الصفحة التاسعة عشر :

دخلت الصآله وإنصدمت !!!!!!!!!!!!
نوره وترمس أمهآ : أمآيه هذي ميثه وصلت ..
أم سيف : ليييشش وآقفه سلمي على الحرييم ..
إستغربت منو هذيله ؟؟؟؟ .. كآنوا 4 حرييم ووبنتين !!!! شكلهم غرييب أول مره أشووفهُم ..
رحت أسلم عليهن وحده وحده : السلآم عليكم ..
وكل مآسلمت على وحده قآلت * ماشاء الله عيل هذي بنت فطوم > تقصد أميه !! * وإلي تقول * سلمي على أمج *
وغيره وأنآ أبددددددد مب فاهمه شي حسييت عمري متوهقه شو أقول ولآ شو أسوي ..
ومتى رجعتت أم سييف ونوره !!! والشي إلي يقهر ..
حرمه رقم 1 خخخ معرف شو اسمهاا : عيل شااطره فالمطبخ وتطبخ لكم ..
أم سيف : لآ فديتج محد يطبخ غيري ولدي مآيحب ياكل إلآ من طباخي ..
 أمآآ أناا فتحت عيوني عالآخر !!!!!!!!! يالله تجذب بعددد ..
الحرمه : لييش شوبلآها حرمة ولدج مآتعرف تطبخ ..
أم سييفف : لآاا تعرف بس تعرفييين مب مثل طبااخناا ..
أنا تنرفزت من جوهم بصرااحه وكل حين أحسهم يتطنزون علي ،
وقفت : يالله السموحه بروح أكوي ثياب سيف قبل لآ يرد البيت * حسيت البنت الي يالسه إطآلعني وايد*
ماعطيتهم مجآل يردون علي تحركت على طول ودخلت الحجره وسكرت الباب : اوووف شو يبون هذيله ..
بدلت ثيابي ويلست أكوي ثياب سيف .. وأنآ أفكرر شو بيصير مع سعود أخوي !!
\

/

\

/

\

/

\
قلت : شيمااااااء بسس أوووف سكتي يعني الواحد مايرتاح حتى في بيته ..
شيماء وتعاند : لآا أبي ارد بيت أبوي .. مضااايقه هني كرررررهت هالعيشهه ..
طالتهاا بنظره : لآ والله .. !!
شيماء : هييه .. وبعديين إنت بروحك مب معبرني كله بررع البييت ..
رديت : انزييين ترااني يالس ويااج الحين ليش هالكلام !!! وبعديين تدرين أني أغلب الوقت فالدواام ..
شيماء وتتأفف : لآ مابي مليييت خلناا نررجع بيتكم على الأقل اسوولف مع عمووه وأخوك حمود ..

طالعتهاا بنظره : ألحيييييييييينه بعدد مايلستي إتأذييني سعووود نبي بيت برووحناا سعوود أضااايق منهم
سعوود خلناا نسكن برووحناا .. أشووف غيرتي رااايج ؟؟؟؟
شيماء : يعني اتشووف كيف حياتي انت تظهر الدوااام وأنا فالبييت ماعندي حد ياخذني أغير جو شوي وأنا
مليييت بروحي كرهت هالبييت حتى عياال ماعندنااا ..
رديت : والله مب مشكلتي هذي كيفج تحملي .. انتي الي يلستي اتحنيين علي تبين تعيشين ف بيت بروحجج ..
شيماء : اوووففففف ..
قلت : لآ تيلسييين تتأففيين تحتتت رااسي روحي الحجره تأففيي مع الطووف ..
شيماء توقف : زييييين سعووود ..
ضحكت أغير الجوو مابي مشاكل زياده : ههههههه أمززح يلسي مكااانج ..
شيماء ومضايقه : ماابي ايلسسسس بروووح أرقد .. *وسارت*
أناا : خبببببله منوو يناام هالحززه !!!!!!

برايهاا يلست أدور شي أتابعه ..
شفت سيف متصل .. رديت : هلآ سيف ؟؟
سيف : أهليين سعود ها اشو صار وياك ؟؟
رديت : والله ماشي إن شاء هالاسبوع بنزل أسآفر ..
سيف : أهاا زين تسوي عاد تحمل من روحك .. أقولك ميثه تدري ؟
قلت : لآ لا شو تدري تععرفف ميثه كيف تفكييرهاا ..
سيف ويضحك : هههه لآ والله ما ادري كيف تفكيرها زين عيل شو بتسوي ؟؟
يلست أفكرر ..
سيف : أمك شو قالت ؟؟
رديت : أميه حلييلهاا خااايفه واايد قلت لهاا لآتحاتي بس تدري أخاف أبوي يدري وأتوهق ..
سيف : لآتحاتي ..
قلت : أنآ على أساس بسافر كم يوم وبرد شغل وجيه بس لآزم أتفاهم معاهم ..
سيف : ميثه أنآ بتفاهم معاهاا لآتحاتي ..
رديت : ماتقصرت .. إنت وين ألحيينه ؟؟
سيف : توني رااد البيت ،
رديت : أهااا زين زييين سلم على مييثووه ماترد علي غريبه !!
سيف ومستغرب : ماترد؟؟ ! أوك مب مشكله يالله تآمر بشي ؟
قلت : لآ سلآمتك في أمآن الله *وسكرت الفون رحت أشوف شيمااء وأتفاهم معاها عن السفره *
\

/

\

/
\
نزلت مع الدريول عقب هدني وساار ..
استغربت ليش ميثه ماترد على سعود !! ..
شفت عند الباب سياره غريبه ؟؟ منو ياي البيت !!!!!!!!!!!!! إنصدمت
مب معقوله حد داخل البيت وأنا مب موجود ..
دخلت البيت وسكرت الباب أول مادخلت الصاله !!!! انصدمت ؟؟؟؟
أمييه : هلااا سيييف . . " ويت تسلم علي "
وأنا منصدم ومب عارف شو اقول ..
عمتي : شحالك سيف عساك بخيير أميه ..
أنا ماكنت مهتم فيهم الي صدمني الي يالسه معااهم !!!!!!
نوره : حياااك سييف *وتجدم الكرسي وأنا متنرفز من حركتها *
قلت : نوووره هدي الكرسي .. * الكل انصدم *
دخلت ميثه شاله صينيه القهوه والجاي .. ويوم شافتني استغربت : سيف ؟؟؟؟
حطت الصينيه ووقفت حذالي تهمس : منوه ذيله سيف ..

