14

حسافه كل شي بيتغر .. 

حسافه لأني قررت أنسحب بسكات ..

حسافه أني ظنيت الظن فيهم وما توقعت ..

وإلي راحوا كنت أحس باليوم من بعدهم ..

إسبووع ..

شهووور ..

سنه ..

وسنيييييين .. 

حزين قلبي .. على إلي كان مب فإيدي ..

على إلي صار وكان مثل الورد لاذبل يموت ..

حساافه ... وحساافه .. 

كل يوم يمر وأنا ما أعرف شو مكاني بالنسبه لهم من بعد إلي صاار..

وإذا رحت شو بيكون موقفي بعد الرحيل ..

شو تركت لهم ذكريات حزينه .. !! ولا ذكريات مكسوره ..

ذكريات عن ماضي أسود لي ..

ذكريات خذت أعز إثنين فقلبي ..

وتركت وراها طعنه .. ! ومن بعد هالطعنه تَغَير وتِغيروا وتِغَيرت ..

[ذكريات ما أبيهاا من اليوم خلاص أنا إكتفيت و وفيت ومالقيت !!

.

.

للمسافرين المتوجهين الى ايطاليا طياره الاستعداد للرحيل ..

ركبت الطياره حسيت بأني صرت أشوف عمر جدامي ..

تعرفون منو عمر !!!!!!!! ..

عمر أعز إنساان في حيااتي ..

تعرفون شو يعني لما تعز شخص وشو هي المعزه ؟؟ 

الشخص الوحيد إلي كآن قبل لا أتكلم يعرف شو بقول ..

يعرف شو أكره شو أحب شو أرييد ..

بلحظه تذكرت آخر مره كلمته ..

.

.

عمر : حمد أقوولك لاتنسى باجر لازم نروح أنشوف إذا بيقبلونك فالشركه ولا 

رديت : هيه لآتحاتي مابنسى مستحيل أضيع فرصه مثل هذي 

عمر : إتصدق أحس أني مابقدر أكمل معاكم ونسوي المشروع ..

رديت عليه : لتقوول جيه ..

عمر : مدري أحس معرف والله ..

رحت صوبه : بلاك شو صاير ؟؟

عمر وبهوء : ماشي ..

إستغربت منه ورديت : ما أحيد أنا نخش على بعض قول شو فيك ..

عمر ويبتسم : أقوولك ماشي يالله روح أكيد الوالده إتحاتيك وحاول تتفاهم مع سالم ..

رديت : خلاص أنا برمسه ..

عمر : ألحين أهو إتصل فيني ويمكن يمر عندي وبعدها بنمر عندك فالبيت ..

رديت : خلاص عيل أنا بسير ألحين في أمآن الله ..

عمر : الله وياك ..

.... حمد 

إلتفت : هلا ؟

عمر : لاتعصب من سالم ..

رديت : والله سالم يرفع ضغطي مدري شو إلي غيره بس ما أوعدك ..

عمر : خلاص عقب نتفاهم الله وياك ..

.

.

آآآآآه من هذاك اليوم ..

كنا مثل اخوان وأكثر كنت لآفكرت أظهر مكان لآزم يكون معاي ..

رسمناا طموحناا مع بعض كل فكره نتشاركهاا .. 

اذاا تضاايقت يووقف معااي وينسيني الهم .. 

كان مثل ساالم وأكثر كنا ثلاثه بس جمعناا حلم واحد كنا نخطط نسافر مع بعض نشتغل مع بعض ..

كانوا يسإلوني شوو اكثر شي ماتقدر تستغنى عنه .. كنت أقول عمر وسالم ..

الكل كان يغاار منا ليش نحن دوم مع بعض من يوم كنت صغير لين ماكبرت ..

اذاارحت مكان واهم مب موجودين اتصل وأقولهم تعاالوا اليلسه بدوونكم مب شي ..

كل شي كنا نتشااركه الفرح الحزن نطلع مع بعض ونسولف مع بعض .. 

عمره ما ضاايقني بشي وعمره مافكر يأذيني .. حتى ساالم كان دوم يقلب يلستناا ضحك ..

عمر دوم يقول حمد يليتني كنت بداال سالم وأكون وياك في نفس البيت ..

كان فهد ومحمد دوم يتضاايقون يوم يشوفون عمر معااي وليش تعاملي معااه غير عنهم وفهد دوم يشكي لخوه عمر ..

كنت اقوول لفهد لا انتوا خواان وأناا أعتبركم بعد شرات اخواني وأكثر ..

