16

"بعيد بس الحبايب دومهم في القلب لو بعدت عنهم مسافات بعيده"

متى يا قلب كان البعد راحة البال ؟؟

بعدت وتركتهم وحاولت انسى ..

ليش يا الماضي تفرقنا من ناس نحبهم ؟؟

الماضي شو عطاني غير الألم والحزن والهم .. 

فراق عزيز صعب وفراق اثنينه أصعب وألحين فراق الأهل شو بقالي في هالدنيا !!

كنت أتحدى الماضي بس خسرت .. 

وألحين أحاول أتحدى الواقع وأقول حمد خلص دراستك وعقبها إنت مب محتاي حد ..

واجهة صعوبه لين ماحصلت سكن قريب من المعهد وكان في عرب ..

وتعرفت على وايد أشخاص والحمدلله كل شي بخير مستحيل أوقف وبكمل لو عمر وسالم إهنيه بيكونون مستانسين علشاني

ومتحمسين ولآزم أحقق إلي رسمناه من سنين أنا كنت غلطان قبل وألحين ييه الوقت إلي أثبت لنفسي أني أقدر أكمل..

[عندما تفقد شخصا عزيزا وتشعر أن الدنيا ضاقت !!

 هل ستظل دوما الإبتسامة الزائفة على وجهك !!

عندما يرحل عنك ولا يترك خلفه إلا الذكريات !!

هل تظل حبيس الماضي أو تختار أن تنظر إلى المستقبل بنظرة يملؤها الحزن !!

عندما يمر بك طيفه وتود أن تخبره عن شوقك له ..

هل تتمنى أن يرجعك لك !!

حق أنك إنسان ضعيف بتلك الأماني والأفكار ..

اعلم جيدا أن ما يذهب لن يرجع ..

استيقظ وعش عالمك سترى أن هنالك مايستحق لتعيش من أجله ..

حقق ماكنت ترسمه وإسعى له لاتقف في منتصف الطريق وتابع ..

إعلم أن الراحل هذا ما يريده منك قبل أن يرحل ..

.

.

.

يوم الخميس :-

"الفرحه فالقلب من شوفهم والحزن فالقلب من بعده" ..

[ اليوم إلي بتكون فيه ملجة عنود والكل كان يجهز من وقت وأخيرا بعد تجهيزات بدأت ملجة عنود ..

 وكل موجود قوم أم جاسم وأم زايد وأم حمد ويزوي وربيعاتها و بيت خالها عبدالله شهد ومهره ومريم وعايشه واليهال وبيت عمها صالح .. 

ندوى لبست فستان فوشي كانت مستانسه لأن أمها شرت لهاا أما عواش فعناد في عنود لبست فستان أصفر أونه تبي تكون مميزه ..

الأصوات عاليه واليهال رايحين ورادين وإلي يصيح وشهوده كآنت لآبسه فستان سماوي وأمها مريم معدله شعرها وكل شوي شهود إتخرب 

التسريحه وسارونه بنت فاطمه عمة يزوي كل شوي إتصيح ومهره إتصارخ عليهاا ههه ..

.

.

حسيت عمري مب مصدقه وأنا لابسه والكل يالس يطالعني إستحيت الكل إهنيه ..

أمي وأخواني إخت جاسم وعموه وعايلتهم واااايدين والكل يتكلم وصوت الأغاني شفتهم فرحانين ومستانسين ..

وأنا أحس بداخلي بحسره وبقهر مدري ليش بس مع هذا مستانسه علشانهم بس حمد ما اتصل ولا حتى كلمني ..

شفت شهد بنت عمي يايه صوبي : مبروووووك فديتج مااااااشاء الله عليج طالعه قمر ..

إستحيت مب وقته هالكلآم : مشكوره الله يبارك فيج ..

شهد : إلآ وأتصوووور معااج عقب .. وبعدهاا ما أعرف شو قالت لأن صوت الموسيقى إرتفع ..

بعدهاا خفوا على الصوت شوي وصرت أسمع شوي شفت أم جاسم يت ويلست حذالي ويلست تمدح فيني وتتكلم وتتكلم ..

وأنا مستحيه منزله راسي ما أدري شو تقول .. 

وعقب الكل ييه يسلم علي ويبارك لي إحسااس غريب وكأن الكل يحبك فجأه !!!!!!!هههه مدري ليش جيه حسيت ..