وأنا معرف شو ارد عليهاا ..
عمتي : بلآك سسييف مستحي نحن مب غريبين نحن أهلك ..
أميه وتسايرها : لآ مااعلييج سيف مب مستحي بس يمكن تعبان راد من الدواام ..
نوره حسيتها تغير الجوو : دااانه ويين عيل رشود ولدج ..
دانه وتضحك بطريقه مستفزه : ههه فالبيت حليله راقد ..

وأنا أطالعها مستغربه هذي منوو بعدد !!!!!
حسيت الجو ابدد مب حلو : سييف يالله تعاال .. * ودزيت الكرسي * أبي اتحرك باي طريقه ..
الغريبه أن سيف ماعصب علي فالعاده مايحب اني امسك الكرسي واحركه ..

دخلت الحجره وعلى طول سكرت الباب ..
التفت .. سيف يطالعني : منوو سمحح لج ادزيين الكرسي ؟؟؟؟؟؟؟؟؟؟؟
كان يقولهاا بعصبيه انا فزيت حسيت قلبي بيوقف : بسم الله ..
سيف ويكمل كلامه : ميييثههه أنا شو قاايل لج ؟؟؟ لآ بعددد هالمره جداام عمااتي ..
أنا منصدمه : عماااتكككككك !!!!!!!
سيف : هيه ..
رديت : بس انت خبرتني أن مااعندك غير عمه وحده !!!! ماشفتهم أناا بالعرس ..
سيف ومتنرفز : لاا تقعديييين تسإليين وااايد ألحيييين ..
يلست فالشبريه : زين فهمت مب لآزم تصارخ علي ..

بعد مروود 3 سآعاات ..
ظهرت من الحجره بعد مآ تأكدت سيف رقد ..
سرت أشوف أم سييفففففف مستحييل اقوولهااا عمووه ونووره ويين ؟؟
رحت الصاله سمعت ضحك !!!!!!!
يلست أتسمع منوو فيهاا .. كان صوت نوره
نوره : هههههههههههههه لا لا ماعليج ألحين رققوود وبعدين عادي بلآج ..
...... : لآ شو عادي تستهبلين صحح شو بيقول أخوج سيف لآ شافني يالسه هنيه ..
نوره : شوو بيقوول يعني عاادي لآتقعديين اتحااتين أصلا هو راقد ألحين ..
...... : وحررمته ؟؟؟؟؟؟
نوره وتضحك : منو ميثثه ههههههه اتحصليينهاا رااقده ألحينه ..
دخلت الصاله بكل غرور أقهر فيهم : لييش جيه البييت حررر *يلست أدور رموت المكيف*

........ وتهمس : خيبه توج تقولين أنهاا راقده ..
نوره وترمس بصوت مسموع كأنها تقول اسمعيني ميثه : والله ما ادري عنهم ..
دانه ساكته .. أما أنا يلست أسوي لي شاي حليب ..
نوره : دانه برووح حجرتي شوي ورااده زين ..
دانه : مب مشكله * عقب ظهرت وسارت حجرتها وأنا اشرب حليب وأطالع الي اسمها دانه *
ملآمحها مخختلفة تماما عنهم بيضه وشعرها مصبوغ وعيونها كبار ماشاء الله !! غريب شكلها ..
قلت : عيل اسسمج دانه ..
دانه وتبتسم : هيه ، وإنتي ميثه ..
رديت : زين عاشت الأسامي غريبه يعني شكلج متعوده تيلسين هنيه !! يعني عادي أمج ماتقولج شي ؟
مثلا عيب ولآ ماتستحين * أحاول ألمح لهآ *
دانه وفهمت قصدي : مممممممم لآ ليش ؟ مضايقه من وجودي .. !!
أنآ : لآاا لااا شوو لييش أضاايق عادي ..
دانه : سيف رقدد ؟؟
أنا : يب من شوي ..
دانه : زين عيل بيلس شوي وبرد البيت علشان رشود حليله ..
تذكرت رشود ولدهآ؟؟ هيه ولدهاا : كم عمره ؟؟
دانه : للحين مآ كمل سنه 10 شهور ..
أنا ومنصدمه : صغييير !!!!!!!! العمر كله كيف خليتيه برووحه فالبييت ..
دانه وتضحك : ههههه لا عادي إختي موجوده لآتحاتين ..

رجعت نوره وشاله معاها اللاب ويلست عند دانه : شوووفي براويج ثيبااب مال البيبي تجنن علشان تشرتين لرشوودي .. أوووك
دانه : أوك نشووف .. "ويلست تراويها طبعا كنت أنا ساكته وعلى طرف اشرب حليب واسرح بالكوب"
عقبها يلست أسولف فالفون فالقروب من زمان ماسولفت فيه خخخ ..

