15

أحيانا نفترق من ناس ونحس اليوم يمر بطيء ..

يكون الشوق فكل لحظه من حياتنا يزيد ويزيد ..

البعد صعب ..

والفراق صعب ..

والموت صعب ..

أمور تمر في حيانا نعشها نحن أو غيرناا ..

يمكن مايعرف معنى الفراق غير إلي عاشه وإلي شاف الفراق فعينه ..

العيون تتدمع والقلب يدمع ..

[صعب نتقبل فكره أن هالشخص راح وماله وجود ..

القلب إختار له مكانه حتى بعد البعد المكانه موجوده ..

لحظة حزن ومن بعدها شوق ولهفه ذكرى حلوه وذكرى مره ..

وفي كل ذكرى صورته موجوده كلام موجوده وإبتسامته ضحكته  ..

"لي متى البعد يفرض وجوده " 

.

.

[في بيت أم حمد الصمت سيطر على جو البيت ومن بين الهدوء دقات قلب تعزف الشوق ..

آآه الأيام تمر صرت أشتاق لحمد أكثر بس أهو مب موجود وين راح !! سألت عواش قالت ماتعرف سألت عنود قالت ماتعرف ..

الكل يقول نفس العباره مانعرف لاتسإلين وايد .. وعموه عايشه بعد بس حسيت البيت صار مب حلووووو أبد

صح حمد ما كاان وايد يسولف بس كان وجوده مهم وألحين مدري أحس البيت تغير ..

يمكن راح يشتغل أو نقل شغله بس ليش نساني وما إتصل يكلمني ! 

قربت الإمتحانات نص السنه والإسبوع الياي بتبدأ إمتحانااتي ولآزم أشد حيلي وأذاكر صرت ما أظهر من الحجره وايد 

أصلا أنا نادرا ما أطلع إلا إذا عواش كانت تباني في شي وأميه دوم تظهر من البيت ما أشوفهاا إلآ نادرا يمكن تدور لناا بيت أو مكان نيلس فيه ..

الكل مشغول وعموه عايشه كل يوم تظهر وإتروح بيت أم جاسم أنا ما أعرفهم ..

عنود يوم الخميس ملجتهاا يعني ورا بااجر ..

والكل يتجهز وظهروا من البيت صصصصح كيف ماخطر على بالي أكيد أميه بعد ظهرت وراحت تشتري لي فستاان ..

منو تم فالبيت عيل !! ممم عبود وأناا ولآ ظهروا كلهم ؟؟ 

قمت من مكاني ورحت أمشي فالبيت رحت الصاله كان الجو حرررر شغلت المكيف ..

رحت صوب الباب شفته مقفول شكلهم شافوني ناايمه فقفلوا البااب عسب لآ أظهر من البيت..

رحت عند حجرت عبود ودقيت البااب ..

بس مايرد .. قلت : عبوووود عبووود !!

شفت البااب تبطل عبود : ندى خير صاار شي ؟؟

رديت : لآ بس محد فالبيت ..

عبود : هيه خبروني أنهم بيظهروا وقلت بتم معاج تعالي دخلي ..

دخلت ويلست على الشبريه أو مره أدخل غرفته حبيت لون الغرفه رمادي وأسود طلع عنده ذوق بس حسيت ببررد..

قلت: ليييييش جيه غررفتك برددد من الخاطر ..

عبود ويضحك : هههه هيه أدري  أنا لما أنام جسمي يحر بسرعه 

رديت : بس مب جييه أحس عمري في ثلاجه ممم شو كنت يالس إتسوي ..

عبود ويطالعني بنظره : شو يعني بسوي ليش هالأسإله ؟؟؟..

رديت : السموحه مب قصدي أتدخل في خصوصياتك ..

عبود ويضحك : هههههه أسولف معاج ماشي كنت نايم بس في نااس ميخلون الواحد ينام على راحته ..

عبود واايد يذكرني بحمد تقريبا نفس الإسلوب أحس صرت أتأقلم معاه .. 

شفته راح صوب الحماام : يالله أناا بسبح روحي شوفي في شي فالثلاجه آكله لين ما أخلص ..

