30 النهاية

من هنا سنصل إلي نهاية المشوآر ..

إلي بعيد الأمل والإنتظآر ..

وسيحين التفكير في الإختيار ..

بين حروف وعبارات ..

ونسيج من الكلمآت ..

.

.

همسات من رحلة في سطور ..

فكم من صديق تخلى عن صديقه ..

وكم من شخص رحل عن الحياة ..

وفراق في لحظة واقع ..

نتعلم .. !

ليس دائما ماننتظره سيتحقق ..

لا يوجد أمر نريد الوصول له دون صعوبات ..

الأمل والصبر مفتاح لتلك العقبات ..

فمن أراد حلمه واقع سيحاول متابعة طريقة إلي نهاية المشوار ..

ومن غرس في قلبه اليأس لن يصل إلي حلمه ..

هكذا تعلمنا الحياة دروس وعبر مواقف وآمال ..

.

.

الي كل صديقة وصديق..

دع قلبك أبيض كبياض الثلج .. سامح كي يسامحون ..

إحترمهم فيحترموك .. لاتجعل موقف يسيطر عليك ..

فكلنا نخطأ .. !! 

فهل من السهل أن تكسب صديق .. ؟

بعد سنين مضت بينكم لاتتخلى عن صداقتك لهم ..

تمسك بمن تحب .. كي لاتندم على فراقهم لاحقا ..

.

.

عندما تفارق من نحب نشعر بأن الحياة بدأت تغلق أبوابها ..

ندرك حينها أننا لآ نستطيع أن نستمر في الحياة كما كنا سابقا ..

هذه ليس سوى حكمة الحياة ..

فم فهم هذه الحكمة صبر وشكر الله على كل حال ..

فالماضي رحل ولم يعود ..

.

.

إلي الحزن ..

حملت فينا معاني صعبة لم تكن في الحسبان ..

زدت أوجاع كثير ولكن تعلمت بأنه لم يفت الأوان ..

نستطيع النسيان نعم نسطتيع ذلك ! فهذه صفة الإنسان ..

.

.

إلي الفراق ..

لم أجد معنى للكلآم فهل هو فراق من هم معنا أم فراق من لم نعد نراهم !

عندما تغلب العبرة في شوق وحنين لمن نحب فهل لنا غير الصبر لنلقاهم !

مهما تمر بنا الأوقات والأزمان ..  فهل من الممكن أن نثق بأننا سنراهم !

.

.

إلي الأسرة ..

نختلف نعم نتشاجر نعم ! ولكن مهما حدث نحن معاً ..

الحياة تحلوا وتختلف مهم فلماذا لآ نشكر الله دائماً .؟؟

فالنجعل المحبة والمودة تجمعنا ونكن يداً واحده ..

.

.

إلي المستقبل ..

يشغلنا المستقبل ونتمنى ونود الحصول على مانريد ..

نضحي بالكثير من أجله وأحيانا نسيئ الإختيار ..

ليس الفشل بالوقوع بل بأن نقع ولا نقف ..

.

.

تستمر الحكاية ..

الصبح : في بيت بو حمد ..

[ حمد يجهز بيروح الدوآم عواش وعبود يتريقون ..

عواش : عبوود .. عبوووووووود ..

عبود : هاااا بلآج شو تبييين ؟؟

عواش وتفكر : أريد أشووف ندى ..

عبود وبدون إهتمام : شو اسوي لج ..

عواش ومنصدمه : شوو اتسوي لي !!! 

عبود ويعيد كلامه : هيه شو اسوي لج ؟؟

عواش وبقهر : شو أشوف خلاص مب مهتم بعد شو أباك تسوي لي وصلني بيتهم عسب أشوفهاا ..

عبود : دوري حد ثاني ..

عواش : لييييش ؟؟؟؟؟ انت وصلني .. حمد مب فااضي ..

عبود : وأناا مب فااضي ..

عواش وتأفف : أووف يعني خلاص يوم عرفتوا أنهاا مب إختناا جيه تخليتووا عنهاا ..

عبود : يب ..

عواش وتقلده : يب مالت ..

عبود : عوااااشوووه لاتخليني أصفعج ..

عواش وبغرور : جرب وشوف شو بسوي ..

عبود ويوقف بسير صوبهاا : اناا اراوييج ..

عواش وقفت : حممممممممممممممممد حممممممممممد تعال شوووف عبود ..

عبود ويسكتهااا : جب زيين خلاص مابضربج "ورجع مكانه" هاا يلست ..

عواش وتيلس : هيه جيه أبااك .. انزين عبود ممكن طلب ؟؟

عبود ويشرب حليب : لا ..

عواش وتترجااه : بلييييييييييييييز دخيلك والله بسوي الي تبااه ..

عبود وعيبته سالفة انها مستعده تسوي أي شي : أوك قولي ..

عواش وتفكر : تزوج ندى ..

عبود ومنصدم : شووووووووو تقولين انتي؟؟؟

عواش وتعيد رمستها : تزوج ندى !!

عبود ويضحك : ههههههههههههههههه أقول جب زين مب متفيج حق سوالفج هذي ..

عواش وبقهر : ططططططع عبوود دخييييلك ياااخي تزوجهاا عسب تكوون بيينااا ..

عبود ويطالعهاا بنظرة استغراب : عواش انتي مب صاحيه أبددد فيج شي ؟؟! ولا استخفيني ..؟؟

عواش وتوقف : مااالت عليك وعلي أناا إلي يالسه أكلمك خلي أرووح المدرسه أبرك لي ..

عبود ويضحك :هههههه مع نفسج ..

عواش وتشل شنطتهاا : سخييييييف .."عقب ظهرت تتريا البااص" ..

.

.

ظهرت من حجرتي وخذيت الملفات الي أحتاجهاا شفت عبود يتريق : صباح الخير ..

عبود ويطالعني : هلا صباح النور ..

التفت : عيل وينهاا عواش ..؟؟

عبود : توهاا ظهرت أقولك تراها مستخفه وايد ..

رديت وأنا مستغرب : ليش شو صاير بعد ؟؟ تهاوشتوا؟

عبود : يب ..