.

.

"غريب الصمت صار لغة إنسان حتى فالفرحه"

...... : ندى ندى ..

رديت : هلآ خالوو ..

...... : إخذي شهد عند يزوي بتحصلينهاا يالسه إهناك إنزين ..

شليت شهود وحليهاا نايمه ههه ماشاء الله عليهاا ورحت عند إلي إسمهاا اليازيه ما أعرفهاا بس إهي أشرت لي وين يالسه : خالوو خبرتني أعطيج شهد ..

شفتهاا شلت شهد وطالعتني مبتسمه ..

قلت لهاا  : إنتي اليااازيه صصح !!

هزت راسهاا إستغربت ليش ماترد قلت : وأنا ندووش إخت العنود ممممم بس من أم ثانيه ههه ..

طالعتني مبتسمه ..

يلست حذاالهاا ما أعرف كيف أرمسهاا أستحي أحسهاا ماتبي ترمسني علشان جيه ساكته بس قلت : حلوو فستانج عيبني إنتي كم عمرج ؟؟؟

طالعتني وخذت فونهاا كتبت شي عقب راوتني .. "20" طالعتهااا : عمرج 20 ؟؟؟

هزت رااسهاا .. !! إستغربت شو إهي ماتقدر ترمس .. 

مدري إستحيت أسألهاا ليش ماترمسين فسكت بس إهي كتبت شي ثاني "أنا ما اروم أرد عليج ^^ "

طالعتهاا مستغربه مدري على طول سألتهاا : ليييش !! أقصد أدري مب لآزم أعرف ..

رجعت كتبت لي " لآ عادي حبيبتي أنا عندي مشكله فالاحبال الصوتيه وحاليا ممنوع أني أرمس" ..

شفتهاا حرام لييييييش جيه !!  وعقب يلست ساكته ..

مدري حسيتهاا طيوبه وايد بس ماتقدر ترمس بس كل البناات حبيتهم بس خالوه فاطمه مدري حسيتهاا مدري كيف ..

شفت وحده يت يلست وقالت : أوووف متى إنخلص ..

طالعتهاا مستغربه شو فيهاا ؟؟

شافتني وقالت : ليش إطالعيني جيه ؟؟؟

توترت : هاا لآ ماشي ..

ردت علي : إنتي إخت العروس .. 

مدري رحت وسلم عليها وقلت : هيه أنا ندى ..

...... : اهااا زين وأنا مهره وبعدييين شو يابج إهنيه روحي مكاان ثااني ..

إستغرب شو فيها مب بكيفهاا .. بس وقف أريد أسير بس دعمت في شهد إلي كانت شاله عصير وإنصب على هذي إلي إسمها مهره ..

ضحكت : ههههههههههههههه ..

مهره وتوقف : ططططططفسه متشووفين جدااامج زيين ألحين "وراحت خذت الكلينكس تمسح العصير" أووف يااربي 

شفت اليازيه إطالعني وتبتسم رحت عندهاا وقلت : ههه تستاهل صح ..

شفتها هزت راسهاا بمعنى هيه ..

رديت : يالله بسير أشوف أميه يمكن تباني .. "ورحت"

يلست أدور أميه بس مدري وينهاا شفت عواش إتأشر علي ..

رحت صوبهاا : شوو ؟؟

عواش وتمسكني : تعاالي إنتي تعرفين للتصوير صوريني ..

خذيت الكام : أوكي ..

عقب يلست أصورهم وبعد ماخلصت صوت الكيكه وشهوود وسارونه خليتهم يوقفون مع بعض وصورتهن ..

.

.

.

شفت الكل يتصور وشفت ندى مستانسه وبعدها سمعت أميه إتقول جاسم بيدخل إهنيه مدري شو صار فيني و لما دخل جاسم ..

حسيت عمري متوتره مدري خايف جيه المشاعر متلخبطه عندي مدري حسيت بحزززززززن لو ألحين حمد إهنيه ..

تمنيت أن حمد كان موجود بس شو الفايده شفت الكل فرحان ومتحمس وجاسم حسيت أن بعده مستانس 

كانت عمته مريم كل شوي ترمسني وإتقول .. لآتخافين ترا يبن على شكلج .. وإميه كل شوي إتقول عنود إبتسمي ..

