20

لا بد من الرجوع مرة أخرى ..

من أجل كوني أخ ومن حقي أن أعيش مع إخوتي ..

لم أراها منذ سنين ولم أتحدث معها طول حياتي ..

لم الحرمان من الأخوة ..

والمحبه ..

لماذا التخلي عن أسرة ربما تصنع السعادة لأفرادها..

فالسعادة بأن نعيش مع بعضنا البعض ..

أفراحنا وأحزاننا وآمالناا واحده ..

" صحيح أخوي بس ماشتفك وماعشت معاك شي صعب أتقبل هالشي لو أني أريده" ..

.

.

شفت عواش دخلت قلت لهاا : عواش عيل وينهاا ندى ..

أشرت برع : برع ياالسه تودع البناات خخخ فلم هندي مسويه ..

ضحكت : هههه وحليلهاا إنزين روحي بدلي ثيابج وتعالي ساعديني .. أمايه نايمه ومحد طبخ اليوم ..

عواش : أوكيييييييك ..

عقب سرت المطبخ أشوف شو أقدر أطبخ لهم ..

.

.

.

طالعت عليه وأهو يسووق وأنا منصدمه ومستغربه !!! 

شفته إلتفت وقال : لآ تخافين قلت مابسوي فيج شي بس أريد نتكلم .. "وعقب إلتفت للطريج"

طالعته وصرخت : نززززززززلني أريد أرجع البييت .."كنت خافيه كيف بظهر والسياره تسير"

وشويه ويوقف السياره وطالعني : ندى سمعيني ..

صرخت : ماابي رجعني البييت انت شو تبي ..

رد علي وقال : أناا أخوج لآ تخافين ..

طالعته وأناا منصدمه كيف يعني شو يقوول هذاا أخوي !!!!!!!!!! : اخوي؟

رد علي : هيه أخوج ..

رديت وأنا مستغربه :بس أنا ماعني إخوان إلآ من مرت أبوي !!!

سمعت فونه يرن طالعني وقال : لحظه "ورد على فونه" .. هلآ .. لآ بس مشغول ألحين .. هيه .. أوك عقب .. "وسكر"

كنت منصدمه وخايفه يكون يجذب علي ..

شافني وقال : سمعي أناا بفهمج قبل لآتزوج أميه من أبوج الله يرحمه كانت متزوجه من واحد ثاني إلي أهو أبوي ..

مب معقووله هذاا شو يقوول : إنت جذاااب رجعني البييت ..

مسك إيدي وقال : ندى أنا كل يوم أترياا متى أشووفج علشان أخبرج ولما عرفت أن إنتي في بيت بو حمد الله يرحمه صرت أراقبج كل يوم ..

إبتعت وفتحت البااب السياره ونزلت مستحيل أصدقه أنا ماعندي خوان من يوم صغيره كنت بروحي  ..

مسكني وقال : ندى وييين سمعيني خلاص برااايج تبيين ترجعيين البيت ؟؟

طالعته نفس عيون أميه بني فاتح وملامحه رديت : هيه رجعني البيييت ..

رجعناا وركبناا السياره ويلس يسألني أسإله : كم صار عمرج ؟؟

رديت : ماايخصك ..

رد علي : إنزين كيف الدرااسه ؟؟

رديت بقهر : قلت ماايخصك ..

شافني وضحك : ههه إنزين ممم نغير السؤال ماتبين يكون عندج أخو؟؟

طالعته وقلت : لآتكلمني إنت مب أخووي جذااب تفكرني بصدقك ؟؟

رد : خلاص لماا نوصل البيت نتفاهم مع أميه وبنشووف منو الجذااب ..

شفت في عيونه ثقه كبيره مدري إذا أناا فرحانه أن طلع عندي أخو أو مضاايجه حسيت عمري متلخبطه فالمشاعر ..

.

.

.

***********************************************

قلب تحمل سنين علشان يلقى المحبه ..

قلب ماقدر يعبر عن إلي فداخله ..

قلب عاش وحيد بعيد وبعزله ..

قلب إنتظر الحنين من أي إنسان ..

ماتوقع بلحظه التخلي يجرحه ..

بس دام أعز أنسان حصل من الحنان ..

قرر يخليه ومايريد يشوفه ..

.

.

طالعت يدوه وسلمت عليهاا وعلى عموه ومهره ..

مهره وتهمس : الله ويااج ..

