إرتاحي شكلج تعباانه ..

 أميه وشكلهاا غيرت رايهاا : خلاص عيل بروح أرتاح في حجرتي ما أريد أسمع صووت ..

طالعتهاا : أوك تبين أسوي لج جاي ؟؟

أميه : هيه "وراحت حجرتهاا"

خذيت الأيااس ودخلت المطبخ  إلتفت أدورهم كآنوا ورا البااب..

عواش بهمس : هاا شوو ؟؟

قلت : أوووش بدون صووت والله  بتذبحني إذا عرفت..

عبود بثقه : خليها تعرف شو يعني ييناا نزور إختناا مافيهاا شي ..

حطيت الأكياس فالطاوله : أدري عبود بس أميه ماتبي هالشي خلاص يالله أمشوا ورااي بدون صووت بليز..

عبود وعواش متحمسين مدري ليش ؟؟ يتحرون فلم مثلا خخخ : إنزيين ..

طلعت وبسرعه فتحت لهم البااب وأشرت لهم يظهرون : يالله الله ويااكم ..

عواش وتحضني : بشتاااااااااقلج وااايد تك كييير ..

إبتسم : يالله سيروا ترااني بصييح ألحين ..

عبود : إهتمي بعمرج زين واحناا بنحاول إنمر عليج ماصدقناا عرفناا رقم الشقه من أميه يالله في أمآن الله ..

ضحكت و رديت : الله وياكم مع السلآمه ..

 " كنت أشووفهمم وعبود يستهبل يسوي حركه في إيده شكل قلب وعواش إطرش بوسات فالهوا ههههه عبط خواني وفي داخلي كنت أصيح"

سكرت البااب ورحت المطبخ أرتب الأغراض ..

يالله خاطري أرجع أعيش معااهم كل شي  حلو يصير يوم أيلس معاهم سوالفهم إستهبالهم ..

شويه وأسمع التلفون يرن حطيت الأغراض من إيدي ورحت صوب التلفون ..

رديت : ألو ؟؟

............ : هلا منو معاي ؟؟

رديت باستغراب : إنت منو ؟؟

............ : ندى ؟؟

إنصدمت من صوت : هيه ندى ..

.

.

*********************************************

[ عند يزوي كانت يالسه في حجرتهاا كالعاده وتحاول تنطق الحروف ..

ولأن قريب بتروح المستشفى عندهاا مراجعه مع الدكتور ..

.

.

"هل سينطق الصمت !! "

تميت أحاول أرمس بس مافي فايده صرت أحس بتعب من كثر ما أحاول بس ماشي فايده ..

يطلع صوت خفيف شبه مسموع بس أنا أحس في تحسن وفي أمل يالله الله كريم إذا مب اليوم بااجر صبر سنه وبقدر أكمل ..

خذيت فوني وطرش رسايل للي أعرفهم أطمن عليهم ( مهره إربيعتي ومهره بنت عموه فاطمه وعنود وعموه مريم وندى وعواش وعهد)

ودخلت أتسبح .. 

وبعدهاا ظهرت ونشفت شعري وإستشورته على السريع ورفعته بربطه لبس مخور أحمر مدري ليش يااه في بالي هاللون لو أني ما أحبه خخخ

يمكن تغيير .. ويلست على الشبريه وشفت المسجات إلي وصلتني ..

مهره إربيعتي (فدييييييتوو والله بعد أناا مس يوو قلبي أنا بخير تسلمين على السؤال) .. ههه بعدهاا مع فديتوو ..

ومن عواش ( هلا هلا إتصدقين فالبدايه ماعرفتج وعقب تذكرت أني عطيتج رقمي ههه تسلمين أنا تمااموو) .. شكلهاا نست تسيف رقمي ..

ومن مهره بنت عموه ( الياازيه !! هلا وينج لا تسإلين من زمان عنج مشتاقه أضارب وياج ههه أمزح خلاص والله صرت أحبج ويسرج الحال قلبو) .. خخخ أأخ منج ومن حبج لأخوي 

ومن ندى ( أهليييين أنا الحمدلله دامج بخير مشكوره والله لأنج تذكرتيني ^^ ) .. حد ينسااج فديتهاا والله 

ومن عموه مريم ( هلآ يزوي السموحه على القصور تعرفين عبيد فالمستشفى وأنا من البيت للمستشفى ما أروم أسوي شي أنا ماشي حالي تسلمين) .. الله يعينهاا ويقوم ريلها بسلامه ..

بس عهد ماردت شكلهاا مشغوله .. آآه يالله المهم تطمنت عليهن حطيت فوني وقلت أروح أسوي لي شي أشربه ..

ظهرت من حجرتي وسرت المطبخ سمعت صوت مايد وأميه يتكلمون ..

