الصفحة الخامسة وعشرون - النهاية ( الجزء الأول ) :

لابد من النهايات .. 
تغير الكثير وربما بعض الأمور من الصعب أن نغيرها !!
فكيف لهُم بأن يكونوا هكذا .. وكيف لي أن أكون هكذا .. 
ربما أتى الوقت للتغيير !
أو تقبل الأمور ،

[ في الفندق بعد صلا المغرب ]

شفت نوره تركض وخايفة : ميييييييييييثثثثثثه ميييييييثثثثهههه ..
أنا ومنصدمة : شوو فيييج بسم الله !!

نوره وماسكتني من إيدي : سييف سييييف مححددد !!!
أنا إنصدمت : شوو تقصديين .. !!!!!!!!!!!!
نوره : رااحح ميثه ساافر وكتب حقي نرد البلاد مع ساره ونااصر ..
إنصدمتت شوو تقول نوره مستحيل سيف يرووح ..
طلعت فوني وإتصلت مره مرييين ثلالالالالااااث محححددد يرد ،

نوره وبخوف : شو بنسوي مييثه .. 
انا حسيت بضيقة شو الي يصير الحين طالعت نوره : نوره إنتي متاكده ؟
نوره : مااشي أي أثرر م مم ممييثه معقولة سافر وتركناا ..
أنا وأحاول ما اصدق : لا لااا ما أظن هدي إنتي شوي يمكن راح مكان وبيرد ..
نوره وتراويني فونهاا : عييل شو معناته الي كاتبة ليي !!!!!!!!!

قريت المسج .. وأنا مستوعبة سيف ليش سوا جية !!
تحركت : تعاالي ..

ظهرنا أنا ونوره ورحنا حجرتة ماحصلناا ولا شي ثيابة واغراضة شنطته !! كل شي اختفى ..
نوره وماسكتني من ايدي : نرووح عند ساره مستحيل نتم بروحنا ..
أنا ومحتاره : م م مدري والله " حسيت بتوتر شو بنسوي الحينة وليش سيف ماخبرني شي ووين سار "

نوره : هذي طريقة سيفف هذاا اسلوبة اذا فكر يتخلى عناا ..
أنا ومستغربه : شو تقصدين نوره !!!
نوره وكانها تتذكر : قبل 3 سنين نفسس الشي تركناا وسافر هنيه والحينة تركناا ..
شكلها تقصد يوم سافر وترك أمها ونوره : بس انتو السبب انتو الي تخلييتوو عنههه ولا نسيتي !!!

نوره : لااااا نحن ماتخليناا نحن انصدمناا من وضعه من بعدد الحاادثث ..
رديت بعصبية : لاتجذبيييييين نوووره أنا أعرف كل شي ..

نوره وتتكلم كانها بتصيح : لااا انتي مااتعرفيين شيي اناا لما قلتلج تزوجيي سييف كان هميي يحصل حد يووقف معااه صحيح في البدااية كنت مع شيمااء وهيه كانت تباج تتعذبين بحياتج مع سيف بسس والله وااالله انيي غيرت رايي اخر شي وقلت بحااول ابيين لهم اني مابييج بيناا بس في دااخلي كنت ارييدج اتميين مع سييف ..
ضحكت : هههههه نوره ماتوقعت جيه تحبين تمثلين وتعيشين دورج ..
نوره : اناا اقوول الصجج حللففت لج والله ما كانت نيتي شينهه ادري غللطتت في البدااية لكنن الحين تغيير كل شييء ..
ردييت : تبيني اصددقجج !!!

نوره : هييه صدقيني هذي الحقيقة ..
قلت : شراايج اخلييج هنييه !!! واروح اناا بعدد ..
نوره وبخوف : وييين ؟؟؟؟ لاتخلييني بروحي هنيه شوو بسوي وين برووح ..
ابتعدت عنهاا : أنا برووح عندد سااره ومابييج اتيين معااي فااهمهه وسيف اذاا مايبيني انا مابييه كل شي انتهى ..