رديت : إنتوا مب ناويين تودرون هالسوالف لي متى هالحال ؟؟

عبود ويتحجج : إنزين اهيه ترا الي تبدأ ..

رديت : المهم وأميه وينهاا ؟؟

عبود : أتوقع بعدهاا نايمه ..

رديت وأنا مستغرب : عيل منو مسوي الريوق ؟؟

عبود : عواش ..

رديت : أهاا زين بعد خخخخخ أوك يالله أنا بظهر ألحين في أمآن الله وإنت على طول الجامعه ..

عبود : أوكيه ..

كملت وكنت بطلع بس عبود زقر علي قلت : هلآ ..

عبود وييه صوبي : كنت بسألك بعد ماترمس الربع ؟؟

رديت : ليكون طرشوك عسب تقنعني أرجع لهم ؟؟

عبود ويفكر : ممممممممممممممم لآ بس أنا حبيت أقولك يعني هم وايد يسإلوني عنك وقلت أخبرك يمكن تحن وترجع لهم ..

رديت : عبود لا تكلمني في هالموضوع مره ثانيه ..

عبود : أوك براحتك الله وياك ..

رديت : في أمآن الله .. 

ظهرت من البيت وركببت سيارتي بعدهم مصرين أرجع لهم .. والله ما أريد أرجع لهم أحس حياتي جيه أحسن بدونهم ..

بس في نفس الوقت ما أقدر أستغنى عن أيامي إلي كانت وياهم ..

وصلت الشركه ورحت مكتبي كان استيفن يترياني قلت : السلام عليكم هلا استيفن ..

استفين : أهلا حمد ..

يلست مكاني وقلت : خير حصلتوا حد يكمل معانا المشروع ..؟؟؟

استيفن : في الواقع لم نجد بعد ..

رديت : خلاص أنا قررت قرار مؤقت بنوقف المشروع وإذا مافي حد تعاون معانا بنطر نلغيه ..

استيفن : لا أعلم ماذا أقول لك ولكن مع حق في هذا القرار ..

ابتسمت : يالله نشوف باقي الشغل وايد ركزنا في المشروع خلنا ألحين نكمل باقي الأشغال ..

استيفن ويوقف : حسنا ..

.

.

[ بيت بو جاسم .. 

شفت يلبس وبيروح الدوام قلت : حبيت أقولك بروح الجامعه ..

جاسم ومسوي طاف ..

قلت : جااااسم قلت بروح الجامعه بعدين لاتقول ليش طلعت بدون ما أستأذن منك ..

جاسم ويطالعني : إنزين بعد تبين تقولين شي ثاني ؟؟

رديت وأنا أفكر أخبره ألحين ولا لا أصبر ..

جاسم : الظاهر بعد عندج شي ثاني تبين تقولينه ؟؟

رديت : لآ ماعندي شي ثاني أقوله ..

جآسم وياخذ فونه : يالله في أمآن الله "وطلع"

قمت من مكاني وأنا أحس أني فعلا تعبانه مدري يمكن لأني أمس وايد كنت أعابل في المطبخ بس مايخصه !! 

رحت بسير المطبخ آكل يوعانه دخلت المطبخ شفت عايشه يالسه تتريق وشكلها بتروح الجامعه عقب ..

سلمت : السلام عليكم ..

عايشه : وعليكم السلآم .. هاا تريقتي ؟؟

إنصدمت !! تسألني لا غريبه : لآ بعدني  ..

عايشه وتقوم تصب لي حليب : يلسي أنا بجهز لج الريوق ..

يلست وأنا مستغربه شو السالفه !!!!!!!!! حسيت عمري أتخيل يمكن أحلم !! ولا عايشه جيه اتعاملي هههه ما أصدق!!

يمكن جاسم تكلم معاها وعصب عليها هههه : مشكوره متقصرين ..

عايشه وإتسوي لي سندويج : لآ عادي العفوو .. 

عقب ماخلصت حطت الريوق جدامي وقالت : يالله أنا بروح الجامعه مع السلآمه "وطلعت"

يلست آكل ومستغربه شو إلي صار جاسم ما أتوقع كلمهاا ولا كلمها وماخبرني !! في العاده أحصل سب وهواش من الصبح !! شو الي تغير ..

والله غريبين يوم يحبونك وفجأه يكرهون وبعدها تنصدم أنهم رجعوا يحبونك !! ..

بعد ماخلصت رحت تجهزت بروح الجامعه لآزم أسوي إلي في بالي عقب برجع ..

.

.

عند ندى .."كآنوا كلهم يالسين يتريقون"

بو أحمد : تسلم إيدج أم أحمد ..

أم أحمد=أم ندى : الله يسلمك ..

أحمد : أبوي في موضوع أريد أكلمك فيه ..

بو أحمد : تكلم قول شو عندك ؟؟

أحمد ومحتار : والله كنت أريد أقولك قررت أسافر علشان الشغل وإن شاء الله راجع ..

الكل إنصدم : تسااااااااافررر

إنصدمت كيف يعني بيساافر يعني مابشوفه قلت : لآ لا تسافر ..

أحمد ويطالعني : ندى بسافر وراجع إن شاء الله . هاا ابوي شو قلك ...

بو أحمد ويفكر : والله صرت ريال ماينخاف عليك وإذا في خاطرك تسافر روح الله يسهلها عليك ..

أم حمد : وأنا رايي من راي أبوك .. كبرت ألحين وماينخاف عليك ..

وقفت من مكآني : لآ أناا ماابييك تسااافر ..

أمي وأبوي طالعوني منصدمين ..

رديت : ما اريد تم معاناا لاتروح ..

أحمد ومستغرب : ندى مابطول بشوف شغلي وراجع .. 

رديت وأناا شوي أحس أني بصيح : لا لاترووح مب لآزم ..

كنت في هاللحظه خايفه ما أريد حد منهم يتركني ويروح .. 

أبوي ويطالعني : ندى تعوذي من الشيطان ويلسي 

يلست وأنا في داخلي شي يصيح ما أريده يروح .. شفت أميه وأبوي إلي كآنوا يتكلمون مع أحمد وينصحونه ..

