غريب إلي يصير فجأه بدون سابق إنذار تحس أن في شي صار وبيصير ..
لحظة فرح تمر بسرعه وبعدها لحظة حزن تدوم وتدوم بس لآزم يرجع الفرح ..
إذا مب اليوم باجر وإذا مب باجر إلي عقبه ..
أمور يمكن تبدأ بصعوبه بس في النهايه كل شي يهون ..
أحيانا يمكن تفكر أن الأمور صعبة وأن مستحيل تسوي إلي تريده ..
بس يكفي أنك تريد هالشيء حتى لو كان بعيد ..
يكفي أنك حاول مره ومريتن وثلاث وأربع ..
يكفي أنك بتسوي هالشي مب علشانك بس علشان غيرك بعد ..
يكفي أنك رسمت وتمنيت ..
لو أنك فقدت !
لو البعد صعب !
لو الفراق يتعب !
لو الشوق يزيد ويزيد ..
كل يوم يمر يمكن يكون دافع ليوم يديد ..
لازم نكمل الطريج ومانوقف لو نطيح ونطيح بس نرجع ..
[ غيري إذا طاح وقف مره ثانيه بس أنا إنسان إذا طاح يطيح واقف ..
.
.
الصبح بتوقيت بريطانيا ..
[ في المعهد إلي يدرس فيه حمد وإستيفن كانوا يالسين يدربون لأن اليوم عليهم تقديم البروجيك طبعا القاعه كانت
كبييره والكراسي باللون الأسود كل الكراسي فاضيه ومافي صوت إلا صوت حمد وإستيفن ..
استيفن ويضحك : هههههههه يبدوا أنك مصر على الأمر ..
طالعته بنص عين : تدري أني ما أعرف أتكلم وايد وأطول فالكلام .. فالمسؤوليه ترجع عليك ..
استيفن : حسنا سأتحدث أنا أولا وبعدها أنت ..
إبتسم : زين بس لازم في البدايه تعطي فكره وعقب تدخل في الموضوع ..
استيفن ويفكر : تعلم أنني أجيد هذه الأمور أنت إجلس وراقب ..
ضحكت : ههههه مدري من وين يايب هالثقه ..
استيفن : ربما من عندك فأنت تجلعني أشعر بالثقة كونك معي ..
طالعته وأنا فاج عيوني : من عندي !!
استيفن : هههههه نعم نعم من عندك ..
ضحكت : هههه تمزح ..
استيفن : ربما ... مممم ما رأيك أن نذهب ونجلس فالحديقة إلى أن يأتي الموعد ..
رديت : أوك ..
طلعنا ورحنا الحديقه طبعا الحديقة في المعهد نفسه وكلها طلاب ومدرسين رايحين ورادين ..
يلست أنا واستيفن في مكانا المعتاد الكل يضحك ويسولف وشي بنات في عرب وفي أجانب من دول مختلفه ..
كنت أسمع صوت العصافير إلي فالشير الحديقه كلها ورد وشير وشي نافورة مااي ..
طالعت إستيفن : لقد جائت صديقتك ..
استيفن بخوف وقف : أيييين !! دعنا نذهب ..
ضحكت عليه : هههههه كنت أمزح ويااك إيلس ..
استيفن ويلس : آوه لقد أخفتني تعلم أنني أكره تلك الفتاة ودائما تزعجني في أسإلتها التي لا تنتهي أبدا ..
ضحكت : هههه أدري ..
وعقب سكتناا .. و حسيت بحزن في عيونه للحظه ..
قلت : بشو إتفكر ؟؟
استيفن : بأبي وأمي ..
رديت : وشو فيهم ؟؟
استيفن ويتصنع الإبتسامه في ويهه : آه لم أقل لك لقد مات أبي مع أمي في حادث سير ولم يبقى سوي أخي وهو يعمل في أسبانيا ..
حزنت عليه حاله مب أحسن من حالي : لاتفكر وايد إلي صار صار ..
استيفن ويطالعني مستغرب شكله مافهم !
رديت : عندما يحدث أمر ما لآيمكن أن نغيره ..
استيفن : آه أجل ..
[ استيفن أسلم من فتره وعلشان جيه تعلم يتكلم عربي يلسنا نسولف وبعدهاا إستوعبناا أنا تأخرنااا رحناا بسرعه ودخلناا ..
انصدمنا أنا واستيفن يوم شفنا الكل موجود ويطالعنا مستغرب ضحركني استيفن يوم قال : شت كم أنتم سريعيين !!
إلي فالقاعه يطالعون استيفن بنظره !!
ضربت على كتفه خفيف : صوتك عالي ..
استيفن وإنتبه على عمره : بل أقصد we have late .. sorry
المسؤول : "وأشر بمعني تقدرون تبدئون" You can start
عقب يلسنا أنا واستيفن نتكلم ههه كنت أحس عمري وايد أخبرط من عندي بس استيفن يصلح لي الأخطاء توهقت ..
بس عديناا على خير .. والكل إستانس على العرض وعلى استيفن إحم وعلي ..
.
.
.
**********************************************
يوم الإثنين الصبح في بيت بو حمد :-
اليوم إلي بتبدأ فيه الامتحانات ..
[ الكل لآبس وجاهز عسب بيسيرون المدرسه وبعد ماتريقوا ..
عواش : ياااااااااااارب وفقناا ..
الكل : آميين ..
