12

"مجرد كلمات يسكنها غموض حكاية بدأت وسط أناس من حولي"

إخترت الصمت .. أم الصمت هو الذي إختارني ..

من السهل أن نقول مانريد ولكن أحيانا لا نجد خيار آخر غيره ..

الواقع دائما يفرض لنا أن نحاول تقبل الأمور بصدر رحب ..

ولكن إن الحقيقة دائما تكون صعبة بالنسبة لنا ..

،

لم أختر أن أعيش هكذا بل الزمان هو الذي جعلني أعيش وحيده بدون إخوة ..

من الصعب أن أعيش وحيده ومن الصعب أن أتخلى عن الوحده ..

ومن الصعب أن يفهمني الآخرين كبرت وفي داخلي زهرة من الطفولة لم أستطع أن أظرها ..

،

الماضي يرجع كل يوم وأذكر تلك الأيام الصعبه بالنسبه لي ..

حتى الفراق كلمة قليله بالنسبة لي فالماضي جزء من حاضري ..

والحاضر يصنع بيني وبينهم حاجز صعب كسره ليس حاجزاً بيني وبينهم فقط..

فقد وجت أن هنالك حاجزاً آخر بيني وبين تك المشاعر في نفسي ..

،

ربما أستطيع أن أجعل لي مستقبل كبير وأن أغير في من حولي ..

ولكن إخوتي هم كل شيء يهمني ويهمني أمر من حولي ..

أريد دائما أن أختار طريقا من إختياري أنا فقط ولكن أحيانا لا ندرك حقيقة

الأمر إلا عند فوات الأوآن ..

.

.

رحت حطيت الشنط في الحجره وشغلت الليتاات ورتبت الأشياء الموجوده والأثااث عقب سرت أسوي بخور ..

وبخرت الحجره .. ما أدري شو الي يدور بينهم !! بس ياني فضوول أسمع 

رحت وشفت محد فالصاله غير مرت أبوي وأميه وين الباقيين !!!

سرت الميلس الثاني شقت عبود وندى يالسين وعواش وحمد يلعبون بليستيشن هههه ضحكت عليهم 

حمد ويلتفت : شو إلي يضحك يا آنسه عنود ؟؟؟

قلت وأنا مأشره عليه : إنت .. أهم يهال ويلعبون وإنت ليش راز نفسك بينهم !!

مب وقتهاا عنود تتطنز علي رديت عليهاا : ياخي كيفي أريد أيلس ألعب مع اليهاال إنتي شو تبين ؟؟ 

عنود : خلاص إنزيين إلعب بروح أسوي لكم شي تاكلونه ..

عبوود وماصدق عنود يابت سالفة الاكل : فديييت إلي يفهموني كفوو على إختي روحي سوي شغلج ..

عنود : عبوود عيب على الأقل حسسوا البنت أنكم تحترموني شو روحي سوي شغلج !! مالت.. "وراحت"

عواش وإطالع ندى إلي من يوم دخلت وإهي يالسه بعيد ولآ قالت كلمة وحده : هههه أصلا ندى عادي عندهاا صح ..

ندى بهدوء : برايكم أنا شدخلني فيكم ..

قووويه قلت : وإحنا بعد شدخلناا فيج براايج وبعديين روحي عند أمج يمكن إدورج ..

ندى : إذا كانت تباني بشي بتزقني وفالأساس إهي إلي طلبت مني أروح وياكم ..

مجهزه الرد بعد هذا وأنا أكبر عنهاا ب8 سنوات قلت : إنزين ألحينه تبين تلعبين ولا لا ؟؟

ندى : ما أحب ألعب هالالعبااب البايخه ..

ططططع هذي والله أنهاا شايفه نفسهاا : إنزين يالشيخه شو تحبين تلعبين ؟

ندى وإتفكر : ممممم ميخصك ..

طلعت أخسس من عاشووه بس غريبه يعني : أوك دامه ميخصني يخص منوو ؟؟

عواش : حمددددد دخليييييييك إسكت خلني أركز فاللعب..

ندى وتوفق : سوالف اليهال واللعب هذي ما أحبها بسير عند أميه ..

إهنيه ضحكت : سوالف يهاال ! ههههه أقوولج شي لتحاولين تراج ياهل فالنهايه وبعدين منو قال اللعب بس لليهال ؟؟ ..