ويوصونه حق السفره .. حسيت خلاص مافي أمل أمي وأبوي راضيين يعني خلاص بيروح .. قمت من مكاني 

ودخلت حجرتي خذيت شنطتي وطلع أتريا البااص ..

كنت أحس بشعور ما أقدر أوصفه خوف مدري شو بالضبط بس إلي أعرفه ما أريد أخوي يروح بعيد عني مره ثانيه ..

.

.

مرت الأيام من سفر أحمد .. وإنقطع أخبآره كانت ندى وأمها وابها خايفين يمكن صار فيه شي !! ولا ليش تأخر وما سأل عنهم ..

وعند مهره كانت أمها مسويه عزيمه بمناسبة زواج مهره والكل كآن معزوم .. كبير وصغير ..

في الميلس : مهره وأمها ، سارونه ، اليازيه ، عنود ، أم جاسم ، عاشيه، شهد ، ومريم وبنتها ، وفطوم ، وأم حمدان ، عواش ، وحريم

من قوم أم حمدآن وبيت خالهم.. 

.

.

همس لمهره : مهره شرايكم نحن البنات ننسحب ونروح برع فالحوش بدال يلستنا مع الحريم شوفي يزوي والباقيات مايرومن يقولن شي هههه ..

مهره : هيه والله يبالنا عيل صبري شوي ..

أم حمدان : هيه والله يبالنا نزوج فطوم ..

فاطمه وبهمس : لآ حول بالدور الموضوع هههه أقول قومن نروح مكان ثاني ..

شهد : هيه والله خلونا نروح مكان ثاني .. وحده فيكن تتكلم ..

مهره : أنا استحي بصراحه ههه بيقولون شو هالإحترام نحن يالسات وهن يقومن مافيني ..

شهد وتهمس لي : عنود إنتي تكلمي .. 

طالعتها : ههه ماعندي مشكله ..

أم جاسم : شو فيكم تتساسرون ؟ 

رديت : والله ماشي عموه بس البنات يبون ييلسون برع شوي فالحوش دام الجو حلو ..

البنات : هيه والله ..

أم حمدآن ووقفت : عيل يالله خلونا كلنا نيلس ..

شهد بهمس : هههه لا حول ..

رديت : لآ عموه خلج هنيه إنتوا الحريم سولفو وإخذوا راحتكم ونحن بنروح شوي وراجعين ..

مهره : هيه وأنا بعد جيه أقول ,,

أم سلطآن : خلاص عيل براحتكن ..

وقفت : يالله بنات .. 

عقب ظهرنا ونحن يالسات نضحك .. طلعت أنا ويزوي ومهره وعايشه وشهد وفطوم ومريم عمتة اليازيه ويلسنا ..

قلت : وأخيرا ههههه والله قلت إذا ماقمت بيصير فيني شي من سوالفهن ..

مريم : تدرين بعد سوالف حريم ..

طالعت عموه وضحكت : ههههه يعني نسيتي أنج حرمه ؟؟

عموه وإطالعني : يزوي خلي عنج هالرمسه بعدني صغيره ..

ضحكنا كلناا : ههه اوك خلاص ولاتزعلين .. صح شخبار البيبي ..

عموه : والله بخير ..

رديت : شو متى بتريبين ..؟؟

عموه : هالشهر إن شاء الله ..

البناات : ونااسه ..

عموه واطالعناا : قال وناسه أنا الي بتعب مب انتن محشومات ..

ضحكنا : هههههههههههه ..

عنود وتفكر : لهدرجه يتعب ..

عموه وإطالعهاا : سكتي لما بتحملين بتعرفين المعاناه كيف ..

عنود وإطالعني بمعني الله يعين وأنا ضحكت : هههه

عموه حست بشي : شو السالفه !! ليكووووووون ..

عنود : لآ لآ ..

الكل مستغرب !!

عموه وإطالعها بشك : شو هو الي لا لا ؟؟

عنود : هاا قصدي لاتتحريني حامل مثلا ..!!

الكل طالع عنود منصدم !!! .. عموه : وكيف فكرتي بأني بسألج هالسؤال يالله قووولي شكلج ماتبين تخليناا نستانس ..

عايشه ومنصدمه : كيف يعني ؟؟

إلا عايشه ما اريدها تعرف وتخبر جاسم : لآ شو فيكم للحين مب حامل ..

فطووم : حساافه .. يالله الله كريم

وتمينا نسولف وماخلينا شي الا وتكلمنا فيه ههههه كان وناسه وبعدها قررنا نرجع البيت وأنا قلت بوصل يزوي معاي ..

والباقين رجعوا البيت ..

.

.

في السيآره :

طالعت يزوي : يزوي ..

يزوي وإطالعني : هلا ؟

رديت : مممممممم حمد أخوي ..

يزوي وتلتفت صوبي : شو فيه ؟؟

طالعتهاا وضحكت : هههههههه ..

يزوي حست فعمرها : أقصد يعني شو تبين تقولين ..؟؟؟

رديت : ماشي بس كنت أريد أعرف ردت فعلج .. 

يزوي : سخيفه هههههه ..

رديت : مثلج .. ممممممم أمس لما كلمني قال البنت إلي كانت معاج شفتها قبل صح هالكلام ولا ؟؟

حسيت عمري توترت : مدري يمكن ..

عنود وإطالعني بشك : كيف يعني ممكن يقول متأكد أن شافج ؟؟

رديت : مدري يمكن ما أذكر ..

عنود وإطالعني : أهاا .. إنزين اذا ييه يخطبج بتوافيق ؟؟

حسيت عمري توترت أكثر : م مدري ..

عنود : لآ حول كله مدري .. يزوي لا ترفعيين ضغطي قولي هيه ولا لا ..

رديت : مقدر أقرر ألحين ..

عنود وتخطط : عيل لازم تشوفون بعض وعقب نتفاهم ..

ضحكت : ههههه إنتي شو تخططين ؟؟

عنود وتضحك : هههه والله أحس مابحصل وحده أحس عنج عسب تاخذ أخوي .. ولما كلمته وعرفت أنه يعرفج من قبل قلت أستغل الفرصه ..

طالعتها : والله أنج مب هينه ..