قررنا نشتغل وعقب نساافر مع بعض علشان سالم بعده يكمل درااسه ..

كبرناا صح اختلف اعمارناا بس مع هذاا كنا نعز بعض ماتفرقناا وان تفرقناا نرجع ..

كناا ثلاث .. وألحين صرت واحد فرقناا المووت آآه من الموت .. 

تدرون شو احسااسي لماا ايلس وفهد يكون موجود أتخيله أخووه عمر وكل مااشفته أذكر أحااول أنسى وأقول خلاص شي انتهى ..

بس مقدرر ضميري يعذبني كل يووم لماا ايلس معااهم أذكر المااضي

أذكر يوم كنت ايلس مع ساالم وعمر ونسهر طوول الليل ..

أتخيل وأسمع ضحكااتهم سواالفهم .. 

أحاول أنسى وأقوول إلي رااح رااح وعمره مابيرجع بس مقدر كل شي يذكرني فييهم البيت 

الشغل البحر كل مكاان رحته معااهم يذكرني فييهم !!.. 

أناا كنت السبب في مووتهم يليتني مااصرخت ومدييت ايدي على ساالم آآه كيف قدرت كييف !!

ماتوقعت بيظهر معصب مع عمر وكل شي انتهى يووم وصلني خبر مووتهم هيه مووتهم جتلت اثنييين من أعززز النااس لي

تعرفون شو يعني جتلت اثنينه من أعزززز النااس عندي ..!!

كنت السبب هيه أنا السبب وصلني الخبر وأنا أحس قلبي تحطم كيف ماتوا !! ليش رحتوا وخليتوني ليش !!

حاول وحااولت انسى ماا قدرت أناا ما استااهل اعيش من بعدهم ماا استااهل ..

كل شي يذكرني فيهم وألحيين كنت بعييد الغلطه مره ثاانيه مع عبود وسيف ..

كنت بخلي المااضي يعييد نفسه مره ثانيه ..

لو صااار شو بيصير فيني شوو كيف بشووف ويه أميه وخوااتي .. ؟؟؟

كيف بشووف ويه فهد يووم يعرف اني كنت بتسبب في موت اخوه الثااني ..

آآه ليش يصيير معااي جيه لييش ..

بالأول سالم وعمر وبعدين فهد ومحمد وألحيين أهلييييييي !!

خلاص مالي مكاان اهنيه .. أحيانا أقول في نفسي ياليت الماضي مجرد ماضي وانتهى ..

يااليت إلي يروح يروح ومايترك شي وراه .!!

ياليت ماصار وما كآن ..

يالييت فكرت قبل لا أتسرع ..

ياليت وياليييت ..

وألحين بخسر غيرهم بخسر أميه وعنود وعبود وعوااش حتى ندى .. 

صعب اني أتركهم بس ماافي حل ثاني مستحيل أكون ضعيف جدام إلي يصير وبكمل ..!!

حسيت بإيد تضربني ورا ضهري بالخفيف التفت ..

.... : أخوي لو سمحت تحرك ..

طالعته : أسمووحه .. ومشيت 

كملت طريجي ويلست فالطياره وأناا كنت أنتظر هاللحظه من زمآن ..

تمنيت لو سالم وعمر معااي أحس صرت وحيد مالك حد ماتدري شو بتسوي ..

تعبت وفكرت .. أكون عديم إحسااس ولا أحس بهالشعوور إلي سيطر علي بس أنا أقوى من جيه ..

.

.

*************************************************

"ما أريد شي مب من حقي" ..

عندما نعلم أن الحياة تفتح لنا أبوابها نشعر بالفرح ؟

وعندما نحاول أن نختار لنا الباب الصحيح نشعر بالخوف ؟

ثم يلي الخوف ..

الحزن ..

الأمل ..

الشوق ..

الحنين ..

عندما ندرك أن بعض الأمور ربما تكن هي الأفضل !

ولكن متى سأجعل من ضعفي قوة أمام من يستغل ضعفي ؟

.

.

آآه صاار لي يومين وأنآآ مع يدووه بصرااحه مستااااانسه لو أن مهره كل شوي تحاول إتخرب بيني وبين يدووه ..

طلعت من حجرة يدووه وحليهاا نامت .. ظهرت وسكرت البااب ..

سمعت .. : اليااازيه ..

إلتفت كآن سلطآن .. شو يبي !!

