13 \ جزء 2

أوعدك إن كنت تبي الفراق ..

أختار الرحيل ..

يوم الخمييس : -

كل شي يمكن يتغير بلحظه .. وإلي ماتوقعته يمكن يصير ..!

فلحظه الماضي رجع وكل شي تغير ..

صعب أني أتخلى عندهم بس لصاار الموقف يتحكم بكل شي ماعندي خيار ثاني ..

في هالزمن الكلمة تغير أشياء والموقف يغير النااس ! حتى القراب ..

بس ليش الدنياا تكون ضدناا إذا كناا قراب !!

ليش الدنيا تخلينا نرفض إلي يصير ..

 كيف بيكون شعور الإنسان إذا ذاق الفراق مع ناس معزتهم كبيره .. ! 

.

.

******************************************

"ياكثر الألم فالقلب وياكثر الشوق إلي يحمله" 

.

.

بعد ماوصلت عواش المدرسه طبعا عواش مستانسه أني أوصلها كالعاده ههه وعيبتها السالفه كل يوم تبيني آخذهاا .. 

بس عبود شكله مصر بعده ومب طاعي يرمسني ! 

قررت اروح الشركه وأشوف شو الاخبار .. وبخبر علي عن فكرتي للمشروع إلي كلي أمل أنها تعيبهم ..

ظهرت من البيت بعد ماسمعت أن مرت أبوي بترجع الشقه عند أخوهاا ويمكن بعد خلآص مابيتمون عندنآآ ..

فرحت لأني ما أحب هالانسانه أحسهاا ناويه على مشاكل ..

بس مدري صرت أحس ندى وايد معاي في  هالفتره إذا راحت منو بييلس معآهآ ..

وأمهاا دوم إتضاايقهاا أكيد إهيه مب مرتااحه مع أمهاا أو أنها ماتعرف كيف تتأقلم ..

لآزم أكلم أمها على الأقل تحاول تقنع بنتهاا تحتك فالناس أكثر بس إستانست يوم صارت تيلس معاي

أكيد إهي جيه في المدرسه يالله قبل مايظهرون من البيت برمسهاا ..

ركبت سيارتي وأنا متحمس على المشروع وكيف بتكون ردت فعلهم ..

 أنا واثق أنهم بيتعاونون معااي خاصه علي يمكن فهد وباقي مايتحمسون ..

بس علي أنا متأكد من ردت فعله ..

..

.

وصلت الشركه ودخلت كآنوا إلي فالشركه مستغربين إشوي غريبه ليش جيه مستغربين !! ..

بس أنا مآ إهتميت وايد لنظراتهم لي رحت صوب مكتب علي علشان أشوف كيف الشغل بس قبل ما سمعت صووت حد يرمس علي 

كنت بدخل بس وقفت وأنا أسمع  ..!!!!

علي : إنت اتفكر جيه ؟؟

.... : هيه وأناا أقول لو نرمس المدير وايد أحسن لأن أحس محمد يستاهل ياخذ مكانه فالشغل ..

إنصدددددمت هذاا الصوت أعرفه صووت فهد شو يابه عند علي ويتكلمون عن شوو وقفت أسمع شو يقولون !!

قربت أكثر صووب الباب كان مفتوح شوي ..

علي : خلاص إلي إتشوفه أنا فكرت فالموضوع وايد وشفت أن محمد أكثر كفائه فالشغل من حمد ..

فهد : أنا أقول هالشي لمصلحة الشركه وألحين الشكره في وايد موظفين عندهم كفائه أكثر علشان يديرون مشاريع الشركه ..

علي : واناا معاك في هالشي حمد مب مهتم في شغله وكل مره يتأخر وغير هذاا عنده إجآزه ويمكن يتكاسل ..

فهد : أناا من زماان كنت أفكر في هالشي حتى جااسم كلمته وكان يفكر نفس الشي بس ماسمحت الفرصه ..

يتكلموون عني وعن شغلي وأناا مب مهتم بالشغل !! وجآاسم ..!! كنت مصدوم !!