وقفت : أوكييك ..

ظهرت ورحت المطبخ وفتحت الثلاجه كان شي فطاير خذيت الصح وحطيته فالميكرويف لين يسخن .. وشليته 

رجعت حجرة عبود وأهو بعده يتسبح حطيت الصحن فالطاوله ودقيت عليه الحماام ..

.. : عبوووووووود عبووووود ..

عبود : شوو تبييين !!

ضحكت عليه : هههه ماشي أتأكد خفت صار فيك شي ..

عبود ويضحك : ههههه ..

رحت يلست مر دقيقه وحسيت بالمل بروح الصاله عبود مطول ..

وقفت أريد أظهر من حجرة عبود بس سمت صوت فوونه يرن مدري ياني فضووول أشوف منو إلي يتصل يلس أدور الفون مدري وينه ..

عقب حصلته خفت أرد ولآ أرد ولآ أررررررد ولآا .. أووووف يالله برد كآن مب مكتوب شي رقم غريب ..

رديت بس ماتكلمت .. 

..... : عبوود !! ..

إنصصصصصصدددددددمت فرررحت مدري شو صار فيني قلت وشويه بصيح مب مصدقه : ح ح حـمد !!

.

.

******************************************

"القلب محتار من طريقين نهاية كل طريق مسدوده"

.

.

[عند يزوي يدتهاا يالسه فالصاله والخدامه معاها والتلفزيون شغال وصوته عالي لأن يدتهاا ماتسمع وايد أما يزوي دخلت حجرتها

ويلست على اللاب كانت سرحانه تطالع الباب وبعدها رجع تطلع اللاب وشويه ..

عموه وداخله بحماس حتى بدون سلام  : يزووووووووووووووي يالله قومي لبسي الفستاان أريد أشووفه عليج ..

طالعتهاا منصدمه منو قال أنا بلبس فستاان ..!!!!

كتبت لهاا وعطيتها الدفتر عمتي وتقراا : شوووووو لآ والله ..

طالتهاا وكتبت " بلبس عباايه مب لآزم وبعدين عادي يعني حفلة صغيره بتكون"

عموه وتحط الفستان على الشبريه : يزووووي لآترفعين ضغطي من الصبح وأنا أدور لج فستان وألحين ماتبين ..

ههه ضحكت من طريقة كلآمهاا ..

عموه : يالله قووووومي بدوون كلمة زيياده وإلبسييه أريد أشوفه قياسج ولا لا ..

ماحبيت أزعلهاا رحت ولبسته كان لونه ذهبي وأسود حسيته حلو ذوق عموه مريم فالفساتين وايد حلوه وبعد طلع قياسي ..

ظهرت وشافتني : ياااااااااااااااااااااااااااااااي نااايس علييج يجنن أشووووف يعني طلع قياسج ..

هزيت راسي بمعني هيه ..

عموه وإطالعني : على فكررررره شكلج طرر ..

إبتسم لهاا ..

عموه : خذيت فستاني شراتج بس عيناوي وأسود علشاان نكون نفس الشي ..

دخلت مهره وطالعتني بقهر : السلام عليكم .. "وسلم على عموه مريم"

عموه : شوفي الفستان يجنن عليهاا صح ..

مهره وبقهر : هيه ماشاء الله عن الحسد ..

عموه مريم : وإنتي مهره مافكرتي شو بتلبسين ..

مهره : حبيبتي أنا أي شي ألبسه يطلع حلو علي ..

عموه مريم وحسيتهاا شوي وبتضحك : هيه أكييد 

مهره وتتدلع : يالله اسمحولي وظهرت ..

أما أنا عموه مريم شفناا بعضع ويلسنا نضحك هههههه 

عقب فصخت الفستاان ويلست وعموه مريم شكلها متحمسه وايد : يزوي إتصدقيين متحمسه أشوف عنود وأم حمد ..

كتبت لهاا "هيه أدري بج ههه"

عموه وتضحك : هههه تدرين جيه علشاان كل ما كآن عددنا أكبر تصير الوناسه أكبر ..

تمت تسولف وأي فستاان أحلى على شهوده وكيف بتسوي شعرهاا ..