حسيت كل لحظه قرن بكبره وأدعي يخلص كل شي بسرعه ماقلت ولا حرف كان إلساني إنقطع ..

*******************************************

حبيت عنود وأهلها كلهم طيبين صغير وكبير بس حسافه ما أقدر أرمس معاهم ..

شفت العنود وحسيت أنهاا متوتره وخافيه لأن كان يبين من شكلهاا 

وبعدهاا لما ظهر جاسم والعنود .. حطوا العشاا يلسوا الكل ياكل شفت ندى يت صوبي ويلست ..

طالعتني وقالت : حلو اليوم كان ..

هزيت راسي ..

ندى : يالله نتعشى ..

يلسنا ناكل كنت خايفه يمكن يدوه زعلانه أو شي ..

وبعد ماخلصناا بصراحه طبااخهم واايد حلو وأبد حسيتهم مب مقصريين ..و تموا الحريم يسولفون وضحك وغيره ..

بس مارمت أطول فقررت أرجع البيت علشان يدوه بروحها وهيه كانت مصره أنها ماتظهر لأنها تعبانه حتى جاسم زعل ..

مهره شفتها نفس الشي قالت بترجع بس عموه مريم تقول تبي إتم أكثر ..

يعني حظي نحس وبطر أرجع مع مهره ما كنت أبي هالشي بس مافي حل ثاني .. 

سلمت على الكل وظهرت أنا ومهره ركبت السياره وإهي ما قالت ولآ حرف تمت ساكته وعقب قالت ..

مهره : يزوي ممكن فوونج شوي بتصل حق أمايه ماعندي رصيد ..

استغربت شوي بس عطيتهاا ..

شفتها يلست تتصل بس ما إلتفت لهاا يلست أشوف الرسالة إلي كتبتها لي ندى ههه حركات هالبنت ..

كانت راسمه قلب على السريع وكاتبه "حبييييييييييييييتج وااايد إن شاء الله نشوف بعض مره ثانيه"

ههه فديتها والله شكلهاا كانت مستحيه إتقول حقي ..

إلتفت صوب مهره وطالعتهاا كآنت ساكته !! إهي مب قالت تبي تتصل ..

شفتها فرت فوني وقالت : إخذي غيرت راايي ..

شوفيها !! مدري والله على شو ناويه ..

رجعت البيت وعلى طول رحت عند يدوه وكانت زعلانه ليش سرناا عندهاا ..

مر الوقت وفي النهايه رمست وقالت عادي وعقب يلست تقول أنا زعلانه من جاسم وتم تتكلم وحليهاا ههه

وشويه وأشوف عموه فاطمه وسارونه رجعوا ..

وعقب الكل راح ينااام ..

.

.

.

يلست أنتظر يمكن حمد يتصل إنتظرت وإنتظرت بس ما اتصل حسيت بحزن واايد ويلست أميه إتهديني

لأني بديت أبجي وندى نفس الشي حسيتهاا تبي إتقول شي بس تمت ساكته ..

ولما ظهرت أميه ..

ندى : عنوود صدقيني أكيد حمد يبي يقولج مبرووك ..

طالعتها : على الأقل كان إتصل ..

ندى : يمكن عنده ظروف إعذريه ..

رديت : إتصدقين معاج حق حمد طول عمره يتمنالي الخير من يوم مات أبوي كان يهتم فيني وايد كان مدلعني أكثر وحده ..

ندى وتبتسم إبتسامه غريبه : أنا محد كان عندي ..

مدري كسرت خاطري حضنتها : فديييييييييييييتج نحن معاااج ولو ..

وعقب قررناا إنام ..

.

.

يوم السبت ..

[ الحياة أحيانا تدعنا نقرر ماذا نريد أن نفعل ..

ولكن عندما يحدث القضاء لا يمكن أن نغيره ..

نواجه العديد من المواقف وندرك أنا ربما تكون صعبة ..

ولكن الأمور دائما تكون في بداية الطريق صعبة ولكنها تصبح سهلة لاحقاً ..

.

.

.

[ عند يزوي كانت يدتها تطالع تلفزيون كالعاده وصوت التلفزيون عالي لأنها ماتسمع وايد 

وكيتي يالسه معاهاا ويزوي في حجرتها يالسه على اللآب ..