عنود وتضحك : ههههه خلاص ترا أنا خبرت أميه بعد ,..

إنصدمت : عنووود !!!

عنود وتضحك : ههههه وباجر بيوون عندكم وبتشوفين حمد ..

إنصدمت من متى مقررين هالشي : شوووووو ؟؟ عنود من صجج إنتي ؟؟؟

عنود وتضحك : ههههه هيه والله أميه كلمت أمج وقالت حياكم ..

ماتوقع هالشي بيصير تميت ساكته ..

عنود وإطالعني : هاا وين وصلتي ؟؟

رديت : مدري ..

عنود وتضحك : هههههههه حاسه فيج والله إنزين يالله ترا صار لنا أكثر من 5 دقايق واصلين عند باب بيتكم وإنتي بعدج سرحآنه ..

التفت : هههه والله وليش ماتتكلمين ؟؟

عنود : ماحبيت أخرب عليج تفكيرج هههههه ..

طالعتهاا : ههه ماعلي ماعلي .. يالله عقب حسابج في أمآن الله "ونزلت"

عنود : الله يحفظج ههه .. مع السلآمه "وسارت "

دخلت البيت وعقب تسبحت وصليت العشاا ونمت ..

.

.

في اليوم الثاني : ..

[ عند ندى ..

قمت شليت فوني ورحت الصاله أنتظر أي إتصاال من أخوي أحمد كنت خايفه وخوفي يزيد كل يوم ..

أحيانا أعصب من أمي وأبوي عسب هم إلي خلون يسافر ووافقوا على السفره ..

سمعت صوت أميه : ندى يالله تعالي إتغدي ..

رديت : ما أريد شي مب مشتهيه ..

أبوي : ندى صارلج كم يوم نفس الحال تعالي إكلي لج شي ..

رديت : ما أرييييد ..

سمعت فوني ردن رديت : هلااااا !!!!!!!

سمعت صوت عواش : بلاج ؟ أهلين ..

رديت : أووووووووف ..

عواش ومستغرب : بلاج ؟؟

رديت : عبالي أخوي ..

عواش : هههههههههههه زين هدي ..

رديت وأنا منقهره : بعد تضحكين ؟؟

عواش وخافت ندى زعلت : مب قصدي .. المهم شحالج ؟؟

قلت : ماشي الحال وإنتي؟؟

عواش ومستغرب : مديم وأنا الحمدلله بخير .. كن أريد أقولج أريد أشوف ؟؟ أييه عندج ولآ إنتي بتين عندي ..

رديت : ماتعرفين وين بيتناا؟؟

عواش وإتفكر : هيه صححح وين مدري خلاص عيل إنتي تعالي عندي ..

قلت : أوك مب مشكله بخبر أبوي  .. والله أحس عمري مضايجه ومخنوقه يبالي أظهر من البيت وأغير جوو ..

عواش ومتحمسه : عيل حيااج والله بعد أنا ملانه محد كلهم برع وأميه نايمه ..

رديت : خلاص مب مشكله متى أمر عندج ؟؟

عواش : ممم تعالي جيه قريب العصر .. محد موجود ..

قلت : أوك .. يالله عيل أخليج ألحين ..

عواش : في أمآن الله ..

.

.

وبعد صلاة العصر .. 

[ كآنت أم حمد وحمد وعنود ساروا بيت أم مايد إلي هيه أم يزوي ..

عسب يخطبونها حق حمد وبالمره يشوفون بعض .. 

[جاسم صارت معاه مشاكل في الشغل وفهد ومحمد يساعدونه عسب يخلصون المعاملات وغيره ..

[ ندى تذكرت أنها خبرت عواش أنها بتمر عندها فلبست بسرعه وخبرت أبوها يوصلها ..

[ ويزوي كانت متتوتر وماتقدر إذا توافق على حمد ولا لا ..

.

.

عند يزوي :

أم حمد : والله بنتج والنعم فيها وعنود دوم تمدح فيها ومابنحصل أحسن عندهاا ..

أم مايد : والنعم فيكم بس تدرون في النهايه الراي راي البنت ..

عنود : هيه معاج حق ..

أم مايد : عيل خلوهم يشوفون بعض عقب نسمع رايهم ..

ظهروا الحريم ويزوي يلست وعنود معاهاا ..

طالعت عنود : والله مدري كيف أحس ..

عنود وتضحك : ههههههه سكتي أنا أشك إذا حمد شافج جيه بيضحك ههههه ..

رديت : أونه ؟؟؟؟؟

عنود وتضحك : ههههه هيه والله خلج عاديه لاتتوترين..

رديت : زين ههه والله مب مني ..

عنود : ههه يعني أول مره اتشوفينه شفتيه قبل شو الي تغير ..

رديت وأنا أطالعهاا : لآ ألحين غير .. 

عنود : اهاا يعني أناا أطلع ؟؟

رديت : لآ لآااا شووو خلج معاناا ..

شويه ونسمع أم حمد تقول لحمد يدخل ..

حمد ودخل : احم احم ..

عنود : ههههه حياك ..

يلس حمد وتم هدوء محد راضي يتكلم وكل واحد منزل راسه أونه وأنا يالسه أراقب .. هههه

قلت : بتمون ساكتين جيه ؟؟

طالعت عليها منزله راسها وعنود تستهبل علي خاطري اعطيها بكس هههه مب جنه إهيه الي حنت علي على سالفه الزواج

ولا أنا ما أريد أتزوج ألحين .. مرت دقيقه وقفت وبعدها طلعت .. 

عنود واتزني : يالدوووبه تجمدتي فجأه ؟؟؟

همست : سكتي ماقدرت أرفع راسي ..

عنود : هههه مااالت خلاص طلع ..

رفت راسي : صج ..!!!!!!!!

عنود : هيه ..

تنهت : أشوووووووه ..

عنود وتضحك : هههههههههههه والله مالت ..

عقب ظهرنا ويلسن الحريم يتفاهمن وييه الوقت إلي أقرر هيه ولا لا ..

فكرت وايد في الموضوع وأنا ادري انه ريال والنعم فيه والفرصه ما اتييه مرتين ..