وبعدهاا سلمت علي وظهرت ترجع بيتهاا ..

.

.

**********************************************************

"غريبه يوم تحس أن في شي بعده حي في داخلك ما ماات" ..

عندما تدرك أن هنالك من يهتم لك ..

وتعلم أنك تود الرجوع لهم ..

ولكن الحياة تتحكم بكل شي ..

تشرع بالحزن لأنك بعيد عنهم ..

وتشعر بالأسى عندما لاتعلم ماذا حدث معهم ..

وكيف حياتهم من دونك ؟؟

عندما تدرك أن الشوق سيطر عليك ..

وأن الحنين يزداد ولكن لا يوجد خيار آخر .. !

.

.

رديت وأحس أني خلاص بدأت الدموع تنزل : حممممد رد لييش سااكت حمممد ؟؟؟

حمد ومستغرب : ندى ؟؟؟

رديت مدري شوفيني يلست أصيح ظهرت من حجرت عبود ورحت حجرتي وسكرت البااب : حمد هذاا انت ويينك !!

ماتوقع أني بسمع هالصوت مره ثانيه ما أدري كيف وصل فون عبود عندهاا رديت : ندى بلآج ليش اتصيحين ؟؟

ندى وحسيت من صوتهاا انها اتصيح : وينك ؟؟

رديت عليهاا والله مشتاق لها وحق الكل : مب مهم أنا وين إنتوا شحالكم ؟؟

ندى : نحن كلناا بخير إنت وينك وين رحت صار إسبوع ما اشوفك أسألهم يقولون مايدرون ..

فديتها والله : لآتحاتين أنا الحمدلله بخير ..

ندى : حمد البيت مب حلو بدوونك ..

رديت عليها : خبريني شخبار أميه وعنود وعبود وعواش وأمج ؟؟؟..

ندى وفرحانه : كلنا بخير عنود ورا باجر بتكون ملجتها وبنسوي الحفلة فالبيت ..

مدري فرحت ولا تضايقت كيف يسوون الملجه وأنا مب موجود رديت : تستاهل كل خير ..

ندى : إنت بتييه صح ؟؟

رديت : إن شاء الله خير ندى سمعي ما أريد حد يعرف أني إتصلت ..

ندى ومستغربه : لييييييش؟؟

رديت وأنا أتكلم بسرعه : شوفي ندى لآتخبرين حد ولا أميه ولا عنود ولا عبود ولا حد زين وإهتمي بعمرج وشدي حيلج فالدراسه أبيج إتكونين الأولى

يالله ألحين بسكر سمعي كل يوم أربعاء بتصل في هالوقت عطيني رقم أمج بسرعه ..

ندى ومتوتر : ليش بتسكر ..

رديت : خبريني كم رقم فون أمج ..

ندى : ******* حمد تعاال البيت ليش إنت وينك خبرني ..

والله كسرت خاطري رديت : شوفي لاتنسين كل اربعااء ولاتخبرين حد أني اتصل وإمسحي رقمي من فون عبود إنزين ..

ندى بحزن : إنزين ..

قلت لهاا : يالله إهتمي بعمرج فمان الله ..

كنت برد عليه بس سكر حسيت بدموع عيني الحاره على خدي ليش مايبي حد يعرف أنه إتصل ..

معقوله صار شي وأنا ما أدري علشان جيه الكل يتهرب من سؤالي ؟؟ 

مسحت رقمه من فون عبود ومسحت دموعي إلي يليتهاا تنمسح مثل مامسحت الرقم .. حسيت بحزن بداخلي والدموع إلي فعيني ..

وصلت عند حجرة عبود مسحت دموعي و دخلت شفت عبود يالس وياكل : هاا وين رحتي ؟؟

رديت وأنا منزله راسي عسب لا يلاحظ: رحت أشرب ماي ..

حطيت فونه بدون ميحس بشي .. تم يطالعني عقب قال : ندى بلآج !!!!!!!!

رديت : ماشي ..

عبود : شو ماشي إنتي تبجييين !!

شو هالحظ كيف عرف رديت : لآ ..