عبود : تحسيييييييس ..

أنا ليش معور راسي معاها !! بس إسلوبهاا يستفز الواحد ..

ندى : مافي شي يضحك وبعدين ليش أنا قلت أني مب ياهل ؟؟ 

عواش : أوووووووف ماعندكم سالف حمد طنشهاا ..

ندى ظهرت وشكلهاا راحت عند أمهاا .. يالله إبتلشناا في نااس أونه سوالف يهال خخخ..

بس مدري ليش جيه عازله عمرهاا فعاالم ثااني وفالنهايه تقول سوالف يهال ..!!

**************************************************************

مرات نحس بالحسره ..

الأمل .. الفراق .. الحزن .. السعاده بأنها مشاعر تلعب فينا لعبة الإحساس ..

بس فينا ناس مايكون عندهم إحساس من الأساس ..

.

.

رحت عند عمتي وإميه ويلست أسمع شو يدور بينهم ..

بس أميه طالعتني بنظره وقالت : ندى روحي الحجره هذي سوالف كباار ..

مارديت عليهااا قمت من مكاني ورحت الحجره ..

وسكرت الباب طلعت من شنطتي اللاب ويلست أدور شي أقرااا ..

ليش أميه جيه إتعاملني عمرهاا ماقالت ندى تعالي يلسي معااي دوم أناا بروحي محد يسأل عني ..

دورت فاللاب وحصلت ملف وورد من زمان مخزنته فاللاب بس ماقريته كانت قصه حلوه ويلست أقراهاا

وبعد شوي سمعت صوت حد يدق الباب !!

قلت : منوووو ؟؟؟

........ : هذا اناا حمد .. 

استغربت شو يبي !! رحت ورديت من ورا الباب

حمد : ليكون زعلانه ؟؟

رديت عليه : ليش أزعل ؟؟

حمد : مدري جيه قلت يمكن زعلتي عسب جيه ظهرتي تعالي عواش تبي تلعب معاج ؟؟

رديت : قلت لك ما احب ألعب ؟؟

حمد : ليش يعني ؟؟ روحي إلعبي معااهم بدال اليلسه فالحجره برووحج ..

رديت : عاادي متعوده وأنا ما أحب أيلس معااهم ..

حمد : إنزين فتحي البااب ..

فتحت الباب وقلت : شو تبي ؟

حمد : ليش ماتحبين تيلسين معاهم هم خوانج مب غريبين وبعدين عادي كلناا نيلس مع بعض ونسولف مافيهاا شي ..

رديت ببرود : وأنا مابي ؟!

حمد ويفكر : ممممممم عيل روحي مع عنود وإتسلي معااهاا بتمين حابسه عمرج فالحجره !!

رديت أووف : مابي يعني مابي بيلس فالحجره ..

حمد ويضحك : هههه إنزين هدي ..

شو يبي مايفهم : قلتك مآ أحب أيلس معاهااا خلاص .. تبي شي ثاااني ؟؟

حمد بقهررر : لآ ااا

بدون ما أرد سكرت البااب !! ..

شششششت سكرت علي البااب أناا شو سويت لهاا جزاتي ياي أشوف إذاا زعلانه ولا لاا وأحاول أقنعهاا تروح تلعب معاهم.. برايج 

مــــــــتعقدة هالإنسااانه !! 

رحت حجرتي وسكرت البااب آآآآآه مدري شو فيني متى أترك هالطبع إلي فيني متى يا حمد تتغير وتنسى إلي راح !

نمت على الشربية وتذكرت الكلمات إلي لحد ألحين فيني فضول أعرف "ليش أذوق الألم" كل مافكرت في هالكلمة أقول

حمد مب إنت الوحيد إلي يذوق الألم في نااس وايد مب إنت أول واحد أو آخر واحد ..

خذيت فوني ويلست أشوف الصور والذكريات تمر مثل الشريط في راسي كل شي ضحكه فرحه دمعه ..

أياام راحت ومابترج وخذت معاها ..... 

فريت فوني حممممد خلاص بس إنسى إنسى لآتخلي الشيطان يلعب براسك 

.

.

***************************************************

" إلي مايهمني بيتم مايهمني لآخر لحظه" ..

.

.

بعد ماتعشيت رحت لحجرتي وشفت اللاب ..