أم حمد وتحط دلة الحليب : الله يوفقكم ويسهل عليكم إن شاء الله ..
عبود : إلا هو إمتحاان ..
عواش وتضحك : ههههههه هيه تذكرت مستواك أكبر من جيه .. "وتذكرت هالموقف مع حمد"
عبود نفس الشي تذكر حمد ومارد ..
طالعتهم : يالله عنوود خبرتني إلي يبي يروح معاها بسرعه ..
عبود : أنا بظهر مع سيف عنودووه شكلهاا مطوله للحين يالسه تتعدل حشى مدري وين بتسير ..
رديت : ههه مدري خبرتني نظهر ..
عقب رن فونه ..
رد عبود : ألوو .....هاا....... أوك أنا يااي ..
سلموا وظهروا ..
طلعت أنا وعواش وعبود بس ماشفنا عنود ..
عبود ويضحك : ههههههه شكلهاا رجعت إتناام ..
عواش ومعصبه : لتقووووول ..!
عبود ويتطنز : خيسووو فالحر ..
وشويه ييه سيف وضرب هرن لعبود .. وعبود يتطنز : يالله بناات أنا بجلب ويهي ..
عواش و بقهر : إجلبه يالس تقهر فيناا شوو ..
عبود وراح صوب سيف وفتح بااب السياره وتخاشم مع سيف : مرحبا السااع ييت في وقتك يالس أقهر فيهم ..
سيف ويضحك : ههههه حرام عليك واقفين عند البااب جيه في هالحر ..
عبود ويطالع عواش وندى .. عواش أونهاا صدت ويهاا وندى اتسوي باي ..
عبود ويسوي حركه فإيده بمعني باي : هههه باااي "ودخل وسكر الباب "
سيف ويفكر : مممممم أقولك منو إلي ردت علي يوم إتصلت ؟؟
عبود ورافع حاجب : كيف ؟؟
سيف وحس أنه يالس يسأل عن إخته : بلاك إنت ماقلت شي ..
عبود ويطالعه بنظره : تحسبت ..
سيف : زييين بلاك إطالعني جيه ماقلناا شي خلاص هاا مشيناا "وشغل السياره وراحوا" ..
عواش بقهر : يقهر ياربي ..
ضحكت : هههه صبري شوي ..
عواش : عنوودووه إذاا رقدت مابتنش نومها نومت أهل الكهف ..
............. : نعم آآآآآآنسه عاايشه عيدي رمسج .. !!
عواش ومتخرعه : خيييييبه من وين طلعتي ..
عنود وتطلع سويت السياره : من البييت كأنج يالسه تتطنزين من وراي ؟؟
عواش : حشى علييي ماقلت شي غير الصج ..
عنود وتمشي وإحنا وراهاا : إحمدوا ربكم أني بوصلكم هذا بدال ماتشكروني يالسين تتطنزين حضرتج ..
عواش : بتذلييييناا شوو ؟؟
ضحكت : هههه
عنود : يالله ما أريد أسمع كلمه زياده ركبن بروحي وراي جامعه ..
عقب ركبنا ووصلنا وراحت الجامعه ..
.
.
******************************************
عند يزوي ..
[يلست يزوي وبعد ماتسبحت لبست مخور أزرق إهي مب من النوع إلي تتعدل وايد ..
ظهرت في الحديقه عند يدتهآا ..
" طلعت ورحت يلست عند يدوه وسلمت عليها وبستهاا وعقب يلست ..
يدوه مضياقه شكلها لأنها تمت ساكته ولا قالت ولا حرف ..
خاطري أسألها شو فيج ليش ساكته ..
بس طبعا أعرف في حاالي وجودي وعدمه واحد في هالحياه ..
شعور يقهر أحس عمري والطوفه واحد ليش جيه وقفت بسير حجرتي لأني بديت أضاايق ..
حتى يدوه شافتني وعقب صدقت عني ماا أصدق يدووه تتغير علي ليش إنزيين أناا شو سويت ..
رحت مشيت وأنا ماشيه كنت أقول في قلبي يالله قولي اليازيه قوولي اليازيه بس ما قالت شي ..
حسيت بحزن وخوف يمكن مهره فالسالفه آخر شخص أفكر يتغير علي يدوه ..
وانا داخله كنت أفكر ما انتبهت دعمت في مهره ..
مهره وإدزني : خيييبه ماتنطقين بعد متشووفين !!!
جرحتني في كلامها خاطري أقوولهاا انتي شوو تبين فيني خلييني فحاالي ..
مهره وتتأفف : أوووف اليازيه ما أحب هالنظراات أشفق علييج تحبين حد يشفق علييج شوو؟؟
طالعتهاا بنظره ..
مهره : ههه صح ويالسه أسألج نسيت إعذريني ..
كنت بمشي بس مسكتني من إيدي : أقوولج ترااني أكبر عنج أولا وثانيه كنت زوجة أخوج وثالثا بنت عمتج يعني لي إحترام ولا ماعلمتج أمج شو يعني إحترام
هه صح أصلا أمج ماتسأل عنج ومتبرياا منج ..
تخيلووو تخيلوو أني صفعتهاا طراق من الخاطر ماحسييت بعمري ..
مهره وترد لي الطراق أقوااا من إلي عطيتها بعشر مرات حسيت ويهي صار حاار : وبعد ترومين تمدين إيدج !! حيوانه مسكتني ورصت على إيدي بقوو ..
