17

نتعلم من الماضي الكثير ونأخذ العبره ..

والمحبة مهما يحدث تبقى في القلب ..

أمور في حياتي صارت مثل سلسلة من المشاعر الضائعه ..

فيوم يذهب و ويوم يأتي لانعرف ماذا سيحصل ولكن يكفي أن نتوكل على الله ..

لابد من نسيان ماذهب من أجمل الذي سأيتي ..

ولابد من تتضحيات من أجل الذي سأحصل عليه ..

وعندما أصل إلي ما أريد ربما يتغير الكثير ..

وربما أتغير أنا وأصبح شخص جديد في حياة جديده ..

هذي الحياة نتعلم وتنتألم ونتغير ..

وهنالك الكثير من الأشخاص الذين نتعرف عليهم ربما يغيرون فيناا ..

.

.

[ الشوق لهم سيطر على قلبي وودي لو أشوفهم اليوم قبل باجر ..

كنت أشوف الكلام إلي يوصلني من ندى وأحس إيدي متردده مب طايعه تكتب ..

مدري أهو خوف أو شعور غريب سيطر علي ومنعني أرد عليهاا ..

حسيت بشي يقولي حمد لاترد خلهم يعرفون قيمتك أكثر خليهم يعرفون إلي عشته ..

مثل ما انت ذقت الفراق لازم هم بعد يعرفون شو يعني الفراق يمكن يحسون فيك ..

يلست أقرا بدون ما أرد ..

"أحبكم فَ شكراً " : حمممممد ؟؟؟؟؟؟

"أحبكم فَ شكراً " : ويييييينك رد ؟؟؟؟ :(

"أحبكم فَ شكراً " : إنت مشغووووول !!

"أحبكم فَ شكراً " : حمد كلمني أناا ندى ..

"أحبكم فَ شكراً " : ليييييش ماترد ="(

"أحبكم فَ شكراً " : ؟؟؟؟

"أحبكم فَ شكراً " : حمد تدري يمكن إنت مشغول بخبرك شو صار عنود كانت تصيح وايد لأنك ما باركت لهاا ويلسناا انسكتهاا ..

"أحبكم فَ شكراً " : تدري الامتحاناات بتبدأ ورا باااجر وكلناا نذاكر عواش وعبود بعد كانوا يذاكرون معاي ..

"أحبكم فَ شكراً " : وهيه حتى أميييييه واايد تغرت صرت أحسهم كلهم يحبوني وبعد في الملجه كل البنات حبيتهم كان وناسه ..

"أحبكم فَ شكراً " : إنت ليييش مااييت ؟؟ أكييد مشغوله أنا قلت لعنود أكيد حمد يبي يبارك لج بس ظروفه ..

"أحبكم فَ شكراً " : حمد لييييييش مترد =""(

"أحبكم فَ شكراً " : ؟؟؟؟؟؟؟؟؟؟؟؟؟؟؟؟

"أحبكم فَ شكراً " : خلاص انا لازم أظهر وأسكر اللاب عقب أميه بتشوفني بتزعل مع السلامه =( 

.

.

كنت أقراا إلي تكتبه وحسيت بأن إلي سويته ماتستاهله ندى تراجعت وقلت برد عليها بس ظهرت ..

حسيت أنها كسرت خاطري وايد وعنوود أفاا ياحمد تخلي إختك الغاليه تبجي.. !

 والله آسف يالعنوود ما أقدر ماعلي ربي يوفقج ..

آآآه شو هالشعور شو هالشوق أمااايه ويينج وعبوود وعنوود كلهم زيوود إلي كل يووم يطفرني راشد وناصر كلهم إشتقت لهم 

واايد بس مب فإيدي إلي صار صار وأنا مابتراجع سمعت صوت حد يدق البااب ..

استيفن : حمد لقد تأخرت يجب أن نذهب ..

سكرت اللاب وشليت أوراقي وكتبي .. استفين مرافقي فالغرفه ويعرف يرمس عربي ماخذ كورس فاللغة الفصحى ويفهم علي والحمدلله وايد أرتاح له ويساعدني دوم ..

طالعته : يالله ..

استيفن ويسكر الباب : أتعلم لقد توقعت أن تكون من المختارين اليوم في المحاظره ..