أنا مب من عادتي أني أسمع كلآمهم بدون مايدرون بس سمعت إسمي !!

رحت أسمع شو يدور بينهم !!

مايد : هيه نزوجها لسلطان وبعدين مافي حد بيفكر يزوج وحده ماترمس !!

أميه : هيه والله خلهاا تزوج وتروح بيت ريلهاا وايد أحسن ..

تحرك من مكاني ودخلت المطبخ !! مستحيل يبون يزوجوني لسلطآن !!!!!!!!! بس أنا ما أريد ياربي ليش جيه يصير معاي ..

خذيت من الثلاجه عصير وسكرتهاا صبيت لي فالقلاس..

.... : اليازيه ..

طالعته بحقد ..

مايد : شوفيج جيه إطالعيني .. ؟؟؟"ومسكني من إيدي"

بعدت إيده وكنت بمشي بس مسكني وقال : أقوولج تراا كلمت أميه وقلناا بنشوف إذا سلطان يبييج ولا لا ..

هزيت راسي بمعنى لا .. وخذيت فوني كتبت "ما اريييد"

مايد ويطالع ويضحك : هههه ههه هه منو قالت بطلب راايج فالموضوع بس قلت أخبرج وبس .."وإلتفت يبي يروح"

أنا من القهر إلي فيني فريت قلآس العصيير على الأرض ..

مايد ويطالعني : مينوونه إنتي شووو ؟؟ ليش جيه إنتي وسخه ..

تحركت من مكااني وطلعت رحت حجرتي وقفلت البااب وفرييت المفتااح أكرهك يا ماايد أكررررررهك ..

حاول أمسك أعصاابي بديت أصييح بصمت ..

متى بيتغيرون متى ليش هم جيه أناا تعبت وااايد واايد محد يفكر إلآ في نفسه ..

يلست أصيح وأصيح ماحسيت إلآ فعمري فقد الوعي وطحت ..

.

.

مايد ويدق البااب : الياازيه بطلي الباااب أحسن لج والله إذا مابطلتي البااب بكسره فوق رااسج ..

أم مايد وإطالع مايد : شو فييه ؟؟

مايد وبعصبيه : قفلت البااب مب طايعه تفتحه ..

أم مايد وإدق البااب : الياازيه بطلي البااب !!

ظهرت نوره من حجرتهاا مستغربه : شو الساالفه ؟؟

مايد : إختج يالسه أرمسهاا فرت القلاس ودخلت الحجره وقفلت البااب وألحيين مب طايعه تفتح البااب أقولكم البنت صارت مينوونه ..

نوره : خلاص خلووهاا برايهاا "وراحت حجرتهاا" 

مايد : ماعلي حساابج بعدييين ..

.

.

******************************************

"عزة نفسي أكبر من جيه وأني أتم في مكان مثل هذا مستحيل"

[ في غرفة جاسم لونهاا أسود وبني الأثاث كلاسيكي كانت عنود تفكر تظهر إتروح عند أمهاا وخوانهاا ..

.

.

أوووف جاسم حيوان أستغفر الله مافيني أحصل آثام من ورااه سرت لبست عباايتي 

وتعدل بروح عند أميه وعواش وعبود إشتقت لهم واايد شليت سويج سيارتي وظهرت ..

سرت الصاله على أسااس أخبر حد من الموجودين أني بظهر ..

......... : ع وييين ؟؟

طالعتهاا : عاايشه دخييييييلج مب متفيجه لج أبددد ..

عايشه : أوك برااايج بس تبيين تطلعيين إستأذني من ريلج بالأول ..

طالعتهاا بقهر : إنزييييين "طلعت فوني وإتصلت بجآسم رحت بعيد عنهاا ما اريدهاا تسمع "

"جاسم : هلا وغلا ..

ماالت عليك أونه هلا وغلا : أهلين ..

"جاسم : بلآج جيه إتقولينهاا مب من قلبج ..

رديت : زين عرفت أنهاا مب من قلبي المهم برووح بيت أهلي عند أميه أرييد أزورهم ممكن ؟؟

" جاسم وعنااد : خلج مكاانج أحسن لج ..

رديت بقهر : وإذا رحت شو بتسوي ؟؟

" جاسم : إذاا رحتي ماالج رجعه مره ثاانيه ..

رديت : يعني ؟؟

"جاسم : بتسمعييين الرمسه شووو ؟؟

رديت بقهر : لآ قوول شو يعني مالج رجعه مره ثاانيه ؟؟؟

"جااسم ويضحك : ههه أقول روحي الله ويااج ..