حاولت أبتعد بس مب طايعه ..
كنت حاطه إيدي في ويهي مكان الصفعه حسيت بألم ..
مهره واتصارخ في ويهي : شووووووفي تراااااج تزيييييدين الطيين بله يااتعامليني عدل يا أعرف كيف أتصرف ..
ما حسيت إلا بحد يدز مهره من جدامي بقوو ووقف جدامي : إذاااااا شفتج مره ثانيه قربتي منها ماتلومين نفسج فاهمه ..
مهره وتصارخ : مالك خص وخر عن طريجي وإذا عدت هالحركه بتندم ..
وعقب تجدمت أكثر تحاول تسحبني بس أهو واقف جدامي ..
مهره بعصبيه : قلللللت لك وخر ماتفهم هالحيواانه مدت إيدهاا علي؟؟
مدري شو المفروض اسوي تميت واقفه مكاني لأني بديت أخاف من هالمهره عادي تذبحني إذا تبي ..
مهره وبتهديد : يعني مابتوخر .. سلطااان أقولك وخر ..
سلطان وبعصبيه : شو يعني بتسوين هاا مابوخر إذا تبين أصفعج وتحصلين هزبه قوولي تراج زوتيييهااا ؟؟
مهره : أخااف منك شووو تعال وشوف شو بيصير ..
........ : شو الي قاااعد يصير ..
مهره على طول بدأت إتصيح وطاعت فحضن أمهاا : أمااايه يزوي ضربتني و و عقب سلطان مد إيده علي ..
عموه فاطمه وحسيته معصبه من الخااطر : شووو تمد إيدك عليها قصوورك ..
مهره وبعدها إتصيح : هيه واليازيه بعد ..
سلطان بعصبيه : أماايه ماعليج منهاا هذي يالسه تجذب عليج لا مديد إيدي ولا شي إهي إلي يالسه تتهاوش مع اليازيه صح اليازيه ..
بس إلتفت ماحصل حد !!!!!!!!!!!!!!!
مهره وإستانست : شفتي خافت تدري أنها الغلطاانه يجذبون عليج اهىء
عموه فاطمه : والله ثم والله إذا قربت صووب مهره بتشوف إلي مايرضيك تفهم ماعندنا رياييل يمدون إيده على حرمه حساافه ..
سلطان مب مهتم إلي قاهرنه ليش اليازيه حطته في موقف مثل هذا وبينت أنه جذاب كان يحس بقهررر بس ماسك أعصابه ..
أمه ظهرت وقالت : خلاص يمه لاتصيحين مابيقرب صووبج مره ثانيه يالله أنا بسير عن أميه ما أريد أسمع هواش مره ثانيه "وظهرت"
مهره وتمسح دموع التمساح : ههه شفت كيف خلهاا تنفعك مالت ههه "وراحت"
سلطان حس بمعني الاهانه ولا من إخته ..
راح صووب حجرت يزوي كان مصعععب حده ومنقهر في نفس الوقت من الموقف الي انحط فيه ..
.
.
.
**************************************
"أحيانا يمكن وجودك شي كبير بالنسبه لهم وإنت ماتدري بس الدنيا دوم تشغلنا عن بعض"
.
عند مريم فالبيت ..
[ كانت يالسه مع شهد والخدامه فالصاله تترياا متى يتصل ريلهاا..
مريم : أووف شو هالأبوو إلي مايسأل عن بنته وحرمته ماالت ..
شهد : مااي مااي ..
مريم وتمسكهاا : تبين مااي ..
شهد تحرك راسها بمعني هيه ..
مريم وإطالع الخدامه : إخذيها عطيها تشرب مااي ..
الخدامه : أوك "ومسكت شهد وراحوا المطبخ "
مريم وتاخذ الفون : يعني لآزم أنا إلي أتصل ولا أهو مايفكر يتصل .. "شويه ورن الفون" خييييبه عمره طويل ..
مريم وترد : هلاا
" عبيد ومنصدمه أنها ردت بسرعه عرف أنها كانتت تتريا إتصاله : أهلين ..
مريم : زين فكرت تتصل الناس يسإلون عن عيالهم هيه صح هذيله يعرفون شو معني كلمة أب ..
"عبيد : لآ حووول بديناا يعني !! أنا متصل أطمن مب عايبنج بعد ؟؟
مريم وبقهر : هيه مب عايبني متعب عمرك وايد فالاتصاال المهم صحتك ..
"عبيد وبعصبيه : مريم خلي عنج هالرمسه وخبريني شحالكم ؟
مريم : بخير زينين مشكور على السؤال ..
"عبيد : شو هالرمسه كنت بقولج أن الاسبوع الياي راد البلاد ..
مريم فرحت بس مابين هالشي : وخير ياطير تروح وترد تعودناا ..
"عبيد وماتوقع هالرد : يعني لا أرجع أحسن؟؟
مريم : والله ماتفرق معااي ..
"عبيد ومنصدم : شوفيج ؟؟؟ صاير شي..
مريم : ماصار شي ..
"عبيد : مريم إذا ماتبين أرجع إرمسي قولي شكلج تعوتي البيت بدوني ..
رجعت شهد ويت صووب مريم : مااماا ..
"عبيد وفرح يوم سمع صوت شهد : هذي شهد عطيني أرمسهاا ..
شفت شهد : إخذي هذا بااباا ..