إبتسمت لهاا .. وعقب رحت مع أميه وركبناا السياره ..

أميه : يالله مابغيتي إتردييين تفشلناا جدام النااس ..

مايد ويطالعني : هيه والله ..

كنت أحس بحزن بألم من يدوه ..

حرام جيه أظهر وإهيه ماخذه بخاطرهااا مني علشاان أميه ..

بس شو أسوي مافي حل ثاني ..

.

.

منو يتصور أن الأيام بتمر بسرعه كل شي تغير ..

مرت الأيام وأناا فالبيت كآنتوا يعاملوني شرات الجمااد ما يسإلوني شو أريد ما أطلع من البيت كنت سجينه في البيت..

ما أردي شو صار مع عموه مريم إلي عرفته أن ريلهاا في المستشفى مسوي حادث بعد مارجع البلآد .. 

وشكلهاا عموه مريم مشغوله واايد وماتروم حتى تسأل عني ..

كل يوم يمر أحس وجودي في هالدنياا ماله وجود من الأسااس كنت أحاول أرجع صوتي وأرجع شرات قبل ..

غاليه إلي شفتهاا في المستشفى كانت إتزورني بس أميه الله يهديهاا اتفشلني جدامهاا وإتقول أشوف كثرت زياراتج ..

ومن هاليوم ماصرت أشوفهاا كانت تعطيني خلطات أمهاا أتسويهاا أعشاب وعسل وغيره ..

للحظه حسيت أن صوتي رجع بس ما أروم أرمس حتى أني نسيت كيف أرمس كيف أنطق الحروف ..

حتى نوره إختي ناادرا ماتسأل عني رحت المستشفى آخر مره وخبروني أن صوتي بدأ يرجع بس أنا 

إلي أشوفه أني ما أروم أقول ولا كلمه صرت أتعلم نطق الحروف مع عمري من أول ويديد علشان

بديت أحس أني أخربط وكلامي مب مفهوم ..

.

.

كنت ما اريد هاليوم إييه ويييه وتزوجت آآه وألحين أناا بعيد عن خواني وأميه من بعد العرس 

وأنا أحس أني ظلمت عمري واايد لماا سمعت خبر أن لازم أسوي العرس حسيت بصدمه 

ولآ شفت هالشي جدام عيني  الكل فرحاان إلآ أناا .. الكل مستاانس إلآ أناا ..

شعور مب حلوو كأن تسوي هالشي غصبن عنك وإنت ماتريده .. جاسم خذااني بيتهم أحس أني أبد

مب متعوده على جو بيتهم حتى ما سرناا شهر العسل على قولتهم ولا رحناا مكاان من بعد العرس على طوول بيتهم ..

الأيام مرت وحمد ماله خبر ولا ندري عنه شي إنصدمت يوم عرفت أن ندى كانت ترمسه ..

ومافكر يكلمني حتى وألحين مرت شهور وأناا مع جاسم حرمني من الجامعه ودراستي كنت كل يوم

أتهاوش معاه على الجامعه لين ماحلف أني ما اروح الجامعه ولا بيطلقني وأميه كانت تزيد الطين بله 

وكانت مع جاسم في كل كلمه يقولهاا..ماحبيت عيشتهم أبد كرته وأخته  ماكنت أدري أنهاا

في الواقع شي ثاني كنت شرات الخدامه مالي لزمه إلا إذا يبون شي .. 

.

.

ظهرت من بيت أبووي الله يرحمه أناا وأميه .. أميه ماقدرت تشتري بيت بس أجرت لناا شقه صغيره ..

ماكنت أريد أظهر وأخلي عوااش وعبوود حرام كنت أحب اليلسه معااهم غيروا فيني واايد وصرت أحبهم واايد ..

وأخووي هيه أخوووي إلي مااشفت طوول عمري مدري ليش أميه مااتبيناا نعيش كلناا مع بعض مدري ليش إتفرقناا ..

للحين أذكر الموقف من قبل 11 شهر تقريباا ..

.

.

رن الجرس وظهرت لنااا عموه عايشه كانت منصدمه : أحمممد !!!!

أحمد : هلآ عموه شحالج ؟؟ هيه أنا أحمد عيل وين أميه ؟؟

كنت أطالع عموه إلي منصدمه وكأنهاا ماتوقعت هالشي ..

وشويه إتييه أميه وقالت : ندى دخلي داخل ..