آمون كانت كاتبه : شوووو تقترحوون أشتري ققطوه ولا ارنوب ..
مها : ويييييييييييع لا هذاا ولا ذاك ..
شوق : مااعلييج لوو تبين أشتري الاثنين ..
امون : اوكيييييك
عنود : سوري مهووه مارديت عليج كنت مشغوله شوي ..
مها : لآ عاااددديي تك يور تاايم ..
امون : برب برمس أبووي ..
ساره : عيل وينهاا ميثه ؟؟ ماترمس ..
مها : شو تبوون فالبنت ههههههه اتحصلونهاا تكرف في بيت ريلهاا * أنا ضحكت يوم قريت *
شوق : هههههههههه حبيبتي انتي بعد بتكرفين شو عبالج ..
مها : أصلا أناا ارييد ايلس معاكم عسب عموه ادلعني ههههههههههه
شوق : هههههههههههههه
عنود : وأنا اقوول ليش البنت ماتبي بيت بروحهم ..
كتبت : احم احم ..
شوق : اووووووووووووه ميثه هنييه ..
مهاا : بررررررع وانا اقول ليش الشاشه مال الفون ظلمت ..

*يلست أضحك ودانه ونوره مستغربين*

عنود : ولللللللكم ميثووه أخباارج وأخباار ريلج ؟؟
مهاا : وإنتي شو تبيين بريلهاا هاا !!
أنا : هههههههههههههههههه
شوق : عنوودوه صج ماتستحييين ع ويهج
عنود : ههههههههههههه جب زين اطمن عليهم ..
أنا : الحمدلله بخير ..
عنود : دووم عيل ريلج بعده مقعد مايمشي ؟
" أنا هنيه اضايقت من رمستهاا مدري ششعور فضيع " مارديت عليهاا ..
شوق : ههههههههههههههههههه حليله والله لي متى جيه ميثوه انتي صابره .؟؟
مهاا : اييييييي انتوو جب حرام عليكم ..
عنود : شو بلآج ماقلناا شي ميثوه ليكون زعلتي ؟؟
أنا : لا
شوق : لييش بتززععل اصلا ميثووه تستاهل واحد أحسن من ريلهاا حرام والله ..
مهاا : الحييييين انتو شو تبون يمكن البنت مب مضايقه ومرتاحه معاه جب زيين ..
عنود : زيين نحن نصارحهاا ..
مها : *فيس معصب*
عنود : *فيس يضحك*
أنا : برب

وسكرت القروب .. مدري ليش فجأه حسيت أن كلامهم صح لأن حياتي صايره كريهه وكله
مشاكل .. بس بعد مب حلوه أببددد !! يرمسون ب هالطريقه ..
شوي وأشوف " عنود تتصل " .. بس مارديت عليهاا ،
قمت من مكاني ورحت الحجره .. سكرت الباب ويلست عالشبريه ..
كان سيف واعي ويقرا شي ..
سيف : كم باقي عالأذان ؟؟
أنا : للحين باقي يمكن ساعه وشي ..
سيف : ميثه سعود خبرج أن يمكن يسافر ؟؟
رديت وأنا مستغربه : يساافر !!!!
سيف : هيه عنده شغل مهم ويمكن يتم اسبوع ولا شي ..

أنا ومستغربه من كلامه : توني أدري مارمسني ..
سيف : المهم عرفتي ألحين ..
تميت ساكته افكر ليش ماخبرني يمكن عقب يكلمني ..
قلت : عقب المغرب بمر بيت ابوي .. * أنتظر منه جواب بس هو مارد * !!
عقب كم ثواني قال : اميه موجوده ؟؟
رديت : لآ بس نوره وبنت عمك دانه ..
سيف وببرود : وليش ان شاء الله هيه موجوده ..
قلت : مدري يمكن نوره تباها تيلس معاها ..
سيف وحسيته تنرفز مدري ليش يمكن لأن نوره دوم تعاند !! أو لانه مايحب وجودهم فالبيت !!
عقب قال : كلمتج ؟؟
رديت : منوو نوره ؟؟
سيف سكت !!
قلت : لا بس دانه تكلمت معاي عن ولدها رشود ..
\

/

\
/

\

/

\
(( بيت بو حمد ))- الصاله :
شوق : وييييييييييييه شوو بسوي الحيييينه !!!!!!!!
فطوم وتدخل : شو فيج ؟؟
شوق : مييثه أخااف زعلت مني ولا شي ..

فطوم وتيلس : ليش بتزعل !
شوق : اناا الغبيه قلت شي المفروض ما اقووله كله من عنووودووه الدببه ..
فطوم : اها زين ماعليج ميثه مب من النوع الي يزعل ..
شوق اقتنعت بكلام فطوم : زين .. وانتي شوو صاار بالدواام ؟
فطوم : الحمدلله ... تخيلي سالم باجر بيظهررونه من المستشفى *كانت مستانسه وتتكلم*
شوق ومستغربه : منوو سالم ؟؟؟؟؟؟؟؟؟؟
فطوم : الولد الصغير الي أنا تسببت فلي صار له ..
شوق وتتذكر : هييييييه هالسالفه الي كنتي معقده حياتج بسبتهاا زين الحمدلله على سلامته ..
فطوم : الله يسلمج والله ماتدرين فرحت وايد مع انه اميه وابوه بعدهم حاقدين علي وشالين بخاطرهم
بس الولد مستانس علي طول الفتره الي كنت واقفه معاه واساعده ..
شوق : هيه لازم حليله المهم صلحتي غلطج هيه اول مره واخر مره ..
فطوم : ان شاء الله يارب ..