وخاصه أني وايد مع أهله وماشاء الله كلهم طيبين ..

وماحصلت سبب يخليني ارفضه ..

ولما وافقت كلهم استانسون وعنود شوي واطير من الفرحه هههه فديتهاا والله اتفقناا انا بنسوي العرس الاسبوع الياي ..

مدري اذا استعيلت ولا لا بس لما صليت استخاره حسيت عمري مرتاحه .. والحمدلله على كل حال 

.

.

عند عوآش :

حست عواش صارت مينونه للحظه !! 

عواش : جد تعاالي نخربط جيه نطبخ ونجرب يمكن يطلع معاناا شي حلووو ..

رديت : والله ما اريد ..

عواش وتمسكني من إيدي : تعاااالي .. 

عقب ماحبيت أخليها تزعل رحنا المطبخ .. ويلست تطلع الأغراض وإطالعني : يالله ساعديني ..

رديت : شو تبين إتسوين ؟؟

عواش : مممم بنسوي بيتزاا ..

ضحكت : ههههههههههههههه بيتزا .. وأنا عبالي شي خلاص عيل سهل مايباله شي ..

عواش : يب يب .. 

رديت : خلاص اناا بسوي العينه وين الطحين ..

عواش وإتأشر .. "في الكبت هناك"

رحت وخذيته ويلسناا نخبص .. 

عواش : ممممممم لآزم جبن وايد هع ..

رديت : يب يب أهم شي هههه ..

عواش : أنا أمس رحت وشريت الأغراض وقلت بسوي وزين أنج ييتي لأني أحب حد يسوي معاي ..

قلت : هيه بعد أناا ..

خلصناا وحطيناهاا بالفرم ويلسنآآ نترياا .. عواش وتفكر : تأخروت ياارب يزوي وااافقت ..

رديت وأنا مسستغربه : شو فيهاا يزوي ؟؟

عواش : إنتي ماتدرين أن حمد قرر يخطبهاا !!

رديت وأنا منصدمه : صج !!!! .. لآ والله مدري ..

عواش : أمس عنود كلمت أميه وحمد قال ماعنده مانع واليوم راحوا يخطبونهاا والله لو توافق كشخه بيكون ..

رديت : هيه معاج حق ههه ..

من بعيد .... : عوااااااااش .. عااااشووووه ..

عواش : هذا عبود رجع لحظه تمي هنيه بروح أشوف شو يبي ..

رديت : أوك ..

طلعت عواش وسارت الصاله : هاا عبود ؟؟

عبود ويطالعهاا : وينج ساعه أناديج ..!!!!!

عواش : ماشي بالمطبخ أسوي بيتزاا مابعطييييك ويوووووو

عبود : زطيييه من يووومج ..

عواش وتضحك : هههههه يب بس حقي وحق ندووش ..

عبود : ها ها ها ما اريد عيل مارجعوا أميه وحمد ؟؟

عواش : لا والله للحين مارجعوا ..

عبود ويفكر : زين عيل أنا بروح أتسبح وهاتي لي من البيتزااا تراني يوعاان ..

عواش : هههههه أوك خلاص كسرت خاطري المهم لاتنزل تحت ترى ندى هنيه تم فوق في حجرتك ..

عبود ومستغرب : إهيه اهنيه ؟؟

عواش : هيه ..

عبود : أهاا .. أوك يالله .. "وراحت ركب الدري وسار حجرته " ..

عواش وترجع المطبخ : راح حجرته يقول يبي بيتزاا ههه والله ما اريد أعطييه أحب أتنذل فيه ..

ضحكت : هههه حرام عليج .. صح اهو أخباره ؟؟

عواش : والله بخير .. 

رديت : زين أتوقع استوت البيتزاا ,,

عواش وتفتح الفرم : يب خلصت .. عطيني صحن 

وعقب قطعت البيتزا وحطت لعبود : أوك روحي الحجره وإخذي معاج الصحن وأنا بعطي عبود وراجعه ..

رديت : أوكيك ..

.

.

راحت عند حجرة عبود : عبووود عبووود ..؟؟؟

عبود ويفتح الباب : هلا ؟؟

عواش وتعطيه الصحن : خذ ..

عبود : فدييت إختي تسلم إيدج ..

عواش : وإييد ندى بعد ..

عبود : ولا تزعلين ايدااتكم .. خخخخخخ 

عواش : أوك يالله اذلف ..

عبود :  يالله مناااك "وسكر في ويهاا البااب"

عواش : مااااااااا علي عقب نتفاااااااااااااهم ..

.

.

[ عند عنود : 

فرحت وايد وأخيرا حمد أخوي بيتزوج والله مب مصدقه فراحه ومتحمسه وايد .. الله يوفقهم يارب وإن شاء الله 

محد يخرب عليهم .. رجعت البيت وعلى طول نزلت من السياره ودخلت ..

ماحصلت حد شكلهم نايمين .. أو شي 

دخلت الحجره كان جاسم موجود : السلام عليكم ..

جاسم : وين كنتي ؟؟

رديت : لآ حول بديينااا !!

جاسم : سألتج ردي علي ؟؟ وين كنتي ؟؟

قلت وأنا أتأفف : كنت مع حمد وأميه ..

جاسم : وليش ماخبرتيني ؟؟؟

رديت بقهر : لآزم كل شي اخبرك ؟؟

جاسم وبدأ يعصب : كمم مرررره أقولج انا ريلج وين متسيرين لازم أعرف ..!!!!!!!!!!

رديت : أووف زيين سوري ,.

جاسم : عنوود بديت أمل من السالفه لاتخليني أعصب وأسوي الي براسي وأطلقج ..

رديت بقهر : لاتهددني بالطلاق .. تبي تطلق طلق بس لاتذلني .. "وفصخت عبايتي "

جاسم : بعد ما اطلقج لاتندمين ..

خفت هذا من صجه يبي يطلقني رديت : لآ ماا اندم من شي ..

جاسم : جيه الساالفه يعني ؟؟؟!! عيل من بااجر تشلين اغرااضج وترجعين بيت أهلج ..

حسيت بصدمه : شووووووووو؟؟

جاسم وينسدح على الشبريه : مثل ماقلت ..