سلم عليهاا وقال : شحالج أميه عسااج بخير يارب ..

أميه ومتوتره : بخير يالله ندى دخلي دااخل ..

طالعت أميه وأنا منصدمه يعني هذاا أخوووي !! قلت : ماابي منوو هذاا انتي ماقلتي أن ماعندي إخواان ..

أميه وبعصبيه : ندى دخلي داااخل ..

نزلت الدموع من عيوني وماحسيت إلآ بحد يحضني ويقول : ندى لآتصيحين .. أناا باخذ ندى معااي ..

أميه : لآ يعني لا ندى بتم معااي ..

عموه عايشه : هدوا دخلوا داخل وإتفاهموا ..

عقب دخلناا .. 

أميه : أحمد إرجع عند أبوك ..

أحمد ويطالعني : أميه لي متى ...مرت سنيين وحرمتيني من أختي أدري في قلبج تبيناا كلناا نتيمع بس عناد في أبوي ترا والله أبوي يحبج ويبااج ترجعين..

أميه وتمسكني : ندى بتم عندي ..

دخلت عنود وقالت وإهي منصدمه : إنتتتتت !!!!!!!! 

أحمد وإلتفت صوبهاا : هلا إختي ..

عنود وإطالع أمهاا مستغربه : أميه منو هذاا ؟؟

عموه عايشه : أخو ندى ..

عنود ومنصدمه :هااااااا؟؟ أخو ندى !! كيف يعني ..

أميه وإتأشر على الباب : إطلع برع لآ إتييه إهنيه مره ثاانيه ..

أحمد وكأن متوقع هالشي : خلاص أنا بطلع بس فكري أميه فالكلآم إلي قلته في أمآن الله والسموحه عموه عايشه على الإزعآج "وظهر"

.

.

.

كنت أريد ألحق ورااه وأقوله لآ ترووح أناا كنت أترياا هالشي من زماان كنت أريد يكون عندي إخوان سواء من أبوي ولا أميه ..

ليش جيه يفرقوناا ليش أميه متخليناا نعيش مع بعض بس ماشي فايده .. ومن بعدهاا وأنا أعيش في هالشقه ..

بروحي كأني رجعت للعزله مره ثااني وإميه كل يوم تظهر وترجع وأنا مجباله الطوف بروحي ..

سمعت الجرس يرن قمت من مكاني ورحت أشوف منو ..

سمعت صوت من ورا البااب يقول : ندووووووش بطلي الباااب بسرعه ..

إنصدمت بس فرحت فتحت الباب ودخلوا وسكرته ..

سلمت عليهم وأناا مستانسه ..

طالعتني وقالت : شوو مااتحس أنهااا تغيرت ..

طالعتهاا كأني من سنوااااات ماشتفهااا : عاشوه إنتي إلي شكلج تغير واايد بعد مب شوي ..

"يلسناا على الشبريه "

عبود ويغير الجو لأن حس أن شويه ويصيحون : يااخي مررررررررررت سنه تقربا وماشفنااج يالدووبه وبعد صرتي دوبه أكثر ..

ضربته : جب إنت خبرني شو صاار فالجامعه ..

عبود : إحم والله تمام التماام أفاا عليج أعجبج ..

عواش وتلتفت : أمج إهنيه ..

رديت : لآ والحمدلله ..

"ضحكنااا"

عبود : هههه والله أناا وعواش نفس الحاله على أسااس رايحيين المول ..

عواش : يب شفتي جذبناا بس علشناا نشوفج ..

رديت : فديييييييييكم والله "وشويه تدمع عيوني"

عواش وتحضني : وااي لاتصيحيين تراني مستحمله إدمووعي من يوم دخلناا ..

عبود : لآ حول مب وقته البجي ألحين ..

مسحت دموعي وقلت : خلاص هاا ماببجي ههه والله صج وايد مشتااقه لكم ما أقدر أوصف لكم شعوري ..

عواش وحسيتهاا بتصيح : والله بعد أناا ..

عبود ويوقف : أقوول أناا ويت فوني يرن .. ألوو .. هلا أميه .. هاا .. أوك مب مشكله في أمآن الله ..

عواش : شو ؟؟

عبود ويتأفف : أوووف تبااني أروح أشتري لهاا أغراض للمطبخ ..

ضحكناا : هههه 

عواش وتضحك : ههه يالله ماعلي ونحن رادين ..

