11

"غريبه الاياام تفرقناا وتجمعنا~> ولكل وآحد نصيبه منهاا"

يوم نتفرق ويوم نجتمع ..

يوم تلقااهم ويوم لآ ..

الدنياا ادور وكل شي يروح يمكن يرجع ..

وأحيانا الي رااح عمره مايرجع ..

يمكن الأيام تجمعناا مع ناس نكرهم وعقب تفرقناا ونحس أنا نحبهم ..

ويمكن الأيام تفرقنا من ناس نحبهم وعقب نكتشف أنا غلطنا في حبهم ..

بس ..

.

.

عموه عاشه وإتسلم على أميه هذي أول مره أشوفهاا أميه دوم ترمس عنهاا بس ماشفتهاا ولا مره : شحاالج ؟ كيف الحال توه مانور البيت حيااج 

أميه واتسلم عليها ببرود مدري ليش : بخير الحمدلله ... 

عقب سلمت عليها وقلت : عمتي عاشه كيف حالج ؟

عموه وإطآلعني بإستغراب : بخير فديتج إنتي ندى !!..

إبتسم وقلت : هيه "شفت إميه إطالعني بنظره"

عموه : والله كبرتي ..

إبتسم ..

أميه : يالله بنتم واقفين عند الباب جيه ؟؟

عمووه : لآ حيااج إتفضوا ..

عقب دخلناا ويلسناا فالصاله ويت وحده مدري منو إهي وسلمت عليناا وشويه ويت بنت ثانيه ومعاها ولد كآنوا منصدمين وبين هالشي من عيونهم ..

أميه وترمس البنيه مآ أعرف منو إهينه : شحالج عنود عساج بخير ؟؟

حسيت أنهاا منصدمه قالت : و و والله بخير الحمدلله ..

عموه عايشه : عنود روحي هاتي شي تشربه عمتج ..

عقب سارت .. أما البنيه والولد يلسوا على طرف ويتكلمون بهدوء ..

كآنهم يتكلمون عني أناا وإميه !!

أذكر أميه قالت أن عمتي عاشه عندهاا بنت أكبر مني بسنه يمكن هذي !..

أميه : تسلمين والله تدرين ألحينه محتاجين مكان نيلس فيه فتره وأخوي باع البيت وإشتري شقه صغيره ومتكفينا أنا وهو وحرمته ..

عموه : ولا يهمج البيت بيتج نحن مب غريبين حيااج في أي وقت ..

أميه : تسليمين فديتج ..

بصراحه حسيت أن الجو كانت متوتر لدرجه أن صار أكثر من 3 دقايق والكل ساكت ..

والكل يطاالع الثااني ما أعرف حسيت أن الكل مستغرب ..

*************************************************************

"مب غريبه من الدنيا كل شي جايز"

إن كان الألم في رؤيتهم وهم أمامي فكيف سيكون الألم بعد فراقهم .. !

في كل كلمة ونظرة وحركة أذكر تلك الأيام الراحلة ..

الأيام التي كانت ومازالت ذكرى في قلبي وكأن قلبي سجنها ..

ولكن الحزن باقٍ ولم يرحل والشوق يغرس قلبي بالحسرة على ما فات ..

.

.

بعد مايلست انا وزيود والربع طبعا ماحبيت ازعلهم ورحت معاهم محد يدري بوجودي معاهم شو يصير فيني ..

زيود ويضرب جسوم على كتفه : يالله المرررررررره الياايه معزومين عند جاسم 

جاسم : ههههه لا شو تبيني أبتلش مع أميه آخر مره عصبت بسبت الضرابه إلي صارت ..

زيود ويضحك : ههههههههههه عباالهاا صج ماتدري نستهبل ..

جاسم : هيه وحليهاا تقول ليش صوتكم واصل لين حجرتي ..