تحركت ايمع اغراضي فالشنطه ونوره تترجاني ما اخلييها فالفدنق بروحهاا ..
وأنا في داخلي كررهه وكل ما اشووفهاا اتذكر تعاملها معاي الي تعبني وكرهني بحياتي مستحييل اسامحهاا ..

نووره : ميييييثه لاتخليينيي هنيه برووحي ..
اتصلت في ساره ..
" ساره : هلالاااا ميثوووه !!
قلت : ويينج أن آبييه عندكم .. 
" ساره وستغربة : عندناااا !!!!!!!! ليش شو صار ؟
قلت : إنتو متى راجعيين ؟؟ ..
" ساره : باجر بنرد ليش ؟؟
رديت : خلاااص عيل الحيين بمر عندكم انتو حذال الفندق الي انا فيه صح ؟؟
" ساره ومب فاهمة شي : هيه بترياج تحت لو تبين ..
قلت : هيه تسوين خييير الحينة بلبس عبايتي والشيلة وبظهر ..
" ساره : خلاص مب مشكلة بترياج ..
رديت : مشكوره يالله مع السلامه " وسكرت "

بعد ماخلصت لبست عبايتي والشيلة ..
نوره يلست : يعنييي بتم برووحي !!!!!!!!!! 
رديت : تميي برووحج تستاهليين انا وايد كنت اسامحج انتي وامج لكن خلاص كل شي انتهى ووصلي الكلام لسيفف ..
شليت شنطتي : مع السلامه ..

كانت تطالعني بنظره حزن وخوف .. " ظهرت من الفندق وانا كلي قهرر وكان كل شي ظهر من قلبي الي كتمته سنين"
كملت طريجي ليين ماوصلت عند ساره " كانت نوره تتصل مارديت عليها "

ساره وتسلم علي : شو صار ميثه ؟؟
رديت وانا ابتسم : ما صار شي برد معاكم ..
ساره وشاكة ان صاير شي : وين سيف ووين نوره ؟؟
رديت : موجودين في الفندق بس شكلهم بيطولون وانا قلت برد معاكم ..
ساره وتساعدني شلت الشنطه : يالله عيل تعالي ..

يلسنا نمشي حطيت فوني سايلنت وصلنا الفندق الي فية ساره وناصر ..
عقب رحت حجرتهم .. ساره كلمت ناصر وهو قال مب مشكله بتم معاهم لين باجر ،
ساره : ميثه شكلج ما استانستي وقلتي بتردين ؟؟
رديت : لا بس خلاص مافيني اتم برد اشوف سعود وامي وابوي وحمود اشتقتلهم ..
ساره : ليش مستعيلة تمي كم يوم وعقب ردي ..
قلت وانا معصبة : قققققلت ماااابي !!!
ساره وانصدمت : خلاص آسفة ..

> 

< 

> 

< 

> 

[ بيت بو سعود ] ..

في الصالة كانت أم سعود وبو سعود وسعود وشيماء وحمود يالسين مع بعض ،
أميه : سعود مابتروحون بيتكم يمكن حرمتك مضايقة هنيه ..
طالعت شيماء : مدري أميه ..
شيماء : لآ عمووه بنتم هنيه لين ما يصح سعود ..
أميه : مدري امية البيت بيتكم بس انتي في البداية قلتي مضايقة وتبين بيت بروحكم ..
شيماء : عموه عادي نتم انا وسعود معاكم هنيه خلاص انا مابي نروح بعيد ..

انصدمت من كلامها وامية نفس الشي طالعتني تتحراني انا جابرنها ججية تقول ،
أميه : والله الي يريحج مب مغصوبين اتمون معانا ..
أنا طالعت شيماء : من صجج ؟؟
شيماء وتبتسم : هيه اريد اتم هنيه مرتاحة مع عموه في بيتنا اتم بروحي سعود خلنا نتم هنيه ..
رديت : خلاص عيل نرد البيت .. 
أميه وفرحانه : البيت بيتك اميه حياكم والله البيت بدونكم ولاشي ..
ابتسمت لاميه : والله دنيتي بدونكم هيه الي ولا شي .. 