علي ويفكر : بس حرام الريال ماصار له غير سنه يشتغل وين بيروح وين بيحصل شغل

فهد : براايه وبعدين محمد اولى انه يشتغل بداله وألحين أهو يبي يترقى بس لآزم نقنع المدير ..

علي : خلاص الي اتشووفه متى نرمس المدير ..؟؟

فهد : ممممم تدري ليش ما نروح ألحين نرمس المدير ..

كنت منصصصصصصدم معقوله هم يتكلمون عني !!

فهد وعلي !! يحاولون يطلعوني من الشغل وجااسم بعد يفكر نفس الشي  ومحمد يبي يشتغل بمكاني !! 

إنفتح البات وشفت فهد ويت عيني بعينه ..

شفتهم توتروا ماتوقعوا اني موجود .. علي ومتوتر : ح حمــــــــــد إنت إهنيه !!

طالعته وقلت بقهرررر : ما هقيتهاا منك ..

فهد تحرك يبي يظهر قلت : فهـــــد ..

واهوو وقف ..

علي ويبرر موقفه : حمد إنت عندك إجآزه ليش ياي الدوآم ؟؟

رديت : محمد عنده كفائه فالشغل أكثر مني !!

شفتهم يطالعون بعض ..

قلت بصوت عالي : ردوووا ليش سااكتين ماتبوني أشتغل معآكم ؟؟ ..

علي ويطالع فهد : حمد الموضوع مب جيه إنت فهمت غلط ..

رديت بهدوء : أناا فهمت غلط خلاص عيل فهمني شوو الصح ؟؟"وطالعت فهد" وإنت يضاايقك وجودي اهنيه ؟؟

علي ومتررد : حمد الموضوع أهوو أن لاحظناا الفتره الأخيره صرت ماتهتم بالدوام شرات قبل وقلنآآ .. 

قاطعت عليه : هيه قلتوا نطلعه من الشركه وايد أحسن صح !!! أناا مب قد المسؤوليه ويالسين تتكلمون عني من وراي ؟؟

علي : أنا ..

قاطعت عليه وقلت : خلاص هذا الي تبااه هذاا الي يرضيك صرت أناا المشكله الي واقفه في طريجكم أنا الي مخرب شغلكم ؟؟..

علي : حمد إنت ..

رديت : أوك أناا مالي فالشغل وما أعرف له صارحني قولي بس لآترمس من وراي !!!!

فهد : حمد ..

طالعته : وإنت ليش ما صارحتني وقلت أنك ماتـ ... مدري شو صار فيني ما قدر أكمل عيون فهد ذكرتني بعمر ..

علي وحس فيني شي : حمد بلآك !!!

حاولت أرد بس حسيت ببروده ورجع الماضي في عيني ..

علي وبدأ يخاف : حمد حمد ..

حمممد مب وقته إنسى إنسى ..

على ويمسكني : حمد بلاك !!!

سكت وعقب طالعته وقلت : لآ تعبون عمركم أنا رايح أرمس المدير وأقدم إستقالتي ..

كنت اترياا اي رد من علي بس شفته سااكت ولا حرك ساكن وفهد ظهر وراح مكتبه ..

حتى مافكر يبرر موقفه ويحاول يهديني .. !!

طالعت على علي وقلت : ماتوقعتهاا منك خسااره ..

ظهرت ورحت عند المدير ما كان همي شو بيصير إلي ابااه ألحين أظهر من هالمكاان ولا أرجع مره ثانيه ..

فهد من البداايه راافض اني اشتغل معااه ومن البداايه يفكر يطلعني من الشغل بأي طريقه..

وكل مايشوفني يتهرب ويخااف يصاارحني ..

وأنا إلي يالس أفكر وأخطط شو بنسوي .. 

مستحيل اتم اكثر دخلت عند المدير و قدمت استقالتي وشليت أغراضي ..

حتى المديير يوم قدمت استقاالتي على طوول واقف كأن كاان ينتظر هالشي من زمآآن ..

الكل كاان يطالعني واناا شال أغراااضي وبترك شغلي كأني واحد ماله مكانه فشركه بكبرها ..