شهد ومستاانسه حطيت فوني صوب ذانهاا واهي مسكته : الوو بااباا
"عبيد ومستاانس : بااباا شهوووده شحااالج ..
شهد وإطالع مريم : باابا ..
مريم وتقول حقهاا : قولي بااباا شحالك ..
شهد : حححالك ..
"عبيد : بخيرر دامني أكلم شهووده الكتكووته سمعي كلام ماما زييين ..
شهد : ذيين ..
مريم وتهمس لشهد : قولي بابا تعال ..
شهد : بااباا تعال ..
"عبيد : فدييتج عيون باابا إن شاء الله بييه إنزين خلج عااقله وسمعي الكلام ..
شهد واطالع مريم : انذيين "وعطت مريم فونهاا"
مريم : هلا ..
"عبيد : فديتهاا اشتقتلها وايد ..
مريم : هيه وحليلها دوم أول ماتشوفني أرمس تفكرك إنت مسكينه فاقده حناان الأبو ..
"عبيد : لآتلمحين في كلامج تدرين بظروفي وكل واحد له عذره ..
مريم بهدوء : إنزين ..
"عبيد : قصدج خلص يالله سكر أدري بج يالله ماعلي براحتج إهتمي بعمرج وبشهد بسكر ألحين ..
مريم بقهر : زيييين ..
"عبيد : في أمآن الله "وسكر"
مريم وتحط الفون : مالت مانك فاايده بروح ألبس وبمر عند يدوه أونس عمري مع اليازيه وايد أحسن ..
.
.
**************************************
أنا لست ممن ينتظر الشفقت من أحد ..
ولا أقبل بالذل ..
لا أحب الإهانه ..
أكره الظلم ..
مافي داخلي مشاعر مخزونه تنتظر الخروج وإن تسرعت فعندي عذري الخاص ..
ربما لا أتكلم ولكن ليس الكلام فقط هو الذي يحدد تلك المشاعر ..
.
.
سمعت صوت البااب فتحت إنصدمت شو يبي كنت بسكر البااب بس مكسه ..
سلطان : مشكووره على الموقف إلي حطيتيني فيه هذا جزاتي لأن وقف ضد إختي علشانج ..
نزلت راسي ..
سلطآن وشكله معصب : طلعت أنا الجذاب ويالس أخرط وخليتي مهره تضحك علي ..
أووف من هالمهره صج كريهه ..
سلطان : الله يسامج ..
مدري كيف حسيت كأن يجرحني بكلامه ويحسسني بأني غلط في حقه ..
سلطان ويكمل كلامه كان يطالع ويهي وشاف أثر الصفعه لأن صار أحمر من القوه : ماعلي السموحه منج لأنها مدت إيدها عليج أوعدج أني بتفاهم معاهاا
روحي حطي شي أو إغسلي ويهج بماي بارد علشاان يخف ..
مدري هززيت راسي معنى إنزين علشان يروح ..
سلطان : في أمان الله "وراح"
سكرت الباب وأنا أحس بمعني تأنيب الضمير بس شو أسوي ماحبيت أسمع كلام مهره وجذبهاا ..
الله يسامحهاا حطتني في موقف محرج حطيت إيدي مكان الصفعه حسيت بألم رحت الحمام(أكرمكم الله) وغسلت ويهي فالمااي ..
بعدها حطيت بوده علشان لايبين شي لأني بسير عند يدوه ..
ظهرت من الحجره وسكرت الباب رحت برع فالحديقه ..
شفت سلطان واقف مع يدوه إلتفت وشافني وعقب صد ..
يلست حذال يدوه ..
سلطآن : يالله أنا بظهر تامرين بشي يدوه .. "وباسها فوق راسها"
يدوه : سلآمتك في حفظ الرحمن ..
وعقب ساار ..
تميت أطالع يدوه بس إهي صاده ويهاا مسكت إيدها بس بعدت إيدها إنصدمت !!
شو صار حسيت أن الدموع تيمعت في عيوني ..
حتى يدوه صارت تكرهني !!!!!!!!!!!! ..
.
.
.
******************************************
"عندما نجتمع أشعر بأن لنا قلب واحد"
.
.
[ رجعت عواش وندى البيت بعد الامتحان وكل وحده سارت تبدل ثيابها واتصلي وعقب راحوا الصاله ..
عواش واطالعني : شكلج مثلي ترا يبين أنج مزفته فالامتحان ..
رديت : هههههه وإنتي بعد من يوم ردينا ماقلتي ولا حرف ..
دخلت أميه : هاا بشروا ..
عواش : احم والله زين سهل ..
رديت : ماشي الحاال ..
أميه وبشك : يالله ماعلي إن شاء الله خير أنا بروح أشوف الطباخ يلسن إهنيه ..
ردينا: إنزيين ..
يلست أنا وعواش وشغلنا التلفزيون ..
عواش وإطالعني : تتوقعين عبود رجع ؟؟
رديت : مممممممم أتوقع هيه ..
عواش وتفكر :ممم شكله إنخمد شرايج نسوي فيه مقلب ..
طالعتها : مقلب !!
عواش وتضحك : ههه بلاج إتقولينها جيه هيه مقلب ..
رديت : شوو؟؟
عواش : شوفي أناا بخبره سيارته برع إنزين أهو بيظهر بسرعه وعقب بيتقفط وبيرد يدخل أول مايدخل نصب عليه ماااي أوكييك..
رديت : يعني لما مايحصل السياره وبيرد نصب عليه الماي ..