طالعته وضحك : هههه هذي ثقه ؟؟

استيفن : نعم أنت تستحق أن تحضر مثل هذه المحاضره ..

رديت : وأنت بعد ..

استيفن ويحك شعره : ممممم أجل بالطبع ههه ..

شفت عليه بنظره : وبعد المحاظره نروح المكتبه علشان أخذ قاموس يساعدني ..

استيفن : بالطبع نسيت آخر مره لقد توقفت عن التحدث لمدت دقائق لأنك لم تعرف ماذا تقول ههههه

رديت عليه : تضحك علي ..

استيفن ويحط إيده على حلجه : لا أعبر عن شعوري ..

ههه كملنا مشي طبعا كل يوم ناخذ يمكن حوالي نص ساعه لين مانوصل المعهد لأن السكن إلي أنا فيه بعيد فنيلس أنا واستيفن نسولف

وهيه اتصدقون أني ودرت الكندوره خخخ ..

استيفن ومنصدم : غير معقوووووووول !!

طالعته : شووو ؟؟

استيفن : لقد نسيت أوراق المحاظره ..

رديت : لآاااااا لتقوول مب وقته أليحن نرجع وعقب نتأخر 

استيفن : يبدو ذلك يجب أن نعود ..

طالعته : لا أنا بتأخر إنت إرجع وأنا بترياااك إهنيه ..

استيفن ويطالعني مستغرب : ماذا ..

رديت : إذهب أنت وأنا سأنتظرك هنا ..

استيفن وفهم : أها حسنا لا بأس إذا لأتأكد أنك ستنتظرني خذ حقيبتي وأوراقي هكذا أضمن أنك لن تغدر بي ..

ضحكت : ههههههههههه حسناً ..

استيفن ويلمح : نسيت آخر مره ..

ضحكت : لا ..

استيفن : حسنا دعنا من الكلام سنتأخر إنتظر سأعود حالا ..

وبعدها راح ههه ضحكني والله هالإنسان لازم أحترمه أكبر عني عمره 25 بس مب إمبين عليه ..

حسيت فيه معنى الصداقه يعترب الصداقه عنده شي كبير وهذا الي حبيته فيه ..

يلست أترياا كان صوبي في محلات صغيره ونافورة مااي كبيره رحت يلست أترياا ..

ناس رايحين وناس رادين فالبدايه ماحبيت هالجو وكنت أحس عمري غريب بس شوي شوي بديت أتأقلم ..

وبعدها سمعت صوت استيفن : حمد أين أنت ياصديفي ..

رجت صوبه : رجعت ..

استيفن : ما رأيك أن نجري ربما نتأخر أكثر ..

رديت عليه : أوكي ..

استيفن بنظره تحدي : ومن يصل أولا يحجز للآخر مقد أما الذي يتأخر يشتري القهوة ما رأيك ؟

هههه دوم يسوي هالحركه ويسبقني رديت : تعلم أنني سأخسر ..

استيفن : عفوا لم أعلم أنك تجيد الخساره وتيأس بسهوله ؟

رديت : لا منو قال حسنا موافق ..

استيفن : 3 2 1 ..

ويلسناا نتسابق ههههه عاد استيفن ماشي مجال بيوصل وأنا بعدني ..

.

.

.

**********************************

"ليس الأمر كوني أنا من يحد مصيري ولكن لي الخيار"

.

.

.

يوم الأحد :-

[ عند يزوي كانت تلبس علشان المستشفى لأن اليوم بيخبرونها شو لازم إتسوي وإذا تحسن وضعهاا ولا لا ..

ومهره نايمه أما يدتهاا فيالسه برع في حديقة البيت مع كيتي ..

لبست عبايتي وشيلتي وتعدل وطلعت رحت الصاله ماحصلتها ..

شفت كيتي دخلت سألتها : وين يدوه ؟؟

كيتي : في الحديقه ..

رديت : أها أوك ..

طلعت ورحت شفتهاا وسلمت عليها وباسيتهاا .. 

يدوه : صباااح النوور حياج يلسي يمه ..

يلست حذالهاا ..

يدوه وإطالعني : بتروحين مع مريم المستشفى ..

هزيت راسي ..

ردت : عسى خير إن شاء الله ..