زيود : هههه لآ أحلى شي يووم دخلت الميلس وشاافتني طالعتني مستغربه إنت منوو ! هههههههههههه وبعدهاا جااسم تعاال اتصل للشرطه مدري عبالهاا حرامي..

جاسم : ههههههههه هيه أذكر تعاال مب جنه تتكلم عن أميه ..

زيود ويضحك : حشى علي ماقلت شي هدي بس ..

راشد ويفكر : ممممممم أقوولكم خلاص ولا يهمكم أناا بدبرهاا وتعاالوا عندي أوك ..

زيود ويطالعني : أوك حمد شوو رايك ؟؟

.....................

زيود : حووووو الي هنااك حمممممممد !!

رديت : هلآاا أسمعك ..

رشود ويطنز : ليكوون الأخ عااشق ويالس يفكر ..

طالعته بنظره : عييد رمستك ..

زيود : هههههه أعصاابك بس أهم شي الأعصاب .. 

جاسم ويطالعني : تعال انت طوول اليلسه سااكت شو بلآك ؟؟

رديت : ماشي ..

منصور ويلس حذاالي : أقووووولكم حد فيكم يعطيني سويج سيارته ..

رديت أستهبل عليه : خخخ لآ ما اريد أبتلش معااك يالاحول ..

منصور ويضربني بقوو ورا ظهري : أحووووول انت 

الكل : ههههههههه 

حسيت ظهري رااح فيهاا يلست أكح : كح كح 

منصور : ههههه صحه صحه ..  

طالعته ورديت : مردووده ماعلي ..

منصور ويستهبل  : الله كريم  

الكل : ههههههههههههه

منصور ويرجع لسالفة السويج : صج ما استهبل ألحينه رشووود عطني سوييج سيارتك لاتخااف مابيصير فيهاا شي ..

رشود ويفر عليه سويج السياره : خذ بس يااويلك والله إذاا صار شي فالسيااره ماتلوم نفسك 

منصوور ومستانس : فدييتك خشمك والله هالانساان يعجبني .. وعقب ساار 

زيود ويطالع رشود : لآ بالله رااحت فيها السيااره ..

جاسم : هههههه وأناا أشهد آخر مره عطيته سويج السياره وظهر فيهاا الله ليراويك فوق 5 مخالفااات 

رشود : إحححححححححححححححلللللللللف 

جاسم ويضحك : ههههههه ولا بعد أبشرك ورطني مع الشرطه 

رشود على طوول راح يلحق على سيارته : منصووووووووووووووور ..

زيوود : هههههههههههههه أحييك رشوود طلعت خرااط درجه أولى .. 

ضحكت على خبالهم .. 

وبعدهاا رجع رشود ويلس حذاالي : رااح والله اذاا صاار شي بجتله ..

زيود : خلاص واناا ويااك ..

حسيت بضييقه مدري ماقدرت أتم أكثر وقفت : يالله أناا أترخص ..

الكل يلس يطالعني منصدم !!

زيوود : ويييييييين توه النااس ؟؟

رديت : ماشي أحس عمري تعباان شوي ..

رشوود ويلسني : أقوولك خلك إحناا مآصدقناا شفنااك ..

يلست ماحبيت أكسر بخآطرهم ..

*************************************************

"أحيانا يكون عندك أهل بس مايستاهلون كلمة أهل" ..

قررت عمتي مريم إنرووح وإنزور يدووه بمآ أنهاا من زمآن مآ سارت عندهآا فقلت بروح وياهاا ..

عموه مريم : يزوووووووووووووووووي يالله بسررعه يدووه تتريااني ..

شليت فووني وعدلت شيلي وبسرعه نزلت ..

عموه مريم : شهد وييييينهاا هذي شهوووووود ..

ظهرت كيتي من المظبخ ومااسكه شهد ..

عمووه : يالله مااماا تعاالي بنروح عند يدووه ..

شهد وإتأشر علي : يذوووي تعاالي ..

هههه وحليهاا والله رحت ومسكت إيدي ..

