19

هنالك الكثير لنفهمه وهنالك الكثير لنعرفه ..

لابد من تضحيات كثيرة في الحياة ..

عندما تصعب الأمور وتجد أن الخيار الذي أمامك صعب تأكد بأنه الأفضل لك ..

ربما تكون صدمة عندما يكون الخبر بالنسبة لهم أمر غير متوقع ..

ولكن في آخر المطاف لابد من تقبل الأمر ..

"من قال أني خايف لكن عزة نفسي تمنعني"

.

.

.

[ عند عبود ..

عبود مب مصدق مب معقوله حمد سافر بدون مايخبرهم !! ..

سيف : يمكن ماحب يخبركم وسافر ؟؟

عبود ويطالع فهد : متأكد أن ساافر ؟؟

فهد : أنا قلت يمكن ساافر يعني مب أكيد بس حمد كان يفكر يكمل دراسه برع البلاد ..

محمد : هيه كلنا متفقين على هالشي ..

عبود بغرور : يعني حمد فضل يسافر بروحه ولا يروح معاكم ؟ أحسن له والله ..

فهد ومنقهر : عبود عندك شي ثاني تقوله قوله ماعندك إرجع بيتكم أحسن ..

عبود ويضحك : ههه شرايك بعد تهددني ..

فهد من حركة عبود كان خاطره يعطيه بكس : عبوود إحترم إلي أكبر عنك ..

عبود وبقهر : إلي كان مايحترم أخوي ليش أحترمه ؟؟ 

سيف عصب : خلاص ياجماعه هدوا حصل خير "ومسك عبود" تعال برجعك بيتكم ..

عبود وبعده يطالع فهد : يصير خير ..

فهد تحرك وكان ناوي يتعاوش مع عبود بس محمد مسكه .. : خله هذا ياهل لاتسوي مشاكل ..

فهد بعصبيه : يفكرني ياهل جدامه يرمسني جيه وإتقول لآ أسوي مشاكل إتشوفه كيف يرمس !!

محمد : لآ حول خلاص ياخي تعال ندخل البيت .. "وعقب دخلوا"

.

.

.

*********************************

[ وفي بيت اليده يلسوا البنات برع في الحديق والحريم ماظهروا يلسوا يسوفون في ميلس الحريم  ..

إلي فالحديقه ~>( العنود،اليازيه،مريم،عواش،مهره،شهد،سارونه،عايشه إخت جاسم،فاطمه بنت خالة مهره ومع إختها عهد"وهن جامعيات")

شهد وسارونه يلعبون مع ندووش وعواش ..

أما البنات يالسات يسولفن ..

.

.

مريم عمة يزوي : متحسووون أني داخله عرض وأن مكاني صوب الحريم ..

البنات : هههههههه

العنود : لا شو خلج معاناا ..

عهد : والله اليلسه معاكن حلوه خلاص كل يوم لآزم نسوي جيه عزايم ..

فاطمه وتضحك : هههه هيه والله ..

يلست أطالعهن وأنا ما اروم أقول شي تعقدت ليش هالشعور والقهر ..

قمت من مكاني ورحت داخل ومحد يفكر يسألني أصلا شو يسإلون هه بروحي ما أروم أرد ..

دخلت حجرتي وسكرت الباب عقب يلست على الشبريه شفت مهره إربيعتي مطرشه مسج تسأل عن حالي فرديت عليها أني بخير ..

وبعدها سمعت حد يدق الباب ويوم إنفتح شفت العنود !!! 

دخلت وسكرت الباب ويلست حذالي ..

طالعتني وقالت : وشحاااالج بعد ؟؟

طالعتها وابتسمت ..

قالت وإهي محتاره : يزوي إنتي إذا تبين إتقولين شي شو بتسوين ؟؟

طلعت دفتري وكتبت لهاا "أكتب فالدفتر" ..

عنود : أهااا مب حلو الواحد يتم جيه ساكت أدري حاسه فيج إن شاء الله يرجع صوتج ..

كتبت " الله كريم"

عنود وإتفكر : مممممممم ماسألتج كم عمرج ؟؟

كتبت "بدخل 21 قريب "

عنود : اهاا العمر كله ياارب وماتبين إتكملين .. أقصد إذا رجع صوتج بتكملين دراستج ..