سمعت صوت حد يدق البااب .. وعقب دخلت عموه مريم ماتوقع : يزووووووووووووووووي ..

رحت وحضنتهااا ..

عموه : وااي فديتتج إشتقتلج وااايد أمزززززح لتصدقين عمرج..

طالعتهاا بمعني لآ والله ..

عموه وتضحك : هههههههه فديتج أصلا أنا ما استغنى عنج أبدددددد 

يلست ورحت أطلع دفتري ..

عموه : يزووووووي إتخيلي شووو ..

رحت ويلست يمهاا وكتبت لهااا "ما ارييد أتخيل قوولي"

عموه وتضحك : ههه إنزيين أمس رحت بيت إختي أم جااسم ويلست تمدح في أم حمد واايد وفي بنتهاا ..

كتبت " هيييه أعرف أم حمد وايد حبوبه علشاان جيه"

عموه : هيه وايد بس إستغربت من شي سمعت أن عنود كانت زعلآنه لأن أخوها مب موجود ..

طالعتهاا مستغربه وكتبت " كيف يعني"؟؟

عموه : مدري بس الظااهر صاير شي ومحد يدري وينه .. المهمممممم يالله قومي بنرووح المستشفى ..

كتبت " ألحيييين !! "

عموه وتوقف : هيه ألحيين يالله قومي .. 

بعدها إلتفت علي وشافت إيدي : يزووووووووي شو هاا ليش إيدج متورمه ؟؟

غطيت إيدي وكتبت لهاا "ضربت فالكبت" ..

عموه : أشووووف ..

كتبت لهاا "يالله ببدل " وقفت ودخلت الحمام بسرعه..

عموه : براااحتج ..

طالعت إليدي وأنا أذكر الموقف ..

.

.

.

وقفت عند الباب على أساس أن مهره خبرتني أن يدوه تترياني عند الباب وبتروح عند يارتناا..

بس إنصدمممت ماحسيت إلآ بصوت ماايد : يزووووووووووووي!!!

مايد ويسحبني من إيدي ودفني على الطوفه : شو ياالسه إتسوييين برع ؟؟ لييش مب في حجرتج ؟؟

حاولت أبتعد بس مافي فايد..

مايد وصاك على أسناانه : سااالفة جااسم وعدييتهاا بس هالمره مابعدييهاا شوفي اليازيه من يووم الثلاث ترجعيين البيت ..

كان ماسك إيدي بقوو ..

مايد وبعصبيه : أناا قلت بتروح عن يدوه وبتااخذ راحتهاا ..

سمعت صوت يدوه : ماااااااااايد ودر البنت ..