دخل حمد : السلامه عليكم خواتي ..
فطوم وشوق : وعليكم السلآم والرحمه ..
حمد ويلس عند شوق : شو الاخبار كونان هههههههههههههه
شوق : كوناان !!!!!!!!!! حمددد قووم عني لا اتحصل ضربب
حمد : هههههههه شحالج فطوم ..
فطوم : الحمدلله ..
شوق : حممممممد تخييييييل ..
حمد ويعدل يلسته : داام قلتي تخييل معانه ساامعه شي هههههه قولي بتخيل ..

شوق : ههههههه تخيل مهووه شو قالت ..
حمد : مهووه فعيينج قولي مهاا ما ارضى ..
شوق وعنود : هههههههههه
حمد وباهتمام : زين شوو قالت ..
شوق : قاالت الله يسلمك انكم بتعيشون هنيه معااناا صح ولا ..
حمد : هيه صح ..
شوق ومعصبه : لااااااااااااا والله ماابي ..
حمد ويضربهاا بالخفيف : على كيفج شو ..
شوق وتضحك : ههههههههههههههه اسولف معاك اصلا انا من الله اباكم اتمون عندي ..
\

/

\

/

\

/
نزلت من السياره ولبست الغشوه ..
ولما دخلت البيت شفتكم كلهم يالسين فالحوش الشباب وياه ابوي واميه وضحك !!
أنا : السلآم عليكم ..
الكل : وعليكم السلآم ورحمة الله وبركاته ..
أميه : هلا امييه حيااج .. * أنا أطالع اميه من صجهاا تباني ايلس هنيه عسب سيف يذبحني *
رديت : لآ أنا بس بمر حجرتي ارتبها وانظفها اكيد مغبره ..
اميه وتضحك : ههههه ليش شو تبين فيها خلاص الحين عندج غرفه ثانيه وبيت ..
أنا تفشلت معرف شو ارد ..

سمعت صوت سعود : ميثه تعالي شوي ..
عقب مشيناا وقفناا على طرف : هاا سعوود يقولون بتسافر ..
سعود : هيه هذا الي كنت بقولج اياه ..
رديت : هيه عرفت سيف كلمني مطول فالسفره ولا ؟
سعود : لآ مب وايد يمكن اقل من اسبوع ..
قلت : زين " كنت اسمع سوالفهم الي يالسين"
سمعت صوت ناصر وراشد وفي صوت ماعرفت اميزه ..
قلت : ابوي شكله مستانس كلكم هنيه ..
سعود : ههههههه هيه حليله مستانس ..
أنا : خلاص مب مشكله انا برد البيت في وقت ثاني بمر اوك ..
سعود : مب مشكله الله وياج ..
تحركت بظهر من البيت حسيت حد يمشي وراي لما وصلت السياره مر من جدامي شخص !!
بس ماعرفت منوه عقب سمعت : مييثه !!
رديت : منوو ؟؟

كان واقف عند باب السياره مالته : شو بلاج نسيتي خخخخخخ انا سلطان ..
رديت : هيه ..
سلطان : أميه كانت تسأل عنج وايد وكل مره تقول وينهاا ماشفناهاا واختفت وقالت اذا شفتوها سلمو عليها..
قلت : ربي يسلمها من كل شر مب مشكله المره اليايه بمر اسلم عليها ..
سلطان : اوك سي يو " وركب السياره "
وأنا نفس الشي شغلت السياره : سلطاان يضحكني احيانا مدري ملامحه فوكاهيه هههه احسه مثل امون اظن هو الحينه 19 سنه اذا ماخاب ظني .

بعض الأمور قد لآتكون واضحه
وتحتاج للإنتظآر كي تكون واقعا ..
قد نتظآهر بأننا لآ نهتم أو لا تهمنا النتائج ..
ولكن بعض الأمور قد تكون صدمه ..
في حين هنالك أشخاص يخفون عنا الكثير من الأمور المجهوله عنهم !!
وتستمر الحكاية :

بعععد مرووور إسبووووع ، وكم يوووم !!
ويوم الثلآثه :
طبعا حمد ومهاا تزوجوا وكآن العرس جدا راقي والكل مستآنس ..
من ناحيه ثانيه شوق وفطوم مشتاقيين لحمد ويتريوون متى يرجع من السففرر ،
أمآ عن ميثه ف بعدهآآ تعاني مع نوره وأم سيف إلي كل يوم يصير معاها موقف يخليهآ
تتراجع وتطلب من سيف أنهم ينتقلون بيت يديد ،

كان البيت هدووء الكل راقد غير ميثه فالصاله ..

يلست أفكر .. ميييثه شو بتسويين . . سعود لآزم يطلق شيماء ولا بيتم طول عمره
جيه يعاني معاها ؛ أول مايييردد من السففففره بقووله يطلقهاا بس غريبه مب جنه
طول فالسففره كل هذا شغل ؟؟؟ ولا يتصل ولا يسأل ..
شفت فوني ساره مطرشه فالقروب * دعوآتكم لأحمد أخوي بنآت *
يلست أدعي له ربي يرحمه ويغمد روحه الجنه ساره بعدها متأثره ف موته ..
حتى أنها مافكرت تقدم لشغل .. من بعد تخرجهآ من الجامعه ، وغير هذا ناصر
تغير وايد عن قبل بشكل فضيع صار ما يضحك واذا ابتسم مب من خاطره كأن
الدنيا وقفت وظلمت . .