حسيت عمري بعيونهم إنساان فااشل فااشل في حياته وشغله ومع ربعه فاشل فكل شي يسويه..

طلعت بس علي وقف في طريجي ..

قلت : وخر مابيناا كلام من اليوم وساير الي يبيعني ابيعه ..

علي ببروود ماتوقعت في يوم يصير جيه : حمد هذاا لمصلحة الشركه ..

قلت بقهر : استغليتوا أن مب موجود ويلستوا اتخططون من ورااي بس ربك كشف أفكاركم ..

علي : إحناا كنا نبيك تظهر من الشركه وادور لك مكان ثاني ..

انصصدمت وبعد يقولهاا بكل سهوله طالته وقلت : ادور لي مكاان ثاني هه أشكرك على صراحتك ..

وظهرت من الشركه ..رحت صوب سيارتي ..

شفت محمد هيه أكيد رمسوه عن إستقالتي طالعته وقلت : مبرووك لك تستاهل تيلس مكاني ..

محمد ويمسكني من كتفي : حمد السموحه ..

طالعته وقلت : طول السنين إلي راحت كنتوا تكرهوني علشان شي مب فإيدي علشان قضاء وقدر صار بس مع هذا

كنتوا اتلوموني الكل تخلى عني حتى أنا صرت أكره وجودي معاكم بدونهم كنت ... سكت حسيت الكلام ضايع

محمد : كمل ليش سكت قول أسمعك ..

رديت عليه : عمري ما فكرت أخلي إلي حولي يشفقون علي ..

محمد وينزل راسه : السموحه منك ..

رديت : لآ تقول السموحه حتى الإعتذار ما أريده خله لك ما أريد منكم شي ..

كملت طرجي علشان أركب سيارتي ..

ومحمد رد علي : حمد لحظه ..

رديت بحزن على نفسي مب علشانهم ولا علشان الشغل حزنت على نفسي : هذي اللحظه بتكون الأخيره ومن بعدهاا كل شي ينتهي ..

محمد : أبيك تعرف أن الدم عمره ماصار ماي ودامني أعزك عمرها هالمعزه ما بتتغير ..

رديت : فمان الله ..

ركبت سياارتي ورحت .. كملت طريجي ويلست اضرب السكان فإيدي ..

كيف قدروا يخدعوني كيف ! وأنا مثل الغبي حساافه أني ياالسه أفكر وأكمل شغلي مع أنه عندي إجآآزه حساافه ..

تذكرت يوم جاسم إتصل علي وقالت وهو يضحك بعدك تدآوم !!

مب معقووله هم متكلمين عني ويحاولون يطلعوني من شغلي وأنآآ مثل الغبي ما أدري عن هوا داري !!

حتى جااسم الي كنت آخر واحد اتوقع يسوي هالشي ويحاول يخرب علي شغلي والله انك ماتستاهل العنود ..

كيف قدروا !! يسوون فيني جيه ..

يدرون أني حصلت الشغل بصعوبه وأن شغلي كان مثل الحلم إلي كنت أحلمه وأنا صغير ..

.

.

**********************************************

"أحيانا النااس يصير لهم كل يوم لون وكل يوم طبع" ..

يمكن نعيش سنين مع ناس ومايفهمونك بس أحيانا تيلس مع شخص بلحظه يفهمك !!

ليش صعب نتقبل الأمور مثل ماهي !!

ليش نلقى إلي يحاول يخرب علاقتك بغير ويستغل لحظة ضعف ..

.

.

دخلت عمتي وإطآلعني : يزوووووي بشتااقلج إتصدقيين يالله ماعلي كل مره لمآ بزور يدووه ..

فديتج والله ..

عموه مريم : تراا هاا أنآآ رمستهآآ وقلت أنيييي على طوول بزووركم ..

ضحكت ههه وبعد إتقرر بكيفهآآ ..

عموه وتيلس حذالي : يالله مب مشككله تعالي ماخبرتج أن أمج رمستني اليوم وكآنت تسأل عنج ..

إستغربت أميه !!