وشويه وأشوف سيارة عمتي مريم ونزلت يت صوبنا وسلمت ..

عموه مريم : صباااااااااح الورد شحاالكن .. 

سلمت عليهاا ..

عموه مريم : يالله عااد أميه شبعتي من يزوي يزوي قومي بنسير المستشفى ..

شفت شهوود ويت سلمت : يذووووي ..

عموه : عورت رااسي صدعتني وإهي إتقوول وين يذووي وين يذووي هههه شهوود يلسي عند يدوه بنسير المستشفى ..

يدوه وإتبوس شهود : فديييتهاا خلاص خليهاا عندي ..

شهد : يدووه يدووه شوف حوااوه = حلاوه ..

عقب سرت أنا وعموه مريم ..

عموه : يالله في أمآن الله ..

يدوه : الله يحفظكن ..

.

.

.

************************************* 

في بيت بو حمد [ كانوا عواش وعبود وندى بعد ماتريقوا يالسين فالصاله يسولفوون وعقب بيذاكرون ..

وعنود تتجهز عسب لازم تروح الجامعه وما تتأخر وأم حمد تعابل فالمطبخ مع أم ندى ..

.

.

ندى : أووووووف ..

عبود وعواش يطالعون بعض إستغراب ..

ندى : مليت وأنا أترياا ..

عواش وبستغراب : شو تتريين ؟؟

ندى : حمد متى بيرج خلاص بس واايد طول لي متى ونحن ننتظر ؟؟

عبود وينزل راسه : مابيرجع ..

عواش وبعصبيه : شوو لتقوول جيه ..

عبود : كله مني ..

ندى وبستغرااب : كيف يعني كله منك ليش شو صاار ؟؟

عبود ويوقف : خلاص غيروا الموضوع ..

عواش : إنزيين بنغير ايلس مكاانك ..

ندى وفضول تبي تعرف شو السالفه لأنها بعدها ماتعرف : شو السالفه ..

عبود : ماشي ..

ندى : متأكككككد ؟؟؟؟

........ : ندى تعااالي ..

هذي أميه تبااني قمت ورحت المطبخ : هااا ؟؟

أميه : روحي إلبسي بنروح عند خالج ..

طالعتها مستغربه : ليش ؟؟

أميه وبعصبيه : بدون ليش روحي البسي ..

رديت : إنزين .. وعقب سرت حجرتي ويلست ألبس علشان أروح عند خالي مب معقوله نرجع الشقه ..

.

.

.

أحيانا نسمع أمور لاترضينا ونشعر بالأسف والحزن ..

لآ بد من الأمور المحزنه في هذي الحياه ولولا الحزن ..

لم نعرف معنى الفرح ولا بد من اليأيس لكي ندرك معني الأمل ..

[ دخلت المستشفى أنا وعموه مريم ورحنا عند الدكتور علشان نشوف شو نتايج الفحوصات ..

دخلت داخل ويلست كان الدكتور يشوف الفحوصات وعقب كلم عموه وقال ..

الدكتور : والله النتائج ماتبشر بخير الأحبال الصوتيه فيها إلتهاب وإحتمال شلل ويمكن يأثر في صعوبة تنفس المريضه ويسبب لها صعوبه فالبلع ..

طالعت عموه وأنا منصدمه ..

عموه : دكتوور يعني شو المفروض إنسووي ؟؟

الدكتور : للأسف مافي علاج وإذا تم إجراء عمليه يمكن يأثر أكثر عليها ..

عموه وبخوف : يعني إحتمال نجاح العمليه كم ؟

الدكتور : والله شوفي لو نجحة العملية بيكون ضرر لها أكبر ..

عموه : إنزين في علاج أو أي شي ؟؟

الدكتور : يمكن نرجع للأدويه الطبيه القديمه فالعلاج مثل العسل والأعشاب ..

عموه : بس أنا جربت هالخلطات مافي فايده ..؟؟؟

الدكتور : شوفي إحتمال الشلل 25% يعني يمكن يكون مجرد إضطراب فالأحبال الصوتيه بس حاليا مافي أي شي أكيد يعني ننتظر ونشوف إذا في تحسن ..