رديت : يعني بطلقني ؟؟

جاسم ويطنز : يوم صار الموضوع جد أشوفج خفتي ؟؟ توج طلقني مايهمني ..

استفزني رده قلت : هيه مايهمني وخساره أني ترك الجامعه .. 

جاسم ومستغرب : تركتي الجامعه ؟؟

رديت : هيه .. تركتهاا وبرجع عند أهلي بااجر ..

جاسم ويسوي عمره مب مهتم : ماغصبتج على شي برااايج ومثل ماقلت باجر عند أهلج ..

قلت بقهر : زيييييين أحححسسسسسسن ..

حسيته عصب : عنوووووود ..

رديت : لآتكلمني .. وفتحت الكبت ويلست أحط ثيابي في الشنه وأهو يطالعني ..

جاسم ويضحك : ههههه معصبه ..

رديت : لآتكلمني ماتفهم !!!!!

جاسم : خفي عليناا ..

قلت : لآتكلمنيييي ..

جاسم : هههههههه أعصابج .. مانبي يصير شي فالبيبي ..

قمممممممممة الصدمه إلا أكبر صدمه حسيت ماي بارد إنصب علي كيف عرف إلتفت وقلت : شو قلت !!!!!!

جاسم ويسوي عمره يفكر : ممممممم مذكر ..

رديت وأنا متوتره : ك كيف أقصد ما قلت شي ؟؟

جاسم : يالله برقد ألحين وكملي جهزي أغراضج "وتلحف ونام"

كيف هذاا عرف !! ولا أنا تخيل وسمعت غلط معقوله يزوي خبرته لا لا يزوي مستحيل .. منو وكيف عرف !!

شو السالفه .. أووووف شو هالحظ وشو هالحال ألحين بيطلقني وبرجع البيت حرام والله ..أنا ليش معوره راسي

في مليوون واحد غيره .. وكملت جهزت أغراضي ..

.

.

ما أتخيل أتزوج هههه بروحي واحد وراه أشغال ومشغول وما ألحق أسوي شي ..

بس دام الوالده وعنود يبون هالشي علشانهم بسويه .. 

سمعت فوني يرن عبود !!

رديت : هلآ عبود ..

عبود : أهلين .. هاا مبروووك وأخيرا ..

رديت : ههه الله يبارك فيك خخخ بلآكم الكل يبي يفتك وأتزوج .. 

عبود : نبي نشووف عيال .. المهم أقولك إنت فاضي ألحين ؟؟

رديت وأنا أشوف الساعه : هيه فاضي ليش؟؟

عبود : تعال مر صوب البحر تحيد المكآن إلي دوم نروح له بتحصلني ياخي ملان ومحد معاي ..

رديت : ألحين ..؟؟؟؟؟؟؟

عبود : هيه تعال غير جوو شوي وايلس معاي أحس بملل بروحي .. وقف سيارتك ونيلس شوي ..

من زمآن مارحت رديت : خلاص شوي وأمر صوبك ..

عبود : أوك أترياك .."وسكر"

عبود يذكرني بسالم أحيانا مدري ليش يمكن من كلامه .. كملت طريجي ورجعت عسب أروح المكان إلي كنت دوم أروحه ..

شفت سياره عبود .. وقفت سيارتي ..

شفت عبود يالس رحت صوبه وسلمت ويلست .. : هاا كيف الجو ,,

عبود ويضحك : ههه والله كنت ملان بس ألحين ييت إنت زين ..

رديت : هالمكان وايد ذكريات حلوه فيه ..

عبود : هيه والله .. 

تنهدت : وجيه الدنياا ..

عبود ويفكر : هيه عيل وين الي دوم يكون معاك ؟؟

رديت : منو استيفن .؟؟

عبود : هيه ..

رديت وأنا أفكر : أتوقع نايم في هالوقت مايحب يسهر هههه والله عبود هالانسان مدري كيف غير حياتي وايد .. تصدق أحس أن

وجوده صار شي كبير ما أقدر أستغنى عنه .. 

عبود : زين وربعك فهد ومحمد وزايد وجاسم ومنصور ..

رديت : عبود مب وقته .. لآترمس عنهم

عبود ويطآلعني : فكر يمكن تغير رايك صدقتي هم يعزونك وبعدهم يحبونك ويحاتونك كل ما أروح عندهم يسإلون عنك ..

رديت : وايد أشياء تغيرت وأنا تغيرت وأشوف الأحسن ما نرجع ..

عبود : يااخي انسى ماعلي الأيام راحت وإبدأ صفحه يديده .. صدقني مابتندم ..

مدري كلام عبود هزني من الداخل يمكن معاه حق مرت أيام وسنين لي متى بتم أتجاهلهم وفي داخلي شي كبير يعزه ومايقدر يستغنى عنهم ..

عبود : الشي صار خلاص وانتهى لاتفكر في الي طاف وإبدا من أول يديد خذها نصيحه مني .. ومابتندم

رديت : تصدق أحيانا الصغير يعلم الكبير وكلامك صح .. هم غلطوا في حقي وأنا غلطت بس خلاص ألحين ما نقدر نسوي شي ..

لحظات صمت .. كنت أفكر في كلام عبود وأسمع للي داخلي .. تذكرت أمور حلوه 

كنت أقول مرت الأيام بسرعه كبرت وصرت مدير في شركتي حققت إلي كنت أباه ..

خواني كبروا وصاروا يقدرون يمشون أعمارهم مب محتاجين حد ينصحهم ..

عرفت وايد أمور في هالسنين الي عشتها لحظات كنت أتمنى أني أترك هالدنيا علشان ماضي راح .. 

كنت في ضعف محتاج أوقف من أول يديد .. 

سافرت وعرفت أن في ناس يتمنون لك الخير يساعدونك يكملون معاك مايتخلون عنك ..

درس وكملت لو أني كنت فاقد الأمل .. بس بعدها كل شي تغير ..

منو يصدق أني وصلت هالمرحلة الزمن جيه يحتاج حد يكمل يصبر يتحمل ..

والحمدلله على كل حال .. كنت أشوف عبود مدري ليش كنت أشوف عمري مكانه ..