عموه وتضحك : هههه بس إتخيلي كانت ترمسني أنهآآ بتخلي ماايد اليوم ياخذج عندهاا تبي إتشووفج وجيه ..

تبون الصج ماتوقعت هالشي أكيد تبى مني شي ولآمستحيل إتقول حق مايد ياخذني البيت !!

عموه مريم : ممممممم المهم أنا بظهر شوي وبروح صووب البحر الجوو حلو وعقب بمر بيت يدوه إشرايج إتيين ويااي ..

هزيت راسي بمعني إنزين ..

وعقب ظهرت عمتي وأنآ رحت أتجهز ,,

.

.

"آسف بس الماضي رجع في لحظة ضعف" ..

رحت البيت وبعدني أحس بالقهر علشاان إلي صاار ليش هم مارمسوني لو مايبوني أتم معاهم فالشغل ..

خلاص أنا بسافر من إهني وبكمل دراستي برع وما أريد أحتااج حد أو أكون ثقل على غيري ..

دخلت شفت عبود يالس فالصاله..

قلت : السلام عليكم والرحمه ..

عبود مطنش ..

رحت صووبه بروحي معصب من الي صار ومآ أريد تصير المشكله مشكلتين : عبود أتوقع سلمت ..

شفته وقف : وعليكم السلام 

طالعته : بلاك إنت ليش جيه إتعاملني أنا غلط في شي ؟؟

عبود وصاد ويهه : مافيني شي وكل واحد يعرف شو غلطه ..

رديت : شو تقصد وضح ؟؟ عبود شوفني أنا أخوك العود وعمري مافكرت غير في مصلحتك ..

وبعدهاا رن فونه عبود ويرد : هلآ سيف أوك ألحين بظهر ..

طالعته بنظره ..

عبود : أوك ألحين ياي .. وسكر 

قلت له بصوت عالي : ويييين راايح شوف جابل دراستك وايد أحسن خل عنك هالطلعات الإمتحانات قريبه وهذي آخر سنه لك ..

عبود ويطاالعني : برووح مع إربيعي سيف مب عاايبنك ..

قهرني اسلبوبه بروحي متنرفز من الي صار فالشركه .. رديت : هيه مب عاايبني انت ماا تفهم شووو كم مره أعيد رمستي ..

عبود بعنااااد : واناا قلت لك ماالك خص فيني وفي سيف ولآتدخل في حياتي .. 

بصراحه حسيت ان عبود زودهاا قلت : عبوود إسمــــــــع الكلام أنا أخووك العود وين احتراامك .. 

عبود ويرفع صوته : أخووي العود ماقلناا شي بس يااخي لاتدخل في حيااتي كيفي اناا واربيعي ..

رديت : وترفع صووتك بعد ؟؟

عبود بعصبيه : هيه ارفع لاتدخل في حيااتي لي متى تدخل في حيااة غييرك نسييت انك السبب في مووت اخووي ساالم نسييت 

شفت اميه يايه من بعيد اهي وعنود ..

دزيته بقوو : عبوود جب ما اريييد كلمه زيااده رووح حجرتك ..

عبود ويعااد : ماابسيير قلتك بظهر مع سيييف  ..

رديت وأنا صاك على اسنااني: وأناا أقولك لاتظهر معااه ..

عبود وتغيرت ملامح ويهه : تخاااف سيف يخبرني بكل شي ؟؟

اهنيه توترت : اخااف من شوو إذا بفكر أخااف بكون خاايف على مصلحتك ..

عبود : قوول انك تخااف تراا سيف خبرني بكل شي خبرني بأنك كنت السبب في مووت أخووه عمر وانت تخااف يخبرني واعرف ..

مدري شو صار فيني ردت فعل سريعه وعطيته طرااق : جـــــــب لاتتكلم عن عمر ..

شفت عنود يايه صوبي ومسكتني ..

أماا عبود شفت الدموع في عينه وطآلعني بنفس النظره .. النظره إلي رجعتني سنييين وراا وعقب ظهر من البيت ..