شيماء : ربي يشفيك وتقوم بالسلامة ..
رديت : شيمووه شو بتسوين لا مت ..
اميه على طولي عطتني ضرربةة في كتفي : لالالا تفاااااااول على عمركك ..
شيماء وتضربني من الصوب الثاني : بسم الله عليييكك ..
أنا : خييييبة شفيكم كفختوني خلاص برووح باااي ..

حمود : ايييه لاتروووحح ترى بعطييك بوكس ..
انا اطالعهم : شو هاا متوحشيين انتوو هههههههه
ضحكوا : ههههههههه " حتى ابوي حسيتة يضحك علي "
شيماء : حموود اضرب اخووك خله يعقل ..
حمود : لا ما اضرب اخوي العود ..

أنا : كفوووووو
امية : ههههه الله يغربل ابليسكم ضحكتوني بس خلاص اميه ..
شيماء : عسب مره ثانية لايفاول على عمره ..
رديت : زيين ماماتي الثانية 
أميه : يالله بقوم اسوي لكم العشاا ..
شيماء : بساعدج عموه " طالعتها وهي ابتسمت لي "
قلت في داخلي الله لايغيرج ..

> 

< 

> 

< 

> 

< 

بعد العشاا :
(( أكلم شوق فالفون )) 

قلت : شووقووه قلتلج بررد بااجر لاتسالين واايييد !!
شوق : ميييييثووووووووه تدرين أن مايمشي معاي هالكلام سيف وينه ؟؟ ونوره 
رديت : أووف الله بلشني بمحقق كونان ..
شوق : لآتغيريين السااالللففةة حركاتج أعرفهاا قوولي وين راحو عنج ؟؟
رديت : سيف تركني وسافر ..
شوق وتصرخ : لاااااااااااااااا والله !!!!!!!!
قلت : شوي شوي زيين هيه والله راح خلاص برايه اناا تعبت منهم باجر برد مع ساره وناصر ..
شوق وتضحك : هههههههههههه والله هالسيف طلع قاص عليج من البداية ..

رديت : لاتعورين قلبي زياده ..
شوق : شو تعورين قلبج برايه ميثه صدقيني انتي مب خسارنه شي ردي بيت ابوج احسنلج ..
قلت : هذا الي بسويه انا أعرف سيف اذا قرر يبتعد مستحيل يرد ..
شوق : لااا يررددد حسستيني انه مهتم فيكم وايد يالله يشوف عمره ..
قلت : خاطري اشوفج شوق ..
شوق وتضحك : فدييت الي يبي يشوفني واناا تعالي ميثووه ..
ضحكت : صدقتي عمررج يالله باي ..

شوق ومعصبه : هيييييييهه انتي ميثووه لاتستهبليين ..
ضحكت : ههههههه خبلة انتي ترا ..
شوق : سييري لاه بروح أكل شي بااي ..
ضحكت : هههه افاا شوق ..
شوق : يالله باااااااااييييي ههههه
قلت : بالعافيه مع السلامه .. "وسكرنا "

ساره واطالعني منو شوق ؟؟
رديت : هيه شوق هههه خبلة والله بس اشتقت لهم ..
ساره : باجر رادين ألحينة ارقدي وارتاحي ..
قلت في بالي ميثه كيف بترقدين ونوره بروحهاا لهدرجة قلبج قاسي !!
> 

< 

> 

< 

> 

< 

(( الصبح تجهزنا نرد أنا وساره وناصر ))

ناصر : ساااره مييثهه يالله بسرررعههه ..
أنا : هذي سارووه ساعه ليين ماتتجهززز ،
ناصر : أنا أدري هالبنت دووم جييييه .. صح ميثه متاكده سيف مابقول شي؟
رديت : مابيقول شي انا بمر الفندق شوي ..
ناصر : اها اوك 

" عقب ظهرنا بتكسي انا وساره وناصر وقفو عند الفندق ونزلت "
رحت الغرفة الي كانت فيها نوره .. " دقيت الباب محد رد .. 
سألت الموظف وخبرني ان الي كان في الغرفة ظهر من الفندق وسلم مفتاح الغرفة استغربت !!
نوره وين راحت !! معقولة غيرت الفندق .. كملت دربي وانا يالسة افكر ،

رجعت لساره وناصر ورحنا المطار كانت ساره حاسة ان بالي مب معاي ..