عواش ومتحمسه : هييييييييه ..
رديت : أوكيك يالله ..
رحنا وجهزناا غرشة المااي وعواش راحت صوب الحجره وسوت حركه بمعنى أوكي .. ودقت البااب ..
عواش وتصارخ : عبووود عبووود قوووم عندي خبر لك بمليووووووووووون ..
عبود وفتح البااب : خيير!!
عواش : ماابتصصصصصدق ..
عبود وشاك : خلصيناا شو عندج ..
عواش وفي داخلها ناقعه ضحك : مااامي شرت لك سياااااره بتحصلهاا برع فالحوش ..
عبود ومنصدم : من صصصصصصجج؟؟؟
عواش : هيييه توني شفتهاا خبرت العنوود ..
عبود ومستانس : إحللللللفيي "وعلى طوول ظهر من البييت"
سرت صوب عواش : ههههههه يالله قبل لايرجع ..
رحنا وقفناا عند البااب علشان أول مايرجع نصب المااي ..
وشويه وإنفتح البااب وعلى طول صبينا المااي عليه ..
............. : إييييييييييييييه إتنن الله يخس إبلييسكن والله لآ أراوييكن ..
شفت عبود رجع ومنصدم : يالجذاااااااااابه !!!!!!! عنود شو السالفه ..
عبود وعنود في نفس الوقت : عوااااااااش ..
شفت عواش وعلى طوول ركض لين حجرتي دخلناا وقفلنا البااب كناا نسمع عنود وعبود يتحلفووون عليهاا وإحناا نضحك : هههههههههه
عواش وإطالعني : ههههههه شكلناا ماشي غداا اليوم ..
رديت بهس : دام السالفه جيه عيل انسي سالفه الغداا هههه
عواش : هههه بس شفتي كييف ضربناا عصفورين فجر كفج ..
ضحكت على كلامهاا : ههه هيه ..
.
.
دخلت حجرتي وأنا معصبه حركه سخيييييفه من عواش وندى يعني يدرون أني توني راجعه من الجامعه اووف الأوراق كلهاا صادها ماي
أووف شو هالحظ الله ليسامحكن "رن فونها" اووف مب وقتك هالفوون وييينه ..
طالعت الشاشه وأنا منصدمممممممممممه !!!!
.
.
كآت
((18))
عبرة من ماضي ذهب ..
عبرة من طفولة ذهبت ..
عبرة من صوت ذهب ..
عبرة من قرار ذهب ..
الحياة عبرٌ كثيره فنحن نعيش لنتعلم ونتعلم لنعيش ..
ربما لاندرك بعض الأمور عندما تحدث وعندما نشعر بالخطأ أحيانا ..
ولكن لابد من أن نخطأ ولا بد من لحظات من الفشل ..
ربما نشعر بالغربة بينهم ولكن عندما نجلس مع بعضنا تتغير الأمور ..
هنالك الكثير من القرارات التي نفعلها ..
وخلف كل قرار أمر لابد أن يحدث ..
" تجمعنا المحبه في يوم و يمكن نتقرب اكثر !! "
.
.
.
طالعة وأنا منصدددددمه رقم غريب منو بيكون رديت ...!!
...... : ألوو ؟؟
رديت : هلا منو ؟؟
...... : أنا مريم عمة جاسم شحالج العنود ؟؟
كيف عرفت رقمي !! : أها هلآ أنا الحمدلله بخير وإنتي شحالج عساج بخير ؟؟
مريم : مدييم يارب نحن بخير .. أكيد مستغربه ليش أنا متصله ..
رديت : لآ بس ليش ؟؟
مريم وتضحك : ههههه كنت بخبرج أن أميه رمستني أتصل فيج وأقولج تخبرين أمج إتون اليوم عندها مسوين عزيمه علشانج إنتي وجاسم .,.
رديت وأنا متوتره : أ أ أنا و جاسم ؟؟
مريم وتضحك : هههه هيه بلاج ليكون بعدج تستحين ترا صرنا نسايب وخبري خواتج وكلكم تعالوا ..
رديت : بس ..
مريم وإتقاطع عليهاا : مافي بس بتكون الساعه 6 ولو إتين من وقت بيكون أحسن ..
أنا ما اريييييد أسير شو هالحظ : خلاص إن شاء الله ..
مريم : يالله عيل ترا سلمى إختي قالت بترمس أمج بس إنتي أكدي عليها إنزين ..
رديت : خلاص ولايهمج ..
مريم : في أمآن الله "وسكرت"
سكرت الفون أوووف شو هاا منو متفيج يروح عزايم في وقت الامتحانات ..
.
.
طالعتهاا مستغربه ترمس منو ..
ردت علي : ههه يزوي تراني يالسه أرمس العنود وخبرتهاا عسب العزيمه ..
اهاا ..
عموه مريم واتفكر :ممممممممممم لآزم أروح أساعد إختي فاطمه حق التحضيراات ترا أميه من ساعه ترمسني ..
ههه وحليلهاا يدوه مع أنها كانت زعلانه أنها ماقدرت تحضر الملجه بس ألحين فراحه ومسويه عزيمه ..
عموه : أقووولج وإنتي بعد تعالي ساعديني ولا أقوول إستريحي عندي لج شي أخس من الطباخ شوفي شهد ..
ههههه ..