سلطآن : شو يدوه نااامت ؟؟

هزيت رااسي بمعني هيه .. ومشيت أريد أروح حجرتي مدري أحس أن سلطان ناوي على شي وكثرت إتصالاته ومسجاته

بس يحلم أرد عليه أدري أن مهره تبي تسوي ليش مشاكل ..

سلطآن : لحظه وييين ؟؟

وقفت شو يبي ؟؟

سلطآن : مستعيله شوو ؟؟ مممممم كنت بخبرج أن مايد برع يبااج .. 

إنصددددددددددددمت مااايد شوو يبي ؟؟؟

ركب سلطان الدري وراح حجرته وأنا رحت الصاله ..

رحت ظهرت وشفته مايد واقف عند بااب الصاله رحت صوبه بس أهوو مسكني من إيدي بقوو حسيت قلبي بيطيح لأن إمبين أن معصب..

ماايد وصاك على أسناانه : ليييييش توووووووصلني هالأخباااار هاا..

حاولت أبتعد بس مااشي فايده ..

حسيت بألم ودموعي إلي بدأت تتيمع في عيني ..

مايد : أناا شو قلت لج ماااا قلتج لآتظهريين من بيت يدووه وتمي عندهاا شفتي أن محد يشوفج إهنيه قمتي تطلعين على كيفج ..

كيييييف يعني أن من يووم يلست بيت يدووه ما ظهرت مكاان ..؟؟

مايد وبعصبيه : شوووفي اليااازيه أن آخر شييييء أفكككره أن الحيواانه مهره تتصل وإتعاايرني وإتقوول إختك تظهر مع مدري منوو ..

مهههههره !!!!!! كنت حااسه أن الموضوع فيه مهره .. حاولت أبتعد بس أهو ماسكني بقوو ومب طآعي يودرني ..

ماايد ويرمس بتهدييد : شوووفي اليازيه أنا هالمره بسكت لأنج في بيت يدوه بس المره اليايه تعرفين شو بيصير فيج ..

معقوله يصددق مهره !! كيف يصدقها أهو أكثر واحد يعرف مهره شو إتكون وشو حقيقتهاا وأنها دوم تسوي المشااكل ..

مايد ويضغط على إيدي أكثر : شووفي اليااازيه إذاا اتصل مهره وقاالت عنج شي والله بيكون آخر يوم لج إهنيه فاااهمه ..

حسيت بألم في إيدي والدموع ترست عيوني ما أعرف كيف أرد وأقووله أنهاا جذاابه وأنهاا حاقده علي ..

كييف رمسته معقوللللله بعده يكلمهاا !!!!! .. 

رد علي : فاااااااهمه ولآ أستخدم إسلوب ثاني ؟؟

هزيت رااسي بمعنى فاهمه ..

مايد ويدزني بقوو : يالله فاارجي روحي حجرتج ..

ماقدرت أسوي أي شي كان يبي يظهر مسكته من إيده علشان أفهمه أن إلي يسمعه عني كله خرط ..

بس أهوو إلتفت وشافني بنظرة خرعتني نزلت راسي وأهو ظهر وسكر البااب بقوو ..

سمعت صوت مهره تضحك ودخلت الصاله : ههههههه يا حرام 

إلتفت لهاا وطالعتهاا لأول مره أكره هالإنساان أكرهاا وأكل كل شي يخصهاا تحرك أريد أروح حجرتي ..

بس إهي ماسكتت : حسااافه كانت ردت فعله مب إلي توقعته بالعاده إذا عصب مايهتم منو واقف جدامه ..

طالعتها بنظره قهر ..

مهره : ليش إتشوفيني جيه ؟؟؟

كملت طريجي وسكرت باب الحجره بقوو ..

آآه شوو بسوي بقول حق منوو عن مهره أخااف كل شي ينقل ضدي فالنهايه ..

يمكن يدوه تغير رايهاا وتخليني أرجع البيت ..

***********************************************

"الفراق كلمه كبيره بمعناها " ..

اليوم معاك وباجر مب موجود ؟

أمس تضحك وتسولف معاه ؟

من إسبوع كنت تكلمه ؟

قبل شهر كنت تسأل عنه ؟

وألحين مب موجود !!

.

.

إستغرب ليش أميه غيرت رايها وما بنرجع الشقه ..

بس في شي غريب أنا ما أشوف حمد وينه صار يومين مب موجود يمكن مايظهر من حجرته أو شي ..

رحت عند حجرته ودقيت البااب : أخووي أخوووي ..