دخلت عموه مريم : يزوووووووي !! بلاج تعالي يلسي معاااي إتخليني بروحي يالسه فالصاله ..

ابتسم لها وسكرت اللآب وقمت عسب أروح ..

بس عموه مريم يت صوبي ويلستني : يلسييييي أمززح ويااج .. بعدج زعلآنه ؟؟؟

هزيت راسي بمعني لآ ..

عموه مريم وتمسك ايدي  : فدييتج والله لآ تاخذيين بخااطرج من فاطمة.. 

ماعلي حصل خير ..

عموه مريم : يالله أرييييد أشووف إبتساامه ..

إبتسم لهآآ ..

قالت حقي :فدييييييت هالابتساامه وفديت قلبج الأبيض .. سمعتي الخبر ؟؟

هزيت راسي بمعنى لآ ..!!!! 

عمووه : ممممممم تعرفيين جاسم بيخطب من شوي سلمي رمستني ..

سويت حركه بمعنى ميهمني ..

عموه مريم وإتأكد كلآمهاا : أقوولج يبي يخطب !!

طالعتها بظهره شو تقصدين !! يخطب مب مشكله وبعدين هو كبير مب صغير ..

عموه مريم وإتفكر : مممممممم تقول أن يبي يخطب وحده مب من أهلناا بس بنت ناس وإختي تعرفهم ..

بصراحه مايهمني الموضوع مدري ليش يايه إتخبرني ..

يلست إطالعني بنظره وقالت : إنتي شو راايج تظنين أن لآزم يتزوج ألحين ؟؟

هزيت راسي معنى هيه ..

حسيتها مستغربه من شي عقب قالت : بصراحه تبين الصج ما أريد يتزوج من برع العايله وأناا أشوف ....... وسكتت

طالعتهاا بمعني كملي ..

كملت : مدري المهم تقول باجر بيروحون عسب يشوف البنت ..

خذيت الورقه الي حذالي وكتب لهاا إنزين أنا شو يخصني ؟؟

عموه وتقراا : شو ميخصج ! أنا كنت أفكر أنكم ممم ولآ أقولج أناا بروح أشوف تلفزيون الكلام معااج مامنه فايده ..

عقب ظهرت .. !!

والله عمتي أحيانا تصرف بطريقه غريبه هههه وصلني مسج من مهاري إربيعتي أيام الدراسه إنصصصدمت أخيرا حد تذكرني..

كاتبه لي (يزووووووووووي حبي مشتاااقه لج شحاالج ؟ من زماان مارمستج)

رديت لهاا (هلآا مهاري فديتج وأنا مشتاقه لج وايد كيف الجامعه ؟ أنا الحمدلله ههه شو ترمسيني أنا خلاص شكلي بتم جيه بدون صوت ولاحس) وطرشته ..

وشويه وأشوفها ردت علي كاتبه (أويييييييييييييييه ليش بعدج ماترومين ترمسين حياتي والله الله يعيينج ومديم حالج)

هههه شكلهاا نست ماعلي من الجامعه أكيد مشغوله . . رديت (مع الأسف ما أروم أرمس يالله ماعلي خبريني كيف الدراسه) ..

.

ويلسنا نسولف ..

*************************************************************

يوم الجمعه بعد صلاة اليمعه ..

عند يزوي وعمتهاا بعد ماخلصن صلآه يلست يزوي مع عمتهاا يجهزون الغداا ..

عموه وتصرخ على شهد : ششششششهد كم مره أقولج لتقولين مريم  ..؟؟

هههه وحليها شكلهاا سمعت حد ينادي عموه مريم وتعلمت ..

شهد : يذووووووووووي

عموه وإطالعني : يالله زين جيه صارت تدلع كل ما أصرخ عليها تقول يزوي على أساس دافعي عنهاا ..

ههههه كتبت لعمتي فالورقه . (خليهاا ياهل ماعلي أنا بروح معاهاا فالصاله)

عموه وتقراا : إتسووووووووييييين خير ..,

مسكت إيد شهوده ورحناا الصاله شغلت لهاا التلفزيون إتشوف رسوم لين مانجهز الغداا ..

بيت بو حمد كآن هادي .. والأولآد فالمسيد 

.

.

رجعت أنا عبود من المسيد وعبود أبد مب معبرني ..