عبود ويطالعني باستغراب : لآ تجذبين شو صار خبريني ..

رديت : مافيني شي ..

عبود وبشك : ندوووه قولي شو فيج ؟؟ 

شو بقول له أخبره عن حمد لا أنا وعت حمد ما أخبر حد : مافيني شي طحت من الدري ..

عبود ويضحك : ههههههههههه ههههه

طالعته بعد يضحك : لا والله هذا المفروض اتقول سلامات ..

عبود : حقج علي هههه سلاماتاات متشوفين شر ..

وقفت بظهر .. 

عبود : لييييييكوون زعلتي شو أسولف ويااج ..

طلعت الساني : دب لاترمسني .. ورحت الصاله أشوف أي شي .. 

شفته نزل أول ماشافني ضحك طالعته وعقب سويت طااف 

عبود : ههه والله مب قصدي يالله عااد وبعدييين ترااني مب ضحكت علشان طحتي بس تذكرت شي ..

رديت : تذكرت شو ؟؟

عبود وييلس : تذكرت سالفة عبود يقولك أهو نايم بس أهو مب ناايم ..

ضحكت : ههههههه ..

عبود : وبعد لج عين تضحكين ؟؟ خليتيني أحصل سب من سيف ..

رديت : علشان لاتضحك علي ..

عبود : والله طلعتي مب هينه ولآ أول ماييتي كان مايطلع منج ولا حس بس ألحيين أشوف شي ثاني ..

ضحكت : هههه 

عبود وياخذ رموت التلفزيون : أقول ندووه روحي هاتي لي شي أشربه ..

طالعته : أشوف عيبتك السالفه كل شوي تشرط ..

عبود : كيفي أتشرط على إختي ميصير ؟؟

رديت : ههه لآ يصيير ..

عقب رحت المطبخ ..

*************************************************

[المغرب كان الجوو فالبيت ضحك وسوالف من صوب حجرت عنود .. 

وفي الجهه الثانيه عند عواش وندى فالحجره ويشوفن فلم والجبسات وحلاوه على الشبريه ..

أما فالصاله فأم حمد وأم ندى يالسات يشوفن تلفزيون ودلة الجاهي والقهوه على صوب .. 

وعبود ظهر مع الربع ..

"اليوم لا صار القرار مب فإيدي لآزم أتحمل إلي بيي لي "

.

.

يلست مع ربيعاتي حمدوه وفاطمه وعليه وسمر وباركولي كانوا مستانسين ..

ومتحمسين شو بيصير بصراحه حسيت عمري مستحيه من كلآمهم واايد وااايد طول اليلسه وأنا ساكته ..

حمدوه : أوووف عنوود خبريني كيف إحسااسج ..