عموه وتظهر من الحجره : يالله دوريهاا مدري وينهاا وأنا بروح المطبخ .. "وراحت"
تبيني أدور بنتهاا وأنا ما أروم أزقرهاا .. ظهرت أدور وين شهد !! بس ماشي مدري وينهاا ..
رحت صوب الميلس بس سمعت صوت غريب !! منو هذاا حاولت أشوف منو فالميلس بس ..
............ : الياازيه !!
حسيت قلبي بيووقف إلتفت ..
......... : شو إدورين ؟؟ ترا شي ريااييل فالميلس ..
تميت واقفه طبعا ما اروم أرد على سلطان ..
سلطان : احم زين خلاص روحي ألحين ولا اتين صوب الميلس ..
هزيت راسي بمعنى زين ورحت .. ياربي وينها وشويه وأشوفهاا يايه صووبي ..
شهود : يذووووووي ..
نزلت لها و شليتهاا ورحت الحجره يلست ألعب معاها لين مايخلصن الحريم التحضيرات للعزيمه ..
************************************
" عندنا نختلف بعض الأمور بالنسبة لي أشعر بأن أمرا ما سيحدث!"
[ بعد الغداا عواش وندى ناموا وعبود نفس الشي والساعه 5:30 الكل يالس فالصاله بعد ماتجهزوا حق العزيمه ..
عواش : ندووووش وينهاا أمج ..؟؟؟
رديت عليهاا : تقول ماتبي تروح بس خبرتني أروح وياكم عادي ..
عواش ومستغربه : غريبه لو أنها ماترضى أنج تتحركين خطوه وحده برع البيت ..
ضحكت : ههه لآ تقول عادي دام الأهل كلهم هناك ..
عبود وماسك البي بي يسولف مع سيف : أقوولكم مطوليين شوو ؟؟
عواش وتيلس : الظاااهر جيه تعرف الحريم سااعه لين مايتعدلن وعااد عنود شكلها ماخلت شي ماحطته على ويهاا ..
عبود ويتطنز : عبالهاا بتصير حلوه ماالت ..
عواش : إسكت لاتسمعك ..
عبود ويطالع ندى : أقولج ندووه تحيدين قبل يوم رمسي سيف ؟؟
رديت عليه وأنا أحاول أذكر : منو؟؟
عبود ورافع حاجب : أونه منو نسيتي شووه ؟؟
رديت : هيه تذكر شو فيه ؟؟
عبود وبجديه : الظاهر معجب فيج إنتي شو رمستي معااه هاا ..
عواش واطالع عبود : من صصصصصجك ..
عبود ويطالع ندى بنص عين : مدري وايد يسأل الأخ ..
رديت : شو هالتفكيير لاتسمع أميه والله تذبحني وبعدين إنت بدال ما تهاوشه يالس إتسايره ..؟؟؟؟
عبود : كيفي إربييييعي وبعدين أهو ما قال شي غلط ..
عواش وتتطنز : يوووه والله ندووش طلعتي خطيره وإحناا ماندري ..
طالعت عليهم بعصبيه : إيي انتوا تبوون إتسوون مشاكل غيروا السالفه ..
عبود وحس ندى خافت ضحك وقال : هههههههههههههه أسوولف ويااج يالدبه وإنتي صدقتي خسي أصلا يرمس عنج بس حبيت أرد المقلب إلي سوييتووه ..
عواش وتضحك : ههههههههه حرام عليك وأنا عباالي صج .. أوك أنا بسير أييب شنطتي "وسارت"
عبود : عوااااااااااااش شوووفي الجرااااجه ماالت اللاب ..
طالعته وضربته على كتفه : يعني ترد المقلب يالدووووووب ..
عبود ويهمس : سكتي ألحين دور عواش ..
طالعته مستغربه : كيف يعني ؟؟
عبود : سمعي 3 2 1..
وشويه عواش واتصارخ من حجرتهاا : عبوووووووووووووووود ياللللللجلللب شو مسوي فالجرااجه ..
عبود ويضحك : ههههههههههه رجــــــــعت لج المقلب عسب لآ تستهينوون فيني ..
ضحكناا أنا وعبود من عواش يلست تتحلف على عبود ..
وشويه تظهر عنود : يالله عبود خذ السويج وشغل سيارتي لين ما أشوف أميه ... شو فيها عواش ؟..
رديت : مدري !!
عبود وياخذ السويج : أفااا علييج يالله ندووش تعالي ..
ظهرت أنا وعبود وأهو شغل السياره ودخلت ..
عبود ويطالعني : نحووط شوي ؟؟
رديت : شووه لآ لآتتهور ..
عبود : عبالج ما أعرف أسووق لين مايخلصون بنحووط شويه ..
خفت مب ناقصه يصير شي : لآا ما اريد ..
عبود : ماالت خوافه ..
وشويه عواش تدخل السياره ومعصبه شويه وتكسر باب السياره ..
عبود ويضحك : ههه دريناا أنج معصبه بس إرحمي باب السياره ترا ماله خص فالسالفه ..
عواش أونهاا ماترد ..
عبود ويطالعني وبهمس : أونها زعلت ..
رديت : ههه حرام ..
عبود ويظهر : يالله أناا بسير هيه ندووش لاتزعلين وعواش إزعلي عاادي هههههه ..
عواش بعصبيه : جب وإجلب ويهك ..
ظهرت عنود مع عموه : عبوود إنت لاتروح مكان خلك مع أم ندى ..