كتبت لها " مدري والله إن شاء الله خير"

عنود : إن شاء الله ..

وشويه رن فووون عنود .. عنود وإتشوف شاشه الفون : هذا عبود شو يبي وردت ..

"عبود : ألوووو ؟؟

عنود : هلا عبود شو صاير شي ؟؟

"عبود : حمد ..

عنود وفرحانه : شووو إتصل كلمك ؟؟

"عبود ويضحك : ههههه لآ بس أتوقع سافر ..

عنود منصدمه وأنا يلست أطالعهاا ومب فاهمه شي : من صصصصصصجك عبود ولآ تستهبل كالعااده ؟؟؟

"عبود : ما استهبل أقولج سافر يكمل دراسته ..

عنود وبحزن : ليش ماخبرناا مستحيل يروح منو قالك ؟؟

"عبود : فهد إلي كان اربيعه يقول أن يمكن حمد سافر ..

عنود : إنزين لاتخبر حد خل هالكلآم بيني وبينك إنزين ..

"عبود : أوك يالله أنا بسكر في أمان الله" وسكر كآن شكله مستعيل !!! "

عنود وبقهر : ليش سااافر وماخبرناا أوف حمد ..

طالعتهاا شو السالفه !!

عنود وإطالعني : عبود يقول أن حمد إلي أهو أخوي سافر بس أنا ما أتوقع حمد يسويها ويسافر ومايخبر حد !!

كتبت لهآآ "بعده أخوج مارجع البيت؟؟"

عنود وبأسف : مع الأسف ماندري عنه شي والظآهر خلاص مايبيناا .. "وبدأت تبجي"

مدري شو أسوي لهاا حضنتهآآ ..

عنود وإتصيح : حراام ليش رااح ومـ ـ اخبـ ـرني ليـ ـ يــ ش . .. ..

ويلست تتكلم وإتصيح وأنا مب فاهمه عليهاا !! 

.

.

.

**********************************

[ مر الوقت وبعد السواالف قاموا يصلون العشاا وعقبهاا رآحوا يحطون العشاا ..

والكل مدح الطبااخ بس في إثنيييين ماكلوا . . مهره و مريم !! 

مهره من بعد الصلآه ومحد شافهاا وشكلهاا في حجرتهآا وقافله البااب ماتبي تكلم حد ..

استغربوا منهاا أما مريم تقول ماتبي تااكل مب مشتهيه ..

.

.

رحت أشووف يدوه دخلت عندهاا كانت في حجرتهاا ..

إبتسم لهاا وإهي صدت ويهاا وقالت : إظهري من الحجره بناام .. 

ليش جيه تسوي فيني ..

يدوه : ليش وااقفه ظهري وسكري البااب وراج ولا تنسيين باجر بترجعين مع أمج .. "وغطت عمرهاا فاللحاف"

أريد أرد أقوول أتكلم بس ماشي فاايده أريد أقولهاا ليش جيه تكلمني شو تغير !!

أناا اليازيه إلي دووم إتسولفين معااها ونضحك ..

شو الي تغير ؟؟

بندت الليت وظهرت من الحجره .. 

........... : يزوي 

إلتفت عهد ..؟

عهد وتمسك إيدي : ويييينج ونحن إندورج تعاالي .. "وعقب سرنا في الحديقه"

يلست أناا وعهد ..

عنود وتبتسم لي : وينج نحااتيج ..

إبتسم لهاا ..

عواش : ندووووووووش لآترفعييين ضغطي عطيني الآيبااد ..

ندووش وتعطيهاا : إنزين لاتصارخين ..

عنود وإطالعهن : إذاا ماسكتن والله برجعكن البييت ..

عواش وندى : إنزيين .. 

عموه فاطمه : عيل وين ساره ؟؟

عموه مريم : نايمه إهي وشهود في حجرت يزوي ..

عموه فاطمه وتصب الجاي : زين ..

فاطمه وتاخذ فونهاا "كان يرن" : اوووف من حمداان حشرني بإتصاالآته برايه مابرد عليه ..

عاشه : ههههه شرات جسووم كل شوي يتصل ماعلي دووم جيه الإخوان يغارون مناا ..

فاطمه وتضحك : هههه هيه والله ..

عهد وإطالع عنود : الله يعييينج والله مابيخليج فحالج .. 