ويسلت أسوولف معااهم ونضحك شراات أيام قبل ونذكر الواقف والمقاالب واايد فحرت حسيت أن أحلى يووم في حيااتي ..

.

.

******************************************

"إنحرمت من أحلآمي إلي رستمهاا علشان واحد مايستااهل" 

.

.

ظهرت من الحجره ونزلت الصاله ..

شفت عاشه وعموه يالسات يشوفن تلفزيون ..

سلمت : السلام عليكم ..

عموه : وعليج السلآم ..

عايشه وإتفكر : عيل وين جسووم ؟؟

رديت : مدري ..

عايشه وتتطنز : حرمه ماتعرف وين ريلهاا هذا مب حكم كيف يعني ماتدريين ؟؟

رديت : والله جااسم مايرضى أسأل وين رايح و وين راد مب مشكلتي ..

عموه : خلاص بس سكتوا خلوناا نشوف المسلسل عنود يمه روحي سوي لناا جاهي هالخدامه نايمه ألحينه ..

وقفت بقهر : يعني أناا بصير بدال الخدامه !!

عموه وبعصبيه : يعني الحرمه إذاا سوت لأم ريهاا جاي تصيير خدامه ..

عايشه وتتطنز : هيه والله شو هالتفكيير أستغغغغغفر الله ..

رديت بقهر : إن شاااء الله تبون شي ثاااني ؟؟؟

عايشه وبتكبر : هيه نبي أريد نسكفييه إذا ماعلييج أمر ..

رديت : إن شااااء الله من عييوني الثنتيين ..

رحت المطبخ بقهر وسويت الجاي والنسكفي حطييييت شكككككر واايد عناااد عيل يخلوني كل يوم شرات الخداامه ..

بعد ماخلصت رحت حطيت لهم الصنينه وقلت : بالعاااااافيه "وفي داخلي قهر"

شفت عموه شربت وشويه تطلع إلي شربته وعايشه نفس الشي ..

عمووه : حشىىىى حاااطه شكر واايد ..

عايشه وتااخذ الكلينكس : شوو هااا الله يغربل إبليسج ماتعرفين إتسوين نسكفيه عدل ..

حطيت إيدي فحلجي أستحمل الضحكه : ههه والله مدري فكرت حاطه شوي شكر ..

دخل جاسم وكان يطالع مستغرب : السلام عليكم شو السالفه ؟؟

عموه : وعلييكم السلآم حرمتك تبي تذبحني حااط شكر وايد ..

طالعتهااا : خيبه أذبحج مره وحده !!!! إلآ هو شكر ..

جاسم وبعصبيه : عنوووود ..

رديت : هااااا لآتصرخ مافيني على الصراخ ألحنيه ..

عايشه : جسووم علم حرمتك كيف ترمس مثل النااس ..

طالعت عليهاا هذي الي تبي المشااكل ..

جاسم ويمسكيني من إيدي بقوو : إمشي جدااامي .."وعواش طالعتني وقالت بهمس دوااج"

دخلناا داخل ودزني بقوو وقال : عنوود تراني إستحملتج واايد ..

رديت بقهرر : والله أناا إلي إستحملتكم وااايد واااااااايد ..

جاسم وبعصبيه مسك شعري بقوو وقاال : سمعي يووم ترمسيين إحترمي إلي واقف جداامج وكم مره قلت لآترفعين صوتج يوم ترمسيني ؟؟؟

رديت والدموع في عيوني : إنزييين خلاص مابرفع صوتي ..

تركني وقاال : يالله روحي سوي لي عشاا يوعاان ..

رديت : ما أريد تعباانه "ورحت نمت في الشبريه وتلحفت غطيت عمري والله حسيت أن بيرتكب جريمه من هالحركه بس مااسمعت له حس !!! "

مرت دقاايق إستغرب ليش ماصرخ علي من هالحركه !! شليت اللحاف من ويهي وشفته يالسه يعدل غترته وشكله يبي يظهر مره ثانيه توه يااي ..

قلت : على وين ؟؟

طالعني وقال : تعباانه اتقوليين عيل بروح أتعشى برع ..

رديت : أهاا زين لتفكرني سألتك علشان مهتمه بس علشاان يوم أمك أقصد عموه تسألني أعرف أرد وماتقول إختك حرمه ماتعرف وين ريلهاا !! ..

رش عطر وقالت : يالله أنا بظهر في أمآن الله "طلع وسكر البااب بقوو "

.