ولماا دخلناا يلسناا كلناا نتغدى .. إلا ندى ماشفتها شكلهاا ماتبي تاكل .. مدري كيف أمها جيه حرام يعني ماتشوف بنتهاا وكل ماشافتها تصرخ 

وإتقول لهاا روحي سوالف كباار البنت تعقدت ..

وبعد الغدى .. "حجرة عنود"

طالعتهاا منصدددمه من تفكيرهاا : إميه بس قلتج أني مآ أفكر فالزوااج من أسااس خلاص دخليج أميه لاتفتحين الموضوع ..

أميه : أنا كلمت الحرمه وألحين مقدر أرد وأغير رايي تبيناا نتفشل شو بتقول عقب ..

رديت : إنزين أميه فديتج تعرفين أن مابقى لي شي وبخلص جامعه على الأقل أضمن مستقبلي ..

أميه : الولد يبى يخطبج وبعد متخلصين دراسه بتزوجون ..

قلت بخوف : مدري والله ..

أميه : ألحين الحرمه بتيه إتشوفج المغرب و والولد بعد شو رايج ؟..

طالعتهاا بتردد : انتي شو اتشوفين ..

أميه : أنا من رايي هذا نصيبج وإلي إييه من الله حيى الله وبعدين دامه الولد راضي إتكملين ليش لآ ؟؟

 ماتحبيت أزعلهااا : إلي إتشوفينه ..

عنوووووووودووه اليااهل هالغبيه ياايين يخطبونهااا ومحد خربني!!!!!!! دلخت وقلت : إحم سمعت شو إلي كنتوا إتقولونه ..

أميه : حمد تعاال أبشرك اليوم بتيه حرمه تبي تخطب عنود تعرفها أم جاسم ..

إنصدممممت جااااااااااااااااااسم !!!! ويت أناا أتخيل قالت جاسم : ج ج  ج   جسووووم ؟؟؟

أميه : هيه إلي كانوا قبل جيراناا ..

إستغرب شوي ليييش ماا خبرني أو لمح على الأقل عقب بتفااهم معاه .. !! : خير إن شاء الله يالله عنوود الخبله بتصير حرمه منو يصدق

عنود : جب زييين ..

طالعتهاا : جب ريلج ..

عنود : لآاا والله ..

قلت وأنا أتطنز : يالله من ألحين إداافع عن ريلهاا يحظك جسووم بتصيير ريل إختي الخبله ..

عنود وتضربني : حممممد جب ..

أميه وتبي تظهر : يالله بروح أبشر مرت أبوكم ..

طالعت أميه : ليش إهي شدخلهاا !!..

أميه : شو فيك هذي مرت أبوك مافيها شي ..

طالعت عنود وعنود طالعتني بمعنى ماشي فايده .. 

أميه : يالله لاتنسين بيوون المغرب ..

عنود وحسيتهاا متوتره : إن شاء الله ..

ظهرت أميه ..

قلت : ممممممممم عنوود أقولج روحي يلسي مع ندى تكسر خاطري يالسه فالصاله بروحهاا ..

عنود واطالعني بنظره : اشووفك وايد مهتم شو السالفه ..

شو أسوي كاسره خاطري رديت : مب جيييه بس مب حلوه والله بعديين والله أحسهاا معقد دووم يالسه بروحهاا من يووم يت ..

عنود : ما احب ايلس وياهاا اسلوبهاا مدري كيف مايعيني ..

ردييت عليهاا : حرام أقولج من الصبح ومحد معبرهاا كافي أمهاا إلي كل شوي إسكتهاا وإتنازعهاا ..

عنود ومصره : روح إنت أنا ما أريد ..

قلت : أوووف برايج ..

وظهرت ..

***********************************************************

مب معقوله .. !!!!!!!!!!!

مستحييل متى صار كل هذا وأنآآ توني أدري ؟؟ 

سمعت الحوار إلي يدور بين أميه وعمتي عايشه وأنا منصدمه عندي أخوو !!! 

أخووو!! أناا عندي أخوو؟؟ 

ليش محد خبرني وينه ؟؟ 

يمكن خربط ومافهمت رمستهم عدل ..

لآ مستحييل أنا مآ عندي أخوو أكيد سمعت غلط ..

ماحسيت فعمري إلآ وبأحد يهزني من كتفي : هيييه إنتي ..؟؟؟

إلتفت بدون مآ أقول كلمه ..