عموه فاطمه : شو هالكلآم بتخلوون البنت اتهون عن الزواج ..

الكل : هههههههههههه ..

عنود وبشك : ليش أهو وايد يتصل ويسأل ؟؟

عهد : وحيااتج تحسيين عمرج في تحقييق ..

الكل : هههههههههههه ..

عنود بخيبة أمل : لا بالله بهون ..

ضحكت على خباالهم وفي نفس الوقت لآحظت عنود كآن من صجهاا بس البااقيين ماخذين السالفه بمزح ..

عهد وتاخذ فونهاا : لآ حول .. لحظه ووقفت شويه بعيد ترمس حمدان لأن البنات يضحون ويسولفون ..

"حمدآآن : سااااااااااعه لين ماتدريين حشى مب سوالف عليكن ..

عهد وتضحك : ههههه خيبه هدي شوي عسب نروم نرمس ..

"حمدآن : لآ صج آنسه عهد وإختج الفقمه ليش ماترد ..

عهد وتضحك : ههههه لآتسمعك ..

"حمدآن : وشو يعني خليهاا تسمع يالس ساعه أتصل والإخت مسويه طااف ..

عهد : وعليكم السلآم ورحمة الله "أونهاا تغير السالفه "

"حمدآن : أقووول شوفي ترااني بعد السااعه 10 ناايم عندي دواام أناا مب فااضي حقج والفقمه ..

عهد وبقهر : إنزين نحن مستاانسين ..

"حمدآن ويقلدهآآ : مستانسيين بس مب على حسااابي ولآ الدريول مالكم وأنا ما أردي دلعنااكم زياده..

عهد وشكلهاا زعلت : حمدان بليييز بس هالمره إصبر شوي "وإتفت شاافت فطوم تسوي لهاا حركه بمعنى سوي حقه طااف"

"حمدآن : ماافي أناا برقد بعد شوي وإنتوا بكييييييفكم ..

عهد وبقهر : سييييييير زييين بنرجع مع حد من البناات والله ..

"حمدآن ويضحك : هههههآي أعصاابج أوك إرجعي مع حد ثااني يالله مع السلآمه "وسكر"

عهد وبفهر : طع سكر "وإتصلت له بس مغلق " هذاا من صجه .. "وراحت يلست "

فطوم : شو صااار ..

عهد وبقهر : الحيواان سكر في ويهي ألحين منو بيوصلنآآ ..

عموه مريم : أناا بوصلكن لآتحااتن وإذاا تبوون إتموون لين الصبح ماعندي مشكله .. 

عهد وفطوم إستاانسن : تسلميين والله ..

.

.

.

لن أغير تفكيري وأهداافي ..

لآ أحد يستطيع أن يتحكم في حيااتي ..

لكن منا حياته الخااصه ولن أجبر على شي لآ أريده ..

سأظل في الطريق الذي رسمته مهما حدث ..

"دامني أريد أكمل بكمل لو يوقف الكل في طريجي"

مر الوقت ..

[ أم حمد من بعيد يايه كآنت تسولف مع أم جااسم : يالله عيل نحن نترخص ..

وأم جاسم نفس الشي : يالله عاشه إتصلي بأخوج إييه ياخذنآآ ..

عاشه : إتصل من شوي ويقوول أن يااي فالطريج ..

عموه مريم : وييييين ليش مستعيليين ؟؟ ..

أم حمد : ماعلي مر ثانيه إن شاء الله يالله عواش يالله ندى ..

عواش وندى : إنزين ..

[ أم حمد وندى وعواش راحوا يسلمون على اليده وعنود راحت تشغل السياره لين مايرجعون ..

ظهرت برع البيت أروح أشغل سيارتي وشفت في سياره يايه ..

يوم نزل شفته هذاا مـ مـ مب جنه ج جاسم !!!!!!!!

سكر بااب السياره وطلع فونه شكله يبي يتصل حق إخته بس إنتبه علي فغير رايه ..

كان يااي صووبي صدييت ويهي أوني مااشفته وشويه أحس حد واقف ورااي : العنود !!

إلتفت وشفته رديت وأنا متوتره : هلا!

جاسم : شحالج شو راادين ؟؟

رديت : بخير هيه بنرد البيت ..