مدري ليش هذاا اسلووبه جيه غريييييب !! رديت : لآ قوول شو معنى كلآمك ؟؟

"جاسم ويتأفف :  ماشي انسي تبين إتروحين روحي بس لآتتأخريين ..

رديت بقهر : زيين مع السلآمه ..

"جاسم : الله وياج .. "وسكر"

ماصدقت قال روحي على طول ظهرت وركبت السياره ورحت بيتناا آآه إشتقت لهم حيل ..

.

.

جاسم وسرحآان ..

فهد ويطالع جاسم : جسووم بلاك كمل أكلك ؟؟

جاسم : هلآ لآ ولاشي ..

راشد ويضحك : ههههه ياخي من يوم وإنت متزوج وجيه حالك ؟؟

زايد ويتطنز : الحب ياا شبااب وماذا يفعل ..

الكل : ههههههههه .. 

جاسم ويطنز : يالله زيوود يعرف شو يعني حب والله آخر واحد أفكر أن يفكر فالحب إنت ..

الكل : هههههههههههههآاي ..

زايد ويضحك : ههههههه الله يغربل إبلييسك ليش فوق رااسكم ريشه إنتووا ..

نصوور ويطالع فونه : بالنسبه للموضوع الحب يتصل ..

محمد ويطالعه : يااخي ودر عنك هالسوالف تقص على بناات النااس ..

نصوور ويوقف : مب مشكلتي برايهاا محد ضربهاا على إيدهاا وقالهاا تتصل هع بروب أناا بسير أرمسهاا شوي .. "وسار"

زايد ويضحك : قال بروب تييت ياخي بس لآتطول عليناا والله أشك البنت إهي إلي لاعبه براسك مب أنت ..

جاسم ويفكر : أقوولك محمد ..

محمد ويطالعه : هلآ ؟؟

جاسم ومحتاار : كنت بسألك ..

محمد ومستغرب : إسأل شو ؟؟

جاسم ويفكر أقوله ولا : خلاص ماشي ..

محمد وكأن عرف عن شو يبي يسأل : حمد ؟؟

جاسم : هيه إتصل أو عرفتوا عنه شي ياخي صرت أحاتيه واايد ..

زايد : هيه والله بعد أنا صرت أحاتييه مدري لا يتصل ولا شي ..

رشود : يااخي خلاص حمد نسااناا شو تبون فيه الريال راح يكمل دراسه ويثبت لناا أن مب من النوع إلي يحتااي حد ..

فهد ويطالع محمد : إحنا الغلطانين والله من بعد آخر موقف وأنا منقهر من عمري حمد ماله خص فلي صار في عمر وسالم حتى أهو أكثر واحد تضايق

علشانهم وشفتوه كيف تغير علينا وايد ظلمناه وايد ..

محمد : إتهقون بيسامحناا على إلي صار وأنا من آخر مره رمسته حسيت بشعور غريب..

زايد ويتطنز : لآ تجمع أنا ما قلت له شي ولا سويت شي شو يسامحناا قصدك يسامح ناس يعرفون عمرهم ..

جاسم ويفكر : شرايكم نحاول نعرف رقمه ونتصل له ؟؟

محمد : لآ ما أقدر أهو ماخذ بخاطره مني وايد وأنا أستاهل ..

راشد : من وين بتيب رقمه ؟؟

جاسم : من حرمتي يعني من وين أتوقع تعرف رقمه ..

زايد : أوك شوف إنت المهم شباب أنا برجع البيت ألحين .. "ووقف راشد بيرجع معاه"

محمد وجاسم : الله وياكم ..

زايد : في أمآن الله .. "وساروا"

.

.

.

**************************************

[ وفي بيت بو حمد .. عواش وعبود فالصاله وأم حمد قافله على عمرها الحجره كالعاده صح ماقلت لكم صارت ماتظهر من

الحجره من يوم عرفت أن حمد مسافر ومب طايعه ترمس حد ..

.

.

دخلت وسكرت البااب شافوني عواش وعبوود منصدميين..

وعلى طول قاموا يسلموون علي..

عواش منصدمه : عنوووودوووه وأخيرا وينج لآتسإليين ؟؟

عبود !! : هيه والله ..

طالعتهم فديتهم والله ولهت علييهم : بخير أنا إنتوا طمنوني كيف حالكم ؟؟؟

وعقب دخلت ويلست ويلسوا حذالي وصرت أشوف البيت وأتذكر مواقف مرت في حياتي ..

عواش وإطالع عبود : يالله الإخت سرحاانه من أولهاا ..

عبود : حووووووووووو !!!

شفته : هاا بلآك لاتصير جسوم الثااني اربعه وعشرين ساعه يصرخ ..

عواش وعبود : ههههههههههههههههههههههه ..