بعد ماخلصنا اجراءات السفر لمحت من بعييد كانهاا نووره !!! مع حد منوه الشخص الي الي معااها ريال غريب ،
ماقدرت اشوف اشكالهم عدل كانو صادين صوب ثاني بس عقب قلت لا يمكن مب هيه وبعدين مب معقولة نوره
تطلع مع ريال ما نعرفة هذا شكلة غريب ..
ساره : شو فيج ميثه شو اتطالعين ؟؟
قلت : ساره شوفي الي هنالك هذي نوره ؟؟
ساره : لاا .. شوفيج وايد تفكرين فيها ..
رديت : مدري شكلي من زود ما افكر بديت اشك فالناس ..

ساره : ليش شو صاير معاكم ؟
رديت : ها ولا شي ..

" عقب كملناا وركبنا الطيارة " 
ووصلنا بسلام .. مر الوقت ببطىء وانا طول الدرب افكر شو صار مع نوره معقولة تعرف حد !!
تذكرت الريال الي شفته في البيت منوو يكون معقولة نفسه الي شفته في المطار لااا ماا اظن ..
ساره وتحط ايدها على راسي ويبهتي : فيج حراره !!!!!!!!
رديت : احس عمري تعبانه ..
ساره وتكلم ناصر : ناصر نمر المستشفى ؟؟؟
ناصر : مب مشكله بس اصبروا شوي مطولين في الدرب ..
ماحسيت بعمرى فجأه حسيت بتعب فضيع حسيت ببرد وحر عيوني كانت تنزل دموع ..

ساره وماسكتني : بسم الله عليج ميثوه بلاج ..
رقدت في حضنها : ساره برقد شوي ..
ساره وتمسح على راسي : رقدي ارتاحي شكلج تعبانه ..

ناصر : شوفيها ؟؟
ساره : والله ما ادري ناصر استعيل شوي ..
ناصر : أوك ..

> 

< 

> 

< 

> 

< 

(( مر الوقت – في المستشفى ))

بطلت عيوني : أنا وين ؟؟
شفت ساره يالسة عدالي في الكرسي : في المستشفى لاتحاتين مافيح الا العافية ..
ابتسمت : ادري مافيني شي نرد البيت ..
ساره : صبري شوي وبيظهرونج بس الدكتور يباج ترتاحين شوي هنيه ..

رديت : ساره كلمتي اميه طمنيهم عني ..
ساره : لآتحاتين كلمتهم وطمنتهم عليج وهم يتريونج متى تردين ،

فجأه دخل سعود : ميثوووووووووه !!
وييه عندي ومسك ايدي : بلاج ؟؟
رديت : شفيك مافيني شي ..
سعود ويطالعني بشك : شو صاير معاج خبريني ؟؟
" ساره ظهرت "

رديت : والله ماصار شي بس جيه تعبت فجأه يمكن لاني مواصله ،
سعود : خبللهه انتي تدرين انه درب واتعبين عمرج ليش !!
ضحكت : ههه جب زين مدري منو الي تعبان فينا ومريض ..
سعود ومنصدم : عرفتي ؟؟
رديت وصوتي مبين اني تعبانه : وكيف ما ادري سمعت سيف يوم كان يكلمك ..
سعود : لاتحاتين صحتي بخير خافي على نفسج والله من صوتج يبين انج تعبانه ..

قلت : مره ثانية أي شي يصير معاك خبرني ..
سعود : ان شاء الله المهم ارتاحي شوي ..
غمضت عيوني ورقدت وقمت على اذان المغرب ،
شفت سعود يالس عندي .. قلت : ساره وين ؟
سعود : ردت البيت .. يالله بسج رقااد شو ناوية ترقدين اليوم كله ،
عدلت يلستي يالله عيل نرد البيت ..
سعود : تحسين عمرج أوكيه ؟؟
رديت : هيه .. بقوم اصلي عقب بنرد البيت أوك ..
سعود : اوك ..