رديت : كيف يعني عاادي ..
فطوم : من صجج ألحييييين بتتزوجين يعني مب خافيه ولآ متوتره ؟؟
سموور وتضحك : هههه يعني لهدرجه الزواج يخوف ؟؟
رديت وأنا معصبه : غيروووا السالفه يعني إنتوا إتزيدون الطين بله ..
حمدوه وتضحك : ههه أعصاابج عنووني إنزين ولآ يهمج نغير السالفه إلا صح متى العرس ؟؟
فطوم ومتحمسه : هيه متى بعد الملجه ولآ ؟؟
طالعتهم وأنا فاجه عيوني : لاااا والله هذا إلي ناقص لآ مب بعد الملجه بعد ما أخلص دراستي ..
سمور : ما أتخيل كيييف شكلج بيكون ..
والله أحس أنهم متحمسين زياده عن اللزوم .. 
فطوم : هيه والله صح عنووود بعد ماتزوجييين مب خلاص تنسيناا ..
رديت : مب لهدرجه عاد ..
حمده : عنوووووني قومي لبسي الفستاان بشوفه عليج ..
رديت : شووو لآ عقب عقب بتشوفين ..
فطوم وسمور : يالله عنووود بليييييز ..
رديت بعنااد : قلت عقب ..
حمدوه وتضحك : ههه والله صايره عصبيه وعنيده شو السالفه ..
طالعتها بنظره : حمدووه بتنضربين لآتلمحيين ..
سمرور : لآزم بتصير عصبيه صبري يوم بيصير عندهاا عيال شوفي شو بيصير ..
ضربتهاا على كتفهاا : جب سموور ..
سمور وتمسك مكان الضرب : خييبه مب إيد ..
رن فون حد وهالرنه اليابانيه معروفه من فون حمدوه ..
حمده : لحظه بناات .. عقب ردت : هلا أمايه ... لييييش ... أوووووووووونه ... خلاص بخبر عنونه يالله مع السلامه .. أوك ..
طالعتهاا مستغربه : شو فيج ؟؟
حمده وتوقف : يالله عووووووني أريد أرجع البيت ..
وقفت : ألحيين ؟؟
حمده : هيه ..
سمر : ليييش ؟؟
حمده وتلبس شيلتهاا : نواري يقولون الحراره مرتفعه عندهاا وخذوها المستشفى فمحد فالبيت غير خوله فلازم أرجع أيلس معاهاا ..
رديت : خلاص عيل يالله ..
.
.
**********************************************
[ عند عبود دخل مع سيف بيتهم ..
وراحوا الميلس كان فهد ومحمد موجودين ويسولفون بس أول ما شافوا سيف وعبود سكتوا ..
عبود راح سلم وعقب يلس ويلس حذاله سيف..
سيف : أقولك عبود تعال نروح حجرتي ..
فهد : شو تروحون حجرتك عاد إيلسوا إهنيه خلصناا كلامنا ..
عبود ويطالع فهد بشك : فهد تعرف وين حمد ؟؟
فهد ومستغرب : ح حمد ؟؟
عبود ويطالع محمد : هيه تعرفون وينه ؟؟
فهد : لا لييييش ؟؟
عبود وتذكر موقفه مع حمد : لا بس حمد مدري وينه ؟؟
محمد ومستغرب : كيف يعني أنا أحيد آخر مره رمسته وكان راجع البيت بعد ماقدم استقالته وعطوني الشغل بداله..
عبود ومنصدم : شوووووووو !! متى 
فهد ويطالع عبود بتوتر : من فتره .. "عقب طالع محمد بمعنى إسكت" 
عبود وصار يشك من نظراتهم : مستحيل حمد يقدر إستقاالته إلآ إذاا كان في سبب ؟؟
محمد ويطالع فهد : المهم غيروا السالفه ..
عبود وبشك حس أن في سالفه صارت ومايهمه يرمس منو : الظاهر أنكم مسويين شي !! ..
سيف ويطالع عبود منصدم : عبوود !!
عبود ويوقف : أنا مابيلس إهنيه أكثر في أمآن الله .. "وظهر"
[حس عبود أن أهو السبب في إستقالة حمد وعقب راجع نفسه وشك أن يمكن محمد أهو السبب بعد ماتذكر يوم قال
وعطوني الشغل بداله وصله سيف وعبود حتى ماتكلم ولا حرف دخل البيت وعقب راح حجرته ..
.
.
**********************************************
رحت طلعت عبايتي وخذيت شيلتي وسويج السياره ..
سمور وفطوم يطالعون بعض : وإحناااا؟؟؟
رديت : مممممم تمن في حجرتي لين ما أرجع ..
سمور : أوك مب مشكله وحمدووه طمنيني على نواري..
ظهرت أنا وحمده علشان أوصلهاا البيت ..
أميه : هاا يمه بتروحيين ؟؟
حمده وإتسلم علي أميه ومرت أبوي : هيه مستعيله شوي السموحه ..
أميه : مسموحه فديتج سلمي على أمج  ..
حمده : يوصل وإن شاء الله 
شفت ندى وعواش نازلين من الدري قلت : ندووي وعواش روحن يلسن مع ربيعاتي شوي ..
عواش : إنزين ..
عقب ظهرت أوصل حمده ..
.
.
طالعت عواش : أنا أستحي أيلس معاهم ..
عواش : شو تستحين عادي تعالي ..
أو ماوصلنا صوب باب حجرة عنود عواش ترددت : ندوي إنتي دقي البااب ..
طالعتهاا : لآ ما أريد ..
عواش وإطالعني : ندوي يالله مابيصير شي ..
رديت : توج إتقولين عادي يالله دقي الباااب ..
عواش أونهاا جريئه دقت الباب عقب فتحة الباب ودخلناا : السلام عليكم ..
سمر : هلا عواش شحالج ..
سلمت عليهم والله حسيت ويهي صاار أحمر علشان أول مره أشوفهن ..