شفت عواش إتقول : شو يالسه إتسويين إهنييييه ندى تراا والله برمس أمج يالسه تسمعين إلي يقولونه ..

قلت : كيف عرفتي أني سمعت ؟؟

عواش : يعني شو إتسوين مثلا ..

رديت : ليش إنتي شو يايه إتسوين ؟؟

عواش : يايه أرمس أميه ..

رديت عليهاا  : خلآص عيل بعد أنا توني يايه ..

عواش وإطالعني بنظره : إنزيين .. وعقب سارت ..

ما اهتميت لهاا إلي يهمني إلي سمعة صح ولا ..

ليش أميه مآخبرتني أنه عندي أخوو وينه مب موجوود ؟؟ 

أنآآ طول حيااتي أفكر أن ماعندي إخواان ليش جيه ماخبروني ..

لآ ما أتوقع يمكن سمعت غلط .. 

شافتني إميه وقالت : نددددى أناا شو قلت لج روحي حجرتج ...

***********************************************

رحت بروح حجرتي وأنا أمشي إلتفت صوب الميلس شقت هذا إلي اسمه حمد يالس يطالع تلفزيون ..

دخلت ورحت يلست .. وغيرت رايي بيلس أشوف شو يطآلع كان حاط قناة بوظبي بس شكله مايشوف تلفزيون لأنه يالس على اللاب ..

 .. " وأنا يالس أسوي شغلي إلتفت وشفت ندى يالسه إطالع التلفزيون ..

قلت : إحم نعم شو تبين ؟؟؟

ندى : ماشي ..

قلت : عيل دوري مكان ثاني تيلسين فيه مآ أعرف أركز في شغلي وحد يالس يمي ..

ندى بهدوء : أنا مب يالسه يمك وقاعده بعيد سو شغلك وأنا بشوف تلفزيون ..

بديييييييينآآ والله صرت أكره هالبنت علشان اسلوبها معاي : إنزين عيل لو سمحتي روحي حجرتج وشوفي تلفيزون ..

ندى : خلاص يلست ومابتحرك ..

قلت بعصبيه : ترا برمس أمج ..

ندى بثقه : لآتحاول ماتقدر إتهدد إرمسهآ ..

شليت اللاب وقمت : خلاص عيل خذي رااحتج يالبرنسيييس أنا رايح حجرتي .. "وتحركت أروح أركب الدري"

ندى وتوقف وإطالعني بنص عين : ممممم مدري خلآص بروح أنام ..

حسييت بقههههر وأنا أسمعها جيه إتقول يعني أنا يالس أقول لهآ عندي شغل إتقول خلآص يلست وألحين .. !! 

ندى ومرت من حذالي : شو ليش جيه إطآلعني .. ؟؟

قلت : ندى أقووول .. 

ندى : لآتقول ما اريد أسمع شي بروح حجرتي ..

قلت لهآ : أتوقع أنا أخووج من أبووج ولآزم إشويه تحترميني ..

ندى : ممممم من شوي كنت يالس تتكلم عن أميه وليش يايه ومضايق من ييتنآآ أشوف غيرت رايك ؟

كيف سمعتني !! .. شفتهاا بتروح الحجره مدري حبيت أطلعهاا من الجوو مالهاا ..

ممممممم قلت : ندى لحظه تبيين إتشووفين تصميمي  ..

ندى واقفه بعيد  : لآا  

رديت : ممممممم كيفج كنت يعني أبا أشووف راايج .. وبعديين تراا بتكوونين إنتي الوحييده إلي شفتي التصميم ..

ندى وإتفكر : بروح حجرتي .. 

شو هذي ما تمل من الحجرة كله حاابسه عمرهاا رديت : لحظه أريد أسمع راايج .. بس دقييقه وحده من وقتج آنسه ندى ..

ندى : ممم أوك خلاص  ..

ههه قدرت أقنعهاا رديت : ههه أوك تعالي عيل ..

رحت يلست ويلست يمي : شوفي هذاا التصميم شراايج ..

ندى وإطآآلع التصميم إلي فاللآب : حلوووووووو كيف جيه سويت ..

رديت وأنا أضحك : ههه عيبج ؟؟

ندى بحماس وكأنها طلعت من جوهاا خخخ : هيه واايد واااااايد ..