قلت له : عبود ..

عبود : هلا ..؟؟؟؟؟؟

رديت : تدري إذا تبي الشي بتتعب بتتعب واايد بعد .. صدقني مافي شي تريده بتحصله بسهوله ..

عبود : شو مناسبة هالكلام ..

رديت : خذها نصيحه مني .. إذا حسيت في يوم تخلى عنك الكل لاتوقف كمل والله وياك لاتفكر في ان الأمور مستحيله ..

عبود : إن شاء الله ..

قلت وانا ابتسم : توقع كل شي لاتحط آمالك على شي واحد ..

عبود ومستغرب : حمد بلاك جيه تتكلم تخوفني .. 

ضحكت : هههه والله مدري ليش أقول جيه حبيت أقولك إلي تعلمته ..

عبود : زين .. 

سمعت صوت من وراي : حمد..

إلتفت : هلا ..؟؟؟

............ : ممكن نيلس معاكم ..

كان فهد ومحمد وزايد إنصدمت !!! رديت : حياكم ..

طالعت عبود بمعنى ليش هم هنيه ..

محمد : شحالك حمد .. ؟؟

رديت : الحمدلله إنتوا شحالكم ..

حسيتهم منصدمين شوي .. زايد : الحمدلله ..

فهد : حلو الجو ..

عبود : يب ..

زايد ومتردد :  حمد ممكن سؤال ..؟

قلت : قول أسمعك ..

زايد ويفكر : بعدك مصر ما اتسامحنا أو ما اتسامحهم.. 

رديت : أسامح الغريب وما أسامح القريب .. من قبل ما تسألني أنا قلبي مسامحكم ..

زايد وفهد ومحمد يطالعون بعض ..!!!!!!!!!!!!!!!!!!!!!!!!!!!!!!!!!!!!!!

رديت : هههه شو مب مصدقين سامحتكم ..

زيوود ويحضني جنه ياهل مب مصدق : فديييييت خشمك ..

دزيته : بعدك فاقد حناان ..

الكل : هههههههههه..

زايد ويطنز : على الأقل مب دلووع ويتغلى ..

عبود ويطالع زايد : كككككففففففففففففك ..

ضحكت .: ههههههههه مقبووله منك ..

محمد وبعده مب مصدق : منو يصدق حمد رضى عليناا .. !!!!!

رديت : هيه بلاك مب مصدق .. فكرت وايد وحسيت الموضوع مب مستاهل .. "وقفت " يالله أخليكم ..

فهد وزايد : ويييييييين توه الناس؟؟

رديت : مدري تعبان شوي يالله فمان الله ... "ورحت للسياره وقررت أرجع البيت "

.

.

مر الوقت ورجعوا البيت كلهم .. 

عبود نفس الشي رجع البيت وأول ما دخل ..

أم حمد وندى : عبووووووووود رججججججعت ..

عبود ويسكر الباب ومستغرب : هيه شو صاير ؟؟

أم حمد والخوف في عيونهاا : ويين حممممممممممممد ؟؟؟

عبود ومستغرب : ليش مارجع البيت ؟؟

ندى : لآاا ؟؟!! ليش أهوو مب معاك ..

عبود ومستغرب : لا كان معاي عقب خبرني أنه بيرجع البيت !!

أم حمد وبخوف : دقوو عليه شووفوه وينه تأخر ؟؟

عبود ويطلع فونه : أوك لحظه ... ... مغلق !!

ندى : أخاااف صااار شي عبوود روح دوره يمكن تحصله.. 

عبود : أوك لآتحاتون " وظهر راح يدور بس ماشي فايده " ..

مر ساعات والكل يخاف شو صار وينه حمد !! ليش مارجع البيت ووصل الخبر لربعه ..؟

ونفس الشي الكل يدور وينه حمد!! 

.

.

مر اليوم واستوى الصبح وبعدهم يحاوتون وين بيكون حمد !! 

أم حمد خايفه وماقدرت تنام ندى ماراحت المدرسه .. وعبود نفس الشي ..

.

.

[ عند عنود :

جهزت شنطتي ولبست عباتي وأنا أحس بحزن كيف بيعيش ولدي بدون أبوي ..

سمعت جاسم يقول : يالله أنا بوصلج اترياج في السياره وطلع ..

لحقته ورحت السياره حطيت شنطتي وركبت .. شغل السياره ورحنا ..

قلت : كيف عرفت أني حامل ..

جاسم ويسوي عمره منصدم : إنتي حاااامل !!!!!!!

طالعت عليه : ليش انت ماتدري ؟؟؟

جاسم : وليش ماخبرتيني من قبل ؟؟

رديت : بس إنت تعرف ؟؟

جاسم : عرفت بس كنت شاك شفت التحليل مالج ..

رديت : إنزين ..

جاسم وبقهر : وبعد ماتخبريني المفروض أنا أول واحد أعرف ..

مارديت ..

جاسم ويطالعني : يتربى بعزناا إن شاء الله .. بنت ولا ولد ..!!

قلت : مدري للحين ..

جاسم ويبتسم : إحساسي يقول ولد ..

قلت : الله كريم ..

شويه ويوقف السياره إلتفت وين نحن !! : وين رايح إنت ..

جاسم ويفكر : ممممممممم بيتناا ..

رديت وأنا مستغربه : بيتناا !!!!!!!!

جاسم : بيتنا أنا وإنتي والبيبي ..

إنصدمت ماتوقع أن بيكون قد كلمته وبيطلعني من بيت أبوه وبنروح بيت لنا بروحناا .. 

جاسم وينزل : يالله انزلي .. عسب تشوفين البيت ..

نزلت وأنا مستانسه وأخيرا .. دخلنا داخل كان البيت وايد حلو مب كبير وايد بس حلو عيبني كنت أطالع ومتحمسه أعيش

فيه .. قلت : كشخه مبروك علينا البيت ..

جاسم : والبيبي بعد ..

رديت : هيه .. والله خفت تطلقني بس زين هههه 

جاسم : أمس يالسه تقولين طلقني مايهمني ..

ضحكت : ههههه والله انت تستفرني وايد ..