مر الوقت وأسمع صوت الباب يتسكر كآنت أم سيف ..
طالعتني وقالت : عيل وييينه سيييف ؟؟
رديت : للحين مارد البييت ..
كانت شاله شنطتهاا : اذا رد البيت خبريه أنا ظهرت البيت *وكملت طريجهآ لين الباب*
وفجأه يدخل سيف : السلآم عليكم ويين أميه ؟؟
أم سيف : تدري ويين . . *وظهرت *
شفت سيف إلي ملآمحه تغيرت وكأنه مضايق من هالوضع الي كل يوم يسوء شو السبب ما أدري !!
تحركت ورحت صوبه : هاا كيف كان الشغل ؟؟
سيف : قدمت إستقالتي وتركت الدوام ..
أنا انصددددددددددددممممممت : شوووووووووووووووو ؟؟؟؟؟؟؟؟؟؟؟؟؟؟؟؟
سيف وببرود : الي يقول شو معناته سمع ..
رديت : سيييف شوو تترك الدواام كيف تباناا نعيششش وانت ماتدااوم ؟؟؟؟؟؟
سيف : بدور شغل عقب ..
إنصدمت شو يعني أنا ما اشتغل وهو مايشتغل عيل منوو الي بيصرف !
كيف بنعييش ؟؟؟؟ !!

تحرك سيف للحجره وأنآ تميت واقفه مكاني منصدمه !!
لي متى هالحال شو هالكابووس إلي أعيشه أنآ ليش اتم ساكته ليش ما اتكلم أكثثثثثثثثر
لحقت سيف وأنا معصبه : سيييف مب معقوووله الي يصيير كل يووم شي يديد لي متى جيه حيااتنااا ؟؟؟؟؟؟
سيف : مب مجبوره تكملين المسلسل مالج .. قلت لج أطلقج قلتي ماتبين شو تبين بالضبطط ؟؟
رديت : شوو تبي النااس يقولون عقب ؟؟؟؟؟؟؟؟؟؟
سيف : مايهمني . .

رديت : انتتتتتت اناااني مايهمك غير راحتك ..
ظهرررررت وسررررررت الصااله اتصصل ع شوق ..
شوق : ألوو ؟؟
رديت : هلاا شووق عااادي أمررر عندج ..
شوق ومستغربه : بلآج شوو صاااير ليش معصصبه ؟؟
قلت : مب معصصصبه بس بمرر عندج فااضيه ولا ؟؟؟
شوق : حيااج .. مب مشغوله ومحد عندي اصلا كلهم رقوود ..
رديت : أوكككك عيل بمر عندج بعد شوي زيين ؟؟
شوق ومستغربه : زين ..
قلت : يالله برووح ألبس ..
شوق : تك يوور تاايم ..
سكرت الفوون ورديت الحجره ابدل ثيابي واتجاهلت سيف بعد مالبست وتزهبت ..
سطرت شنطتي وخذيت السويج وقلت : أنا بظهر ..
وتحركت من الغرفه ماسمع رد من سيف استغربت شوي .. عقبهاا ركبت السياره ورحت
عند شوق ،

(( بيت بو حمد )) فالصاله شوق حاطه الفواله والقهوه والجاي تتريا ميثه متى توصل ..
فطوم : شووق أنآآ بظهههههر ..
شوق ومنصدمه : بسم الله انتي وااعيه عباالي رااقده !!!!!!!!!!!!!!!!
فطوم وتعدل الشيله : لآ واعيه الحينه بظهر عندي كم شغله لازم اسويهاا ..
شوق : أووك أنا ميثه كلمتني وقالت بتمر بعد شوي ..
فطوم ومستغربه : مييثه ؟؟!!
شوق : يب يب ميييثه حسيت من كلامها مضايقه مدري ليش ؟؟
فطوم ومتوتره : يمكن عرفت شي ..
شوق وبإستغراب : شي مثل شوو ؟؟

فطوم وتغير السالفه : لآ مااشي اقوول يمكن في شي ..
شوق ومب مطمنه من كلآم فطوم : فطوووووووووم قووولي تعرفييييين شي ؟؟
فطوم : شي شووو بلآج !!! ليش اطاالعيني جييه ..
شوق وبنظره شك : مدري احسااسي يقول أنج تعرفيين شي ؟؟
فطوم : لآ حووول أقولج أناا بظهههر في أمآن الله ..
شوق : أووووووووك مابتقووليين ..
فطووم وتكمل طريجهاا : باااي بااااي ..


دخلت البيت شفت فطووم توها ظهرت رحت اسلم عليهاا ..
فطوم : ميثه !!
رديت : هلا شحاالج ؟؟
فطوم : أهليين بخير الحمدلله ..
طالعتها باستغراب : عبالي راقديين ؟؟
فطوم : لآ مب رااقده عندي كم شغله اسويهن وعقب برد البيت ..
أنا : اهاا مب مشكله عيل تحملي من روحج ..
فطوم وكأنها مستعيله : أوك وانتي بعددد بااااااااااي .. *وتحركت للسياره*

غريبه شو فيها جيه كأنها ماتبي تشوفني !! ومستعيله عالروحه ..
دخلت البيت واستقبلتني شوق : هلااااااااااااااا والله وأناااااااا اقوووووول البييت نووور ..
سلمت عليها : أهلييين شحاااالج شووقووه هيه أكيد كان مظلم قبل هههههه..
شوق : هههههههههههههههههههه مظلم بوجود فطووم وظهرت من شوي ..
رديت : هيه شفتهاا ههههه لآتسمعج ،
شوق : حياااج محددد فالصااله ..
عقب دخلت الصاله ويلسنآآ نسوولف وعرفت من شووق أن حمد ومهاا يمكن يردون الاسبوع الياي..
شوق : وهذي أخبااااااارنااا وإنتي أخبارج وليش يوم رمستيني كنتي معصبه ..
ردتيت بضيقه : مااشي بس تعرفين الوضع سيء ف بيت سيف ..
شوق : شوه الرسميه ههههههههههه بعدج تقولين سيف عمري ماسمعتج تقولين ريلي ..
طالعتها مب وقته تستهبل : شووووووووووووق !!
شوق : ههههههههههههه خلاص خلاص . تدريين أموون كلمتني تقوول ان شيمااء معصبه وحالتهاا حاله
ويالسه تتشكى عن أمهاا عن سعوود وأن ساافر وخلاهاا بروحهاا وللحين ما اتصل لهاا ..
استغربت : هيه وأنا ما اتصل لي ..!!!!
شوق : صججج !!
رديت : هيه والله من فتره اترياا يتصل .. ما ادري عنه شي ؟؟؟؟
شوق : بسم الله شو صااير ..
يوم سمعت هالشي مدري خفت معقوله صاير شي لا لااا ان شاء الله ما صاار شي ..