جاسم : اهاا زين عيل أمج موجوده بسلم عليهاا ..

توترت تحرك وكنت بدخل السياره بس أهو مسك كتفي : وين ؟؟ يالس أرمسج ..

رديت بصوت شبه مسموع : هاا لا أقصد السموحه ..

جاسم ومستغرب : شو فيج أنا صرت ريلج وهيه العرس بعد فترة امتحاناتج ..

طالعت وأنا منصدمه : شوووووو!!!!!

جاسم ويضحك : ههه أشوف طلع صووتج ..

رديت بقهر : كيف يعني العرس بعد الامتحااناات ؟؟

جاسم ويفكر : مممممممم يعني في الإجازه الي بعطونج ياهاا حق هالكورس ..

رديت : بس أناا للحين بااقي لي سنه وغير التدرييب ؟؟؟؟

جاسم : شو إتفكريني بترياااج سنه ؟؟

إنصصصصصصدمت لآ شو ما اريد : غيرت رمستك أشوووووووف ؟؟

جاسم وحسيت عصب من كلآمي وإسلوبي : بدييناا يعني من ألحين ترفعين صووتج ؟؟

رديت وبقهر ومستحيل أسكت : ماا أرييييد أناا قلت أخلص درااستي بالاول ..

جاسم ويرص على ايدي : لآترفعين صوتج ..

حسيت بألم شو هالغبي الي واقف جدامي !!!! : تبي تضااارب شوو ؟؟ 

جاسم ومنصدم : ماتوقعج جيه ؟؟؟؟؟؟!!!!!! ماشي احترام شو ؟؟

رديت : شووف قلت بكمل دراستي ..

جاسم وبعصبيه : كملي دراااستج بس نخلص العرس وإتيين عندي في البيت ..

مدري شو صار فيني أنا ماكنت حاطه في باالي جيه مشيت أبي أتحرك ..

بس أهو مسكني ودزني وحط عينه في عيني كأن يهددني : شووفي لتفكرييين أني من النووع إلي الحرمه تمشييه بكلامهاا بتسمعيين الرمسه غصبن عنج ..

.......... : جاسم إنت إهنيه ..

أول ماسمعناا الصوت توترنا وأهو تركني ..

جاسم : هلآ عموه "سلم علي أميه وباسهاا فوق راسها" شحالج عساج بخير ..

أميه : بخير ربي يعافيك شو أشوفكم تسولفوون ..

جاسم : هاا هيه ..

أميه : وأخبار شغلك .. وصحتك ..

جاسم : والله كل شي بخير كنت يالس أرمس عنود عن العرس ..

عواش وندى يتهامسوون .. 

أميه وإطالعني : والله الوقت إلي اتشوفه منااسب ..

جاسم وماصدق : هيه أنا أقول بعد فتره هالامتحانات فالإجآزه نسوي العرس ..

أميه : والله عنود صارت حرمتك سواء سويت عرس ولا لا إنت ورايك ولآ شو رايج عنود ..

حسيت بقهر وقلت : أناا ماابي ..

جاسم طالع علي بنظرات تخرع .. 

أميه : عقب نكمل كلامناا أنا برجع البيت أرتاح السموحه يمه .. "وركبت السياره"

مدري حسيت أميه صج فيهاا شي قلت : السموحه جاسم عقب نتفاهم "كنت بدخل بس مسك إيدي"

جاسم : شوفي هالمره بعديهاا ..  مره ثانيه أشوفج ترفعين صوتج وشوفي شو بيصير ..

بعدت إيده وقلت : يصير خير عقب "ودخلت شغلت السياره ورحت كآن قلبي يدق بسرعه أخاف منه "

جاسم وكآن منقهر وفي داخله معصب بس طنش ودخل البيت عسب ياخذ أمه وإخته ..

.

.

.

********************************

[ لمآ وصلوا البيت الكل سار غرفته وبدل ثيابه ..

وأم حمد نامت كآنت تعبانه شوي ..

والعنود كانت منقهر بس يلست تدرس ..

عواش وندى نفس الشي يلسوا يذاكرون ..

وعبود نايم ..

.

.

حسيت أن عنود شكلهاا مب مرتاحه لسالفة الزواج وتذكرت حمد يوم كان يشجعني أني أفكر في دراستي ..