عموه : يعني في أمل ؟

الدكتور ويطالعني كنت أحس عمري تحطمت وأنا أسمع حوارهم : والله ما أعرف شو أرد .. آنسه يازيه شوفي حاولي تقولي باب ؟؟

طالعته وحاولت أقول بس مافي صوت ..

الدكتور : خلاص حاولي تقولي أي شي ..

حاولت بس ماشي فايده ..

الدكتور : خلاص لاتعبي عمرك شوفي أنا ما أقدر أكتب لها شي وبعدها يمكن تصير مضاعفات .. حاولي بإستمرار تحاول تتكلم ..

عموه مريم : خلاص ان شاء الله ..

الدكتور : وحاولي ماتشربي أشياء بارده أو حاره زياده عن اللزوم ..

عموه : إن شاء الله دكتور ..

الدكتور : يالله إن شاء الله خير آنسه يازيه ..

عقب يلس ينصحني وأنا أحس عمري خلاص دخلت مرحلة اليأس وظهرت يلست أتريا عموه لأنها راحت إتيب دوا حق شهود ..

شفت وحده يمكن عمرها اقل من 20 سنه يايه صوبي ويلست ..

..... : السلام عليكم إختي ..

طالعتها وإبتسمت يمكن إستغربت لأني مارديت السلام ..

..... : إختي عسى ماشر سلامتج ..

طالعتهاا وكتبت فالفون تسلمين الشر ماييج ..

شافت الفون وقالت : الله يسلمج شكلج ماترومين ترمسين الله يعينج ..

هزيت راسي بمعنى هيه ..

.... : ذكرتيني بمعاناتي أخوي كان مايروم يرمس علشان شي في أحباله مدري شوو ..

طالعتها وكتبت .. تعالج ؟؟

.... : والله خبروه أن ماشي فايده أونه ماشي علاج الناس تطوروا ونحن مانعرف نطلع علاج .. 

بالبداايه حسيت بأمل يمكن تقدر تسادني بس الظاهر لا ..

.... طالعتني : إتصدقين بس صار يرمس شوي 

فرحت يوم قالت قدر يرمس حسيت فالامل رجع كتبت لها .. شو سوا علشان قدر يرمس؟

.... : والله ماسواا شي بس كان دوم يحاول يرمس صح شو إسمج ؟؟

كتبت لها اليازيه ..

طالعتني : عاشت الأسامي وأنا غاليه ممكن تعطيني رقمج ؟؟

هزيت راسي معنى هيه وعطيتهاا ..

غاليه ومبتسمه : خلاص عيل بنتوااصل يمكن أقدر أساعدج في شي إذا عرفت وفرصه سعيده إختيه ..

سلمت عليه وسارت ..

مدري فرحت أني حصلت في حد مثلي يمكن تقدر تساعدني هالانسانه ..

شفت عموه يت صووبي : ماشاء الله كل يووم تكونيين صداقاات يالله تراا بنتأخر ..

وعقب قررنا نرجع البيت ..

*****************************************

[ وصلنا الشقه ورحناا طلعت أميه المفتاح ودخلناا كان خالي موجود مع حرمته ..

شقة إلي خالي عايش فيها صغيره وفي ناس مأجرين معاهم تقريبا بس حجرتين وصاله ومطبخ وحمامين ..

أميه وتسكر البااب : السلآم عليكم ..

خالي ويوقف يسلم : وعليكم السلآم هلا شحالكم ؟

ورحت أسلم عليهم ..

عبير وتسلم ع أميه : هلاوالله نورتي البيت حياكم ..

عقب رحنا يلسناا ..

خالي ويطالعني : شحالج ندى ..؟؟

طالعته : بخير ..

خالي : شوو صار معاج ؟

أميه وإطالعني : والله ماشي دورت بيت وحصلت بس محتايه بيزات ..

خالي : خلاص أنا بحاول أدبر لج ..

عبير : ممممم  أمس إتصل أحمد ..

أميه ومستغربه : شو يبي ؟؟

شفت عليهم مستغربه شو السالفه عن شو يتكلمون ومنو أحمد ..

عبير : والله ما أدري خبرته أنكم طلعتوا من الشقه ورجعتوا بيت بو حمد ..

أميه : زين وليش خبرتيه ..

خالي ويوقف : يالله أنا بظهر ألحين إخذي راحتج البيت بييتكم في أمان الله وطلع ..