شفت ايدي واناا منصدم معقووله مديت ايدي على عبود !! تذكرت ساالم نفس النظره الي شافني فيهاا عبود

نفس العيوون نفسس الموقف إلي صاار وكأن الماضي يعيد نفسه حسيت قلبي صار يدق بسرعه ..

 لآ مستحييل يتكرر الشي مره ثاانيه مستحييل يصير ..

مستحيل إلي صاار يتكرر ..

سمعت صوت أميه : عبدالله عـــــــــــــــبد الله وقف عبببببدالله..

بس عبود ظهر من البيت ماحسيت بعمري غير لماا اميه وقفت جداامي وعطني طراق ..

!!!!!!!!!!!!!!!! 

الشي الوحييد إلي عمري مآ توقعه من أميه .. حسييت كأن مااي بارد إنصب علي ..

أميه : إنت مب ولدييييييييي اطلع برااا جتلت سااالم والحيين تبي تجتل عبدالله .. 

يلست إتصاارخ علي وادزني : إطلللللللع برع إطلللللللللع انت مب ولديييييييي..

ماعرفت أقوول أي حرف خانتني الحرووف كل شي انقلب ضدي ..

حسيت بعنود تهزني علشاان أطلع برع البيت لأن أميه خلاص بيصير فييها شي من الصريخ 

ظهرت من البيت وأناا مصدووم من الي يصيير كل شي إخترب بلحظه..

ركبت السيااره ويلست اسوق ما اعرف وين اسير ..

كيف مديت ايدي على عبود كيف!! 

ليش تسرعت وخربت كل شي ليييش!!

ليييش صاار معااي جيه لييش!!

أناا شو سوييت !!

عبوود يليتك مايبت سيرة عمر يليتك ما عااندت ويااي ..

تذكرت عمر وتوتر صرت اسووق السيااره بسرعه ما اعرف وين ارووح اريد ابتعد ارييد انسى كل شي

انسى كل شي صاار ..

أناا كنت السبب في مووت عمر و ساالم والحيين كل شي اخترب كل شي ..

ليش يالدنياا انتي ضدي طول حياتي وكل شي واقف ضدي ..

خذيتي مني أعز الناس وألحين دمرت حيااتي بإيدي بسبب ذكرى..

خذييت فوني اتصل على عبوود بس ماايرد .. 

حاولت مره مرتيين ماايرد ..

شو بتسوي حمد ألحين وين بحصله .!! يلست أدور وأدور وين بيكون وين بحصله ..

ماحسيت بعمري إلآ وأنا رايح صووب المكآآن البحر وصوب المكآن إلي دوم أروحه مع عمر وسالم وفهد ومحمد ..

وقفت سيارتي ونزلت رجعت للمكآن إلي وعدت نفسي ما أرجع له ..

حسيت بالقهر والخوف والألم شو بيصير لعبود أنا ليش تسرعت لييش !!

حسيت بألم من كثر التفكيير وقفت صووب سيارتي وأناا متررد أرجع البيت ولآ لآ ..

آآه يالدنياا شو إتسوين فيناا ..

يارب لايصير بعبود شي والله إذا صاار في شي معرف شو بسوي ولا شو بيصير فيني ..

خلآص أناا مالي مكآن إهنيه ..

رجعت سيارتي وأنا أحس عمري مخنوق من إلي صاار فكرت واايد وفالنهآآيه قررت أني أبتعد وأرحل بسكآت ..

خلآص إلي مآيبيني مآ أبييه وعلي وفهد مآتوقعت منهم مقدر أقوول غير الله يساامحهم ..

وبسبتهم عصبت على عبود وصاار إلي صاار فتحوا بااب سكرته وحآولت مآ أفتحه 

وألحين يتحملون نتيجه كلآمهم ..

.

.

.

*********************************************

.

.

دخلت اميه حجرتهاا وقفلت الباب وراهاا ..

شكلهاا معصبه من موقف حمد ومب طاعيه إترد علي برمسها عقب ..

أووف ليش تسرعت حمد وهذاا عبود صصصصصصصج يقهر يدري أن حمد يضايج لما حد ييكلم عن سالم ..

وبعد تكلم عن الحادث حرام عليييك يا عبود وألحين شو بيصير !!