طالعتهم : لآ والله يضحك أقولكم عيل وين أميه ..

عبود ويطالع عواش بعنى ردي عليهاا ..

عواش : إحم سمعي تراناا مانشووف أميه إلآ ناادرا إذا تبي شي تتصل حق عبوود قافله على عمرهاا تظهر وترد شكلهاا مضايجه 

مدري شو فيهاا ..

استغربت : من متى ؟؟

عبود : من يوم عرفت أن حمد مساافر ..

إنصدمت : يعني من زمااااان وجيه حاالهاا ليش ماخبرتوني ؟؟

عواش : شو إنخبرج أنا كم مره إتصل يطلع مغلق ..

تذكرت : هييه تعالوا أنا غيرت رقمي ..

عبود : خخخخ

وقف وبروح أشوف أميه سرت صوب حجرتهاا ودقييت البااب مره مرتيين ثلاث أربع ومب طايعه ترد ..

قلت : أمييه هذي أناا عنوود ..

سمعتهاا تقوول : لآ حد يكلمني ..

رديت : أميه يالله عااد لآتسوين في عمرج جيه حمد بيرجع قرييب ..

ماردت ..

فكرت وقلت خلاص أخليهاا شوي لين ماتهدى وعقب أشوفهاا .. رجعت الصااله شفت عواش حاطه عصير بطيخ وبسكوت 

طالعتهاا : شو هذاا ؟؟ 

عواش وإطالع عبود : إحم العصير عبود سواه والبسكوت أناا ..

فدييت خواااني إبتسم : تسلم إيييدكم والله .. "وعقب يلسناا نسوولف "

كنت أذكر لحظات الحلوه والمره كل شي في هالبيت آآه أيااااااام لماا شفت البسكوت تذكرت موقفي مع حمد ..

.

.

.

حمد ويطاالعني : لآ والله آآآنسه عنوود ..

رديت وأنا أبلع إلي كليته : شووو؟؟

حمد وإييه يمسكني من إيدي ويأشر على صحن البسكوت : هذاا مب جنه ماالي وأميه سوته حقي ..

سويت عمري غبيه : هااا ؟؟

حمد ويسحب الصحن : أونه هاا تسوين عمرج غبيه إختي وحافظنج زين ..

ضحكت : ههههه زين خلاص ولاتزعل أناا بسوي لك من إيدي ..

حمد بنص عين : تبيني أمووت وبعدين من زين طبااخج ألحين يالله روحي جاابلي درااستج ..

رديت : ههههه إنزين بابا ..

حمد وفاج عيونه : أنااا باابااا !!!!!!

رديت : هيه بابا ليش مب عايبنك ..

ضحك : هههههه لهدرجه إنزين ماما روحي جابلي دراستج ..

طالعته بإبتساامه : إنزين بشرط ؟؟

حمد ويتأفف : لآ حول خلاص أنا الغلطاان لآتذاكرين ..

مسكته من إيده : ذااكر ويااي ..

حمد : عنود وراي دوام باجر ولآزم أخلص شغلي ..

رديت : بلييييييييييييييييييييييييييييييييييييييز ..

حمد وماحب يكسر بخاطري : إنزين خلصيناا ..

ابتسمت : يس هههه 

.

.

********************************************

[ عند يزوووي بعده بااب حجرتها مقفوول.. 

ماايد ويدق البااب : اليااازيه بطي البااب خلاص حقج علي أناا آسف بطلي يالله ..

.. ماشي رد ..

ماايد وبقهر : الله لآتعاااندييين ..

وشويه يت نوره : خذ هذاا المفتااح ..

مايد وياخذ المفتااح ويفتح البااب بس إنصدم !!!!!! يوم شااف يزوي علي الأرض..

نزل وحركهاا : يزوي ؟؟ يزووي ؟؟ ..

نوره بخووف : ميوود هذي ناايمه ولا شووفيههها ؟؟؟

مايد ويشلهاا يحطهاا على الشبريه : رووحي هااتي مااي شي ..

نوره بسرعه وياابت ماي في إيدهاا ورشته على ويه يزوي .. !!

مايد وبخووف : نووره شوفيهاا ؟؟ مااترد ليكوون مااتت ؟؟؟؟؟

نوره وبخووف : لآتفاااول شو هالكلآم مب وقته قووم نااخذهاا المستشفى .. 

وطلعت من الكبت عبااية ولبستهاا الشيله وماايد واقف يرااقب ..

نوره وإتصرخ : مااايد بلآك شلهاا بسرعه وخذهاا السياااره وأناا بلبس وبلحقك ..

مايد إنتبه لهاا وشل يزووي وبسرعه رااح للسياره (يااربي مب وقته أخااف صار فيهاا شي !!)

.