عبود وفاج عيونه : نعم أنا بظهر شو إتشوفيني حرمه أيلس فالبيت ..
أم حمد : ماعلي خليه بس لاتسوي مشاكل يالله سرناا تأخرناا ..
عبود : فديييييييت الوالده "وباسها فوق راسهاا وراح يبي يدخل البيت" ..
[ عقب ركبنا كلنا وسرنآا ..
**********************************
"لم أعلم بأن ربما ستتغير كأن خلفها قصة حزينه وآمال مكسوره"
.
.
بدلت ثيابي وتكشخت عشاان خاطر عموه مريم هههه أصلا غصبن عني ولا بتزعل مب ناقصه كل حد يزعل مني
خاصه يدوه .. وعموه مريم على طول دخلت الحمام "أكرمكم الله" تسبح بعد الطبااخ وعقب ظهرت كانت يايبه معاها
ثياب ولبست وتكشخت من الخاطر .. وأنا يلست أسوي شعر شهود فديتهاا ..
.
.
"في حد دق الباب" ..
عموه مريم : منوو إدخل ..
دخلت مهره : السلام عليكم أقول حد شاف سارونه ؟؟
عموه مريم : توهاا فالمطبخ عند أمج ..
مهره : اهاا انزين واليازيه ترا أمج إهنيه بعد بتحصلينهاا عند يدوه .. "وظهرت"
أول ما قالت اسم أميه بديت أحس بالخوف .. ظهرت علشان أروح أسلم عليها وعقب حصتلهاا فالصاله ..
سلمت على يدوه وعقب سلمت عليها كانت إطالعني بنظره أخاف منهاا ..
أميه وتيلس : عيل أشوف وايد طولتي مب ناويه ترجعين البيت ترا الرمسه توصلني من الناس ما أريد يقولون مخليه بنتها عن يدتهاا وماتسأل عنها..
تميت واقفه شفت يدوه إلي مضايجه الظاهر أميه إلي قايله شي ظلمت مهره لأني فكرت يمكن تكون إهيه ..
أميه وإتكلم يدوه : شوفي أنا راضيه اليازيه إتم بس بشرط ..
طالعت إميه وأنا منصدمه ؟؟؟
حسيت يدوه ملت من كلام أميه ..
ردت يدوه : إخذي بنتج وارجعوا البيت...... "إنصدمت" ... بس مب ألحينه باجر "ووقفت وسارت"
حسيت بصدمه يدوه ماتبيني خلاص شو صار أميه ليش جيه إتكلمها ليش لييش ؟؟
أميه ووقفت جدامي : سمعتيهاا من باجر ترجعين البيت جهزي أغراضج من اليوم ..
أريد أقوول مابي ما أريد أرجع البيت كرهت البيت وكرهت كلهم ..
أميه : سمعي لو أبوي حي كان مارضى أنج إتعيشين مع أمه ..
يلست تتكلم وتتكلم أنا ما أريد أسمع زياده حسيت عمري خلاص إكتفيت بس شو أسوي هذي أميه لازم أحترمها ..
وشويه ويقاطع علينا مهره : الياازيه اليااازيه تعالي ..
اميه كانت تبي إتكمل رمستهاا الي ماتخلص بس لما سمعت صوت مهره قالت : روحي يبونج ..
مدري يوم قالت روحي .. تحركت على طول وكأني أريد أهرب من كلامها ..
سرت المطبخ عند مهره ..
شافتني ومسكتني من إيدي بس هالمره خفيف مب قو وقالت : أدري أمج هذي إضايقج في كلامج إشكريني أنقذتج من إلسانها ههههه
مدري بس صج أشكرها أحس في شي تغير يمكن !! لأني منصدمه من مهره..
مهره : لاتهتمين بكلامهاا وايد تراهاا دوم جيه أنا أعرفها محد خرب بيني وبين أخوج غيرهاا ... المهم تعالي أباج إتساعديني في تزيين الكيك ..
هزيت راسي معنى أوك ..
ويلسنا نزين الكيك .. مهره وتتكلم : يزوي آسفه ..
إنصددددددددمت مب معقوله مهره !! مهره ويت شكلي مخربطه هذي منو مستحيل مهره تعتذر ؟؟
مهره : أكيد مستغربه من شو أعتذر .. الانسان يوم ينجرح قلبه ويعصب يبي يسوي أي شي علشان يطلع إلي فقلبه ..
مدري تميت أطالعها وإهي إتزين الكيك بالكريما حسيت لأول مره أحس أنها كاسر خاطري ..
مهره : بنيت أحلام إنهدمت بسهوله وأخوج بكل بساطه هدم كل شي عمره مايتفاهم كله معصب ويضرب ..
......... : منو إلي كله معصب ..
مهره : بسم الله من وين طلعتي ..
التفت هذي عموه مريم : لاتغيرون السالفه اتحشون في منوو ؟؟
مهره وتحط الكيكه فالثلاجه : مانحش ولا شي يالله بروح أتجهز "شافتني وعقب ظهرت"
عموه مريم وتيلس حذالي : آآآآآخ تعبت شهود وينهاا ؟؟
سويت حركه بمعنى مدري ..
عموه وتوقف : لآ حوول بسير أدورهاا لآتسوي مشاكل ولا شي .. "وظهرت"
ههه وحليلهاا ماتروم ترتاح يلست أزين الكيك وعقب حطيتهم فالثلاجه ..