خذيت فووني إتصلت على عبود بس مارد إتصلت مره ثانيه بعد مارد وييين رااح !!! أوف مايرد 

سمعت صوت الباب رحت شفت مرت أبوي وندى ...

رحت صوبهم : هلا رجعتوا ..

مرت أبوي : هيه ..

ندى و أول مره أشوفها جيه ترمس فالعاده لما تدخل تروح حجرتها وإتم ساكته : عنوود حمد رجججع ؟؟؟

طالعتهاا شو أقول لهاا : لآ يقول مشغول علشاان شغله ..

مرت أبوي راحت الحجره بدون متقول شي أما ندى يلست فالصاله ..

شفت ندى وتذكرت كلام حمد ندى ماعندها حد تيلس معاه فالشقه وإهنيه دامها معانا لآزم نيلس ونرمس معاها ..

رحت وقلت لها : ندى تبين عصير أسويلج معاي ..

ندى : عصير شو ؟؟

رديت : مممم عصير بطيخ فرش..

ندى وتفكر : مممم أوكيك

إبتسم لها : شرايج إتساعديني ؟؟ ونسوي مع بعض .. 

ندى وشكلها مستحيه مني يمكن لأني أول مره أرمسها : عادي ؟

طالعتها وضحك : هههههههه أكييد عااادي يالله تعالي بعلمج كيف عشان عقب بروحج إتسوين ..

عقب دخلنا المطبخ وخليتها إتقص البطيخ ..

شكلها مستانسه ..

طالعتها وقلت : مممممم ندووش شو صار بترجعون عند خالج ؟؟

ندى : لآ يقول مايقدر والمكان صغير يمكن أميه إدور مكان ثاني ..

رديت : خلاص تمو عندناا لين ماتحصلون مكان ثاني وبعدين مب يالسين عند حد غريب نحن أهل ..

ندى : هيه ..

قلت : إنزين خبريني شو إتحبين يعني يوم إتكونين ملانه وين إتحبين إتروحين أو شو إتسوين ..

ندى وإطالعني : ما أحب أظهر من البيت وايد بس أحب أقراا قصص وروايات وأحب أيلس أصور ..

رديت عليهاا : حلوو عيل في مره لآزم كلنا نروح البحر مع بعض ونيلس نصور شرايج ..

ندى ومتحمسه : هييييه حلوو 

ضحكت : ههه إن شاء الله صبري علينا خلي الأوضااع تتحسن إنزين يالله خلاص قطعتي وايد عطيني بحطه فالخلاط ..

خذيت البطيخ وحطيته وعقب يلسناا نشرب..

ندى : تسلم إيدج حلوو ..

طالعتهاا : قصدج تسلم إيدناا .. 

ندى وتضحك : ههه هيه ..

سمعت صوت البااب حطيت القلاس وظهرت من المطبخ ..

شفت عبود رحت صوبه وقلت : زيييييين رجعت ..

عبود ويطالعني بحزن : حمد وين ؟

رديت : ألحيين تسأل بعد إلي قلته له حراام عليك كيف جيه تقوول له ..

عبود : عنود والله مب قصدي ..

رديت : مب قصدك حتى أميه عصبت وصرخت عليه وطردته من البيت ألحين محد يدري وين حمد زيين جيه ..

عبود : أووف عنوود أقولج مب قصدي ..

رديت بعصبيه : خلاص لاتتكلم رووح حجرتك ..

عبود راح بدون ميقول ولآ كلمة ..

.

.

************************************************

"غريبه نحن البشر نفهم بعض لأن كلنا نمر في نفس الشي بس نادر إلي يفكر فغيره"  

.

.

وقفت عمتي مريم سيارتهآآ ونزلت .. : يزوي يالله قوومي بس شوي بنغير جوو وبنرجع ..

هزيت راسي بمعني لا ما أريد ..

عموه مريم : يالله قوومي لآتتدلعيين خطوتيين وراجعييين ...... أووف براايج "ويلست تمشي"

من صجهاا بتخليني إهنيه بروحي خذيت دفتري ونزلت شفتهآآ بعيد يالسه تمشي ماشاء الله سريعه عدلت شيلي ..