مايرد يمكن ناايم يلست عند البااب أترياا مرت دقاايق !! متى بيطلع لأني كنت أشوف في هالوقت يكون فالصاله يسوي شغله ..

شافتني عواش وقفت : ندووووش شو يالسه إتسوين عند باب حجرة حمد ؟؟

رديت : هاا ماشي ..

عواش : إنزين يالله تعالي تحت أمج تبااج ..

رحت نزلت وشفتهم يالسين فالصاله دخل ويلست ..

أميه : ندى ويييييييين كنتي؟؟ 

رديت : ماشي في حجرتي ..

أميه وشكلها بتظهر بتروح مكان : أناا بروح ألحين ما أريد تطلعين أو إتسيرين أي مكان خلج في حجرتج إنزين ..

رديت : إنزين ..

أميه : يالله جدامي روحي حجرتج ..
رحت حجرتي وإميه ظهرت من البيت .. 
وبعد دقاايق سمعت عواش :ندووووش ندووش هذي أناا أمج راحت خلآص ..
فتحت البااب لهاا : راحت ..
عواش : هييه يالله تعالي ..
رحناا الصاله ويلسناا نشوف مسلسل وعواش تسولف مع إربيعتهاا فالمسن ..
دخل عبود وكالعاده بدون ميقول ولا كلمة كان يبي يروح حجرته بس أنا رحت وقلت  : عبود ..
إلتفت لي وقال : هلآ ندى ؟؟
مدري شو أقول أو كيف أخبره وين حمد قلت : أناا كنت ... وسكت
عبود ومستغرب : شو فيج كملي ؟؟
رديت وأنا أتكلم بسرعه : وين حمد مب موجود كل يووم أنتظره ما أحصله وينه إنت شفته ؟؟؟
عبود وتغير ملامح ويهه : شو تبين في حمد ؟؟؟ 
رديت : إنت قول وينه بالأول ..
عبود وبحزن : مدري ..
شفت عليه مستغربه : ماا تدري ليش أهو وينه شو صااار ؟؟
عبود : مدري ندى لآتسإلين واايد يالله فمان الله . . "وراح حجرته"
وين بيكون راح !! ليش جيه محد مهتم يمكن راح شغله من الصبح وأنا ماشفته !!
................. : ندوووووووووووووش ..
رديت : اهنييييييييييه ..
ورحت الصاله عند عواش .. 
عواش وشاله لابها : يالله روووحي لبسي بنروح عند إربيعتي ..
رديت : لآ أنا ما أقدر أميه مابترضى سمعتيهاا شو قالت من شوي ..
عواش بقهر : أووووووف شو هالحظ أوك مب مشكله يالله بروح بلبس سي يووو ... "وراحت"
هههه الظاهر برجع للغرفه ممممممممم بروح أقراا روايه وأتسلى لين ماترجع أميه ...
**********************************************
"ليش صعب أنا نقرر بدونهم,," ..
.
.
طالعتهاا وقلت : أميييييه أنا قلت إلي عندي مابسوي الملجه إلآ وحمد موجود ..
أميه : قللللتلج بتسوينهاا سواء رجع حمد ولآ لا شوفي عنود أنا ما أحب الكلام الزايد 
رديت : بس ..
أميه : بدون بس عنود حبيبتي سمعي الرمسه أم جاسم كلمتني وقلت لهاا إن شاء الله وأجلنا العرس ما أقدر أغير رمستي ..
رديت بقهر ويلست تربعت على الارض : خلااص بطلناا نتزوج ما أرييد ..
أميه وتيلس حذالي ومن رمستها يبين إنها مضايقه: لآ حول عنود سمعي الكلام ما أريد باجر الناس تتكلم ..
ياربي مقدر أزعليهاا رديت : أماايه بليييز لآتحسيني أنج مضاايقه خلاص بسوي إلي تبينه متى الملجه ..
أميه وفرحت : إن شاء الله الإسبوع اليااي الخميس ..
طالتهاا بإستغراب : الخميييس !! والعرس ..
أميه : العرس بعد متخلصيين ..
إرتحت شوي لو أني حااسه أن السالفه مابتعدي : متأكده ..
أميه وتوقف مستانسه : يالله خلي عنج الرمسه وتجهزي بنروح نتجهز ونشتري لج الفستاان وغيره ..
طالتهااا : ألحييييييين !!