عموه : طع هذييييي والله أناا أشهد أنهاا تحبج أكثر مني عمرهاا مامسكت إيدي جيه إلآ إذاا تبي شي .. كيتي خلج إهنيه وقفلي باب البيت ولآتفتحين لحد ..

كيتي : أوك مداام ..

ظهرناا وركبناا السياااره وطبعا عمتي إهيه إلي اتسووق ..

خذيت معااي دفتري علشاان إذاا أريد أقوول شي ..

عمووه وإطآلع شهد : شهووووود ..

شهد : هاا ..

عمووه مريم : شووفي صييري عااقله وإسمعي الكلآم مب إتفشليني إنزيين ماما ..

شهد : إنذييين ..

عمووه : والله آخر مره مااسكه المقص ويلست إتقص شعر سارونه وإهيه نايمه ومحد يدري فالنهاايه أناا إبتلش مع فاطمه كلتني بنتج هذي لآ اتيبينهاا مره ثانيه ..

هههههه مب لهدرجه عادي هم يهاال ..

تمت شهود إطفرني وعقب عطيتهاا الفون ويلست تتعبث ههه 

وصلنآآ ونزلت دخلناا وشفت الخداامه روز ويلسناا فالصاله ..

شفت شهود راحت صووب المطبخ ..

عموه مريم وتيلس : روووز وين ماما كبيير .. ؟؟

روز : ماما كبير نووم ألحين ..

عموه وإطآلعني : تعااااااالي كيف نسييت أنهاا إتناام هالحزه ..

كتبت لهاا (خلاص عيل خليها نايمه مب حلوه إنسير وإنوعيهاا)

عموه مريم : أووووف شو هالحظ .. سكتت وفجأه شههههههد ويين رااحت هالبنت ..

روز : روح مطبخ ..

عموه مريم : شهههههد .. شههههههد تعاالي مااماا

من المطبخ.............. : لآ حووووووول مريييييم مررررررريم تعاالي إخذي بنتج ..

عموه مريم وإطآلعني : لآ بالله بتعطيني محااظرتهاا ..

دخلت عموه فاطمه الصاله وماسكه شهد وشهوود إيدهآآ كلهاا شووكليت : إخذي بنت..

عموه مريم : شششششهد !!

شهد : يذوووي شوفي كاكاااو ..

ضحكت هههه عليهاا ..

عموه مريم : رووز إخذيهاا غسلي إيدهآآ ..

روز وتمسك شهد : أوك مدآم 

شهد : مااااااااابي يذووي شوفيهاا ..

روز : شوفي كاكاااو .. 

عموه مريم معصبه : شههههههد شو قلتج اسمعي الكلآم ..

هههههههههههه عموه مريم دووم جيه إهيه وشهد ..

شهد : إنذيين ..  "عقب ساروا"

وقفت عسب أسلم على عمتي فاطمه ..

عموه مريم وإتسلم عليهاا : السمووحه منج ..

عموه فاطمه : مااعلي شحااالكم ؟؟

رحت أسلم عليهاا حسيتهاا مب عايبنهاا وجودي ..

عموه مريم وتيلس : بخير والله وإنتوا شحااكم ؟؟

عموه فاطمه يلست : والله هذي حاالي ماتغير شي ..

وبعد شوي دخلت مهره : السلاام عليييكم هلآ والله توووه ماانور البيييت ..

عمتي مريم : أهلييين منوور بوجوودكم ..  شحاالج ؟؟

مهره وإتسلم عليها : بخيير بشووفتج ..

ويت إسلم علي وهمست وإهي إتسلم : بس مب بخيير بشووفتج أناا شو قلت لج .. 

عقب علت صووتهاا حبيبي يزووي إتصدقين إشتقتلج ..

طاعتهاا بنظره وإبتسمت .. عقب يلست ..

بس مهره مسكتني من إيدي : تعاالي برااويييج شي ..