وسكرت البااب يلست أمشي ورااها ..

عموه وتلتفت إتشوفني : هاا أشووفج ظهرتي ههه 

رحت ومشيت صوبهآآ .. 

عموه مريم : الجوو حلو إهنيه شوفي هذي الحرمه مع عيالهاا مطفرينهآآ ..

ههه لو شهود إهنيه كآنت بتسوي نفس الشي ..

عموه : هيه شهوود .. لحظه تمي إهنيه نسيت فوني ..

هزيت راسي بمعنى أوك .. ورآحت عمتي لسياارتهآآ ..

يلست أطآلع البحير آآه شو تبي مني أميه معقووله كآنت تبي إتشوفني علشاان إشتااقة لي ! ولآ تبي مني شي ثااني ..

ويدووه وحليلهاا تبااني أعيش ويااهااا بس مقدر أعيش في نفس البيت ومهره وعمتي فاطمه موجودين أخآآف تزيد المشااكل أكثر وأكثر ..

بس ماشي خيار ثاني حسييت بالهوو قام يزيد .. بعدها طآآح دفتري من أيدي عدلت الشيله وشليت الدفتر قررت أكتب وأقول حق 

عموه مريم بلي يصير وعن مهره قلبت الصفحه بس إستغرب من شي ..

إستغرب منوو كآتب في دفتري أنآ مآ أحيد كتبت هالشي .. !!!!!!!

غريبه ما أحيد أني شفت هالصفحه !!

صديت ويهي أشوف عمتي يمكن إهيه !! 

لآ مآ أتوقع منوو بيكوون ؟؟ منوو أنا مستحيل أعطي هالدفتر لحد !!

بعدهاا تذكرت ..

.

.

....... : إختيييه لو سمحتي ..

وقفت وإلتفتت صوبه وأنآ مصدوومه !!!!!!! .....

....... : السموحه بس أريد أسألج هذا الدفتر دفترج ..

على طول سحبته من ايديه بعصبيه ومشيت .. 

.

.

معقووله يكوون أهووو !! يعني فتحت دفترييييي وقراااااا شو كاااتبه !!!!!

يلست أقرا إلي مكتوب ..

الألم شي صعب والأصعب أن تشوفه من الناس القراب أحيانا مانلقى غير السكوت حل للي يصير بس 

العمر يمر وكل شي يصير مكتوب ما أدري منو إنتي بس حبيت أقول أحيانا نتألم بس من بعد الألم الأمل موجود ..

قريت وأناا مستغربه ليش كتب جيه !! 

أهوو يعرف فلي أناا فيه لآ ما أتوقع يمكن قراا إلي أناا كتبه عسب جيه ..

غريبه ماتوقعت أن في يوم حد يكتب لي جيه منو يكون علشان يهتم فلي أنا فيه ! أكيد فكر أني وحده مينونه ويالسه تكتب كل إلي تبي تقوله !

فشيييله من الخاطر معقوله قراا إلي أناا كتبته !! 

عموه : يزووووووي شو إتسوين ..

طالعتهاا بسم الله خوفتني ..

عموه وتمسك إيدي : بلآج خفتي ..

ضربتهاا على كتفها ..

عموه : هههههه إنزين السمووحه ..

كلملناا ويلسناا نمشي .. عموه : آآآآه والله الواحد لماا يطلع من جو البيت يحس عمره مرتااح وخاطره يطلع إلي فقلبه كله ..

إبتسم لهآ ..

عموه وإطالعني : يزوي يليتج ترمسين ونيلس كل يوم جيه ونسوولف وإنطلع إلي فقلبناا بيكون حلو ..

طالعتها وهزيت راسي ..

عموه : تدرييين أترياا اليوم إلي يرجع صووتج بنيلس نسووولف طوول اليوووم بس متى إييه هاليوووم ..

فتحت الدفتر وكتبت لهاا .. الأمل موجود 

طالعتني عموه وإبتسم لهاا عقب قالت : هيه بعده موجود ..

.