> 

< 

> 

< 

> 

رجعت البيت مع سعود ولما وصلت مدري حسيت عمره في حلم كنت مستانسة بشوفتهم
سلمت على ابوي ويلست اسولف معاه وسلمت على اميه وحمود ويلسنا كلنا مع بعض 
حسيت بالفرحه نسيت التعب الي فيني صح امية كانت مضايقة مني ليش اتعب عمري بس
عقب رضت ويلست تخبرني بانهم كلهم مشتاقين لي عماتي وخالتي ويبون يشوفوني .. 
قلت لها انا بعد مشتاقه لهم ..

ولما اذن العشا صليت ورديت الصالة انصدمت يوم شفتهم كلهم ..
عماتي وخالتي ومهووه وعنودووه وشووقوه وفطووم واموون وعمووه ام مايد كلهم موجودين..
سلمت عليهم ويلست اسولف معاهم ولا حد فكر يسالني انتي ليش هنيه وين ريلج عنج ..

كأن سعادتهم نستهم أني متزوجه وعندي بيت ..
يلسناا برع في حوش البيت وصوب الثاني يشوون ،

شوق : فدييييييييتهممم ..
ضحكت : هههههه حبيبتي والله ..
عنود : ونااسة والله كلناا هنيه والجوو الحلوو هذاا ..
مهاا : اييييه اناا ريلي تم برووحه حراام بررد ..
شوق : أي بروووحه تووه قال لي انه وياا الرببع ومحد يتصل فيني .. هههههههه 
مهاا : حلفييييييييي !!!

ضحكنا : ههههههههه
شوق : اخوي واعرفه من يوم يهايط ههههههه مستحيل يتم مكان واحد ..
مهاا : شووقووه لاتقولين عنه جيه خليه يستانس ..
عنود : خفي عليناا مهووه ..
مهاا : ماقلت لكم ..
كلناا : شو !!
مهاا وتبتسم : في الاسبوع الثالث الحينه ..
شوقوه : شووووووووو بستوي عممممهههههه !!!!!! لاااااا تقوليين
مها : هههههههههههههههه هيه ..
كلنا : مبرووووككك ..

شوق وتسوي عمرها تصيح : لااااااااا ماابي اسوي عممهه ..
مهووه : والله شوقووه بتنضربيين .
شوق : هههههه اسوولف وياااج عقباالي متىىىى اتزوج ويكون عندي عياال ..

ناصر : قرييب بنت عمي ..
كلناا انصدمناا من ويين طلع !!
ساره : بسممممم الله من وين طلعت انت ..
ناصر : هههه يني .. تفضلو " وعطاناا من الي يشوون "
ساره وتشل الصينيه : الله ريييحته تجنن ههههه تسلم ايدكم ..
ناصر : عوافي .. "وساار صوب الرياييل "

شوق : سااااروووه من متى أخوج حاط عيينه علي هااا !!
الكل ضحك : هههههههههههههههه
ساره : ههههههه بروحي انصدمت ماتوقعت ..

شووق : ويييه اناا مابييه هو اصغر عني بسنتيين ..
عنود : ويعنييي ,,
آمون : وااااااووووووو شكله يحبج شوقوووه ..
شوق ومستحيه : جب اموون انتي لاتتدخلين بسوالف الكبار ..
الكل : هههههههههههههه
أنا : شوقوه مابتحلصين احد احسن من ناصر ..
ساره : هييه والله فديت اخوي ..
فطووم : يالله اختي ان شاء الله تتزوجين ونشوف عيالج ..
شوق وتوقف : ايييييييه انتو مب على كييفكم ..
كلنا ضحكنا عليها : ههههههههههههه

أنا : بمر اشووف أبوي شوي ..
البنات : أوك خذي راحتج ..