.......... : مهره يوعااان ؟؟
التفت ! هذا سلطان ..
سلطان : عباالي مهره وينها عيل .. ولا أقول حطي لي شي آكله "ويلس"
مدري شو أسوي تميت واقف ..
سلطان ويطالعني : حوو حطي لي شي آكله يوعان ..
شو إسويت خدامه عنده رحت وفتحت الجدر وحطيت له من البرياني إلي عموه سوته وصبيت له عصير وحطيته فالصينه
حسيت أن يالس يراقبني !! وعقب حطيت شاف على الأكل وعقب قال : أريد سلطه ..
أوف فتحت الثلاجه وحصلت سلطه جاهزه وحطيت له ..
سلطان : تسليمن تعبتج .."ويلس ياكل"
ظهرت من المطبخ .. سمعت صوت حرمه وبنات شكلهم بيت العنود إهنيه أوف ريحتي صارت أكل ..
رحت حجرتي بسرعه وبدلت وتعدلت وطلعت ..
.
.
********************************
لم أعلم أن اليوم ربما يكون يوم مختلف !
ولم أعلم أن من يحبك ربما بتغير ومن يكرهك أيضا !
من أجل دوام ضحكاتهم ..
من أجل أن نكون عائله واحد ..
من أجل أن نفهم بعضنا ..
.
.
سلمت على الكل ممممممم وينها اليازيه رحت وشفتها تمشي ..
سرت صوبهاا وسلمت عليها : أنا ندى ..
ابتسم وعقب سرنا الميلس وسلمت هيه على الكل ..
قلت حق عواش : أنا بروح بشوف وين خالو مريم وشهد ..
عواش : أوكيييك ..
رحت المطبخ شفت حد يالس يغسل إيده وعقب إلتفت يبي يطلع إنصدم شوي يوم شافني ..
سلطان : منو إنتي !!!!
رديت : أنا ندى وين خالوه مريم ؟؟
سلطان : ممم مدري ..
رديت : أهاا خلاص "وظهرت سرت وشويه أشوف خالو مريم مع شهوود"
رحت عندهاا وسلمت عليهاا : شحاالج خالووه ..
مريم : هلااا والله منورين العنود موجوده ؟؟
مسكت شهوود : هيه .. بلعب معاهاا ..
مريم وتضحك : هههه إتسوين خير تراني تعبت منهاا ..
شليت شهود : ههه فديتهاا ..
عقب سرناا عند الحريم وخالوه مريم سلمت وكانت مستانسه ..
مريم : منورييين .. "ويلست تصب لهم القهوه والجاي"
وأنا يلست ألعب مع شهود ..
.
.
إلي متى هذا الشعور لم أعد أطيق الأمر ..
أشعر بأن وجودي بينهم وعدمه واحد ..
حتى أن الجميع يتحدث ولا يبالي لي ..
ابتسم وابتسم لهم وفي داخلي حزن ..
ليت أنني أستطيع أن أتحدث معهم !! ..
********************************************
"أخوي صرت من بعدك مشتاق ومن شوفتهم القهر يسيطر علي ! "
[ صوب بيت سيف عند البااب كان سيف وعبود واقفين ويسولفون ..
سيف : هههههههه الله يغربل ابليسك ..
عبود ويضحك : هههههههه محشووم ..
سيف : أقولك ندخل داخل البيت ..
عبود : تدري أني ما أريد أشوف أخوك ..
سيف : فهد مب إهنيه اصلا ..
عبود وبنظره : مب إهنيه ؟؟
.. وشويه وتوصل سيارة فهد ونزل أهو ومحمد كانوا يضحكون !!
عبود ويطالعهم : شوف كيف حالهم من بعد أخوي حمد والله أنهم مايستاهلون في يوم أن حمد إربيعهم ..
سيف : تراك ترمس عن أخوي بعد ..
عبود وبقهر : هيه أخوك أدري بس في يوم كان أخوي يعزه ما أتخيل تصير شراته ..
سيف وبدأ يعصب : عبود خل عنك هالكلام يعني لاتبين أن أخوي غلطان ..
عبود : أكيد أهو الغلطان ..
فهد وياي صوبهم : السلام عليكم ..
سيف رد بس عبود مارد ..
فهد : ليش واقفين برع دخلوا الميلس محد موجود ..
عبود وبقهر : ضحك وسوالف خلاص الشغل صار حقكم وأخوي صار أكثر من أسبوع ونحن ماندري عنه شي وإنتوا السبب ..
فهد وبعصبيه : منو إنت علشان اتحاسبني ؟؟؟
محمد : فهد خلك بعده صغير ..
عبود وبعصبيه : ومنو إنت علشان أسكت وأخاف منه أنا ماقلت غير الصج وإنتوا ناس ماتحب غير نفسهاا ..
فهد وماسك أعصابه : عبود إسمع إلي بينا وبين حمد إنتهى من زمان ..
عبود : هيه انتهى بالنسبه لك بس بالنسبه لحمد ما انتهى ؟؟
فهد ومحمد توتروا ..
محمد ويبي يهدي الوضع : خلاص لاتتكلمون عن حمد ..
فهد ويسأل عبود : ليش حمد مب موجود ؟؟
عبود : مدري وينه دورت في كل مكان ماحصلته ..
فهد ويطالع محمد : يمكن سافر !
عبود ومنصدم : شو ساااااافر !!!!!!!!
ليست هناك تعليقات:
إرسال تعليق