شوق : مييثه !!
..
شوق : مييييييييثووووه ويين سرحتي ؟؟؟؟
رديت : هلآ معااج ..؟؟؟
شوق : عيل ما مريتي بيت مرت عمي بو نااصر ؟؟
قلت بإستغراب : لييش؟؟
شوق : بلآلآج نستي يوم قلتي أن سلطاان كلمج أن أمه مشتااقه لج وتبي تشووفج ؟؟؟؟
تذكرت : هييييييييييييه هالسالفه من زماان
شوق : المهمممم حراام مارحتي تسإليين عنهاا ..
رديت : مب لآزم عقب المهمممم تصدقيين اساانست يووم افضفض لج ..

شوق : غصصصصبن عنج ههههههههههههههههههه
ضحكت : ههههههههههههههههه خيبه ..
شوق : هيه اكييد بتستانسين ويااي اصلا كل حد يسولف معاي يستانس ههههههههههه
طالعتها بنظره : غرووور ولا ثققه ؟؟
شوق وبكل حمااس : الإثنييييييييين ..
ضحكت : ههههههههههههههههه زين زييين إن شاء الله دووم هالثقه والحمااس ..

\

/

\

/

\

/

\
(( بعد صلآة العششااا )) ..


كآنت نوره يالسه بالصآله وترمس مع حد فالفون وسالف وضحك !!
كأنهاا تبي تزعجني بس الغريب أنها ترمس دانه ؟؟؟؟؟؟؟؟ شو السالفه صارت وايد معاها ..
ولآ أنا ماكنت منتبه من أقبل أنها مع دانه وايد !! أحس في شي غريب من صوب دانه وعمات سيف ..


ليش ظهروا فجأه شو يبون ؟؟ ودانه ليشو ايد تزور نوره وايد أسإله في بالي ..
شربت ماي ورجعت الغرفه كنت أحس بألم براسي وفقد توازني ..
يلست على الارض استوعد المكاان ..
دخل سيف ومنصدم : ميييييييثه !!!!!
وقفت ويلست عالشبريه وغمضت عيوووني لين ماحسيت اني خلاص راحت الدوخه عني ..
وأقدر اوقف .. * وسيف يطالعني مستغرب * !!
سيف : ميييثه !!!!!!! بلآج ؟؟؟ فيج شي
رديت : لآ ماشي بس فجأه حسيت الأرض تدور فيني ..
سيف ويجدم الكرسي وييه عدالي حط ايده على ويهي : مافيج حراره ؟؟ بلآج عيل !!
رديت : مافيني شي ..
سيف : كيف يعني مافييج شي عيل شو الي صاار توه ؟؟

وقفت : قلت مافيني شي * كنت ابي اتحرك بس هو حرك الكرسي ووقف جدامي *
سيف : ويين ؟؟؟
ردييت : بروح المطبخ ..
سيف : يلسي مكاانج شكلج تعباانه بس ماتبين اتقولين ..

كنت اريد اروح المطبخ بس قلت خلني يالسه احس .. يلست أفكر شو السالفه شوفيني صارلي أكثر
من شهر وأنا أعاني من الدوخه والتعب ..
تلحفت لأني بديت أحس ببروده وسيف تم يالس يراقبني ..
أنا : لي متى ؟؟؟
سيف : شو ؟؟

رديت : بلآك جييه اطااالعنيي ماابروح مكاان ..
سيف : هه زين " وعقب تحرك وظهر من الحجره "
شكلي باجر بروح المستشفى أسوي تحليل وفحوصات يمكن عندي نقص فيتامينات ولا شي ..
وبالمره بمر عند ابوي واميه اطمن عليهمم وأشووف حموودي اشتقتله ،
وقفت ورحت صوب التسريحه أعدل شعري .. سمعت صوت نوره معصبه !!!!!!!
استغربت شوو الساالفه .. تحركت بسرعه وظهرت شفت نووره واقفه وترمس بالفون معصبه ..

نوره : شوووووووووو يعنييييييي انااااااا ماابعييييد كلالالامممي قلللللت خلااااص اناا بظههر من البييت ....
ويلست تقول كلام وأنا أبد مب فاهمه مع منو ترمس وعن شو تتكلم أساساً !!!!!!!!!!!!؟؟؟؟؟

فجأه سكرت الفوون ومرت من عداالي ما حسيت الا وادزني بقووو من جداامهاا وكفخت فالباااب بقوو ..
حزتهاا مااعررفت اعبر حسييت بألم فضيييع بكتفي وإيدي .. !!!!
أنا شو ذنبي هيه معصصبه واطلع حرتهاا فيني !!!!!!!!
شوي ويرن جرس البيت ظهرت اشوووف منوو ..
خذييت الشيله وظهرت لماا فتحت البااب كاانت عمة سيف !!!!!! مدري شو اسمهاا ؟؟؟؟؟؟؟؟؟؟
دخلت وتمت اطالعني مدري كيف وفجأه : مييييييثه حبيتي شحاالج ؟؟ "ويلست تسلم"
وأنا كنت اسلم وأنا مستغربه : الحمدلله عموه !!
يلست تلتفت وإدور .. : عيل وينه سيف ؟؟؟
رديت : سيف موجود .. لحظظه ،

رحت اركض بسرعه لين الحجره أدور سيف كان ف حجرته الثانيه الي يكون فالعاده يالس بروحه ..
دخلت شفته يالس وجدامه أوراق استغربت اوراق شو هو مب استقال من الشغل ،!
كنت واقفه مصدومه وهو نفس الشي مصدوم !! ويطالعني بنظره تخوف : مييثثه !!