أميه : عيل متى ؟؟ ..
مدري شو أسوي ميهون علي تزعل والله آآآآآآه ياربي ..
رحت لبست وتجهز وعقب ظهرت معاهاا وطول الطريج يالسه تتكلم معاااي والفرحه فويهاا ..
وتكلم عن التجهيزاات وشو بتسوي وكيف بتكون الحفله معقوله هالفرحه خلتهاا تنسى حمد إلي للحين ما سمعناا عنه أي شي ..
وينك حمد وييييييينك رحت وخليتني والله أن قلبي يعورني عليه ولي يصير له تعذب واايد في حياته 
نزلناا ونشتري ونجهز وأميه ماخلت محله إلا ودخلنا وشفنا إلي فيه ..
وبعدهاا رجعت البيت حسيت عمري خلاص تعباااانه من الخااطر دخلت وتسبحت ونمت على طووول ..
.***************************************
.
.
رحت حجرة عنود ودقيت الباب بس ماترد شكلها نايمه ؟؟
رجعت الصاله أنتظر حمد متى بيرجع وينه صار يومين ما أشووفه غريبه يعني يرجع ويطلع وأنا ما أشوفه ؟؟..
.... : ندى ؟؟
إلتفت هذي عموه رديت : هلا عموه ..
عموه عايشه وتلتفت كأنها إدور حد : عيل وين أمج .. ؟؟
قلت : مدري قالت بتروح مكان وبترجع معرف وين ..
عموه : اهاا خلاص عيل ..
كنت متردده بس قلت : عموه وين حمد ..
عموه وإطالعني بنظره مافهمتهاا حزن ولا إستغراب ولا شو !! : حمد في شغله ..
رديت : إنزييين متى بيرجع ؟؟
عموه : لآتسإلين واايد .. "وراحت"
ليش يعني ما أسأل ؟؟؟ سمعت تلفون البيت يرن رحت رديت ..
.. : ألوو ؟؟
رديت : ألوو منو ؟؟
.. : وين عبوود ؟؟
رديت : لحظه ..
رحت لحجرت عبود دقييت البااب شكله ناايم : عبوووووود عبووووود يبونك ..
عبود ومن وراا البااب : منووو ؟؟
رديت : هذي أناا ندى يبونك في التلفون مدري منوو ..
عبود : قوولي عبود ناايم ..
يبيني أجذب ؟؟رديت : شوو أجذب ؟؟ لآ ميخصني مابجذب ..
عبود ويضحك : ههههههههههه أونج يعني روحي وخبريه نايم عقب أنا بدق شكله سيف ..
رديت : ليش تضحك ؟
عبود : ههههههههه أضحك عليج  مب عابنج روحي خليني بناام ألحيين تعباان ..
يضحك علي ماعلي : إنزين ..
رحت ورديت خذيت التلفوون : ألوو ؟؟
.. : هلا وينه ؟؟
رديت : منو إنت ؟؟
.. : بعد لآزم الاسم ؟؟
رديت : إنت سيف ولا ؟..
.. : هيه سيف ..
ماعلي ياعبود تتطنز علي وتضحك : عبود خبرني أقولك أهو نايم بس أهو مب نايم
سيف ويضحك : ههه وليش جيه تفتنين عنه ؟؟
رديت ما أريد أطول فالكلام : بس جيه يالله مع السلامه عقب بيدق عليك .. 
سكرت التلفوون ويلست أترياا بس ماشي فايده أووف ويينه ؟؟
 تأخر سمعت الأذاان وقلت بروح أصلي يمكن حمد راح المسيد مريت صوب حجرة عبود ودقيت البااب ..
وقلت : عبووود أذن ..
عبود : لآ حول شو تبيين إنتي كل شوي يايه إنزين بصلي ..
مارديت عليه ورحت حجرتي .. 
[صار البيت هدوء وكأن شي فالبيت ناقصه !! وإلي هو حمد الكل فحجره عنود نشت من النوم وصلت وبعدها رجعت نامت كانت تعبانه
وايد من بعد الطلعه وأم حمد يالسه تعابل فالمطبخ وأم ندى بعدها مارجعت تأخر الوقت وإهي بعدها مب موجوده ..
أما ندى جهزت جدول الحصص لباجر ونامت وعواش نفس الشي ..
وبعد مرور الوقت رجعت أم ندى البيت وسكرت الباب بهدوء علشان محد يسمع وعقب سارت حجرت ندى ..
شافت ندى ويلست إطالعها وإهي نايمه لدقااايق وعقب ظهرت من الحجره ..