مايد وتوتر يوم سمعت صوت يدوه ..
أما أناا رحت عند يدوه ويلست أصيح على حضنهاا ..
يدوه وبعصبيه : دااامني عاايشه محححد يقرب صووبهاا وإن مديت إيدك أقصرهااا مسوي عمرك رياال على بنت ..
مايد ويروح يبي يبوس يدوه : السموحه ..
بس يدوه دزته : رووح عن أمك وما أرييييد أشووفك إهنيه مره ثاانيه ..
مايد ويطالعني بتهديد : يدوه اليازيه بترجع البيت ..
يدوه وماسكتني : قلتك داامني عاايشه مااتطلع من البيت ألحينه بعد مافريتوا المسكينه ..
مايد : يدوه ..
يدوه وبعصبه : لآ تقول يدوه إطلع من البيت ولاترجع مره ثانيه ..
.
.
مدري كيف صارت هالأشياء كيف مايد صار يسمع لمهره وكلآمهاا وأنا خلاص من اليوم وساير
مابسمع لهاا ومابرد عليها وحليلهاا يدوه ربي يحفظهاا لي ..
.......: يزووووووي يالله سااعه
رديت : إنزيين .. 
*********************************************
[ كنت كل يوم أقول ماعلي بخلص دراستي فالجامعه وعقب يصير خير .. معقوله حمد راح خلاص مابيرجع !! ..
مرت الأياام وأناا ما أدري عنه أي شي أتصل فونه كل مغلق حاولت أعرف أي شي عنه .. خبرني جاسم أنه إستقال من الشغل !!
ومحد يدري عنه شي ليش ياحمد رحت لييش ماتوقعت أن جيه بيصير أميه حسيتهاا مضاايقه علشاان إهي السبب فلي صاار ..
كل يوم يمر وأميه تكلمني عن سالفة العرس كل يوم نفس الكلام أنا مليت كنت حااسه هالشي بيصير حتى جاسم مصر أن العرس يكون قريب
إتصدقون مستاوي فالجامعه تغير صرت دوم أفكر وأسرح الكل إستغرب أنا عنود الشاطر إلي دومها حماس وتتفاعل فالكلاس 
جيه صار فيني حمده وغاليه ومريم وفطوم وسمر الكل يقول لي نفس الشي.. الأساتذه صاروا يكلموني عن سبب استهتااري فالدراسه ..
بس مب فإيدي أناا خايفه وما اريد أسوي شي أندم عليه عقب وخايفه على حمد وينه مايتصل ولا يسأل ..
حسيت الأفكاار إدور فراسي ..
"النجاح كلمة وهدف لكل إنسان له طموح وحاب يصير شي كبير فالمستقبل" ..
.
.
[ يلست أذااكر والصاله كاااااااانت هدوووء حتى عبود وعواش يلسوا ويااي يذاكرون إذا كنت محتاجه شي يساعدوني. .
شعور حلو حسيت أن في شي يجمعناا .. حسيت أن المذاكره خلتني أيلس معاهم أكثر ..
لأول مره أحب أذاكر كل ما أشوفهم يذاكرون أحس بحماس وأكمل وأقول مثل ماهم يذاكرون بعد أنا لآزم أشد حيلي ..
كان كل واحد فينا ماسكت كتابه ويذاكر عبود إلي ماتوقعت يذاكر بس ماشاء الله 
عيونه ماتتحرك من الكتاب حتى فونه غالقه علشان محد يزعجه حوو الواحد ينظم وقته بين لعب وجد ودراسه ..
ماكنت أهمت لدراسه فالعاده أدخل الامتحان وأنا مب فاتحه الكتاب غير أقل من ساعه بس ألحين ..
تغيرت وحسيت فيني شي يديد ..
إتصدقون حتى أميييييه كانت يالسه وإطالعنا ومبتسمه لأول مره أشوفها جيه إطالعني ومبتسمه ..
كملت مذاكرتي وسمعت أميه : يالله عيل بسوي لكم شي خفيف تااكلونه ..
عبود : تسلمين ..
أميه : الله يسلمكم يالله ذاكروا ..
حسيت بأني لأول مره أشوف هالجانب من أميه بالعاده تصرخ علي بس هالمره مدري كيف شعور ما أقدر أعبر عنه ..
عواش : ندى قلبووه عطيني ورقه من دفتج ..
رديت : أوك ..
عبود : ندى إذا في شي صعب ولا وقف معاج خبريني إنزين ..
مدري فرح وايد رديت : إنزين ..
دخلت عموه عايشه : كفو على عياالي يالله عسى ربي يسهل عليكم ويوفقكم قولوا آميين ..
قلنا أنا وعبود وعواش مع بعض : آميييييييييييين ..
عموه عايشه : يالله نبي عقب درجات ترفع الرااس ..
عبود : إن شاء الله أفا عليج ماطلبتي شي المهم دعواتج .. 
عموه عايشه : ندى وينهااا أمج ؟؟
رديت : سارت المطبخ ..
عموه : زين ... "وراحت"
يلسنا نذااكر وبعدهاا عبود ويضحك : ههههههههههه تدرون شي ..
شفت عليه أنا وعواش : شوو ؟؟