 رديت : مممممممم هذاا برنامج للمهندسيين يعني مب أي حد يعرف يسوي فيه ..

ندى وإتفكر : يعني هذا تصميم شركة إنزيين أرييد أجرب ..

توقعت بتقول جيه : لآ ميصير إنتي بعدج إصغيره عقب ..

حسيتهاا تضايقت : أنا مب صغيره عمري 15 ..

رديت : لآ مب قصدي أنج صغيره يعني ياهل أقصد يعني صبري يوم تدخلين جامعه إذا تخصصتي هندسه بتستخدمين هالبرنامج ..

ندى : أنا ما أريد أسير الجامعه ..

طالعتهاا مستغرب : ليش ..؟؟؟؟؟؟؟

ندى : بس جيه ما ارييد أروح الجامعه بتم عند أميه لأن ماعندهاا حد ..

غريبه يعني لو أنهاا مب متعلقه مع أمهاا وايد وأمهاا دوم تصرخ عليهاا بس مع هذا تبي إتم معاها وماتخلي أمهاا مدري أحسها كبرت في عيني ..

رديت : بس لآزم تتعلمين وإتشوفين مستقبلج وكيف بيكون وتضمنين كيف بتكون حياتج خاصه أنج البنت الوحيده إلي فالبيت وماعندكم حد ..

ندى وملامح ويها تغير : بس أنا سمعت ... وسكتت

طالعتهاا : كملي ليش سكتي شو سمعتي ؟؟

ندى وإتفكر : خلاص ماشي ..

رديت : لآتستحين أنا أخوج مب غريب ..

إتصدقون كآنت إطالعني مستانسه يوم قلت أنا أخوج مدري ياني شعور غريب لأول مره جيه أحس يمكن لأنها كاسره خاطري ..

ندى : عادي أقولك أخوي بدال حمد ..

إستغربت لهدرجه !!!!!!! : هيه أكيد عادي ..

ندى والفرحه فويهاا بس تغيرت ملامحها وقالت : ليش عبود وعواش مايحبوني ؟؟

رديت : لآ بالعكس يحبونج بس إنتي يلسي معاهم وشوفي كيف بيعاملونج ..

ندى : إنزين ..

صاار هدوء عقب سمعتهاا : أخوي ..

طالعتهاا : هلا عيونه ..؟؟

ندى : مممم عندي سؤال يضحك شوي .

.. رديت : سإلي ؟؟

ندى وإتفكر : ممممم ليش عموه عايشة سمت إختي عواش مثل إسمهاا ..

ضحكت : هههه حلو سؤالج ممم الله يسلمج إهي كانت تبي جيه وقالت لما إتيه بنت بسميهاا على اسمي ..

ندى : حلوو ..

دخلت عنود وكانت إطالعني مستغربه : شو إتسوون ؟؟؟؟؟؟

طاعت ندى وغمزت لهاا : سر بيني أناا وندى صح ندى ..

ندى : هييييه صح ..

عنود بفضووول وتضحك : هههه حركاات أسراار وجيه يالله خبروني شو السر ؟؟

أدري عنود دوم فضووليه وإذا ماعرفت تعصب ههه رديت عليهاا : لآتحاولين قلتلج سر ..

عنود والفضول بيذبحهاا : يالله عاااد خبرووني ؟؟؟

هزيت راسي بمعنى لآ وقلت : نوو ..

عنود : مااا أريييييييييييييد أعرف برايك .. "وظهرت"

ضحكت : هههههه الفضووول بيجتلهااا ..

ندى : ههههه 

طالعتهاا شبه مستغرب : ندووووووووش ضحكتي هههه وأخيراً ..

ندى وتضحك : هههه لأن شكلهاا كان يضحك وإهي معصبه ..

بعد شوي شفت عبود دخل بس ماسلم ..

قلت : عبوود النااس اتسلم ..

عبود وبدون ميطالعني : السلام عليكم .. "ورااح"

شكله بتم جيه يعاملي على طول .. 

ندى وتوقف : بروح حجرتي باجر علمني كيف أسوي مثلك إنزين ..

رديت : ههههههه أوك الله كريم حق بااجر 

شفتها راحت الحجره مدري تكسر خاطري .. يلست أخلص شغلي شفت زيود متصل بس قلت بتصل له عقب 

رحت حجرتي ونمت ونسيت سالفه عنود ..