جاسم : خلاص من ألحين إنتي لاتعاندين وأنا مابستفزج في شي ..

رديت : أوك بس ما اوعدك خخخخ ..

جاسم ويأشر : روحي هناك المطبخ بتحصلين مشتري أغراض سوي لي ريوق يوعان ..

قلت : إنزين .. 

دخلت المطبخ ويلست أرتب الأغراض مشتري وايد ..

مدري كنت أحس عمري فرحانه وأخيرا بيستقر كل شي ..

ترك الجامعه صح بس أحس أن هالشي خير لي وأحسن لي ..

.

.

[ عند يزوي :

كنت أحس بملل ..

وفي نفس الوقت يلست أقرا إلي كاتبه في دفتري قبل ..

كنت أذكر أمور وذكريات حلوه قبل .. لما كنت أعيش حياتي بصمت ..

عرفت أن الصمت حكمه وأن الصمت في مواقف خير من الكلام ..

كنت أقرا الكلام إلي كتبه لي حمد قبل سنتين 

"الألم شي صعب والأصعب أن تشوفه من الناس القراب أحيانا مانلقى غير السكوت حل للي يصير بس 

العمر يمر وكل شي يصير مكتوب ما أدري منو إنتي بس حبيت أقول أحيانا نتألم بس من بعد الألم الأمل موجود .."

عرفت معنى كلامه أحيانا نحن البشر نمر في نفس الأمور بس محد يفكر في غيره .. والقليل الي يدرك هالشي ..

يمكن حمد يفهم إلي عانيته أكثر من غيره ..

سمعت فوني يرن ردييت : هلاا ..

عنود : يزوووووووووووي ..

رديت : هلا شو فيج ؟؟

عنود وبخوف : توه عواش اتصلت لي تقول حمد مايدرون وينه وأنه من أمس مايعرفون وينه ..

حسيت بشعور غريب : و و وينه عيل ؟؟

عنود : مدري والله خايفه .. ألحين أنا وجاسم ندوره ..

رديت : عنود طميني إذاا عرفتي أي شي .. مقدر أساعدكم !

عنود : يااربي وين سااار أخاف صاير فيه شي .. من أمس وهم يدورنه ..

رديت : ماعلي إن شاء الله خير ..

.

.

قمت ونسيت أني موقف سيارتي على أساس أرتاح شوي وعقب أرجع البيت ..

وفي النهايه أنا نايم في السياره بدون ما أدري .. 

شفت الساعه : خييبه شو مسوي فيني هالدوام هههه الله يستر أكيد ألحين أميه قبلت الدنياا .. وين حمد ليش تأخر ..

شفت فوني وبعد غالق فوني .. 

نزلت من السياره ويلست أتأمل البحر .. 

أحس ما أريد أروح أريد أتم مع عمري شوي ..

كأني إفتقد نفسي ومن زمان مايلست مع عمري ..

ما أصدق قدرت أسامح ربعي سبحان الله أحيانا تحس أنك ماتقدر تفارق ناس تحبهم ..

وبلحظه مستعد تسوي أي شي .. 

ضحكت وأنا أفكر كيف جيه يمر الوقت بسرعه .. 

نتصالح ونزعل ونفترق ونرجع .. هذي الدنياا ..

مريت بوايد أمور مب بس أنا حتى إلي عاشوه معاي ..

مقدر أقول غير إن شاء الله القادم أفضل ..

وإن شاء الله أحقق إلي أريده ..

طلعت فوني وإتصلت ..

سمعت : ألوو  ؟؟

رديت : هلآآ ..

حسيتها استغربت : منو إنت ..؟؟؟؟؟؟

قلت : حمد ..

ردت : كيف عرفت رقمي ..!!!

قلت : منو بعد عنودووه ههه ..

ردت : أهاا .. تراهم يحاتوك وايد وينك انت ؟؟

قلت : عسب تعرفين أن الي بيصير ريلج إنساان مهم ..

.

.

.

.

النــــــــــــــــــــــــــــــــــــــــــــــــــــــهايه ..

عنود .. [ تغيرت حياتها للأفضل وعاشت حياتها بسعاده لولا أنهم دوم يختلفون في الراي اهيه وجاسم يعاندون مع بعض..

بس عرفت أن هذا الأفضل لها ,, كانت تبي تكمل دراستها بس حبت تغرس هالشي في ولدها ويكون طموح في حياته ..

مثل ماغرس حمد فيها هالشي .. 

عواش .. [ حبها للدراسه صار أكبر عن الي كان فيه وصارت تفكر مثل عنود .. وبعدها مع عبود ضرابه وكأن ماتغير شي ..

لولا وجوده في البيت كان البيت هدوء بي هم مسوين جو  ..

عبود .. [ طموحه أن يتعاون مع حمد في الشركه كبير ويحاول يخلص دراسته عسب يكمل مع حمد .. ويفكر بعد مابخلص

يشتغل .. بعده في عبطه واستهباله بس مع هذا صار جاد أحيانا .. 

ندى .. [ حياتها تغيرت أكثر بعد مارجع أحمد وكانت دوم تحاول ترضى أهلها في نجاحها في دراستها وتفوقها .. كانت بعدها

تتواصل مع عواش ووايد تزورها ومنو يدري يمكن تصير عقب وحده من الي فالبيت وتعيش معاهم ..

يزوي .. [ انتهى الصمت وترك بصمه في حياتها.. وصارت في مكان الأم إلي تنتظر قدوم أطفالها لتعلمهم وايد أمور تعلمتها في حياتهاا..

كانت تحاول تساعد الكل توقف معاهم تنصحهم ووايد مع عواش كانت تعتبرها مثل إختهاا .. ودوم تسأل عنهاا وعن ندى ..

حمد .. [ بعده يحاول يكون الأفضل في إنجاء المشاريع وبمساعدة ربعه تغير كل شي بشكل ملحوض .. وقريب بيصير أبو ..

حياته بعدها مليئه بالصعوبات في الشغل وبعده مايستغنى عن استيفن في حياته.. 

.

.

ومن هنا إنتهت حكايتي لكم ..

وإنتهى مشواري بين أبطالهاا ..