أنا رديت : سسسسوري نسيت ادق البااب ..
سيف : مافي شي اسمه استأذاان ؟؟
رديت وأنا أتأسف : آسفه والله بس كنت مستعيله عمتك هنيه وتبي تشوفك .. *وكنت ماسكه ايدي مكان ما تعورت*
وسيف يطالع ايدي مستغرب : شو فيها ايديج ؟؟
نزلت يدي : هاا ماشي المهم سيف انا بروح اسوي الجاي وشي بارد ..
وطلعت من الحجره للمطبخ * سويت عصير وخليت الغوري عالفرم *
رحت الصاله وعطيتها العصير والماي : تسلم ايدج ..
رديت : ربي يسلمج ..

عمة سيف : وينه سيف ؟؟؟
رديت : فالحجره ..
ردت : مب مشكله إنتي أخبارج عساج بخير ..
أنآ بإبتسامه : الحمدلله بخير .. *طالعتني شوي عقب كملت تشرب العصير*
شوي ويدخل سيف : السلآم عليكم ، *وطآلعني بنظره روحي داخل *
أنآ اول مره اشوف هالنظره منه بس فهمت قصده وقمت تحركت رجعت
الحجره وانا أفكر ليش ما يباني ايل سمعاهم !!!!!!!! ل هدرجه مايحب أني اكون موجوده بينهم !!
مرت دقاايق واشوف سيف مطرش لي فالفون * ميثه أنا بظهر شوي وبرد عقب لآتترين إرقدي *
كتبت له * إنزين* وعقب قمت من مكاني اشوف نوره شو تسوي كانت اللتات مبنده ..
ومحد لآ حس ولا صوت غير المكيف ..
رجعت الحجره بدلت ثيابي وانسدحت عالشبريه ويلست أقرا كلام البنات فالقروب ..

آمون : أووووووووووف مااات عصفووري كله من الخداامه ..
شوق : ههههههههههههه *فيس يضحك*
آمون : *فيس حزين*
عنود : بنااااااااااات ويييييين ميثووووووه شفت ربيعتهااا ..
شوق : منوو ؟؟
عنود : ربيعااتهاا مال المدرسه قبل هههههه تسألني عن ميثوه ..
عنود : وبعد تقوول سلمي عليهاا وينها المختفيه ..

شوق : ههههههههههههه دومها مختفيه عن البناات ..
ساره : شوق ممكن تسإلين فطوم إذا تقدر اتحصل لي مكان فالمستشفى شغل مكتب ولا شي ؟
شوق : أوك سارووه
أمون : شرايكم نتيمع ؟؟
شوق : ويييين؟؟
أمون : مدري بييتكم أو بيتناا ؟؟؟
شوق : أوك بااجررررر !!
أمون : أوكيه ..

يلست أفكر باجر مابقدر بمر المستشفى ..
وبيتنا ان شاء الله احصل وقت عسب امر عندهم ..
ماحسيت بعمري الا وأنا راقده .. !!!!!

قمت الصبح أدور حد محد فالبيت غيري رحد اتوضاا وأصلي .. وبعدهاا دخلت أسبح ،
بعد تقريبا ساعه ظهرت من الحجره ورحت المطبخ اذا في شي آكله ماحصلت شي ..
وفيني عيااااااازه أطبخ سويت جاي حليب ويلست أشرب ..!!
أنا استغرب سيف متى ينش من رقاده ؟؟ وكيف يقوم ويدبر عمره ..
شكله مايحب يعتمد على حد نهائيا فيقوم من وقت .. تحركت سرت الصاله ،
شغلت قران ويلست أجابل الطوف ،

لين ما شفت سيف : صباح الخير ..
رديت : سييييييف بسألك سعووود كلكم ..
سيف ومستغرب : لآ ليش ؟؟
رديت وانا خايفه : ما اتصل ولا كلمني للحين صرت احااتي وايد ..
سيف ويطمني : لآ تحااتين .. وبعدين تدرين هو مشغوله واو مايحصل فرصه بيكلمج ..
رديت : بس ..
سيف ويقاطعني : بدون بس ..
قلت : زين ان شاء الله مافيه الا العافيه .. سيف بمر المستشفى اليوم ..
سيف : شو بعدج تعبانه ؟؟
رديت : هيه شوي ..
سيف : تبيني اروح ويااج ..
أنا وبانفعال : لاااااااااااا لاااااااا ..
سيف وانصدم حسيته مستغرب : ليش ؟

رديت : هاا مااشي بس مابيك اتعب عمرك وياي بروح بروحي ..
سيف وحاس بشي : ميثه هالكلام مايدش مخي .. فيج شي ؟
قلت : مافيني شي خلاص تعال معااي المستشفى ..
سيف : ماعندي وقت ..
رديت وانا منصدمه : شو يعني ماعندك وقت بشو مشغول ؟؟؟
سيف : انا برقد شوي *وتحرك راح الغرفه *
وأنا منصدمه شو يعني بيرقد ليش هو مب نايم من امس !! وليش ماعنده وقت !!!!!!
/

\

/

\
/
\
/
(( العصرر : قلت بمر عند اميه وأبوي بالأول أسلم عليهم عقب بروح المستشفى ))
دخلت وسلم على أميه .. وحموودي وأبوي كانو يالسين بالصاله ..