يلسناا وعقب فاطمه : ممممممم شرايكن نلعب لين ماترجع عنود ؟؟
إنصدمت يوم سمعتها جيه كنت حاطه فبالي أن اللعب بس لليهال وأن إلي فعمرهن مايحبن شي إسمه لعب ..
يمكن علشان ماعندي خوات في نفس البيت وكنت أحط إعتقاداات من عندي !!
عواش : إنزييين ..
سمر وإتفكر : ممممممممم عندكم كيرم ؟؟
طالعت عواش وعواش : ما أدري وينهاا من زماان مالعبناا كنت ألعب مع حمد وعبود ..
سمر : حساافه هاللعبه الوحيده إلي أعرف لهاا دوم ألعب مع خواني ..
عواش وتوقف : بروووح بشووف يمكن أحصلهاا .. وظهرت ..
صاار هدوء ومرت دقاايق ولآ أشوف عواش يايه : حصلتهااااا ..
سمر : ونااااااسه عيل خلاص نلعب فريقين أنا وعواش وفطوم مع "وطالعتني" صح شو اسمج ..
رديت : ندى ..
سمر : عاشت الاسامي وفطوم مع ندى ..
فطوم : أوك ..
يلسناا نلعب ونتهااوش ومراا نضحك علشاان أناا ما أعرف ألعب هههه بس حلو ونااسه ..
**********************************************
[عند يزوي كان البيت هدوء ويدتها نايمه لأنها تعبانه وعمتها فاطمه خبرت يزوي علشان تتجهز وبتاخذهاا
بيت أم جاسم إهي والبنات بس يزوي رفضت هالشي كيف بتخلي يدتها بروحها أما عمتها فاطمة يلست 
تقنعها وفالنهايه وافقت يزوي علشان تدري إذا ما راحت عمتها فاطمه بتتلكم عنها ..
.
ركبنا كلنا في سيارة مهره وعقب نزلناا خلينا سارونه عند الخدامه ..
نزلت أحس عمري من زمان مارحت عند عمي علي بو جاسم ..
دخلنا وإستقبلتنا خدامتهم وعب يلسنا في ميلس كان بيتهم هدووء كالعاده لأن ماعندهم يهال عايشه جامعيه وجاسم كبير ..
دخلت مرت عمي عموه سلمى ..
سلمى : هلآ والله منوريين البيييت ..
سلمناا عليها وعقب يلسناا ..
سلمى وتبتسم : شحااالكم وأخباركم ؟؟
عموه فاطمه : والله بخير يسرج الحال ..
مهره : إنتي شحالج وأخبار عمي ؟؟
سلمى : والله بخيير عمج ظهر من الشوي .. شحالها اليازيه ..
إبتسمت لهاا ..
عموه فاطمه : بخير بس مثل ما إتشوفين بعدها ماتروم ترمس ..
سلمى : الله يشفييج حبيبتي ..
عقب دخلت الخدامه وحطت الجاي والقوه وسويتات وراحت ..
سلمى وإتصب الجاي : عيل وينهاا ساره ؟؟
عموه فاطمه : والله قلت بخليها مع الخدامه علشان لا تسوي إزعااج ..
سلمى : لا إزعاج ولا شي ..
مهره وتوقف : عايشه في حجرتهاا ؟؟ 
سلمى : هيه ..
مهره : يالله عيل بروح أشوفهاا "وراحت"
سلمى : اليازيه أصب لج قهوه ولا جاي ؟؟
هزيت براسي معنى لا ما أريد ..
سلمى : شو ماتبين يالله بصبج قوه هذي قهوتي لآزم تجربينهاا ..
ههه وعقب صبت لي عاد أنا مب وايد أحب شرب قوه نادرا بس علشانهاا شربت يلست عموه تسولف وأنا أحس عمري داخله عرض ..
حتى سلمى حست جيه وقالت : اليازيه روحي يلسي مع البناات عايشه يمكن تسأل عنج ..
هزيت راسي ووقف خليت شنطتي وفوني ورحت طبعا بيتهم طابقين شرات بيت يدوه رحت ركبت الدري ..
وأنا راكبه شفت جاسم كان يطالع في فونه وعقبها انتبه علي ..
طالعني مدري مصدوم متوتر مدري شو سالفته وقال : يزووووي!! إنتي إهنيه ..
خخ يعني ظلي هزيت راسي بمعني هيه ..
جاسم : شحالج عسااج بخير ؟؟ 
طالعته بنظره ..
جاسم : أووه صح ماترومين ترمسين السموحه منج ههه تذكرت يوم خذتج عند يدوه ههه ..
مدري ليش ابتسمت !!!! 
........ : إحم إن شاء الله ما قاطعت عليكم ؟؟
جاسم ويلتفت : هلا مهره شحالج ؟؟
مهره وإطالعني بنظره : بخير السموحه أدري قاطعت عليكم وشافتني بنظره ونزلت ..
أووف ياربي منهاا على شو ناويه ألحين على طول بترمس ماايد ..
حسيت بقهر وكنت بمشي بس جاسم واقف جدامي ..
جاسم : شو السالفه بعدهاا مهروه تضايقج ؟؟
سويت حركه بمعنى وخر ..
إبتعد وقال : اليازيه ..
بس أنا ما إلتفت رحت عند حجرة عايشه ودقيت البااب ..
عواش : إدددددخل ..
دخلت أول ماشافتني حضتنتي : يزوووووووووووووووووووووي مس يوو وايد ..
إبتسم لهاا ..
عواش توني ياايه بنزل وبيلس معاكم يالله نروح عندهم ..
عقب ظهرناا وجاسم بعده واقف ..
عواش : جسووم شو إتسوي ماظهرت ؟؟
جاسم ويطالعني : غيرت رايي ..
عواش : أهاا أوك ..
نزلناا ورحناا الميلس ويلسوا يسولفون ويضحكوون كانت اليلسه ونااسه بس حسافه ما أقدر أقول شي بس أبتسم ..
وبعدها قررنا نرجع البيت ..