مدري خفت ما أسير معااهاا وعمتي مريم تستغرب فرحت ..

رحت لحجرهاا وسكرت البااب ودزتني طحت على الشبريه .. 

مهره بعصبيه : إنتتتت اتعاانديين معااي صح ..

يلست وطآلعتهاا بنظره شو تبي فيني هااي الخبله ..

مهره : تعرفيين أني مآ أحبج أكررررهج ليش إتيين إهنيه إنتي مثل أمج يهمج مصلحتج ..

مافهمت شو تقصد !!

مهره : لآ تطاالعيني جيه أكررره نظرااتج .. شووفي تعرفين أن أميه ماعندهاا مكآن إتروحه وإذاا إتفكرين أنج بتاخذين البيت بتكونين غلطآنه ..

من قاال أريد هالبيت ..!!

مهره وتقرب مني : أناا سمعت يدتي قالت أنهاا بتخلي هالبيت لج ..

معقووووووله !! يدتي جيه قاالت ..

مهره : ليش منصدمه بعد حركااتج هذي كل يوم طايحه إهنيه وإمسويه عمرج طيبه ومهتمه فيهاا .. الكلللل يحبج وأنا محد معبرني ..

كنت ارييد ارد عليهاا بس كييف مدري إلتفت أدور أي شي عسب أكتب لهاا ..

مهره ومستغربه : شوو إدورين !! 

قمت من مكااني شفت أوراق ودفتر فالطآوله خذيته وكتبت لهآ (مايهمني البيت ومآ أريد شي إرتحتي !) وراويتهآآ

لمآ قرت ضحكت : هههه إتقصين على منوو ؟؟ حبيبتي كافي أن أمج السبب في طلآقي من مايد ..

كتبت لهآآ ( أميه ماالهاا خص في طلآقج وبعدين أخوي مايد مب صغير عسب أميه إتخبر شو يسوي)

مهره وتفر الورقه : لآ والله حبيبتي إنتي وأمج السبب وأناا أدري ولا مايد عمره مافكر يطلقني ..

مدري حسيت أنهآآ بتقلب الكلآم هواش .. مشيت أبي أظهر ..

بس مسكتني وقالت : مثل مآآ حرقتوا قلبي بحرق قلبج إنتي وأمج ..

ظهرت قبلي مدي على شو نااويه ..

سكرت باب الحجره ورحت الصااله سمعت ..

مهره إتصيح : مددددت إيدهاا علي ..

إنصدددددمت لهدرجه !!

عموه فااطمه وقفت : اليااازيه الياااازيه ..

دخلت وأنا منصدمه هذي يالسه إتسوي عمرهاا اتصيح .. عموه مريم إطآلعني منصدمه ..

عموه فااطمه ومعصبه : إتمدييين إيدج على بنتي !!!

هزيت راسي بمعني لآ أناا ماسويت شي ..

بس ماحسييت الا وطرااق من عمتي نزلت دمعه من عيني ..

عمووه مريم وتدخل بيناا : فاااطمه بس خلااااص خلي البنت يمكن ما كاان قصدهااا ..

مهره واتصييح : ماا كان قصدهااا اتجذبووني اناا الله يساامحكم .. "ورااحت"