قلت : فدييييييتك الغالي ربي يخلييك لي ..
أميه : هيه كله تتفداا أبوهاا ..
ضحكت : هههههههه فدييتج أميه ولا تزعليين .. أنا عندي ام وأبوي غيركم ربي يحفظكم..
أميه : امين يارب .. ها ميثه ان شاء الله مرتاحه ومب ناقصنج شي ..
كنت بقول لها أن سيف استقال وعن إلي يصير معاي بس في نفس الوقت مقدر
اقول لهم ويضايقون .. إكتفيت بإبتسامه ..

أميه : ساره بتقدمم حق الشغل خبرتج ..
رديت : هيه سمعت يالله ربي يوفقهاا .. ومالت على حظي هههههه
أميه : لتقولين جيه كل خير إن شاء الله .. هيه عمتج أم مايد وايد تسأل عنج وتبي إتشوفج ..
قلت : وييين أميه منو بياخذني أروح العين ..
أميه : كلمي ريلج وقولي له بتمرين عندهم ،
طالعت اميه بنظره : شون سيتي سيف ما يسوق !!
اميه : اسمحيلي نسيت ..

رديت : ماعلي * قلتها وانا مضايقه من وضعي مع سيف *
اميه : يالله هوو ليش مايتعالج .. بدال السفرات الي ما منها فايده ؟؟
رديت : والله شو تبيني أقول له .. مايبي يقول مايفيد وماشي علاج تعبت معاه ..
أميه : لآ حول ولا قوه الا بالله لي متى ؟؟ والله لو ادري ان مابيعالج عمره جان مازوجتج ..
رديت بضيقه : أميه لا فات الفوت ماينفع الصوت شو فايده كلامنا الحينه ..
أميه وبحزن ماحبيت اشوف هالحزن فعيونها : يالله ربي يعينج .. اهم شي انج مرتاحه ..

أقولها بلساني وأنا ف داخلي شي ثاني : الحمدلله مرتاحه ..
حمودد كان يلعب ويهمس لأميه مدري شو يقول لهاا ..
أميه :ههههههه حليلك ..
أنا أطلعهم مستغربه : شو فيكم ..؟؟؟
أميه : ماشي حموود يقول يبي بي بي ..
ضحكت : ههههههههههههههه وين اميه خلاص الحينه كبرتي مافيج عالحمل ..
اميه : ههههه الله يغربل ابليسج اناا وين كبرت أميه نبي نشوف عيالج انتي ..
أنا ومنصدمه : شوووووو لاا حمووددد ماافي بيبيااات ..
حمود وزعلان : ليييييش !!!!!

اميه وتضحك : هههههههه يالله الله كرييم اميه ..
سمعت فوني يرن كانت أمون .. *رديت*
أمون : هلالالالالالالالالالالالالالا ..
أنا : أهلين أمون شحالج ؟ عساج بخير ..
أمون : الحمدلله بخييييير مييثوووه ارييد اقولج بنتيمع اليووم بيتناا ونبي نشووفج ؟؟
رديت : هيه ادري قريت المحادثات .. إن شاء الله اذا ما انشغلت بمر عندكم ..
أمون : اوووووووك نتريااج قريب المغرب أوك ..
رديت : إن شاء الله ..
أمون ومستانسه : أوكييك بيباااي ..
أنا : الله وياج. .. *عقب وقفت * يالله اميه السموحه أنا بمر المستشفى ..
أميه ومنصدمه : المسسستشفى !!!!!
رديت : هاا لآ بس باخذ دووا لسيف ..
آميه وارتاحت : عبالي فيج شي اوك اميه مسموحه ..
وقفت سلمت على اميه وعلى ابوي وحموود وظهرت ،
\

/
\

/
\
/
\
(( في المستشفى ))

خلصت التحليلآت ويلست أترياا االنتاايج ..
الدكتوره تقول أن فيني نقص فيتامينات وغيره ..
وإن شاء الله تكتب لي أدويه .. وأكل عدل وما اتعب عمري
وبس تبي تتأكد شو هيه الفيتامينات الي احتاجهاا وغيره ..
يلست أترياا النتاايج .. !!

شفت ربيعة فطووم .. يت وسلمت علي : هلاا والله ..
رديت : أهليين شحالج ؟؟ *كانت اطالعني مستغربه *
ردت : الحمدلله بلاج ميثه جيه ويهج مصفر فيج شي *يوم سمعتها جيه قالت شكيت بعمري*
قلت : هاا مافيني شي ليش ويهي مصفر ل هدرجه ؟؟
يلست ويلست معاها : هيه يبين أنج تعبانه سلامات فيج شي تعبانه ؟؟
رديت : لآ مافيني شي بس مريت اسوي فحوصات ..
ابتسمت وسألتني : صصصصج شوو بشري حامل ؟؟
أنا انصدمت : شووووووو !!!!!
طالعتني باستغراب : بلاج ؟؟ كأني قلت شي غلط .. أسألج ؟؟
رديت : لآ .. بس عندي نقص فيتامينات ..
ردت : اهاا .. يالله ماتشوفين شر ..
قلت : الشر ماييج حبيبتي ، طمنيني عنج إنتي كيف الدوام ؟؟
ردت علي : الحمدلله مرتاحه في شغلي .. *سمعت النيييسر تزقرني*
أنا : يالله عيل اسمحيلي ..