قمت وسرت عند أبوي كالعادة لازم مع منصور ولد عمي ماشفت احد متعلق فيه كثره ،
سلمت : السلام عليكم ..
منصور : وعليكم السلام .. ميثه شحالج ؟
قلت : الحمدلله ورحت يلست عند أبوي وقلت : ها ابووي بعدك متعلق بمنصوور ..
أبوي ابتسم .. دخلت اميه وحطت دلة الجاي والقهوه : ابوج من يومه مع منصور يذكره بعمج الله يرحمه ..
كلنا : آمين ..
أميه : لو فايدي جان زوجتج منصور ..
أنا انصدمت كيف تقول جيه اميه : أمييه !!
أميه وتضحك : هههه ..

منصور : عموه دامني مب من نصيب ميثه دوروا لي حرمه ههه ..
أميه : تستاهل كل خير إنت مثل ولدنا .. قولي عساك مرتاح في شغلك ومع مرت ابوك وخوانك ..
منصور : الحمدلله مب مقصرين معاي ومرت ابوي دوم تسال عن ميثه ..
أميه : هيه ادري بها كله وين ميثه ..
رديت : شكلها تحبني .. منصور شرايك عندي حرمه مافي مثلهاا ربيعتي وأدري انها بتسعدك ..
منصور : والله الي تشوفونه انتو اهلي ومالي غيركم ..
اميه : لا اذا من ذوق ميثة لاتحاتي ..

كان في بالي خولة ادري مافي مثلها صحيح عرفتها من فتره بس والله والنعم فيها وبترتاح من اهلها لاتزوجت ..
قلت : يعني منصوور موافق ..
منصور : شرايج عموه ..
أميه : والله لو تبي من باجر نروح نخطبها لك ..
منصور : ماتقصرني اميه .. "وطالع ابوي " اكيد ابوي مستانس حقي ..
شفت ابوي فرحان ..

أنا : أغاااررر ليش ابوي دوم يفرح لمنصور اكثرر عني ..
اميه وتضحك : ههههههه لا اميه يحبكم كلكم ..
منصور : يالله عيل السموحه أنا بروح عند الشباب " وباس ابوي على راسه وظهر "
اميه واطالعني : لو زوجت منصور مب احسن لج ..
أنا : امييه لاتقولين جيه خلاص قضاء وقدر ..
اميه : خبريني وينه زوجج عنج ؟؟
أنا : بيرد عقب " وانا في داخلي ادري انهم بينصدمون عقب "

أميه ومب مطمنه : يالله عيل انا بروح أساعدهم ،
وظهرت اميه تمين عند ابوي وخبرته كل شي صار معاي طلعت الي بقلبي ..
ماحبيت اضايق بس اطلع الي بخاطري ..

شوي ودخلت شيماء ..
كانت راقده ، شيماء : السلام عليكم ..
أنا : وعليكم السلام ..
شيماء ويت حضنتني انصدمت !!
شيماء : ميثهههههه اسسسسسف اسسف على كل شي ..
أنا مارمت اتحرك انصدم تشو الي صاير !!
شيماء شوي وبتصيح : ساامحيني ..
أنا مدري لاول مره احس ب هالشعور ومسكتها وحطي تعنيها بعييني : شيماء بلاج أنا مسامحتج ..

شيماء : جذاابه ادري مابتسامحيني ..
رديت : لا سامحتجج خلي عنج انتي مثل اختي ..
شيماء وتبتسم : صج ؟
رديت : هييه ..
آمون دخلت عليناا : شيمااااااااااااااءءء قووميي عن ميثووه ..
ووقفت في النص ..
أنا اطالعها : هههه أمون بلاج ؟؟
أمون : مييثووه بس حقي اناا ..
ضحكت : ههههههههههه الله يغربل ابليسج ..
شيماء وتمسكهاا من ايدها وتبعدهاا : منوو قاالج وبعدين بعد أنا احب ميثه ..
يلسوا يضاربون شرات اليهال وأنا اطلع واضحك : ههههههههه

سعود : لآ حوول من متى اجتمعن الخواات الحين شو بيسكتهن .. ميثة تعالي برمسج في شي ،
ظهرت مع سعود برع ..