عمووه مريم وقربت صووبي  : يزوووي ليش مديتي إيدج عليهآآآ ..
ألحين أنا إلي أجذب !!!!!!!! تحركت وظهرت من البييت وأنا أحس بالقهر لأني ماقدرت أرد عليهاا ..
عموه مريم وتلحقني : يزووي وقفي يزوووي ..
مشيت وظهرت من البيت .. 
وعمتي يسلت تلحقني وتزقر علي .. بس أنآ كملت طريجي .. كاان سلطآن توه يااي شاافني : الياازيه ؟؟
بس اناا كملت طريجي بدون ما ألتفت له ..
عموه مريم : يزوووووووي .. .. هلا سلطآن شحالك ؟
سلطآن ومستغرب : بخير شحالكم إنتوآ ؟؟
عمتي مريم : الحمدلله سلطآن إذا مآعليك امر خبر روز إتييب شهد أنآ برع عند السيآره ..
سلطآن : خير إن شاء الله ؟؟
عموه مريم ومستعيله : لا بس إنت إرمسهاا يالله فمآن الله ..
سلطآن ومب فاهم شي : الله وياج ..
رحت وقفت عند سياارة عمتي وأناا أحس ويهي صار حاار من الطرآآق كيف قدرت تضربي بدوم ماتسألني ..
محشوومه أناا إلي مآ أقدر أرد شو الفاايده تسألني .. 
عموه مريم : يزوي .. 
وقفت وطالعتهاا والدموع في عييني ..
عموه وتحضني : دخيييلج ما اريد أشووف هالدمووع ..

*************************************************************
مرررر الوقت وقلنا كل واحد يرجع البيت ..
وصلت زيود طفرني طول الوقت يستهبل وعقب رجعت البيت وقبل ما أدخل رن فوني وكانت عنود ..
رديت : هلآ عنود تراني وصلت البيت وألحين بدخل ..
عنود ومستعيله : أقوولك تراا مرت أبوووي يت عندناا وبعد بتيلس معاناا فتره ..
قلت وأناا مستغرب : شوووووو كيف يعني إهي مب في بيت أخوها وأنهاا تنازلت عن حقهاا فالبيت بعد وفاة أبوي الله يرحمه ؟؟؟
عنود : هيه بس مدري تقول الظروف صعبه وماعندهاا حد ثاني ..
قلت بقهر : لآااا حول هذي المفروض ما اندخلهاا البيت ..
عنود : والله مب أنا أماايه وإنت تعرف مستحيل إتقول حقهاا لا مانقدر إنخليكم عندناا ..
قلت : خلاص يالله الحين أناا داخل يالله مع السلامه ..
سكرت فوني ودخلت البيت وشفتهم يالسين فالصاله ..
دخلت وسلمت : السلام عليكم .. عقب سلمت على مرت أبوي ..
مرت أبوي : شحالك حمد عساك بخير ..
مرت أبوي يمكن صاار لهاا سنه مارمستناا أو صار أي توااصل بينهاا وبين أميه !! 
قلت : والله بخير ..
شفت بنت صغيره يايه صوبي وإتسلم وماقالت ولا حرف بس مبتسمه ..
قلت : شحالج ؟؟
بس ماسمعت رد .. خخخخ مدري شو سالف البنات معاي كلهن طااف خخخ قمت ألقط ويهي من الفشيله ولا بعد متحمس ومبتسم شحالج مالت
يلست شوي ودخلت عنود شاله عصير ووزعت عليناا ..
أميه : عنود إخذي الشنط وحطيهاا في الحجره إلي تحت ..
قلت وانا بقهر شو أشتغل خدامه شكلي : إن شاء الله ..
رحت حطيت الشنط في الحجره وشغلت الليتاات ورتبت الأشياء الموجوده والأثااث عقب سرت أسوي بخور ..
وبخرت الحجره .. ما أدري شو الي يدور بينهم !! بس ياني فضوول أسمع 
رحت وشفت محد فالصاله غير مرت أبوي وأميه وين الباقيين !!!
.
.
إن كنت أريد أن أبقى بينهم فأين محبتهم لي ؟
فهم إخوتي وأنا أختهم ..
إختارت لي أمي أن أعيش بعيداً عنهم وجعلتني أعيش طفولة مليئه ..
بالوحده !
لم أذق طعم الطفولة ولم أعش مثل باقي الأطفال ..
كنت دائما أجلس وحدي في غرفتي لا أجد أحداً يتحدث معي ..
ولدت وكبرت ولم أرى أبي سوى أيام ورحلت تلك الأيام