كأن حمد غرس هالشي في عنود عسب جيه عنود ماتبي تتخلى على دراستهآا ومصره أن الزواج بعد ماتخلص ..

فتحت اللآب كان في رساله من حمد إستانست أن طرش لي ..

فتحت الرساله ويلست أقراا ..

[ شحااالج ندوي عساج بخير وعسى الكل بخيير طمنيني عليكم كلكم وكيف الامتحانات وياج وعنود إن شاء الله شادين حيلكم 

أنا بقولج شي بس لاتحبرين حد أنا برع الامارات سافرت أكمل دراستي وألحين أنا واربيعي قررنا نخلص هالسنه ونرجع نسوي

المشروع بس ما أريد الكلام يوصل لحد واهتمي بعمرج زين في آمان الله ] ..

كنت أقرا وانا منصدمه ساااااااافر !!!!!!! كيف ومتى وليش !!

كنت برد عليه بس سمعت حد يدق الباب سكرت اللآب ..

كان أميه : هاا رجعتوا إن شاء الله إستانستوا ..؟؟

رديت : هيه وسلموا عليج وايد ..

أميه : الله يسلمهم يالله لآتسهرين وايد  إنزين ..

رديت : إن شاء الله بس براجع شوي ..

أميه : يالله عيل تصبحين على خير "وظهرت"

رديت وفتحت اللاب ويلست أكتب له ..

[ نحن بخير كلناا وليييييش ساافرت =( وماخبرتناا أنا مابخبر حد وانت بعد اهتم بعمرك ولاتطول إرجع لناا كلنا مشتاقين لك ]

وسكرت اللآب ..

وعقب راجعت ونمت ..

.

.

سلمت على الكل وراحوا عموه مريم وعهد وفطوم .. 

تميت بروحي قلت برجع الحجره وبناام بس مدري خطر على بالي أمر عند مهره وأطمن عليهاا لأنها قافله الباب ..

ومدري ليش حسيت فيهاا شي ..

دقيت البااب ..

سمعت صوتها :  منوو ؟؟

دقيت مره ثانيه ..

وشويه تفتح البااب : اليااازيه !! خير يدوه فيهاا شي ..

هزيت راسي معنى لآ ..

طالعتني مستغربه : عيل شو فيج ؟؟

أشترت بمعنى عادي أدخل !! 

طالعتني وعقب قالت : أها أوك دخلي "دخلت وإهي سكرت البااب"

يلست وإهي طلعت من الدرج دفتر وقلم وفرته علي : إخذي شو تبييين ؟؟

خذيت الدفتر وكتبت " ماشي بس قلت أشوف شوفيج ماتعشيتي وقفلتي على عمرج البااب ؟؟ "

مهره وتقراا : ماشي بس تعبت شوي والحين أوكي ..

كتبت " أهاا متشوفين شر" ..

مهره ومتوتره : إنزييين ؟؟

إلتفت وإنبهت على صورة مايد أخوي رحت وخذيتهاا !!! 

بس إهي سحبتهاا من إيدي : إنت شوو تبيين ؟؟

طالعتهاا بنظره و رجعت وكتبت لهاا " بعدج إتحبين أخوي ؟؟"

مهره ومتوتره : لآ .. 

إبتسمت لهاا وكنت بظهرت بس اهي مسكت إيدي وقالت : اليازيه سمعت أنج بترجعين البيت ؟؟

هزيت راسي بمعنى هيه ..

مهره : الله يعينج منهم ..

ابتسم وعقب ظهرت سمعتها قالت تصبحين على خير وسكرت الباب ..

الظاهر مهره بعدهاا تحب أخوي مايد مدري بس أحس أنها إهي إلي يابت لعمرها لو مآ تعاند فيه وترفع صوتهاا ..

بعد مايد غلطان لأن كان يعصب ويضربهاا مدري أحس الإثنين غلطآنيين ..

يالله بروح أنام .. دخلت حجرتي وسكرت البااب قلت بقراا قران طبعا في سري وعقب نمت ..

وقلت بقوم الصبح وبجهز أغراضي آآه برجع البيت حرام والله ..

.

.

*********************************

"من إنت ولماذا دائما أراك !!! "..

.

.

في بعض الأحيان تجبرنا المحبة أن نرجع لهم ..

الفراق الذي طال سنين كان متعبت ..