عبود : مستانس !! ..
أنا وعواش شفنا بعض بإستغراب !!!!
عبود ويضحك : هههه بلآكن أقصد عسب قريب وباخذ الليسن ..
عواش وترفع إيدهاا : يااااااااااااااالله عقباااالي ..
رديت : وعقبالي هههه مبرووك عبوود مقدماً .. 
عبود : الله يبارك فيكن وعد مني أول ما أحصل الليسن بطلعكم معاي في سيارة عنود أوك ..
رديت أنا وعواش بحماس : أووكييك ..
دخلت أميه وشاله صينيه فيها فطاير وكيك وعصاير : يالله إكلوا أكييد يعتوا من كثر المذااكره ..
عبود : تسلمين والله كيف حسيتي فيني ..
أميه وتضحك : ههه ولو إنتوا مثل عيالي أحس فيكم ..
رديت : مشكوووره ..
أميه : العفو ماسويت شي يالله عقب كملوا مذاكره إرتاحوا شوي ..
عواش وتاكل : يميييييي لذييييذ تسلم إيدج والله ..
أميه وتيلس : الله يسلمج ..
شفت أميه وأنا مستانسه أميه تغير ولا أول مره أشوفها جيه !! 
.
.
.
***************************************
دخلت البيت شفت عبود وندى وعواش ياكلون والدفاتر والكتب على صوب سلمت ورحت حجرتي ..
حسيت عمري مضاايجه من نفسي ..
أووووف من هالمخ ليش جيه وايد أفكر طول اليوم والإخت سرحانه وفالنهايه أتفشل جدام كل إلي فالكلاس ..
والمشكله مب أول مره ولا ثاني مره عنووووود عقلي وفكري في دراستج وخلي عنج هالأفكار ..
وحمد ياربي وايد مشتاقه له واايد واايد وينه مايتصل معقوله غير رقم فونه !!!
سمعت حد يدق الباب : منو ؟؟
كانت عواش : هذييييي أناا عوااش ..
رديت : دخلي ..
عواش : شوووووو صاار بشري كيف الامتحاانات ..
رديت بحزن : لآ تسإلين ..
عواش : خلاااص ما بسأل ههههه شكلج مزفته ..
رديت بقهر : عواش بداال متشجعيني !!!!
عواش وتضحك : هههههه منو إلي لآزم يشجع منوو ويرفع معنويااته !!
رديت لها : ياربي اووف ليش جيه ..
عواش : أقووولج حمد ما اتصل أو شي ؟؟ والله صرت أخااف ليكون صاير فيه شي ..
رديت بعصبه : لآ تفااوليييييين إن شاء الله بيرجع مدري وينه ..
عواش وتفكر : ممممممم معقوله عند حد من ربعه ؟؟
رديت : لآ ما اتوقع مستحيل حد ييلس عند حد من ربعه ..
عواش وبحزن : عيل وييييينه وين بيكوون ؟؟
طالعتها : مدري ..
عواش وبعصبيه : كككككككله من عبود وأميه ..
صرخت عليها : جب شو هالرمسه لا تسمعج أميه ..
عواش وببرائه : يعني هم السبب فلي صار أنا ما قلت شي غلط ؟؟
رديت : خلاص غيري السالفه يالله ظهري ألحين بدخل أتسبح ..
عواش : إنزين . . "وظهرت"
.
.
وفي الليل .. 
[ الكل نايم عنود علشان لآزم تروح الجامعه باجر إلا ندى وعواش يالسين يراجعون حق بعض ويذاكرون ..
عواش : يالله ندووووووووش سمعي لي ..
طالعتهاا : إنزين .. 
بس في حد دق الباب ..
عواش وإطالعني : بسم الله منو ؟؟؟
إنفتح البااب كانت أميه : للحين مب نايماات يالله صارت الساعه 1 روحي عواش إرقدي مب زين لكم ..
عواش : بسس دقيقه ..
أميه : لآ مافي باجر الصبح راجعي أحس علشان المعلومه تثبت بعد متصلين ..
عواش وتوقف : خلاص معاج حق صرت أحس عمري تعباانه ..
طالعة عواش : إخذي كتبج ..
عواش وتاخذ كتبهاا وأقلامهاا : يالله عيل تصبحون على خير ..
أميه : وإنتي من أهله ..
رديت : وإنتي من أهله سويت دريمز ..
عواش وتظهر : يوو تووو .. "وسارت"
أميه وتشل الكتب : وإنتي بعد يالله إرقدي وعقب راجعي ..
قلت : إنزين بسكر اللاب وعقب بناام ..
أميه وشكلهاا بتظهر : يالله عيل تصبحين على خير .. "وظهرت"
ماعطتني الفرصه أرد ههه كالعاده رحت أبي أسكر اللاب بس خطر على بالي أشوف الإيميل إذا حمد دخل ..!
دخلت المسن وشفته مب حادر قررت أظهر بس وصلني شي .. كآآن حمددددددددد إنصدمت وإستاانست وااايد ماكنت أدري 
أنه يحدر في هالأوقااات قريت ..
"غريب في أرض الغربه" : ندى ؟؟