[وفي الليل الكل يبي يناام ..
يااربي متى يرجع صوتي معقوله مهره تفكر إتسوي مشكله يديده وتخبر ماايد عن سالفة وقفتي مع جاسم أووف أنا ليش وقفت
وسمعت له وألحين مهره ماصدقت أكيد إتصلت لمايد وخبرته وأكيد مستاانسه وأنا كالعاده مابعرف أرد وأميه تباني أرد البيت
ويوه مصره أتم عندها شو أسوي أروح البيت وأتحمل كلام مايد ويمكن يمد إيده ويضربني ولآ أتم عند يدوه وأتحمل كلام مهره
ومشكالهاا يالله ماعندي خيار ثاني بتحمل مهره المهم ما أرجع البيت ..
،
أخبر عنود أن حمد كلمني ولا أخاف أخبرها وعقب تقول لحمد أني خبرتها وأنا وعدت حمد ما أخبر حد وطرشت له مسج فيه
إيميلي بس مارد للحين وين أهو ليش مايرجع البيت وعواش تقول ماتعرف وينه أنا لازم أعرف شو صار وأميه شكلها ادور 
بيت وبعدين إذا رحت مابحصل حد ألعب وأسولف معاه اليوم كان حلو لأني لعبت معاهم وكان وناسه حسيتهم كلهم مثل خواتي ..
،
أووف ليش حمدووه ما إتصلت ليكون صاار في نواري لا ان شاء الله مافيها شي .. ما اصدددددق باقي يوم وبملج 
وحمد بعده مب موجود ولا سمعت عنه شي وين سار يمكن عند زايد لا لا مستحيل ما اتوقع ولا محد حد من إلي يشتغل 
عندهم لآ حمد مستحيل يروح عند حد يمكن أجر له مكاان يااربي حمممممد دخييلك إررجع ..
.