ولكن رجعت لكي أراكم ربما لاتعرفوني ..

ولكن أنا أعرفكم ومازلت أود لقائكم ..

[ بعد 4 أيام وآخر يوم امتحآن لعواش وندى بس عبوود بعده ..

كالعاده عنود بتوصل ندى وعواش.. 

صرخت عليهن : ندوووووووووووووووووووووش عوااااااش أناا سرت ..

عواش وتركض إهيه وندى : ويييت عنودووه أوف ..

وعقب ركبوا ..

عواش : الساالفه مذله لاتحااتي اليوم آخر يووم وبتفتكيين مناا وبنفتك منج ..

ضحكت : ههه مالت والله أنا الغلطانه أني أوصلكن مدري ليش الباص مب تارس عيونكن ..

ندى وتضحك : هههه 

عواش : مشكووووووووووووووووووره إختي الغاليه ..

إنصدمت : هههه العفوو ..

ندى : هيه والله وايد تحملتيناا شكرا ..

رديت وأنا ابتسم : العفو ولو خوااتي "إلتفت شوي وأنا أطالع نفس السيااره إلي بديت أشوفهاا وايد هالفتره"

عواش : عنود بلآج وين رحتي ..

رديت : هاا لآ ماشي .. "وعقب شغلت السيااره ووصلتهن ورحت الجامعه "

.

.

[ في الجآمعه ..

حمده اول ماشافتني يت صووبي وسلمت : هلآ والله هلآ وغلآ ..

رديت : أهليين ..

حمده : شحاالج اليوم ؟؟

رديت : والله ماشي حالي الحمدلله وإنتي ؟

حمده وتضحك : ههههه حالي من حاالج بس مستاانسه ..

رديت وأنا رافعه حاجب : حالج مثل حالي بس أنا مب مستاانسه .. وليش مستاانسه ؟؟

حمده وتتغلى : ما بقوول ..

رديت : عسى متقولين مايهمني .."لأني أني بهالطريقه بتقول"

حمده وبحمااس : إتخيليييييي اليوم عيد ميلآد منوو ..

طالعتهاا : منو ؟؟

حمده ومنصدمه : أوووووونج ماتدرييين ؟؟

رديت : تعرفين ما أحفظ أعيااد ميلآد ..

حمده أونهاا زعلت : عيد ميلآدي ..

وقفت : هاااااا أونه ؟؟

حمده : هيه ..

حضنتهآآ وقلت : وييييه ماكنت أدري كل عاام وإنتي بخيييير حياااتي ولآتزعليين مني ..

حمده وتضحك : ههه لآ ما بزعل وإنتي بخيير تراج معزوومه عندي اليووم ..

رديت : إن شااء الله ولاتزعليين "وعقب رحناا الكلآس"

 ***************************************

"لآ أريد أن أرجع ولكن عندما لآيريد الآخرون وجودك لايوجد خيار آخر"

.

.

[عند يزوي كآنت إتجهز ثيابهاا وشنطتهآا عسب بترجع البيت كآن صج حزينه ..

قمت ورحت أجهز أغراضي خلآص مالي مكآن إهنيه ..

يدووه ماتبااني كل شي تغير آه مدري ليش أميه سوت جيه ..

.

.

[ عند ندى وعواش ..

ظهرناا وركبناا البااص كنت مستاانسه واايد لأني حليت عدل وحزن لأني خلآص مابشووف البناات ..

وإجآزه بس بنرجع علشان نكمل الفصل الأخير وإسبوعين تقريبا وبنرجع ..

[يلست أسلم على الكل و وأدعهم وعواش نفس الشي .. 

وبعدهاا وصلنآ الباص البيت نزلنآ أنا وعواش ..

عواش من زود تبي الفكه من المدرسه دخلت البيت على طول..

وأنا يلست أسوي حق البناات باااي وقلت : مع السلامه إجآآآآزه حلوه ..

"تدرون صارت علاقتي مع بنات المدرسه غير أصلا أنا أحس أني تغيرت عن قبل واااايد"

وعقب قلت بدخل البيت رحت أبي أدخل البييييت ..

بس إنصدمت يوم حسيت حد حاط إيده على حلجي وواقف وراي وقالت بهدوء : لآتخاافين مابسوي شي تمي ساكته ..

.