عبير وتصب الجاهي لأمي : تفضلي ..

أميه : تسلمين ..

عقب يلسوا يسولفون خبروني أروح أشوف تلفزيون فالحجره وأخليهم على راحتهم ..

يلست أتعبث فالمطبخ هههه ..

***************************************

[ عند يزوي رجعت عند يدتهاا ومريم رجعت البيت مع شهد ..

يزوي تمت يالسه مع يدتهاا ..

يدوه : كيتي كيييييتي ..

كيتي : نعم ..

يدوه : روحي هااتي قهوه ..

كيتي : أوك "وسارت"

عقب يت عمتي فاطمه ويلست : السلآم عليكم ..

يدوه : وعليج السلام هاا شكلج مليتي من الحواطه من بيت لبيت ..

عموه فاطمه : حشى علي كنت نايمه وتوني نشيت ..

يدوه : أتحسب ..

وشويه يت مهره وباست يدوه وسلمت : السلآم عليكم ..

يدوه : وعليج السلام ..

عموه فاطمه : أمييه شفتي اليازيه ماشاء الله صارت عروس ..

يدوه وتمسك ايدي : هيه ربي يحفظهاا ..

عموه وإدور فالكلآم : وسلطان بعد ..

يدوه : هيه ..

عموه وإطالعني : أنا قلت لو نزوج اليازيه لسلطاان مابيحصل أحسن عنهاا شو قلتي ..

طالعتهاا منصدمه ومهره نفس الشي ..

مهره : شووووووووه..

عقب إنتبهت وقالت : أقصد أميه صبري عليه ليش مستعيله ..

عموه : لا مستعيله ولا شي بس أقول يعني سلطان الأولى أن ياخذ اليازيه ..

يدوه وإطالعني : والله تستاهل كل خير اليازيه ..

وأنا في داخله أقول لآاا لآا مستحيل أنا ما أريد !!

مب على كيفهم يقررون ..

أكييد يدوه مابترضى ..

.

.

. 

*************************************

[ عند بيت بو حمد كانت العنود توها رجعت البت وقفت سيارتها ونزلت ..

وراحت صوب الباب بس إستغرب منو هاا إلي وااقف كانت فرحاانه عباالهاا حمد ..

راحت بسرعه صوب الريال وقالت وإهي مستاانسه ومسكته من ورا ظهره : حمممممممد !!!!!!!!!!!!

الريال إلتفت وقالت : حمد!

عنود إستغرب منو هذا هذا مب حمد وتفشلت في نفس الوقت : أ أ أنا السموحه ..

الريال ومستغرب : ماعليه مسموحه ..

عنود متوتره شو تسوي هذا واقف عند البااب !!

الريال وحس أنه واقف في طريجها : السموحه إختي .. "وتحرك"

عنود وتبي تدخل بس ..

الريال : لو سمحتي إنتي بنت عبدالرحمن بو حمد ..

عنود ومتوتره : هيه ليش ؟؟

الريال : أها لا ماشي مشكوره مممم  في أمآن الله ..

وراح صوب سيارة وشغلها وساار .. 

شفت مستغربه منو هذا !! يمكن ربيع حمد .. فشيييييييله أنا دوم جيه مستعيله لو تأكد بالأول اذا حمد ولآ لا ..

دخلت البيت وسكرت البااب ..

عواش وإطالعني : بلاج ؟؟

طالعتها متوتره : شو فيني مافيني شي ..

عواش وإطالعتني بنظره : من صجج شوفي شكلج كأنج متقفطه ومستحيه مدري كيف ؟؟

رديت عليها : صج !!

عواش وتهز راسها : يب يب شو صار ؟؟

رديت : م م ماشي وين البااقيين ؟؟

عواش : ممممممم أميه نامت وعبود يحاوط وأم ندى وندى مدري وين ..

طالعتها بإستغراب : ليش وين ساروا ؟؟ 

عواش وتفكر : والله مدري يمكن طلعوا يتشرون أو شي ..

رديت : أهاا أوك يالله بسير أرتااح ..

عواش : اوكييييك وأناا بسير آكل يعت ههه ..

رحت حجرتي وسكرت الباب أوف من حظي وعقب تسبحت ونمت ..